#روايات و#قصص #عراقيه #واقعيه

2023-07-04 21:23:01 11
مابقى اعتراض .. والزاد نشال والجاي تقدم وكامت  ملكه  على حيلها وهي تستاذن بالطلعه بهذا المطر والليل
5
سمعوا كلامها  واعترضوا على طلعتنا بالليل .. الا ان ستار  افتهم القصد  وشرحه لخالي والبقيه 
( احسن وقت هذا .. الدنيا مطر
وهوى عالي ..  حتى لو اكو واحد مراقبهم .. هسه ولى وراح )
10
شكل دشداشته.. وفزع   ولده
( يله بويه  جيبوا  اللايت والفانوس ..  وتوكلوا  بالله )
8
بهمه يخالطها بعض الخوف ..
خلوني بطانيه وشالوها من الاطراف ..
وتبعتني امي وملكه .. بعد مااتركت الصوغه للبنات الصغار
ودعت حبايبها .. ودعت عدويه بالاشاره  بالكف
9
صعدنا بسيارة ستار البرازيلي
واخذوني للمحطه ...
1
مضى القطار ... بينا ....
مثل مضيي العمر والذكريات ..
وندوب السنين ... وجروح المحطات .....
تعاتبني ... وتعذرني ...
واشكي وابوح .. مثل مريض 
وكشف  اعراض علته النفسيه والجسديه ....
33
—————-
نضال
غيمه دخان  عاليه  غطت المطبخ .. صادره من جدوره تفور  مثل گلبي ...
هدرت اول جدر .. وقبغت الجدر  الثاني .. كمت  بلا حيل فتحت الشباك  واشتميت الهوى  لفحتني برودته  وقشعر جسمي
1
ويه القشعريره  .. نزلت  دموعي ..
وهاجمتني الملامه .. ودگت طبول الشوگ بگلبي .. وعيوني تمنت شوفته
كعدت ادير العين بين ليلى المشغوله بثرم السلاطه..  وبين
الملا  .. وبحت  باليجول بخاطري الها
( ملا تتصورين كرار زعلان عليه
لو مشغول .. تتصورين افتهم قصدي لو اتصورني  متعاجزه من الطبخ واللمه   )
1
حدقت بعينها اتامل  تبدد  ضنوني بجوابها ..تلازمنت كلماتها ويه  صوت خرز السبحه

( ام كرار  لاتلومين نفسج .. انتي حاولتي ان تلبين  رغبة مرته  ان متبقى رايحه جايه  بين بيت امها وبيتنا  حتى لاتاثر على لمتنا الانحرمنا منها من سنين ..
هي تفكر  مثل اي زوجه تريد زوج تطبخ اله وتجهزله  .. وياكلون سووا وتبدل  براحتها وتتزوگ  وهو يريد نلتم يوميه على الغدى  ويعوض الحرمان الشافه   )
6
جوابها أربكني اكثر  ورحت اشرح الها  موقفي  بدفاع  قوي ومبرر
( اني مو ضدها بهذا الشي .. لكن كرار  متعلق باللمه ويريدها تصير وحده من جيش بريطانيا
يعني تندمج ويانا ،. وهي اجتني بكول ادب وفهمتني  احجي وياه
وشفت هالشي من حقها البنيه ترجع من الدوام الظهر تريد ترتاح مو تبقى بحجابها  وملابسها علمود الاكل )
12
باوعتني  وسالتني سوال
( وليش ماهي فهمته وقنعته ليش خلتج بالوجه وطلعتي انتي الي تريدين ترتاحين من الطبخ
وانتي تدرين كرار حساس وهاي صار يومين مامر  عليج  وبخباثه يخابر ليلى ويسالها عنكم  )
18
ثارت كلماتها بيها فوضى عارمه داخل گلبي وگطعته بلا رحمه
( يمكن البنيه  حاولت وياه ومااقتنع ولجئت اليه .. واني شفت محاولاتها تخليه يبطل جگاير ..  ومن حجيت ويه كرار گتله يوم هذي اجمل ايام عمركم ..  ومستحيل تتعوض
فلا تتقيد بعادتنا باللمه على الغدى والعشى وانطي لفضه فرصه تطبخ الك .. وتلبس گدامك .. واحنا مطايرين )
نزلت عينها وحجبت عني اشوف الملامه بداخلها  وهي تكولي
( والنتيجه شنو )  وجعلتني استعيد جواب ابني
( بين عليه الزعل وكلي .. ليش يوم  مرتي ضايقتج بشي .. اشتكت من هالوضع .. واضطريت انكر طلبها وجاوبته لا بالعكس البنيه دخلت گلوبنا
بساطتها وطيبتها..  طفى جكارته بالنفاضه  ونهض متعصب وگلي (يجرالج يوم)
  نادى عليها وسبقها بالطلعه  )
18
نكست راسها للگاع وايدها سندت وجها
( والله مااعرف  ..مااگدر  اخذ ذنب البنيه  .. وانتي  اعرف بابنج
حساس زايد )
1
زادت حيرتي والافكار تحولت لجحيم يحرگ گلبي ..
گامت ليلى من مكانها وعينها عليه خلت السلاطه على الكاونتر
ورجعت كعدت قريب مني .. وباست خدي ولمع الذكاء بعيونها ..   وانطتني اقتراح

( .. اذا فضه تعبانه  من الروحه والجيه .. احنا  گاعدين ماعدنا شغل وعمل  نروح عليهم وناخذ غدانا ويه  غداهم  .. هم نتونس وهم نحافظ على لمتنا ..  )
11
صدحت الضحكه من الملا .. واخذت تمتدح  اقتراحها
( والله عفيه عليج .. اشو البيت مو بعيد والسياره موجوده  )
مسحت دموعي وبغيض  لزمت گلبي ومنعته  يستجيب  لكلامهن
( لا مااروح .. انتطر للخميس  اشوفه بالحسينيه واحجيله كولشي .. لعد مرته تلجأ اليه ومتعرف تصلح بيني وبينه او تخابر وتگولي شكرا لان سانديتني وبالمقابل  تساندني وتفهمه ان هالشي الصالحهم )
18
طفيت الجدوره .. وطلعت اتوضى لصلاة الظهر ..
وعند رفع ايدي للتكبير .. فات حكيم   .. ومابداخله ظهر واضح بعينه ..
وتوجه ب لهفه يدور على الراحه بكلماتي
( هااا .. الجماعه مراح يجوون على الغدى ... )
هزيت راسي  وجاوبت مخنوكه ( لا )
أرخى راسه على الباب وغمض جفنيه لثواني .. واشتكى الوحشه
( وحشه البيت بدونهم .. فالشهريين الفاتت من عرسهم رجعتنا لمعنى اللمه  والعائله المتماسكه ) باز کردن / نظر دهید

