رواياتي📖📚

2023-05-24 18:57:06 النهاااية...
تقبل الله صيامكم وقيامكم واعاده علينا بالخير وكل عاام وانتم بألف خيير بمناااسبة عيد الفطر المبارك وربنا يحفظ السودان والبلاد ويهون على اهلها كل شر يارب واشوف وشكم بخير احتمال نتلاقى قريب واحتمال لاا والعفو والعااافيه








بقلمي
_سارة بشرى عبدالله _ باز کردن / نظر دهید

2023-05-24 18:57:06 ضربو بتاع امجاد وجن قالت شنو وليد قال حادث ووسام وين امهم بقت تصرخ سارة شافت حالتهم خلت الكوشة وجات عليهم وعمار معاها سألتهم الحاصل شنو امهم بتبكي وبتقول ياحرقة قلبي ياوسام ياربي ولدي وسام ماتجيهو حاجه سارة قالت وسام مالو قالو عملو حاادث كلهم طلعو على المستشفى حتى العرساان وصلو المستشفى احمد سأل من وسام قالو ليهو في العمليات كلهم مشو على غرفة العمليااات كانو ببكو وحالتهم صعبة شدييد العملية استمرت زمن الدكتور طلع وطلب دم احمد كان نفس الزمرة فاتبرع ليهو ورجعو تاني للعملية بعد مده طويللة الدكتور طلع وهو يأسان امهم طوالي مسكتو قالت ليهو عليك الله قول انو ولدي كوويس حلفتك بالله قول انكم قدرتو تنقذو قال ليها نحنا عملنا كل البنقدر عليه بس حالتو صعبه وماعايزه تستقر في كسور كتيرة داخليه وفي كسر في عضلة الصدر محولنو على العنااية بس يعني مابطلع منها الا بمعجزه انتو ادعو بس مشا امهم بقت تصرخ ووجن حاضناها وبتبكي،،،وليد دخل ليهو وهو ماشي على رجلينو بدون كرسي وبدون عصاية بقا يمسح على راسو وقال ليهو فتح عيونك وشوفني يا اخوي انا جيتك وانا واقف على رجليني الحمدلله ياوسام انا اتحسنتا يلا انت كماان اتحسن انت ضحيت عشانا كتيير وجا دوري اصحا وخليني ابقا ليك اخ كبير جات وجن داخله وراهو بقت تعاين لوسام وتبكي قالت ليهو انابعرف اني زعلتك وجرحتك واتصرفتا معاك تصرفات ماحلوة بس انت ابدا ما اتخليت عني ولا لمرة ختت يدها في راسو وقربت من اضانو قالت ليهو لوسمحتا ماتخليني اكبر ياوسام انا لسة صغيره ومحتاجه ليك يا اخوي وبقت تبكي جا الدكتور طلعهم دخلت ليهو امو بكت برضو طلعوها سارة استأذنت ودخلت بفستان الزفاف وقفت وهي بتعاين لملامحو وقالت ليهو عليك الله ماتخلينا نعيش الوجع دا ياوسام فجاءة حست بيهو بحرك جفونو جاتو جارية فتح شوية شوية فرحت شدييد لمن شافتو فتح عايزه تنادي الدكتور مسكها وكان بحاول يتكلم فشال جهاز التنفس قال ليها بصوت متقطع انا انا حاسس انو دي اخر ايامي قالت ليهو ماتقول كدا يا وسام انت حتعيش وحتمتحن الشهاده حتدخل الجامعه وحتحقق حلمك وتعيش اهلك في بيت كبير مش دا حلمك قال ليها اسمعيني امي وليد وجن وئام في امانتك ماتتخلي عنهم قالت ليهو وسام عليك الله ماتقول كداا ابتسم ابتسامة خفيفه وقال ليها قربي اضانك عايز اقول ليك حاجه قربت منو بالعربي انا بحبك وبلانجليزي i love you so much وبالتركي Seni çok seviyourm وبالالمانيICH liebe dichبقت بتعاين ليهو قال ليها وبالفرنسي صراحة مابعرف بقولها كيف بس المهم اني بحبك وانو انتي الانسانه الوحيده الموجوده في قلبي مش بقولو انو مافي صداقة بين ولد وبت وانو في واحد فيهم حابي التاني وكاتمها في حنانو انا الواحد دا وفرحان لاني شفتك بفستان الزفاف حتى لو ما كان عشاني،،، سارة دي بكت بكاا لمن قعدت في الارض الدكتور جا دااخل لقا وسام مفتح وسارة بتبكي بدا يفحصو كداا كلهم جو داخلين عاين لوليد الواقف على رجلينو ولوجن البتبكي وملهوفه عليه ولأمو ووئام وهي بتقول ليه ماتمشي يا اخوي بصوت براحة قال احمد طوالي جاهو قريب قال ليهو اهلي في امانتك فجااءة ضربات قلبو بقت تتسارع الدكتور نادى الممرضه وطلعهم كللهم وهم بصرخو وببكو وبسألو من الحااصل الدكتوور قال جهزو جهاز الصدماات ضغطو ارتفع وقلبو ما بتجاوب مع الادوية بقو يعملو ليهو في الانعااش بالصدمااات كم مرة وبعدين بقا يجرب بيدينو وهو بضغط على صدرو وبقول لوسام يلا يابطل يلا حاول معااي
___
على لسان سارة:-
6شهور مرت على وفاة وسام مافي شي فيها حصل غير انو الكٱبه سيطرت على حياتنا كلناا اهل وساام ماقدرو يرجعو طبيعين تااني وجن دي مسكتا حالة نفسيه عدييلل بس احمد كان معاهم كان بنفذ في وصية وسام بحذافيرها ماخلاهم نهااائي وانا للان واقفه في اللحظه الاعترف لي فيها وسام وما اتحركتا منها لغيت زواجي من عماار وقلتا ليهو مامستعده وماحاقدر اديه اي شي دايما بقول قدر شنو كنتا غبيه كيف ما لاحظتا كيف ما ركزتا كيف ماسمعتاا يمكن كان حيكون عندنا فرصة وانا دايما بحكي ليهو عن عماار زي الهبلة احمد ووجن اتزوجو بعقد بس بدون حفلة او اي شي واحمد كان عايز يسوقهم بس وليد اباا قال انو البيت فيهو ريحة وسام ماحيخلوه انا ماسكه تلفوني بعاين لصورنا لاقاني الفيديو حقنا لمن مشينا معهد الموسيقى وغنينا هناك مع بعض بتذكر قال لي حولي لي لمن اجيب تلفون كبيير بس ماجابو حياتي بقت الشغل البيت بيت ناس وسام وهديلل وقفت مع وليد شدييد بس لسه ما اتكلمو في شي بخصوص بعض مشيت المقابر قعدتا جنب قبر وسام وقلتا ليهو انا متاكده انك كنتا حتكون شي عظيم في المستقبل وريني بردان محل انت ياوسام؟ حاسي بخوف صح ماتخاف انا ماحاخليك حاجي كل يوم احكي ليك تفاصيل كل شي طلعتا المصحف من شنطتي وبديت اقرا في سورة البقره بعد خلصتا قلتا ليهو انا اتأخرتا شدييد عشان اكتشف اتأخرتا بس صدقني انا كمان بحبك ياوسام
باز کردن / نظر دهید

