2023-07-04 21:23:04
وتمايل بيه على وقع خطوات
راقصه استغنت عن الالحان الا
صوت شفاه ترتطم بشفاه وتغرد بعمق ..
ترنح جسدي وعقلي تجاوز حدود السعاده .. وتخطيت مدى الفرح. واني اسمع اعترافاته
( حبيبتي فطومه بعيد ميلادج
عندي الج هدايا )
اصغيت بهيام لكلمة ( هدايا) ؟؟؟ واسترسل بالمعنى
1
( اول هديه احب تتاكدين ان مع اني اتعاجز من الصلاه .. وماتستهويني الحسينيات .. الا اني داحاول اتعود لان احبج .. مثل مااقدر محاولاتج ان تدعين الجراءه بعلاقتنا .. واحس تخونج الشجاعه باغلب الاحيان
واحنا بوضع ميحتمل تتراجعين
وتغمضين عيونج .. وتختارين گوصتي تبوسيها بدل شفتي ..
الااني سعيد بزواجي منج .. فلا تبتأسين اذا يوم ماصليت او يوم اختاريت مااوديج عند الساده )
نزلت نظري عنه .. واسرعت انامله لرفع نظري وكانه يتحداني ان اقابل بوح عيونه بالحب ..
واكتفيت بابتسامه مرتعشه وسوال خافت
( هالاعتراف المقصود بيه .. ان
استمر بمحاولة جذبك لعالمي
لو ماكو امل ولازم اتقبلك كما انت )
تلهفت كل خليه بجسدي لسماع
جوابه .. واهتم بمواصلة تمايلنا
مثل مااهتم بالجواب
1
( هالاعتراف معناه نقبل بعض التقصير ومنخليه ياثر على مشاعرنا .. شنو رائيج )
1
جاوبته بعبث ( افكر ) ؟؟
ارتضى بجوابي ورد بضحكه صادقه وسالته عن بقية الهدايا
خطواته الواثقه قادتني للميز حيث الكيكه والشموع
( طفي الشموع وتمني امنيه
وبعدين الهدايا )
طفيت الشموع باول عيد ميلاد بحياتي ..
وبعد التهنئه والقبل
قدملي ورقه
( هذا عقد .. )
اتسعت عيوني دهشه حتى قرا مضمون العقد
( ( هذا عقد.. .. ايجار بيت قريب من الساده مثل ما كنتي تلمحين اليه ..)
4
عانقته بقوه واوشكت على هل الدمع وهو يمنعني
ازدادت سعادتي وقطعت حديثه
بشكره وتقبيله عشوائيا بكول وجهه
( هذا حلم .، وابد ماتوقعت توافق .. نتحول من الشقه وتتحمل مصاريف الايجار .. علمودي )
استقبل قبلي بقبل وضحكات ودوده .. وذكرني بهديه اخيره
7
( انتظري فد عشر دقايق ويوصل مصور
ناخذ صوره سويه .. مامعقوله
من يسالونا اطفالنا عن صور عرسنا نجاوبهم ماخذنا صور )
4
فز تانيب الضمير داخلي .. وحاولت اجمع شجاعتي. واعترف اله بشربي حبوب مانع
الا ان الليله كانت اشبه بخيال واي حقيقه ممكن تفسد الليله وخيالها ..
56
نزعت الحجاب اللبسته بالصور
وتبعته للغرفه وهو واگف گدام الشباك ويتامل منظر الاضويه والشوارع ...
وكفت گدامه مستنده براسي لصدره ..
وتشاركنا في رسم المستقبل
( دافكر نستقر اهنا .. وابيع بيتنا القديم بالكاظميه .. وابدي اشتغل بسوق الاسهم مثل ماديسوي كرار فياخذ الاسهم بالشركات التجارتها او انتاجها حلال .. اما الوظيفه فاشوف طريقه اتخلص منها )
استداريت بجسدي وقابل وجهي وجه .. وايدت كلامه
( ياريت .. على الاقل اهنا .. الناس عدها حريه العقيده ..والامان والفرص للعمل والادخار )
6
وذكرني بحرص
( اذا هيج لعد شدي حيلج على الدراسه وحصلي الشهاده حتى تتوظفين قبل لايصير عندج طفل )
1
كلماته جلدت ضميري .. وسلبت
انصهاري وياه بليله مملؤه بالمشاعر الحميمه .. تركته فيها
يودي الحب متفرد على جسد تحجر .. بفعل صحوة ضميري
6
واصدر كلماته العاتبه
( شبيج اليوم كانما سياره محتاجه دفعه ... ولا حسيتي بيه .. يجوز لان حامل وتعبانه )
انهت صبري وسكوتي .. واعترفت مقره ومذعنه
( ضرغام اني مو حامل .. متاكده لان اشرب حبوب مانع )
صراخه كان اسرع من ايده وهو يصفعني
( هيجي متصورتني غبي .. تشربين حبوب مانع من ورايه
ليش ؟؟ )
نهض بانهيار وجاوب سواله
بغضب لايوصف
( متريدين تخلفين من ابن مصطفى .. حقدج على ابويه خلاج تستغفليني وتخدعيني وچ اني حتى الساقطات العرفتهن مااگدرن يستغفلني .. )
رفع صوته وصاح ( جاوبي لاتسكوتين )
من وسط الدموع والم الصفعه جاوبته بارتجاف
49
( لا چنت منتظره نعقد رسمي والله .. موبالي غير شي )
1
بدى يلقط قميصه من الارض ويلبس قميصه واديه وكلماته ترجف
( موعقدنا قبل شهر .. بس انتي تريدين تحوليني لسيد يصلي للفجر ... يله حضرتج ترضين عليه وتبطلين تشربين حبوب )
18
تتاوش جاكيته ونطق بحرگه
(زين سويتي ... هيج انفصالنا اسهل )
نهضت لتهدئته .. لزمت اديه
4
( اسمعني والله اني اعترفتلك لان قررت اتروك الحبوب )
دفعني بقوه للسرير جحضت عيونه وگف جامد بلا حراك
6
( وانتي تقررين بكيفج )
وگف قريب مني واعلن عن غضبه بكلمات نابيه
( فعلتج تدل انتي وحده حقيره
والديانه مجرد غطاء مزيف تضهرينه للناس لاستغفالهم )
81
ترك الشقه .. الساعه ١١ بالليل
وغرگت بعده بدموع واهات ..
20
ومحاسبة جمود مشاعري فلو كانت مشاعري ملكه وخاليه من القيود لتركت الحبوب الا ان جواي مازال خوف من ضرغام ونشئته وتاثير ابوه
652 viewsㅤㅤㅤㅤㅤㅤ, 18:23
ر