2023-07-04 21:23:00 بيت ساميه يفصله عن بيت خالي موحان سياج طيني ناصي
ومهدوم من جهة التنور .. حتى النسوان بالبيتين  تستخدمه طريق مختصر. بدون الحاجه للبس عبايه ..  وتگدر اي وحده تقتحم المطبخ  وهي سفور وتطلب  حاجات بسيطه مثل ملح او  خمره ووو
والبيتين  بيه الرجال والنساء اقارب .. فابو ساميه ابن عم خالي .. ومرته  الاخذها بعد خالتي  تصير اخت مرة ستار ابن خالي ...
33
ابتديت مراقبتي الدقيقه لساميه
    من طلعت بيدها صينيه  ... اول ما دققت بيه هو معانيها  من عيون سوده  وگوذله داكنة اللون عابره فوگ الربطه
وبشره خمريه وجسم ممشوق
فماكو شي بيها يختلف عن بنات القريه  لتكون  صاحبه بركه ..
شمرت بقايا الاكل بالصينيه للدجاج ..
ورفعت ايدها  للسلام على عدويه التنظرها 
وتقدمن وحده. على الثانيه. من السياج
   .. وگفن للسوالف .. في عادتهن اليوميه  وسرحت  في وجه و ايمأءات ساميه  وبدت اليه ( حزينه .. جديه  محمله بالاضطهاد  ) وهالشي توضح مم نادتها مرة ابوها ( اسوميه  )
ابتعدت عن السياج بخوف وجاوبتها بهلع
( هااا يومه )  وبقسوه ردتها
( خايبه اوجع  تعاي بساع )
5
طلقت الرجليها  السباق مع الخوف ... وتوارت عن نظري
الا ان فكري بقى يحلل كلمة ( خايبه وجع من مرة ابوها .. ويقارنها بين عبارة دخيل بختها
ويزيد من تساؤولاتي .. عن السبب اليخلي مرة ابوها مجرده من الخوف من الطريحه )
12
وراحت  عيني تكتشف الحنه  على اركان  بيتهم ..  واحسب كم علگ مربوط   بالوان مختلفه ..
خلاني اقتنع ان هالظاهره متأصله في هذا الريف ويغذيها
الحب الفطري  لابو فاضل
ويستغلها  افراد  ل مقاصد  مختلفه ... وساميه  اكيد وراها مقاصد من ادعائها الطريحه لدرجه تحرمها من الزواج في مجتمع تعد البنيه للزواج بعمر مبكر ...
11
مرت عليه ١٤ ...  تثاقلت بداخلي. الهموم .. وحسيت وجودي اهنا طال عن حده ..
وخاصه اني  مااگدر  استخدم  الحمام الا بمساعده وحده من البنات .. اضافه ان خالي  يشدد على النسوان ان يعزلن اكلي عن بقية العائله لان يعرف  طبعي وتربيتي البعيده عن الاختلاط ...
والصعوبه الي يواجهنها بغسل المواعين  ونقل المي وتصفيته
كول هذي حسستني ان هالنسوان  مع كرمهن وطيبتهن واعتنائهن الا  كول دقيقه بحياتهن مليانه مسؤوليه وشغل وانتاج .. ومناقصات حمل اخر

1
جن ليلي  وحان وقتي لاقصد باب  ربي واللجوء اليه
والدعاء  برفع الضر عني . و ان تنتهي هالرحله وارجع لاهلي ...
8
واستمريت في دعائي .. وطرقي لباب رحمة الله الواسعه
مرت  علينا عاصفه ماطره بقوه 
وبتنا
  في الليله ١٧  بظلمه  مابددها الا ضوى الفانوس   بعد ماانگطعت اسلاك الكهرباء....
وانجبرنا  نسكن بفراشاتنا  ..
بلا حركه .. او صوت
ويه اشتداد المطر .. سمعت صوت  حنين ينادي
( ابو ستار خويه .. ابو ستار )
وجاوبها خالي بنخوه
( حياچ  ياهي ام حسين ؟؟ )
7
تعالت دگات گلبي وصمت اذاني
عن صوت المطر .. مامتوقعه وماصدگه .. وجود  امي ..
گمت اجر برجلي .. وتناوشت  الفانوس  ادور على حجابي ..
ولگيته. يم المخده ..
لبسته  وتقدمت ويه اقتراب صوتها  وسوالها بحنيه
( شلونكم  ؟؟ )
6
تقابلت عيوني المشتعله بالشوگ  بعيونها  الفايضه حزن
4
مشت  بسرعه ودارت ايدها حول رگبتي .. وهزتني  نوبات الدمع والشهگات .. والفانوس
اخذته عدويه مني .. حوطتها  باديها  وخليت راسي على جتفها
نادتني
( يمه زهوره شلونج )
13
وحلت الشكوى. الحملتها سنتين
واعلنتها  بحضنها 
( مشتاقتلج يمه ).. شفت ملكه تنزع عبايتها  الملطخه طين ..
9
وتتوجه عليه بالحضن والشم  بنفس طويل ... وحجابات محنى
( فدوه اغديلج حبوبه زهوره )
21
انتچيت على اجتافهن ومشيت


تسارعت النسوان للضيافه.. وتركني بالغرفه ويه امي وملكه
1
وباقل من ربع ساعه تقدمت صينيه  بسيطه   من خيرات الريف العراقي  الفايض
وكعد خالي يمنا  يسالهن عن مخاطرتهن 

وجاوبت ملكه عن رحلتهن 
(  بعد مانتحمل   افراگ زهوره
اتفقت اني وسهام نجيبها واليصير يصير )
ادهشهم عزمها وراحوا يشجعوها  بكلمه ( عفيه )
واخذت تكمل المغامره
(طلعنا للزياره  نجف وكربلاء
زرنا ودعينالكم .. وطبينا للسوك
وافترينا   النهار كله نطب من محل ونطلع من محل
.. وب نص السوك
سويت نفسي تخربطت وطحت
التمت الناس وصارت قيامه  بعد واحد مايشوف الثاني .. عبالهم متت وسهام تهفي عليه وتبچي والمطر  منا  يصب علينا
تراكضت الناس  وجابوا تكسي .. صعدنا بالتكسي .. وصلنا للكراج
واجينا ناخذ زهوره بالقطار   )
29
واني سالتها بخوف
( شلون اروح والامن يدور عليه )
وطمنتني امي 
( الامن دوروا بتنا   وقعوا سيد فتاح  تعهد يسلمج  اذا  اجيتينا     واني راح اضمج بيت  جدج لمن  اشوف چارة عيالج ورجلج شني وبلكي الله يضهر مضلوميتج  ) باز کردن / نظر دهید

2023-07-04 21:21:05 الله يدري بياحال بعد عن الامن وعندج الحساب .. والدعاء عليهم حرام )
12
دققت  على كلامي بعيون مفتوحه  ومراضيه على السمعته مني .. وتابعت اوضح الها قصدي
( خاله .. كولي الله يفك شدته مثل مافك شدتي .. اياد خوش ولد بس الظروف عكست ويانا
جان يجي من الجبهه يتلگاه المختار  وين اخوك .. وامه  تريد اطفال .. اخواته يريدن يطلع حسام من البيت   غير مإسي الحرب اليشوفها  )



20
باوعت عليها حطت ايدها على خدها  وصفنت   وقريت الاحساس بالحزن بوجها 
..
وكذلك عدويه باوعتني بحزن وطلعت تلبي نداء امها الها  ..
وبطريقها ناوشتني القران
وگعدت بفراشي اقراه بخشوع  .. واتامل اياته
واستمد الصبر  من معانيه ...
وياخذني تدبري ساعات الليل الطويله ...
ارجع  بالحنين ل امي ... وابويه
ويلازمني الخوف عليهم .. من ان يكون الامن داهم بيتهم او حقق وياهم
واعتصر  ذاكرتي  واجمع  گبالي صورهم وملامحهم ..
فاتصور سيد فتاح ماد سجادة الصلاه  وينهي صلاته ويدعيلي
واشوف امي  تبچي وتعاتبني
لان اخفيت حقيقة زواجي .. وعيالي
وتمسح دمعها  وتصاب بنوبة شوگ  وتحتويني بحضنها  وتهون عليه  احساسي بالالم  ...
واتصور فاطمه  بعقلها وايمانها الثابت  تهون عليه بكلمات
وتقنعني ان مافشلت  وحاولت
وكل الصار ابتلاء 
9