2023-05-24 18:57:06 والله كان تقعدو قدر ماعايزين قال لي عارفك مابتقصر بس انا استأجرتا بيت خلاص سكتا قال لي اها موضوعك شنو قلتا ليهو معقول على الواقف كداا قال لي تمام تعال نقعد دخلنا البيت قعدنا في الصالون امهم سلمت علي سلااام حلو خلااص رحبت بي وجابت لي شااي حتى لقيتهم جهزو الشنط خلااص قلتا ليهم والله يجماعه ماكان في داعي تمشو اساسا البيت فااضي وسام قال لي لا خلااص بعدين دا بقا بيتنا وقت ما احتجنا بنجي صح قلتا ليهو طبعا بيتكم قال لي اها موضوعك قلتا ليهو انت عارفو بقا يعااين لي باستغراب قال لي مافهمتك قلتا ليهو وجن ضحك قال لي هو انت لسه قلتا ليهو دي حاجه حصلت من اول لحظه واكييد ماحتنتهي كداا قال لي سبحان الله اخلاقها كانت زفته وقتها العجبك فيها شنو عليك الله المهم بقا ينادي في امو لمن حسيت رجليني برجفو جات قعدت معانا بدون اي مقدمات قال ليها احمد طلب وجن مني انا وهي اتخلعنا والاتنين في نفس الوقت قلنا ليهو شنوووو هو بقا يعاين لي قال لي مالك غيرتا رأيكك ولاشنو بقيت اتمتم قلتا ليهو لا م م غيرتو بس م كدا بقا يضحك فجاءة امهم ضحكت قالت عشان كدا البت شغاله لي لو جاني عريس رأيك حيكون شنو وبتاع وسام قال لي انت وريتها هزيت راسي بس طوالي ناداها وجن ياوجن شوية وجات قالت ليهو وسام جيت متين من قبييل منتظراك انا اول ماشافتني سكتت وسام قال ليها رأيكك شنو في احمد داا قالت ليهو مافهمت قال ليها طلب يدك مننا ونحنا عايزين نسمع ردك عشان يجيب اهلو صح يا احمد قلتا ليهو صح وكلنا بقينا نعاين ليها البت سكتت مساافة ابتسمت وبعدين جرت جوه وسام قال دا شنو اسي امو قالت خجلت خليها انا بتكلم معاها انت زاتك ياوسام بالغتا تسألها قدامها الولد كداا ومشت عاين لي وقال لي نشوف ردها ونرد ليك رغم اني شايف انو ماحنلقى احسن منك بس يلا نستني قلتا ليهو طيب حاساعدكم على الرحول بعدين بمشي بشوف ناس البيت قال لي تماام
____
على لسان عمار:-
كنتا قاعد في بيت ناس سارة وهي كانت ماف لمن كنتا طالع هي جات داخله سألتها كانت وين قالت لي مع وسام حتى حكت لي يومهم قضوهو كيف قلتا ليها مابرأيك انو تصرف غريب انو عرسك بعد شهرين وتطلعي مع واحد تاني وتقضي معاهو يوم كامل بقت تعاين لي باستغراب زي الكأنها بتسألني هل دا انت؟ قلتا ليها ماقصدي شي بس قلقتا عليك لانك من بدري ماف ومابتردي على التلفون قالت لي معليش بس ما انتبهتا شكلو صامت بصوت واطي قلتا حتنتبهي كيف وانتي طول وقتك مع وسام عاينتا ليها وبعدين طلعتاا من حقي اغير على البت الحتكون قسمتي يعني ماعارف ليه هو طول الوقت مع وسام حاليا هو بقا واقف على رجلينو شغل وشغال قراية وبيقرا في شنو تااني مافاهم اناا ضربتا ليها وقلتا ليها ياريت نبدا في تجهيزات العرس بعد داا
______
على لسان وسام:-
واخيراا يااخ رحلنا بيتناا كنتا حاسي بالتقييد في بيت نااس احمد المهم بعد فترة وجن وافقت على احمد وجا مع اهلو وطلبوها رسمي وبالجد واحد زي احمد وقف مع اختي في فترة الصعبه واتحمل تقلباتها واخلاقها الزفته ووقف معاها لمن اتسجنت وساعدها تسجل في جامعة وتكمل قرايتها ماحالقى واحد احسن منو لاختي ابداا فعلاا لبسو خواتم وبعد فترة قالو حيحددو العرس في الفترة دي تجهيزات عرس سارة قربت وجن مشت ليهاا وحتى لاحظتا تقارب ظريف بين اخوي وليد وهديل

