2023-05-18 14:30:00
جهاد بنت بتشتغل فى محل ملابس وفى يوم وهى خارجه من المحل خبطت فى ايوب
الفلاح الثرى ____________
جهاد.. انت حمار ولا شكلك كده
ايوب بغضب وأنفعال وبدون تفكير.. رفع ايده وضربها بالقلم
جهاد بصراخ.. انت بتضربنى يا 'كلب يا'حيوان
طيب وحيات ربنا لوريك.. هو انا علشان غلبانه
تمد ايدك عليه
وبقت تصرخ فى الشارع.. الحقونييييييييي
الحقونيييييي الراجل ده ب'يتحرش بيا
وفى دقايق الشارع اتلم عليهم وايوب قال انه ضربها علشان شتمته إنما متحرش بيها
جهاد بصراخ واتهام .. انا مش هسيبك ولازم نروح القسم واعملك محضر يا كلب يا متحرش
__ عربيه ايوب واقفه ونزل
منها مؤنس" صاحبه ووكيل اعماله "
قرب منها بيحاول يحل المشكله إنما
جهاد مُصره تروح القسم علشان تاخد حقها
مؤنس.. بلاش قسم ولو حابه اى تعويض
احنا جاهزين يا انسه وطلع المحفظه من جيبه
وفتحها وخرج منها مبلغ
جهاد بغضب.. الفلوس مش كل حاجه
وشاورت على ايوب البنى آدم ده مد ايده عليه وات'حرش بيا وانا مش هسيب حقى.. مش كسرلى عربيتى علشان اخد تعويض!
مؤنس.. يا انسه عيب كده وكفايه بقى قله قيمه
جهاد بتتكلم وهى منهاره وبتصرخ زى الأطفال وماسكه خدها الأحمر مكان القلم
وانا قولتلك مش هاخد فلوس وهروح القسم
سيد " صاحب المحل" خلاص بقى يا جهاد حصل خير
جهاد بدموع.. ده ضربنى وانا مش هسيبه يا عم سيد وهروح القسم واقول ا'تحرش بيا وهوديه فى ستين داهيييييه
سيد بوشوشه.. خلاص يا بنتى احنا مش قد الناس دى.. عارفه الراجل ده يبقى مين؟
جهاد حطت ايدها فى جمبها.. يبقى مين يعنى!؟
سيد.. ده أيوب بيه.. راجل واصل وانتى مش قده
انتى غلبانه يا بنتى وطالع عينك علشان لقمه العيش
جهاد بتسمع وساكته _________
"ايوب بداخله.. يخربيت جمالك.. ياه لو تبقى من نصيبى.. كنت اروح لأمى واقولها انا لقيت البنت المطلوبه وكمان حلوه وصغيره"
( أيوب رجل من أثرياء الارياف وسيم عنده30 سنه.. مطلق وعنده بنتين تؤام 3 سنين )
من جهه اخرى مسعد البلطجى" والد جهاد"
عرف بالمشكله وجاى يجرى وفى ايده سكينه
مؤنس قرب من ايوب وطلب منه يعتذر
ضحى " بنت خاله جهاد" جريت عليها وبوشوشه
الحقى الناس بلغوا ابوكى وجاى خلى بالك
جهاد.. يا نهار اسود.. ده انا لازم أمشى حالا
قبل ما يجى وتبقى مصيبه وخدت بعضها
ومشيت قبل ما أيوب يعتذر لها
وبعد ما مشيت ايوب استغرب جدا وطلب من مؤنس انه يسأل عن جهاد ويعرف عنها كل حاجه!؟
فى الوقت ده كان مسعد جه وعرف بالمشكلة ورجع البيت..
___بعد مرور اسبوع فى منزل جهاد___
سناء" الأم" البت عندها 17 سنه تتجوز ازاى بس ي مسعد ؟ وبعدين دى لسه فى تانيه ثانوى
مسعد.. انا هتصرف ان شالله اسننها ولا اجوازها
عرفى لحد ما تم السن القانوني
بس المهم الجوازه دى مضعش من ايدينا
سناء بقت تلطم على وشها.. البت عاوزه تكمل تعليمها.. حرام عليك يا مسعد
البت لسه صغيره على شيل الهم ده
مسعد.. هم ايه يا وليه.. دى هتشوف السعد والهنا
العريس تقيل ومعاه فلوس بالهبل
يارب يكون من بختك يا بت ي جهاد علشان
نخرج من الفقر ده
الام.. طيب واللى معاه فلوس بالهبل
وغنى اوى كده عاوز يتجوز بنتى ليه!؟
واحنا على قد حالنا؟
مسعد.. علشان بنتك حلوه ومفيش فى جمالها
الام.. طيب والجهاز.. البت معندهاش اى حاجه
مسعد.. يا وليه بقولك معاه فلوس بالهبل تقولى
جهاز.. أما عبيطه صحيح وبعدين هو قالى
عاوزاها كده من غير اى حاجه وقرب منها
انا عاوزك تكلميها وتخليها توافق
غير كده هوريها الويل
الام بداخلها.. منك لله حسبى الله ونعم الوكيل
جهاد خارجه من اوضتها ولابسه علشان نازله
محل الملابس وفى ودانها الهاند فرى
الام قربت منها.. شيلى البتاع ده من ودانك
جهاد.. ماما انا معايا تليفون مع صاحب المحل
علشان فى بضاعه جديده وخايفه اتأخر
سلام.. وفتحت باب الشقه وخرجت
الام قفلت الباب..
مسعد بغضب.. مكلمتهاش ليه ؟
الام.. ما انت شايف هى رايحه المحل وبعدين
ابقى اكلمها انت احسن
مسعد.. ما انا كان ممكن اكلمها إنما البت دى دون عن اخواتها بتحرق دمى ومش بتسمع الكلام
وهتعند ولو قالت لأ هقتلها وادخل فيها السجن
علشان ارتاح منها
الام بعد تفكير.. بقولك يا مسعد ما بلاش جهاد
عندك بنت اختى ضحى واهى سنها يسمح للجواز ايه رأيك؟
مسعد.. يا وليه ضحى شكلها وحش زيك وزى امها وحط ايده فى وشها.. مش هتعجب الراجل إنما جهاد زى القمر تعجب الباشا
الام.. وطى صوتك حد فيهم يسمعك وبصت على اوضتهم
مسعد بغل.. مش كفايه من يوم ما بيتهم وقع قاعدين على قلبنا هى واختك لما قرفونا
الام.. ششش.. خلاص
وسألته العريس بيشتغل ايه؟
مسعد.. مليونير وعنده اراضى ومزارع كتير اوى
ولما يتجوز جهاد هياخدها معاه
الام.. هياخد بنتى على فين!
مسعد.. على الفيلا بتاعته اللى فى البلد
أصله مش من هنا
الام.. بنتك مش هترضى تسيب هنا
يا مسعد العيشه هنا حاجه وهناك فى الارياف
حاجه تانيه خالص.. عوايدهم غيرنا والبت لسه صغيره
مسعد.. لما تشوف العز هتعيش وهتتبسط
اسمعى منى وقاطع كلامهم الفون رن وكان العريس واتفق انه هيكون عندهم بعد يومين
من ورا الباب..
458 views11:30