محيت دموعي باحرام صلاتي ..
وزحفت  المسافه البسيطه بيني وبينها
على البساط  المدود بين عده افراشات  تغطي ارض غرفة افهيده وهي مره عجوز 
من خالات  امي  وعايشه عند خالي  موحان  لان ماعدها خلفه
يتكفلون بيها ...
وصلت يمها وسديت الراديو الباقي يشتغل يمها وهي تشخر
ورجعت عدويه للغرفه وبيدها  التكمله للعلاج  وگالتها  باقتناع تام
( امي تگول خلي تاكل حتى يصك ضلعها )
خلت الصينيه يمي وتربعت  وعزمت ان تشاركني 
الاكل   بطاسه فافون مليانه دبس وراشي .. وحروف خبز بايت  منظرها ثار  شعور الجوع عندي ..
سبقتني  وغمست خبزتها  .. وسال لعاب شهيتي مع سيلان الدبس على اصابعها وتداركته بلحس  استمتاع   افقدني المقاومه  اكثر  .. مع ان العشى كان تمن ودجاج ومامر عليه الا ساعه ...ومازال مخزون في معدتي  ينتظر دوره في الهضم
13
ورحت اغمس الخبز وتلاحگ خيوط الدبس  السايله من الخبز بلساني
11
.. واستمع لاحاديث  عدويه النابعه من عفويه مطلقه
  وبدتها باقتراح
( اگلج  علويه ماتخليني اخذج  لساميه باجر الصبح
وتخليها تشوفلج  شيصير مايصير برجلج    .. شو البيت بصف البيت  مو بعيد  وامي تعبرج من يم التنور  )
تنهدت بوجع  وجهت الها  كلامي
( الخيره مأومن بيها. وبعدين ساميه صغيره  شعرفها بالخيره )
شهگت وسحبت الهوى وفتحت عيونها وصدر صوتها  بتخويف
(لا تگولين هچي .. تشور بيج ..
كونچ ماتدرين ساميه طريحة ابو فاضل .. )
10
استغربت المسمى ( طريحه ) وبحثت عن معناه  بحجي عدويه
( اگولج شنو معنى طريحه )؟
9
كترت الطاسه بعيد عنا  بعد مافرغت من محتواها  
وكعدت تسولف باسهاب وايمان بكول كلمه تنطقها
( طريحه يعني ابو فاضل صاح براسها .. وانطاها علم والناس تاخذ منها مراد وتتذر الها وهي  وتكشف الهم وتعرف  كلشي تطلع الحالف چذب  والبايگ
والقسمه الزينه  )
36
اخذت نفس عميق وكملت حديثها
( بس خطيه مايصير تتزوج .،ابو فاضل مانعها من الزواج )
83
وقطعت اندفاعها في اقناعي بالخرافات بالاعتراض بصوت واضح
( هذي خرافات وادعاءات على العباس ابو فاضل وعلى مكانته
كشهيد وكأبن  بار من ابناء  الامام علي عليه السلام  .. وكعبد صالح ضحى  بدمه  عن الاسلام )
9
جعدت حواجبها  ولجئت تستغفر  بارتباك
( استغفر الله ..  عمي لا تعمين علينا بحجيج هذا.. خرافات شلون )
اخذت تعدد  معجزات الوهم الحققتها ساميه
(  انتي لو تطبين يوم واحد  لبيتهم وتشوفين النسوان التجي
هاي التريد  تحبل والي تريد تعرس .. والي تريد تعرف ابنها اسير لو شهيد .. چان صدكتي )
10
استغرقنا الليل بمفهوم الطريحه
فهي تحاول تثبت   قناعتها  بوجود الطريحه

وحاولت ادحض  قناعتها بالادله والبراهين  القرانيه ...
اما الصبح  فاكتشفت ان جميع  مصدگ  بالطريحه  من  مرة خالي   وجناينها الاثنين  وبناتها
و ساميه الهي بنت خالتي  اميره  الماتت  ٧١. وتركت ساميه عمرها سنه ... وابوها تزوج  من الاقارب ..
لاحظت  من يذكرون اسمها اتبعه عبارة دخيل بختها ..
سبقت وسمعت هالعباره الا اني فهمتها  هسه ..
ولاني عرجه  لااقوى على الوقوف ورجلي زادادت سوء بفعل الدگ
5
   ..
لگيت في مراقبة ساميه من  شباك غرفة افهيده   المطل على بيت الطريحه ... شغل اقتل بيه الوقت  وبنفس الوقت لعلي اكتشف هفوه  تدحض تصديقهم بالطريحه ..
خليت المخده الصبح  وكعدت اتفرج حيث يعم السكون  على القريه
ونسمات الهوى البارده  تختلط احيانا بريح خفيفه ... باز کردن / نظر دهید

2023-07-04 21:21:05   تصفح

جرب البريميوم
تسجيل الدخول سجّل اشتراكك

#في_الغرفه_التاسعه
من قبل zeanab_almusawi


#في_الغرفه_التاسعه٥٥
71.9K 5.3K 3.7K

بواسطة zeanab_almusawi
#
#في_الغرفه_التاسعه٥٥
#زينب_الموسوي
______
السلام عليكم
48
ارجوا   ذكر  (يامغيث ) بدل التعليق

#الجاسوس
263
——————-
زهراء
من سنين عمري الاولى .. كنت اريد واحلم واتمنى ..
حلمت بعيد عن القيود ..  وتجاوزت النجوم ..
8
اما اليوم فكل الاتمناه .. ان تنتهي الطرقات .. ولا ابقى بين المحطات ...
....
تناوشت علاگه الدوى .. وصحت
على  بنت ابن خالي  وحذرت يكون صوتي مسموع  للديوانيه البرانيه ..
8
( عدويه .. فدوه لعينج گلاص مي )
وصلني صوتها الناعم    اليتناسب تماما
ويه تقاطيع وجها الصافي  وعيونها السوده  وجسمها الفتي    بعمر ١٤
وهي تقترب من الغرفه تضحك
5
( عدنا ماي ماعدنا مي )
19
وتبعتها ملاحظه امها  التتكرر على اسماع بناتها  في كل وقت وحين ..
( ضحكتج  عيب .. الديوانيه متروسه زلم )
عضت على اصبعها بنقمه حاره
برزت بعيونها الطفحت من مكانها .. وجعلت عدويه  تستكين .. وتلوذ بالگعده يمي
بعد ما انطتني المي بگلاص احمر بلاستك ...
4
التفتت وراها. ضحكت وخنگت ضحكتها باديها 
( ياااا خالتي فهيده تشخر. والراديو. يصيح ويستريح )
5
التفتت لمكان افهيده  وشاركتها الضحكه المخنوگه  وحجيت بصوت ناصي
( صح هي نايمه بس الصبح تگعود تحجي كول الاخبار  وكانما  ابد ماناميه  )
2
لعلعت ضحكتها  ومطت الكلمات بلسانها ( تگعود  ... وكول
صار لج  اسبوعين  ويانا  ماتعلمتي الحجي )
8
( لا تعلمت هوايه .. منچ ومن خالتي افهيده .. ومن ساميه
بنت خالتي   اميره  )
ورادت تتحداني بالكلمات التعلمتها
( كولش شتعلمتي  مني )
اخذت ثواني افكر بينما هي ترجع الادويه للعلاگه وتحاول تتهجى  ف عدويه بنت ستار الجبيره  وتاركه المدرسه بالثالث ابتدائي .. حتى تساند امها وتعينها على الانتاج المحلي في زيادة عدد الاطفال بالعراق بمعدل طفل كل تسع اشهر ..
بعدها نتتظر جوابي .. وبديت اعدد
( تعلمت منج اگول خاله بدل باجي .. وبويه بدل يابه ويمه بدل يوم .. ومن خالتي فهيده تعلمت. من واحد يبچي من الجهال  ويضوجها تكوله( وزهر )... ومن ساميه تعلمت عوذه ..
صدحت ضحكاتنا .. واجانا التحذير من امها  باقسى العبارات
( سود الله وجوهجن على الضحك وين  گاعدات بالولايه )
44
رجعنا لكتم الانفاس  وسجن الضحكه ...
كشفت رجلي واخذت ادور باصابعي حول مكان الورم ..
ومن حيث لاندري صدر صوت خالتي فهيده بالسوال
1
( علويه شلون صارت رجلج )
تبادلت النظره ويه عدويه  شركت هي  بالضحك.. بينما جاوبت بيأس
( والله ياخاله بعدها مثل ماهي )
وتبع اجابتي  عرضها المستمر عليها
( لو تاخذين حجايتي وتخليني ادگلج عليها .. بالعباس تصبحين   مثل الفرس كلشي مابيج )...
والياس والالم ومنظر رجلي المخيف .. جعلني اقبل بعلاجها
وانهي رفضي المستمر عسى ان اتشافى  واكوم اساعد بالشغل
فالگعده مو طبعي والخجل من
معاملتي كضيفه اصبح يعذبني
ويحرجني
7