[يوم عرس سارة وعمار الساعه7:00]
احمد جا ساق الجماعه كلهم موديهم على الصالة وانا لانو العربية مابتشيل قلتا ليهم بحصلكم بالموصلاات قلبي كان واجعني لدرجة اني ماكنتا قادر اتكلم بعد طلعو قعدتا في الارض وبقيت امسك على جهة صدري وانا بقول يارب خفف لي المي دموعي جات نازلة بقيت قااعد في الارض وببكي وبسأل نفسي كيف حاقدر هل حاقدر اتحمل اشوفها بتتزفى لواحد تاني حاقدر اشوفها لابسة الفستان عشان واحد تاني ياربي ليه ما اختارتني قمتا براحة وانا بسند نفسي بالكرسي لاني ماحاسي نفسي قادر امشي في بدلة رسلها لي عمار لبستها واتشيكتا وغسلتا وشي واتعطرتاا رسمتا بسمة كذابية على وشي وطلعتاا كل ما اتخيل منظرهم حيكون كيف بضاايق طلعتا الشارع برة بقيت اعاين للعربات ماشة في الظللط مشيت عشان اقطع الزلط بالجهه التانيه واركب الموصلات وانا سرحان وبفكر وانا بقطع في الظلط ماحسيت الا بضوء قوي في وشي وضربة شدييدة وتاني ماحسيت بشي
____
على لسان الكاتبة:-
الناس اتلمت في وسام الدمو ملا الزلط خلال ثوااني وطلبو عربية الاسعاف مافي زول حبا يحركو عشان ماتحصل حركة غلط ويتأذى اكترر وخلال الفترة دي في واحد شال تلفونو وكانت اخر مكالمة من احمد لمن قال ليهو اناجايي اسوق الجماعه ديلل الزول ضرب ليهو واحمد ردا وقال وين انت ياوسام العرسان وصلو يااخ قال ليهو والله زولكم دا حصل معاهو حادث ضربو بتاع امجااد ونحنا حاليا منتظرين الاسعاف احمد قال بتقول في شنو انت حادث ووسام وين طيب حتنقلو على اي مستشفى وراهو اسم المستشفى،،، وجن عاينت لاحمد وقالت ليهو خير مستشفى شنو قال ليها وسام عمل حادث باز کردن / نظر دهید