زحفت يمها  وعدويه صاحت امها  واختها الصغيره حميده
جابت ابره خياط  جبيره
15
ولزمت رجلي  
وگالتلي ( عضي حجابج بسنونج
ولاتصرخين )
4
تمددت بحضن مرة خالي
وخبطن الرماد والمي ... ترددت من شفتهن التمن عليه ..
( اشو خفت .. ليش لازماتني 
مو خالتي افهيده گالت ماياذي
والرماد يخدر  الوجع )
ترددي اجى متاخر  .. فلزمت ايديه  وحده من البنات
1
وشرعت افهيده بعملها
واخذت تضرب بخفه حول منطقه الورم  ..
وازداد قوة الضرب  .. عضيت على حجابي .. حتى شاغت روحي .. وتكاثف العرگ على گصتي ..تصاعد وجعي
وصرت اقاوم واصرخ ( كافي بعد مااتحمل .. عوفني )
وبالمقابل جابهني بقوه  رافضه
واسمع رفضهن ( تحملي خلصتي  )  صرخت صرخه اخيره
وذاهت روحي باديهن ... خلتهن
يتباعدن عني ..  بعد اتمام الدگ
واخراج الدم من رجلي ..
وبقت عدويه  يمي .... تهون عليه الالام لاتطاق  وتشاركني الدمع
23
( يله خيه خلصتي هسه تنامين وترتاحين )
ركضت مرة خالي وجابت مخده
خلت جوى رجلي ..
وباوعت على الدم  ينضح بطيء
والالم يزداد  وانتشر بمفاصل جسمي  ..
خليت راسي على المخده ..واصبحت مستقر ومستودع لدموعي  وحسراتي
12
واسمع دعوات افهيده على اياد
تسبقها حسرات طويله 
(  ايييه عساه بحضه وبخته وعافيته
رجلج الخسيس )
وجهت عيوني ودموعي الها ونهيتها 
( لا خاله لاتدعين  عليه )
جرت دموعها  وردت عليه باستنكار
( يااا   هاي سوايته  وضيم  المر عليج  وبعدج تريديه ..  صدك ماعندج گلب .. علويه خلي يولي
مايستاهل الحسافه وداعتج )
13
وضحت الها قصدي بعيدا عن العاطفه
( مو قصدي اريده .. بس اكيد هو هسه بشده .. واخواته وامه باز کردن / نظر دهید

2023-07-04 21:18:24 ونبهني ابوي على الخطر
( بويه انتي ماتروحين ... كلشي يصير ويطلعون يراقبونا فخليها اهناك وديلها هدوم وحاجات
والجماعه مثل ماااجوا يردون لوحدهم ومنخلي علينا شبهه ابد )
صبرت على گلبي .. وجلدت روحي على افراگها ..
ونعادت تفاصيل قصتها من اخوانها التقوا بيت جدهم واستفسروا من خالهم ...
وعصف بيهم الغضب وصاروا يتوعدون لاياد وعمامه ...
1
وبتلك الليله اتفقوا علي وابوي
يروحون لعمام اياد ويعرفون سبب اتهامهم لزهراء بالتبليغ على عيالها ..
امضينا ليلنا بالشكر لله والامتنان لنعمته علينا ...
الصبح اتصلت بنضال وطمنتها
فالبعد المسافه مابعد گلوبنا عن الشكوى والبوح.
وعرس ابنها مامنعها مشاركتي الحزن والقلق ..
ومن الصبح اندك بابنا.. دكه خمشت گلبي ...
وگفت بسد الباب وعلي فتحه
وسمعته سلم
( اهلا حجي شاكر تفضل )
عرفت من الاسم هو المختار وصديق ابوي ..
وراحت كلماته تلوح بالتحذير وهو ينصي صوته
( اگلك اختك زهراء جاي عليها استفسار من الامن .. اذا موجوده عدكم حاولوا تطلعوها )
شفت حنجرته طگت وهو يبلع ريگه ويجاوبه
( حجي فوت انت بنفسك وشوف ماكو بالبيت نسوان غير بنت عمي رقيه ونرجس وامي
وفتش بيت جدي وخالو زيدان
وصار جم يوم ندگ عل رقم عيالها. ميجاوبون )
بان بصوته الشك وگله ( اني حبيت احذركم اخاف يطبوكم بالليل .. وراح اكتب بالتقرير ان اهلها ماعدهم معلومات عنها )...،
21
————- باز کردن / نظر دهید

2023-07-04 21:18:24 ( عمو لازم اوصل خبر لاهلي لان متاكده اجوي على عيالي
اليوم لان اتفقوا ويه زوجي يجيبني او همه يجوون عليه )
وبحكمه وعقل فهمني
( بنيتي حقج اذا كلبج اكلچ على اهلج .. لچن المصيبه جبيره
البيت الچنتن بيه .. بيت مهربين لايران والبلد يطي شباب بحرب ويه ايران من ست سنوات
والحكومه متغفر الخيانه والمعارضه تعتبر موقفهم خيانه .. فمو الاحسن تظلين اهنا .. ومتضرين روحج ولا اهلج بتصرف غلط )
1
وشاركت حديثه ام صالح
( وانتي ماهي طويبه ( مريضه .. ومابيج تمشين .. الاصلح تضلين اهنا )
تبعت رائيهم وظليت ليله ثانيه
وباثناء صلاتي بالليل تذكرت
خالي بالرميثه .. وشفت يوصلوني اله افضل حل
1
.. والصبح سالت ابو صالح بعتباره شيخ حسب ماعرفت من سميعه
.. ( عمو تعرف رجال من الرميثه اسمه موحان )
عقج گصته وانتبه على الاسم واندفعت احجيله
(موحان خالي والناس كولها تعرفه . بالرميثه
وديني عليه وهو يتصرف اما يروح لاهلي او يوديلهم. خبر بعد مايتاكد ماعليهم مسووليه )
وراح الرجال يذكرلي اسماء شيوخ واسماء عشاير .. مجرد عرف عشيره امي ...واسترسل بالاسئله عن المنطقه .. وذكرتله كول معلومه اتذكرها من حجيات بيبي ملكه ..
عرف المنطقه الساكنها خالي
وهم بنشاط
( بويه باجر اخذج واوصلج لعد بابهم كلش )
5
( وانه هم اروح وياكم اوصل لعلويه اخوالها واتعرف عليهم )
حجتها ام صالح وهي تبوسني وتمسح على اجتافي ..