2023-05-24 18:57:05 *سكة المجهول *
*#بقلمي سارة بشرى *
(29)الاخيرهه

على لسان وسام:-
رغم اني عارف انو حيجي يوم وتتزوج بس كل ماعرسها يقرب بحس انو اول مرة اسمع بالخبر دا اضايقتا شدييد زعلتا انقهرتا بكيت بس اول ما اشوف سارة قدامي بتصرف عاادي زي الكأني اهدأ مخلوقات الكون لمن قلتا ليها اكون وزير العروس بقت تضحك قالت لي انا ممكن اكون وزيرتك بس انت مابتقدر لانو في عندي حاجات مابتقدر تعملها لي الا بت زيي وهديل حتكون وزيرتي ياترى زعلتا عارفاك مازعلتا يا وسام قلتا ليها مازعلتا بس ممكن نطلع مشوار ختامي مميز قبل عرسك لانو بعد تتزوجي ماحنتلاقى كتيير وبالمناسبة دي المرة دي انا حاختار المكان الحنمشي ليه قالت لي طيب قفلتا منها وقلتا حاحاول اقضي معاها يوم واحد يكون مليان ضحك بدون مايعكنن علينا اي شي وبعدين بطلع من حياتها طلعتا لي لبسة مكوية من الدولاب لبستها كتييير على مو اعتقد تكون حفظتها بس على الاقل لبسة مناسبه لطلعه مشيت لقيتها واقفه منتظراني ومبتسمه قالت لي متحمسه اشوف المشوار الحتختارو حيكون شنو ابتسمتا ليهاا وسقتها مشيناا محل بتاع رسم قالت لي حنرسم قلتا ليها اي كل زول فينا حيشوف نفسو بقدر يرسم شنو اقعدي قالت لي انا مابعرف ارسم بس يلاا بما اننا جيناا لازم نرسم قعدت وقدامها لوحه والوان وانا كماان قعدنا شوية لغاية ماخلصتا قلتا ليها انا خلصت انتي رسمتي شنو قالت لي بوريك بس ماتضحك مما قالت كدا بقيت اضحك صرت لي وشها قلتا ليها معليش بس طريقة كلامك ضحكتني بس ماحاضحك لمن اشوفو تماام،،، شفتها رسمت رسمه زي حقت الشفع بيت بقطيه والله مسكتا ضحكتي بصعوبة شدييد وهي منتظره ردة فعلي قالت لي قلتا ليك مابعرف ارسم قلتا ليها حلوة بالجد يعني بيت صغير ودافي حبييتو رسمه حلوة قالت لي ماتجاملني قلتا ليها مامجامله بالجد قالت لي رسمتا شنو انت جات عاينت في لوحتي لقتها فاضيه مافيها شي قالت لي مارسمتا شي ليه قلتا ليها لوحه فاضيه زي حياتي
______
على لسان وجن:-
كنتا قاعده ومبسوطه شدييد وانا بتذكر اعتراف احمد بقيت اضحك برااي لغااية ماشفتا وليد قدامي رافع حاجبو وبعاين لي قال لي خير ان شااءالله طولنا شدييد من الضحكه دي سببها منو ياترى قلتا ليهو بس انا ماقعد اضحك ضحك قال لي خلاص معليش عيوني ظلمتني ومشا طلعتا التلفون الاداني لبهو احمد ختيتو في الشاحن وبقيت منتظرة وساام طلعتا لامي برة كانت في المطبخ قلتا ليها اسي مثلا يعني فلنفترض انو جاني عريس رأيك حيكون شنو طبعا اتحمست طوالي قالت لي جاك عريس متين يابت ليه مابتتكلمي اسي نجهز شنو ونخلي شنو حيجو متين وبعدين دا منو ماوريتيني معقولا يابتي الموضوع بكون كداا هو قلتا ليها امي امي اهدي قلتا ليك فلنفترض يعني مافي عريس اهدي جرت نفسها قالت لي الحمدلله بس لو جاك كلميني من بدري ساامعه وبعدين من وين خطر على بالك السؤال دا قلتا ليها سألتا وزاتو ماجاوبتيني يلاا طلعتا منهاا
______
على لسان سارة:-
وسام طلب مني نفتش بيت للايجار عشان يرحلو من بيت احمد ونحنا طالعين وسام ضرب علبة الالوان واتكبت فيني قلتا ليهو دا شنو شلتا علبة تانيه فضيتا فيهو بقا يصرخ قال لي ماكبيتا فيك قاصد يااخ اضربت بالغلط بس حاليا حاعملها قاصد فضا فيني واحده تانيه انا مليتو بواحده من شعرو وبقينا نوسخ في بعض ووشوشنا بقت ماظاهره عدييلل من الالوان لمن جا صاحب المحل وشاف الحاصل بقا واقف وبعاين ليناا ونحنا بقينا نعاين ليهو ونعاين لنفسنا والصمت سيد الموقف فجااءة فكينا ضحكهه بقينا نضحك زي المجانين سيد المحل برضو بقا يضحك قال لينا منظركم بأس شدييد شوفو ليكم حل عشان تقدرو تطلعو لانو بصراحة كدا انتو بتخوفو قال في عندو ملابس لوسام بس انا الا يجيب لي من برة وطلع عاينتا لوسام قلتا ليهو كلو منك قال لي انتي دي البديتي انا كبيت بالغلط بقيت احاكي فيهو كبيت بالغلط yalansayluقال لي يازولة جابت ليها نبز كماان قلتا ليهو قلتا ليك كذاااب يعني مانبزتك قال لي بس اعترفي مشواري انا احلى من مشاويرك صح بقيت اعمل هاهاها احلم ياوسام شوية وجاا الزول وجايب لي معاهو عباية وادا وسام لبسة كل زول فينا مشا محل غيرنا وغسلنا وشنا وبعدين طلعناا بقينا نفتش ليهو على بيت لغاية مالقينا بيت من صالون وحمام ومطبم وثلاثه غرف يعني كان بيت حلو وطالما وسام راتبو كوويس كان بقدر يدفع الايجار لانو10الف وقع العقد واجرنا وهو في الشارع اتصل على احمد وراهو انو لقا بيت وانهم طالعين طوالي وطلب منو يجيب ليهو الدفار النقل عفشهم لمن رحلو
____
على لسان احمد:؛
قلتا ليهو مالك مستعجل كداا اقعدو لسه قال لي لا والله شكرا ليك ماقصرتا بس خلاص لازم نستقل بعد دا قلتا ليهو طيب حتى انا كنتا عايزك في موضوع قال لي خلاص لمن تجيب الدفار نقعد ونتكلم قلتا ليهو طيب قفلتا منو وضربتا لبتاع الدفار وقال حيمشي عليهم انا كماان ركبتا عربيتي وطلعتا عليهم لمن وصلتا لقيت الدفار وصل وبنقلو في العفش وسام واقف معاهم مشيت عليه قلتا ليهو بالغتا باز کردن / نظر دهید

2023-05-24 18:57:05 _____
على لسان الكاتبة:-
اتحدد عرس سارة وعمار بعد شهرين وسام مشا المحكمه ودفع الدين العليه طلع من المحكمه وهو حاسي حمل كبيير وانزاح جرا نفس طويلل وهو بقول الحمدلله ضرب لسارة عشان يبشرها قال ليها عندي ليك خبر قالت ليهو وانا كماان قال ليها انا حابدا اول لاني متحمس دفعتا الدين العلي وطبعا دا بفضلك بعد رب العالمين وبفضل مشاويرنا المميزه قالت ليهو فرحتا ليك بالجد ياوساام قال ليها اها وانتي خبرك شنو قالت ليهو عرسي من عمار اتحدد بعد شهرين البسمه اختفت من وش وساام وسكت لمن سكاتو طال سارة بقت تقول الو الو وسام انت معااي قال ليها ايوا معاك الف مبرووك فرحتا ليك بالجد بتذكر مرة انتي قلتي في عرسي حتكوني اشبينة العريس ينفع في عرسك انا اكون وزير العروس اذا ما بضايقكك الموضوع سارة سكتت ووسام سكت







يتبع.... باز کردن / نظر دهید

2023-05-24 18:57:05 ذذ⅞ثم ذ{ *سكة المجهول *
*#بقلمي سارة بشرى *
(28)