17
حمدت الله وشكرته .، السخر اليه خلقه وعباده .. والتفوا حولي .. وبرحمته الواسعه حصني من التهلكه ..
سهرت الليل بالصلاه .. من جلوس فرجلي اصبحت ثگيله يصعب عليه اوگف عليها او اثنيها )
5
ودعت سميعه وتشكرت منها
ودعت اليه بالتوفيق ودعيت الها بالستر دنيا واخره ... واخذت عنوانهم بالضبط على امل الله يكتب اليه ولاهلي السلامه واوفيهم الشكر على انسانيتهم ..
طلعت بوشيتي من الجنطه ولبستها
توكلنا من الصبح للسفر لخالي موحان .. اني وابو صالح وزوجته
..
3
..
امشي واتجى على جتف المره
واباوع على الزرع وحبال الملابس المشروره على شمس الصبح الخفيفه ..
والبيوت البسيطه المتباعده يطير منها دخان التنانير بريحة العجين والخمره تحت نار تلهب تجعل من السهوله تخيل النتيجه هي خبزه مكسبه حاره من ايد فلاحه مكافحه..
9
امتلى صدري بهوى نقي عليل
صافي مثل نيتي الماعكرها
كول المريت بيه وبهالنيه
دعيت ربي بتسهيل امري .. فالخوف مصورلي ان العالم كوله مراقبني ويريد يقبض عليه
ومن تمر الناس وتسلم على ابو صالح وتساله ( راشده ابو صالح )؟
ويجاوبهم ( واجب رايح اگضيه )؟
يوگع گلبي واتذكر الموقف المر عليه ....
صعدنا بالسياره .. ومن اول حركة تحركت بيها السياره بدت السوالف بين ابو صالح والسايق .. وماخلصت الا وصلنا .. ونزلت السياره من الشارع العام للترابي ..،
واخذنا جهه بعيده عن الشارع .. گعدنا بيها اني والعجوز .. وابو صالح مشى ابعد عنا ... ورجع وياه رجال
وشباب اثنين ميزتهم من ملامحهم ان ذولي خالي موحان واولاده لان يشبهون خالي زيدان و عماد وابنه فرات ..
ركضوا بهمه وگفوا الشباب باجسادهم القويه المشدوده گبالي وخالي
مد ايده بذهول اليه
( علويه زهراء حياج الله خالي )
3
تطلعت عليهم ممصدگه وصلت لهنا ... لكن  ايماني جعلني اصدگ نفذت من التهلكه
.. والابتسامه على وجه ابوصالح طمنتني وهو يبشرني
( ذوله اهلج بويه .. وصلتي )
حضنت خالي .. وبچيت واني اردد
( الحمد لله )
فمن الظلام لاح بصيص امل
ومن الدرب الوعر .. سلكت طريق معبد ..
16
——————
سهام
لبست عبايتي وطلعت مستعجله. وخليت ملكه وراي
طبيت برهبه لبيت ابوي .. وگام تلگاني خايف اطيح
( على كيفج زهراء موجوده وكلشي مابيها )
شفت اخوي موحان وابنه ستار
انلزم لساني وتلجلج گلبي
( ها خويه ابو ستار الجابك شني .. زهراء لو غيرها )
2
ومثل ابوي وگف ولزمني من ايدي وخاطبني بصوت متاثر
( شده وگضت وطلعت بتج سلامات .. )
8
گعدت گلبي مخطوف والدمعه بطرف عيني
اسمع الصار وجرى على بتي .. وخلاها تخاف
توصلنا ... او حتى تتصل بينا ..حسيت الحچي مثل سچاجين تگطع بيه وعرفت شني المكدرني من يوم عرسها
ثاري زفيتها لجبان ..
22
وبگد فرحتي بسلامتها .. انهضمت من عملة رجلها وگدام ابوي واخوي وابنه حلفت
( وبخت جدها الطلعها من هالشده .. الا اخذ حقها من اياد واطلكها منه وافضحه گدام عشيرته النذل الجبان ... يريد يفر ومودي بتي للمهربجيه )
4
هدأني ابوي وصار يشير عليه وشار عليه ابوي
( اكلج بويه شتشوفين اروح اجيبها .. واخليها عندي .. خاف رجلها بالتحقيق يجيب طاريكم وعنوانكم .. لو نخليها اهناك
اخاف هم ينطي عنوان بيتي )
1
فكرت وحسبت وعرفت حجي ابوي وارد ..
( اگول تبقى .. واحنا نروح الها ) باز کردن / نظر دهید

2023-07-04 21:18:24 وخشيتي على اهلي دفعتني اصعد ..
2
بالتكسي شفتها غطت وجها ..مثلي .. وجاوبت السايق من سالها
( بنياتي وين رايحات بهذا الوقت
للكراج الدنيا غروب .. والكراج هسه مابيه بس الجنود لو يلتحقون لو نازلين اجازه )
ضغطت على ايدي اتصورت احجي ..
من شافتني سندت راسي على الجامه والعبايه طاحت من راسي ..
وزغللت عيوني ... وبقى بس صوتها اسمعه
( حجي اذا هيج سوي علينا انسانيه وصلنا لاهلنا .. واحنا مثل بناتك .. وهالتشوف البت هاي فرفحت من المرض )
وصدر صوته بنخوه
( وين تريدين بويه اهلج لو باربيل اوصلجن بس كون مااوراجن طلايب )
4
ردت عليه وهي تميل راسي على حضنها .. حيث اوشكت على الاستسلام لنوم اقرب للاغماء
بفعل الوجع والخوف المتصاعد
( كفيلك الله ومحمد وعلي .. الظلم والناس المتخاف الله طلعتنا من بيوتنا ...
واهلي اكرب من اربيل .. وكونك
تسوي علينا معروف وتوصلنا للشطره وتشوف اهلي منين )
43
اخذتني كلمة الشطره لخيال بعيد بيه شفت خارطة العراق ..
واتصورلي لابسه صدريه وبيدي مسطره خشب واگفه گدام صف كامل مليان طالبات واشرت بالمسطره على جنوب العراق .... وغفيت على تصفيق للطالبات ...)
(اشفق على نفسي التي لم يفهمها احد .. فرحت اصدق امتداحهم لثباتي وتحملي ..
وماادركوا اني ممزقه .. واخيط اوصالي بأبر خيوطها اوردتي )
7
غفوتي الطويله .. انتهت من وعيت على نسوان اثنين يطلعني
من السياره ..
وعيت على الهوى البارد يضرب برگبتي ومنه ادركت نفسي بلا حجاب ..
وتمددت بغرفه دافيه وعلى دوشك ناعم ...
والدفء حاط بيه من الغطى وصوت مريه عجوز گالت باذني
( نامي حبوبه وامني )
وكلماتها سرت عليه كمفعول دوى مهديء ونمت فعلا .