على لسان وسام:-
اموري اتسهلت جداا الفترة دي شغلي في المطعم ماشي كوويس ويومية الكمساري راتب المطعم بلمو عشان الدين ويومية الكمساري بمشي بيها امورنا وقررتا اول مااخلص من الدين نطلع من بيت احمد وحتى بقيت اقرا كوويس ولغتي الانجليزيه اتحسنت وبقرا درس اليوم باليوم مابصدق كيف مرت ال3شهور دي ولقيت نفسي امنتا المبلغ انا حاليا قاعد وخاتي قدامي ال100الف وبسمة الرضا ماعايزه تفارق وشي وجمعتها من تعبي اناا انا اللميتها كنتا مبسوط شدييد وانا بعاين ليها قداامي وبكرا يوم تسليم الدين وجن طلعت من المستشفى ونزلت سمسترها الثاني ووئام شالوها مدرسة حكومية وليد لسه بعرج بس بدا شغل في فرن عليهو بس يلم العيش في كيس ويسلمو للزبون وحتى هو بقا يساعد في مصروف البيت مبسوط شدييد من نفسو رفعتا القروش لميتها في كيس ودخلتها جوه الدولاب وقفلتو بالمفتااح واديت المفتااح لأمي قلتا ليها اهتمي بالمفتااح دا كوويس لانو دا مفتاح نجاة وجن من السجن تمااام قالت لي تمام طلعتا من البيت بعد سمعتا منها دعوات سمحه مشيت على وليد اطمنتا على امورو في الفرن وبعدين مشيت على عمي وبديت شغلي ككمساري من دون الايام كنتا مبسوط والبسمة مامفارقاني ابداا لدرجة بتونس مع الركااب عدييلل
___
على لسان وجن:-
اتعودتا على الجامعه في اول سمستر كنتا خايفه من الناس خايفه اصاحب يطلعو زي سمااح والبقيه بس لمن اتعرفتا على كم بت وولد كداا ناس طيبانين ووروني انو ماكل الناس واحد وانا قاعده في الكافتريا مع صحباتي الجداد نغم ولجين لمحتا احمد في الساحه قلتا احمد قالو لي احمد منو قلتا ليهم دقيقه طلعتا ليهو ناديتو قال لي ها وانا كنتا بفتش عليك طلع تلفون من جيبو ومداهو لي قلتا ليهو دا شنو قال لي ماتخافي ماجديد دا تلفوني القديم وكنتا راميهو ساي بعدين اتذكرتك قلتا اديك ليهو عشان لو عايز اتواصل معاك ما اضطرا اتصل على اي زول واتواصل معاك مباشرة قلتا ليهو وانت ليه عايز تتواصل معااي ضحك وقال لي لسه مافهمتي يعني وسام ماوراك قلتا ليهو وسام يوريني شنو مافهمتا قال لي انا بحبك من اول مرة شفتك فيها كنتا قايلك ملاحظه بس طلعتي هبلة قلتا ليهو انا ماهبلة ضحك قال لي المهم شيلي التلفون حقي والله ومستعملل استعمليهو انتي بدل ما ارميه سااي حتى جبتا شاحنو معااي وبعد تخلصي نطلع نشتري ليك شريحة تماام قلتا ليهو طيب شكرا وشلتا منو التلفون والشاحن ختيتهم في الشنطه قال لي بالمناسبة مارديتي لي قلتا ليهو على شنو قال لي بحبك قلتا ليهو صحباتي منتظرني بتكلم معااك بعدين ورجعتاا ليهم لقيتهم بعاينو لي وبتبسمو قلتا ليهم مالكم نغم قالت لي مالنا قلنا شي نحنا اسي لجين قالت لي انتي دي الجاية بتتبسمي ورينا الحااصل يابيب قلتا ليهم مافي شي يااخ قالت لي صدقنا نحنا صدقنا صح يانغم قالت ليها طبعاا صدقناا لو ماصدقنا نحنا البنصدق منو وبقو يضحكو قلتا ليهم يااخ ما تضحكو بعااينو لي وبضحكو
______
على لسان سارة:-
امي قالت لي فترة خطوبتي انا وعمار طولت شدييد وهي ماشايفه سبب يخلينا نأخر العرس اكتر من كداا وقالت اتكلم مع عمار ونتفق ونقرر العرس حيكون متين قلتا جوااي انا استخرتا وارتحتا واتخطبتا وقضيت وقت منااسب مع عماار بس رغم كدا حاسة نفسي لسه ماجاهزه ياربي عمار هو نصيبي بالجدد ضربتا ليهو قلتا ليهو نتلاقى وافق العصر كدا طلعنا اتلاقينا قال لي اول مرة تعمليها معناها الموضوع ضروري قلتا ليهو امي قالت خطوبتنا طولت فلازم نتكلم عن موضوع العرس ونحدد كل الامور قال لي والله انا ماعندي اي مشكله لو قلتي بكرا نتزوج حنتزوج قلتا ليهو ماللدرجة دي في حاجات كتيرة لازم نجهزها والعرس ما بالبساطه دي قال لي بخليك تتكلمي مع امي عشان تتفقو في موضوع الشيلة وامور النسوان دي قال لي اها الامور دي كلها بتكفيك كم نعمل العرس بعد شهر قلتا ليهو شهرين مناسبة قال لي انتي شايفه كداا قلتا ليهو اي قال لي تمام انا حاكلم اهلي وعرسنا حيكون بعد شهرين ان شااءالله اتفقنا قال لي ليه شكلك مامتحمسه وما فرحانه قلتا ليهو حاسة الامور ماشة بسرعه بس قال لي اتخطبنا قريب ال5شهور فترة كافيه جداا عشان نكون عرفنا بعض فيهاا وبعد دا حنتزوج دي فترة كافيه جداا لازم نقضي كم لسه محتاجه لكم من الزمن اذا حابة بنأجل مافي شي حيحصل غصبن عنك طبعاا قلتا ليهو شكرا ليك بس انا ما اتوقعتا انو حاعرس عرس تقليدي من الاهل وكداا اتخيلتا اني حاعيش قصة حب زي البقراها في الروايات الموضوع كان غريب علي شوية بس عشان كداا قال لي ومالو يمكن ماعشنا قصة حب قبل الزواج بس نعيشها بعد الزواج واساسا البعد الزواج بتكون احلى على الاقل وقتها نكون حفظنا بعض خلااص ولا انتي رايك شنو،،،وهو بيقول كلامو داا اتذكرتا وسام لمن قال لي بحبك انتي ومشاويرنا المميزه فابتسمتاا باز کردن / نظر دهید