1
صوت الديچ وعاني من الفجر
فتحت عيني وباوعت مفزوعه ..
على جهتي بنيه نايمه .. وجاهل بسله .. وبوفيه النضده بيها محمله لحافات بالوان زاهيه
وريحة الخبز الزاكيه عبت الغرفه ..
ندهت البنيه خايفه ..
( يابنيه يابنيه اگعودي عفيه اني وين )
4
تململت بفراشها .. حلت الطفل من كماطه وگعدت بتعب موجهه نظرها عليه
( هااا شلونج هسه )
( الحمد لله .. وين اني والبنيه الجانت ويايه وين راحت )
تعدلت ومدت رجليها وصاحت باعلي الصوت
( سميعه سميعه .. اكلج تعاي صويحبتج گعدت )
ملت براسي على الباب . وشفت البنيه كعدت ولمت دشداشتها وتبعتها مره عجوز ..
گعدن وتربعن للسوالف وبدنها بسوالي عن صحتي وليش اعرج
جاوبتهن عثرت ورجلي انفصخت ..
وصارت البنيه الاسمعها سميعه تحجيلي ..
( الله نجانا انه وياج وودالنا سايق من اهل الله وصلنا كلش للباب وبات عدنا وتوكل لاهله گبل لاتكعدين )
10
تلقيت كلامها ببشاشه واتسعت ابتسامتي ورفعت راسي للاعلى وجاوبتها
( الحمد لله على عظيم فضله وهو ولي المؤمنين )
4
نزلت راسي واخذهن الفضول يعرفن منو اني واصلي وفصلي
ذكرت اسم ودمعت عيوني من خوفي اذكر اسم ابويه
( اني علويه اسمي زهراء ..)
صار عدهن احساس اني خايفه
وراحت سميعه تعرفني عليهم اكثر
( هذوله اهلي .. وقسمة الله ودتني للكوت وتزوجت من معارفنا خطبة نسوان .. وصار ست اشهر شفت بيهن الويل من اهله وتاليها الزلمه يشرد من الجبهه.. وبسطني وداني للبيت الشفتج بيه على اساس يهربونه لايران .. )
خليت ايدي على خدي ونيت بقهر
( واني مثلج واهلي بغداد .. والله يدري هسه الامن شلعبوا بيهم )
وعرفت على العجوز
( هذي امي ام صالح .. وذيج شكريه اختي جايبه اوليد صار يومين )
واشرت على البنيه اليمها طفل
وبعدهن يسالني عن اهلي ومكانهم .. ودخلت امريه ثانيه ..
وگعدت نفس گعدتهن .
وگالت ( انه جنتهم مره صالح )
وبالوقت الاسولف بيه الم رجلي يتصاعد
كشفت عنها وشفت ورمها صاير اعلى من جف رجلي ولونها ازرگ ..
واهتمن بتمريغها بدهن طبخ سمنه( دهن حشايش )
و ام صالح .. سوت اليه طريق حتى ادخل للحمام ...
ومن طلعت ويايه للحمام لان الحمام برى
.. وطلبت حجاب منها
جاوبتني
( اطيج ربطه من ربطات البنات .. وامني ماكو زلم بالبيت بس الفريخات الصغار. والشايب راح يعازي بالناصريه واحد من گرابتنا جابوه شهيد .. ومن يرجع باجر ياخذج لاهلج وين متردين )
9
قضيت النهار عدهم .. وضيفوني احسن ضيافه ..
ومن الشباك بالهول باوعت على المنطقه وخضارها والحلال منتشر والبنيات الصغار يلعبن
ويعاونن امهاتهن
دب بداخلي الامان .. وحسيت من واجبي اخاف على هاي العائله الأوتني وماسببلهم بوجودي مشكله ويه الامن . وخاصه ان الرجال الجبير ( ابو صالح )
من اجى وشفته رجال خير وفاهم .. حجالي ان اكو. احتمال ان الامن يوصلون لاهلي .. مدام الوكيله بالامن اخذت اسمي فلازم يقبضون عليه حتى ياخذون اعترافي على المهربين والافضل اضم نفسي كم يوم عدهم ..
2
واعتذرت وضحت للابو صالح باز کردن / نظر دهید

2023-07-04 21:18:24 ( گومي يبنيه راحوا )
طلعت راسي مااعرف اني وين
ولا اعرف شاسوي بهذا المكان الموحش المگطوع ..
.. ساحت دموعي وارتجفت اوصالي ولزمتني الحمى
.. رفعت راسي
وجاوبته الولد مخنوگه
( والله مااگدر اگوم .. اخاف بعدهم مراقبيني .. )
انداروا حولي وانبرى واحد منهم يشجعني
( صدك جذب كومي يمعوده نوصلج وين متريدين .. قبل لا الناس تنتبه )
1
وعن بعد لمحت نسوان مجتمعه ومصوبات النظر علينا ...
بتردد گمت .. وحسيت الحجاب مو على راسي ... سحبت العبايه على وجهي ....
وجاوبت سؤال واحد منهم ( وين تريدين تروحين )
تشوش تفكيري ... ومااعرف شگوله ...( اروح لعيالي بلكي الحگ عليهم وينهزمون )
هز ايدها. مستغرب .. وسخر من كلامي
4

( ياعيالج عمي افلتي بجلدج لاتخاطرين .. وخلي ابالج احتمال انكبسوا )
باوعت بالوجوه محتاره
( والله ماادري شاسوي )
2
تحذرت انطي معلومات عني ..
الا القليل وشفت ولد منهم ركض ودخل لبيت قريب ... اتصورته راح يخبر عليه .. وجعني گلبي
3
بينما البقيه يسالوني اسئله هوايه
( شجابج اهنا )
( منين مهزومه ) .. انهاريت. بالبجي والخوف ضيع ادراكي
وكل الحجيته هو ( ماادري ماادري شجابني .. )
مشيت عنهم والتفتت وكتلهم
( جزاكم الله خير ماقصرتوا )
3
وبعد ابد مالتفتت مشيت .. ماعندي اي فكره .. ولا قوه
ماعندي الا الله امشي واطلب منه المدد والهج بذكره
( المدد الاهي .. المدد ياربي )
10
فقدت السيطره على دموعي .. وحرارتي تصاعدت .. مشيت بعيد عنهم بخوف .. وعقلي يوعزلي ابتعد عن المكان .. فحتى لو واحد من الولد ساعدني فاحتمال الجوارين تشوفني وتخبر ..
مشيت وابتعدت عنهم .. والتفت على الجهتين يمكن. اندل شارع او اشوف تلفون ..
وكل الشفته منطقه مگطوعه حتى البيوت بيها مكامله من البناء ..
تخربطت خطواتي .. والدموع خلتني اتيه الدرب .. لكن لمحت خيال مره تمشي ومشيتها مخردله كانما مهزومه .. جايه ورايه .. گلبي جاسته بروده .. وامنت ان المدد قادم من الله
4
.. صارت المسافه قريبه بينا
واشرت بايده بمعنى (تعالي) .. ورفعت ايديها على حلگها تنبهني اسكوت ..
اقتربت مني وعرفتها المره الثالثه الانهزمت من البيت ...
لزمتها لايدي رعبتني .. حاولت اجرها لكن قبضتها كانت اقوى انتچت الثانيه على جتفي تلهث ..
( خايبه وعلي عرفتج خايبه ومابيج خير )
اذهلتني عصبيتها وانفعالها عليه وشدت بمشيها وهي تصيح بيه بحزم
( امشي ولج ولاتتلفتين ..حسبالج راح يعيفونا والله ينبشون علينا بابره وانتي ماخليتي شي ماحجيتيه )
8
مشيت وياها اثنينا متوجهين للمجهول ونصب عيونا مخلين
الامن بكول وحشيته وفتكه يدور علينا
گلبي احسه انشلع من مكانه وامتوني تملخت من المشي باسرع قدره
والحراره شبت بيه من رجلي لراسي .. واسمع لومها عليه وعلى نفسها
( انوب راحت فلوسنا .. وهذا والزلمه مراح يصدكني هو واهله العگارب ..)
ماحجيت ولا رديت عليها بس امشي وياها واسمع حجيها النابع من خوف وخضه وهي تثرثر وتهذي
5
( انه طلعت من البيت وظليت اهم بيج من سمعت حجيج ويه المره وعرفتج مصخمه ملطمه مثلي مااگدرت اشرد بروحي واتركج مثل الواحد ولزم رجليه وخلاني اتانيج بلكي تفلتين منهم
)
انگطعت انفاسها .. واخذت الدور اني بالحجي
( رحمه على والديج بس وصليني للكراج حتى اروح لاهلي بغداد )
صعدت العصبيه عدها وتعابير وجها اعترضت عليه
( اهلج وعيالج هسه اشتعلوا شعل خايبه شو انتي حتى حجي متعرفين تحجين .. اذا انتي كتيتي بالسوالف على هاي الوكيله بالامن .. شلون بعد تامنين مااراحوا لعيالج واخذوا عنوان اهلج )
وگفت وتعالت لطماتي لوجهي
( شنو هالمصيبه ياربي .. بشنو ادعي عليك اياد .. )
5
استندت على باب محل مسدود
انهد حيلي ومابقت عندي طاقه لتحمل الالم برجليه ودي اگصها واخلص من هالالم
..
وگفت گبالي تغطيني بعبايتها وتحثني على الاستعجال
( اگلج خيه تحركي بساع .. انه اريد الحگ على الكراج واروح لاهلي واخذج وياي ظلي عدنا يومين .. وابوي يسافر لاهلج ويجيب الاخبار )
4
غمضت عيوني بوجع لايطاق وصدر صوتي بتوجع
( اهلج ؟؟ وليش مترجعين لعيالج ،وتفهميهم الفلوس راحت بالكبسه )
وبغيض وقهر جاوبتني
( انعل ابو عيالي .. الزلمه فرار واني خدامه للنسوان واذا ارجع يتهموني بگت فلوسهم .. )
6
عضت اصبعها بايدها ندم
وعبرت عن مأساتها بالم
( خايبه انه بنت شيوخ .. خليني اوصل لابوي وشوفي شيلعب بيهم )
6
بقهر ولفتات خوف .. تغشينا وگفنا على الشارع
.. وهو مجرد طريق اسفلتي بين بيوت .. اشرت لتكسي.. وگفت وراها اسمع صوتها تحجي ويه السايق بس ماشفته زغير او كبير وسالته بخفوت
( حجي توصل للكراج ) رد عليها
صوت واضح عليه تقدم العمر
( اصعدن بويه )
التفت عليه وقبل لاتحجي ايقنت ماعندي حل ثاني الا اروح وياها .. فحالة رجلي متسمح امشي .. والصخونه غلفت عيوني .. والخوف الشفته اخذ مني كول حيلي وقوتي .. باز کردن / نظر دهید