2023-05-24 18:57:05 تاني قال لي ماعايز اصدمك بس انا بعرف اعمل حتى اكلات المطاعم دي قلتا ليهو بالجد قرب مني وقال لي قدامك شيف عالمي يابت زح مني وقال لي حاخليكي تاكلي على زوقي طوالي بدا يطبخ حتى الفي المطبخ بقو يعاينو ليه واي حاجه يطلبها انا بجيبها ليهو اخد زمن لغاية ما لقيتو عمل جداد مشوي وضاف ليهو كم حاجه وسلطه وماينويز وكاتشب وبتااع ياخ كانت اكله انا اتبسطا بسطه قلتا ليهو والله انت غبي قال لي ليه مالي قلتا ليهو عندك موهبه زي دي ولسه حايم سااي،،، الناس الفي المطعم اكلو ومدير المطعم برضو جا اكلل وعجبو الطعم ظااهر من ملامح وشو لانو بقا يتلذذ قال ليهو انا مستحيل اضيعك من يدي الزول دا لو اشتغل معااي انا حاكسب زباين اكترر رأيك شنو لو ماملتزم بشغل انضم لينا وبديك راتب20الف في الشهر طوالي انا اتدخلتا قلتا ليهو ماشايف انها بسيطه لشهر على الاقل زيدها شوية قال 25قلتا ليهو30قال لي معقول لكن قلتا ليهو معقول دا حيزيد ليك زباين مطعمك 30مناسبة والله سكت مساافة وعاين لوسام قال ليهو انا موافق وسام كان لسة مصدوم قلتا ليهو وافق منتظر شنو الراجل مادي يدو وسام سلم عليه وقال لي اتفقناا قال لي يعني بتقدر تبدا من بكرا وسام وافق واول ما طلعناا ختا يدينو في خدودي قال لي انا بحبك انتي ومشاويرنا المميزه انا ضحكتا افتكرتو قال كدا من الفرحه والحمااس بعدين طلعنا على المحكمه هناك اتكلم معاهم ووراهم انو لقا شغل وراتب كوويس خلال3شهور حيقدر يأمن المبلغ قالو عن نفسهم موافقين بس لازم يسألو البنات لمن ضربو ليهم البنات قالو انو همهم القروش ترجع ليهم وبس فأدو وسام مهلة3شهور كان فرحان شدييد
___
على لسان وسام:-
الحصل معااي دا بالجد كان معجزه ربانيه في اللحظه الفقدتا فيها الامل ظهرت الحاجه دي قداامي ربنا كريم جداا والله بس محتاج شوية صبرر جاني اتصال من المستشفى قالو لي النتيجه طلعت وانسجتي ما مطابقه النتيجه سلبيه قلتا بالجد سبحاان الله قفلتا منهم دقا لي احمد سألني الحصل قلتا ليهو سلبيه وحكيت ليهو الحصل معااي قال لي الحمدلله شايف ربنا كريم كيف مامحتاج انك تعمل العملية قفلتا منو بقيت اعاين لسارة وانا مبتسم بالجد هي حظي الحلو محل ما تكون الامور بتظبط،،،، بعد كم يوم طلعت نتيجة وئام جابت222كان رقم ظريف خلاص فرحتا فرح لانها رغم كل الظروف المرينا بيها جابت نتيجه زي دي بقينا نتجهز عشان هي تنزل الثانوي وانا مشيت اسجل في مدرسة حكومية واوريهم اني حاقرا منزلي وشغال كوويس في المطعم والناس الفيهو ظريفين بقيت الصباح شغل الكمساري ومن النهار لبليل في المطعم سجلتا في مدرسة حكوميه واعتذرتا من عماار فبقو يشرحو لي مواد ثامنه هو وسارة حتى لمن جا يشرح لي سورة يس قال لي في المقدمة ان لكل شي قلبا وقلب القران يس قلتا ليهو طيب والنملة؟ برضو عندها قلب؟ سارة وعمار عاينو لي