2023-07-04 21:18:24 6
خليتهم بجيبي ..نزلتها ورجعت للبيت ادعي واتوسل الكى خبر يطمني عنها ... وافكر شلون اكمل يومي وسط هالقلق .. والكأبه الطاغيه على بقية اهلي
ولان دعائي نبع من گلب صادق بخوفه عليها ..
استقبلتني امي .. بحضن واسع وهمست باذني خوفا على الملا
( الحمد لله لگوها )
بعدت راسي عن كتفها وسالتها
( عايشه مابيها شي )
غمضت عيونها وابتسمت بفرح
( مابيها شي هسه حصلت ام حسين وطمنتني ...)
6
تنفست براحه ... وانعزلت بغرفتي اشكي لربي تشتت احوالي ... واحمده على سلامتها
باصعب غصة گلب تأمر على قتلي بهياج الحنين
اخذت قراري بسجن المشاعر بقبر سحيق ....
8
والعصر لبست الزي العربي
..وطلعت من الغرفه محفوف بهلاهل امي
الكسرت تنبيهات الساده
وصلت على النبي ...
وقبلتني بافراط .. وتبعها السيد
بعيون دامعه ..
طلعنا للحسينيه بسيارة ضرغام
وراه مجموعة سيارات لاصدقائي عرب وعراقيين
تسابقوا بالسرعه الوصول للحسينيه ..
حيث استمعنا لحديث سيد نعمان .. وتلقيت التهاني
وصلينا .. وتقدمت وليمه لوجه الله ..
1
وتوجهنا للقاعه بصوت الهورنات العاليه
ومسجل ضرغام .. المفروض عليه ...
6
وعند اقترابنا والفضل للهورنات
طلعت من القاعه امي عرفها گلبي
مع وجود البوشيه ..
نزلت وارشدتني للدخول .. في قاعه .. مليانه نسوان .. غضيت بصري عنهن ..
واخذت ايد فضه . وامي غطتها بالعبايه والبوشيه ..
2
وبالباب حرك ضرغام سيارته اقرب قدر مستطاع .. حتى تصعد العروس بسهوله
وانطلقت الزفه بمبادره واصرار من ضرغام .. قاصد الشوارع الرئيسيه ... وراه السيارات
ومبادرته اوجدت داخلي الاحساس بالفرح .. واندمجت بالضحك على تصرفات ضرغام .. وهو يراقب السيارة البيها ابويه وفاطمه من تقترب ينصي المسجل .. والعكس من تبتعد السياره ....
37
خلصت الزفه .. وراحت الناس
وانجمعت بفضه بغرفتنا في البيت الاصبح من الان بيتنا ..
وگفت ادقق على عروستي صاقعة الجمال بالبدله البيضه مكشوفة الاكتاف والظهر ينسدل بثنيات اضهرها بابدع صوره ..
اسرافي في النظر صابها بالاضطراب .. ونحجت في الخلاص من ايديه المحيطها بخصرها وهي تذكرني
( حضرت الك سجاده الصلاه )
ارتأيت ان الصلاه لدقايق فرصه
للدعاء وقت امنحه الها لتستعيد السيطره على ارتباكها
ادينا الصلاه .. وبعد الدعاء استغرقت اباوع على الحايط .. وافكر اذا كان اللون الازرق مناسب لغرفة نوم حتى
نبهتني فضه ( كرار شفيك .. اشوفك سرحان )
انداريت عليها. ورسمت ابتسامه
وطردت اي تفكير ثاني ..
( مابيه شي .. الا الفرح والسعاده )
التقطت كفها وقبلته برقه .. وبخجل احنت
راسها بامان على صدري ...
زحت عنها احرام الصلاه ورحت ازيل كماشات شعرها الي لاتعد ولاتحصى...
تعبت واعترضت
1
( شنو هالتسريحه العجيبه لو داخل متاهات هسه لگيت النهايه ..)
ضحكت ومدت ايدها لمساعدتي ..
جمعنا الكماشات على السجاده ومن خلصنا حسبتهم ٢٢ ماشه
الا النتيجه وشعرها يتدلى بتموج ونعومه استحق عناء فتح الكماشات ...
وابتسمت باحراج وهي تلملمهن .. فسقطت خصل شعرها بانحناء راسها وتحول كستار حجب رؤيتها عني .. وحست باطراف اناملي تمر. برفق على شعرها
وغازلتها وعيوني تتاملها بتيهان بين شعرها وعيونها ..
10
( شعرج يستحق اخلص الليل
اتامل خصله ولونه الاسود )
وهربت من احتدام النظرات ومني ولجئت لصدري .. وضربات گلبها تتعالى بحضني وعطرها غلفني من جميع الاتجاهات .. مرت عيوني فوق ملامحها ببطء واستقرت على عيونها وهمست
( عيونچ اكثر ماجذبني بيج ..)
5
توضح ارتباكها بينما
.. اخذت اناملي تمر على بشرة وجهها برقه .. حاولت التهرب
وايجاد اي حديث
( مااسالتني عن الحفله )
قربت وجها وامسكته بنعومه
ليكون قريب من شفتي ..واخذت بهدوء اول قبله
ببطيء شديد .. وللمره الثانيه تنجح بالخلاص..
وسالتها عن خوفها ..
ابتسمت بضعف .. ونهضت بسرعه وردت بتلعثم
( مااني خايفه .. ) خطت خطوتين والتفت عليه ( نتعشى اول )
شالت الصينيه الموجوده على الميز ورجعت قدم يتقدم على قدم بقلق وتابعت تقدمها بدقه
اربكتها ...
وراحت تلهيني بدس الاكل بحلگي وتحجيلي عن الحفله حتى انتخمت من الاكل والحجي ....
طلعت اغسل وانطيها مجال تبدل ..
گدام المرايا بالحمام .. تمعنت بالنظر لنفسي ...
وشفت بداخلي هروب من شي ما
رجعت للغرفه مصمم على الانغماس في تأدية مراسيم عرسي ...
وهذا ماحصل
..
فأسكتت تأرجح مشاعري ..
بل لجمت الحنين بين اضلعي
واصدرت حكما غير قابلا للاستئناف على توجعي
فعليه ان يعتاد ان هذه حياتي
ومساري وقسمتي
13
———————
زهراء
3
مرت دقايق اطول من الدهر ..
گاعده بالظلام وراسي جوى عبايتي واستمع تقطع دموعي وشهگاتي و دگات گلبي تتعالى مثل صرخات ..ضايعه  خايفه مشوشه
تحركوا الشباب بطيء وحذر .. التفت ولد منهم عليه باز کردن / نظر دهید

2023-07-04 21:18:24 دخلت اخذت حمام ساخن .. خفف من شد اعصابي وعضلاتي بتاثير الشغل ورفع ايديه للصبغ والزخرفه ... ببيوت الناس .. وبيتنا اني وفضه ...
ابعدت نفسي عن التفكير .. تناوشت ملابسي من التعلاگه
وصلني صوت معمعه خروف ...
استعجلت باللبس وطلعت بلا حتى ماانشف شعري..
اتصورت الحگ على وقف المناگر بين امي وابويه نتيجه اعباء العرس عليهم حسب تفسيري الا اني تاخرت ..
وشفت ابويه ربط الخروف بالحديقه
..
وامي باعصاب منهاره تلومه
( سيد على بختك اذا الزفه بيتهم ليش جايب. الخروف اهنا حتى تشلع كلبي بالتنظيف )
4
والسيد لازم يرد عليها
( هي ساعه زمان. مراح يوسخ واذا وسخ اني انظف بعد شتريدين )
عافته ودخلت تتفخ قهر وسالتها وهي تخطف من يمي
( يوم شبيج ويه ابويه مضوجج بشي )
جاوبتني ( مابيه شي .. هو المادري شبيه صاير يدور عن المغثه بابره )
5
شفت ابويه يحل الخروف ويطلع بيه
( يابه اتوركه هسه اصيح واحد من جماعتي ياخذ)
وتمتم بقهر ( شيعدي هاليوم على خير ... )
14
اهنا ارتفعت عندي الظنون
فامي وابوبه بحاله مو طبيعيه
ومااعتقد عصبيتهم بسبب ضغط يوم عرس ابنهم الوحيد
وهمه الخاضوا الصعاب والاهوال ...
تسللت لغرفة امي .. وطبيت عليها معصب راسها وگاعده بالگاع .. وعيونها للكاع ..
والبچي محاصرها ...
اشفقت على حالها الاشبه بالثكلى ... وكعدت اخفف عنها واحمل وياها الهم
( يوم شنو المخليج بهذا الهم والحزن ... واليوم عرسي )
1
ارتفعت عيونها عليه وانفجرت بالبچي والاعترافات
( وك راح اموت بعد مااگدر اضم واخاف اتصل الملا تسمع وتموت من القهر .. وابوك حاول يحصل خط من برى للعراق مااگدر لان عطله )
4
هبط ضغطي ولابت روحي منتظره تخبرني بالمصيبه
ويه نحيبها تراولي الموضوع بخصوص ولد عمي بسبب سفرها ..
مسحت دموعها وكملت
( زهراء طالعه من بيت عيالها ويه رجلها وهو راجع والامن طابين للبيت وماخذيهم وزهراء ميعرفون وين صارت )
6
جمد دمي وصقعت شراييني
واختلط عندي الخوف عليها والرهبه من التفكير بمصيرها
وانحبس صوتي الا بكم كلمه
متردده
( معقوله قتلها وقبضوا عليه )
صرخت ( لا ) وسدت حلگي
بخشيه
( لا يوم لاتگولها فدوه لعينك
امها بحال الضيم واخوانها راحوا لعمام رجلها يكولولهم هي خبرت علينا )
شبيت نار بكل جهه مني
( زهراء تخبر .. مستحيل ..، هالشي خاصه بعد ماشافت فاجعة الصارت باهلها وبينا من ورا الحكومه .. بس ذولي متفقين على قتلها وطمس اثرها )
فكرت بضرغام راسا وبجنون صحت فاطمه
( فاطمه فاطمه )
اجتي بعبوس ورهبه
( هااا كرار شبيك)
تسارعت بنطق كلماتي وبشد عصبي ممسك بلساني
( خبرتي ضرغام يتقصى عن عمام. هالكلب رجل زهراء ويعرف وين ودوها )
شاحت بنظرها لامي وردت
( تقصى وعرف من جماعه بالامن ان اياد واخوه مقررين يطلعون لايران وزهراء كانت مرسال بينهم وبين المهربچيه .. وبعدين
همه مقبوض عليهم وزهراء مختفيه )
1
زئرت بحرگه حطمت اعصابي
( غبيه دومها غبيه .. وهذا الكلب اذا ماانعدم اني اعدمه بايدي )
8
تگلبت على نار بين بچي امي ودموع فاطمه ..
انمح من داخلي اي احساس بالفرح .. وبقى احساس الخوف على مصيرها يصول ويجول بكياني ...
3
دگت التلفون زحت الخوف وجاوبت
والصوت توضح لفضه وهي تسالني
( هااا وينك في ..تأخرت )؟؟
سحبت سلك التلفون وانطيته لامي تجاوبها
وبثقل همي گعدت للدرج عاجز عن الرد على التلفون .. وتجتاحني الحيره والضياع بين حقيقه وجود فضه بحياتي .. وبين الاستغراق بملاحقة اطياف زهراء.. العادت لحياتي من حيث لاادري
2
استمعت لتبريرات امي لفضه
( خطيه طالع من الحمام هستوه )
( حاضر هسه يجيج )

تذكرت موعدي وياها اوصلها لمشغل خياطه ... وتحايلت على نفسي وگلبي وذكرتها
ابتعد عن الانانيه في تصرفاتي هذا اليوم .. فاذا كان مكتوب عليه ماافرح .. تبقى فضه من حقها تفرح ...
1
اسوق وهي يمي .. وتتصدر احاديثها الكلام عن مستقبلنا وحياتنا
اجبرني ..ابذل كل جهدي
في ان اعيش بقلب مقسوم على اثنين ..
نصف تعيش بيه فضه ..
ونصف معتم يحمل داء زهراء المستعصي ..
وبنظره ل فضه عرفت ان هالتقسيم غير عادل وفضه وسعادتها الطاغيه على سكناتها وحركاتها ... انطتني رجاء ان تجهز بالسيطره التامه على گلبي وتحررني من قيود مشاعر
موجود مع كل النكران ...
وصلتها وانتظرتها حتى تكمل مشوارها ...
ورجعتها للبيت ... وانتبهت تحجيلي عن الحفله التقيمها لصديقاتها في القاعه ..
وردودي البارده اثارت شكوكها
وراحت تحقق
( باين عليك الحزن من اولها ...
فيي شي صاير )
انكرت بسرعه ( ابد ماكو شي الا اني طلعت من الحمام ونسيت انشف شعري واتصور صابني
برد )
انخضت وهي تبسمل بلهجتها
( بسم الله عليك ) وراحت تطلع من جنطتها ادويه
( خذ هذي ادويه من المضيفات رفيجاتي مفعولهن سريع وايد ) باز کردن / نظر دهید