يتبع....
طبعا سؤال النملة دا انا سألتو لاستاذ القران في ثامنه لمن ادانا سورة يس وطبعا وقتها سفهني وعمل روحو ماسمعني واوانا للان بتسأل ياترى النمله برضو عندها قلب؟ باز کردن / نظر دهید

2023-05-24 18:57:05 *سكة المجهول *
*#بقلمي سارة بشرى *
(27)

على لسان وسام:-
لقيت رجليني ساقتني على عنوان المستشفى الشفتو في الجريده وصلتا ودخلتا سلمتا على البت الفي الاستقبال ما عرفتا اقول ليها شنو بعد مساافة قلتا ليها الخبر في الجريده قالت لي عفوا ممكن تعلي صوتك قلتا ليها منزلين اعلان في الجريده عن تبرع بكلوة وحتدو المتبرع مبلغ كوويس قالت لي ايواا فهمتك جيت عشان التبرع اتفضل معااي حاوصلك على غرفة الدكتور وهو بيشرح ليك التفاصيل مشيت معاها وانا متردد وصلنا غرفة الدكتور سلمتا عليه وبت الاستقبال قالت ليه دا جا عشان التبرع النشرناهو في الجريده رحب بي وقال لي دا عمل خير جميل منك بالجد الطفل دا محتاج للكلوه شدييد اول شي حنعمل فحوصات نشوف اذا انسجتك مطابقه معاهو واذا طلعت مطابقه تتفق مع اهل الولد على المبلغ الحيدفعو ليك قلتا ليهو تمام قال للبت وصليهو على المعمل طلعتا معاها مشيت وعملتا الفحوصات قالو لي النتيجه بتطلع بعد3ساعات طلعتا من غرفة الفحص لاقيت احمد في الممر قلتا لا يااخ لفيت عشان اهرب بس اسمعو بناديني غمضتا عيوني شدييد وقلتا اعمل رايح ياوسام اعمل رايح بس ناداني تاني بصوت اعلى اضطريت اتلفت جاني قال لي خير ان شااءالله ليه في المستشفى قال لي ماتكون وجن انتكست وجيت تاخد استشارة من دكتور تاني قلتا ليهو لالا وجن كوويسة بس انا جيت عشان عشان انا جيت لانو الموضوع هو قال لي مالك اتكلم قلتا ليهو انت هنا ليه قال لي انا دكتور يا وسام شي طبيعي اكون في المستشفى انت ليه هناا قبل ما افتح خشمي جات بت الاستقبال قالت لي اها خلصتا الفحوصاات هزيت راسي بس احمد قال فحوصات شنو بت الاستقبال لسانها خفيف حكت ليهو جيت ليه طوالي احمد عاين لي قال لي انت مجنون صح عشان تأمن حياتكم تخاطر بحياتك مستحيل اسمح ليك تعمل حاجه بالشكل داا الا مانلقى طريقه عاينتا ليهو وقلتا ليهو طريقة شنو وريني الطريقه دي يمكن انا ماشايفهاا وينها الطريقه الانا بقدر احل بيها مشكلتي واتجاهلتها انت بتعرف انو في دين كبييير في حق وجن اذا مادفعناهو البت حتتسجن ومستقبلها حيضيع قدامناا مشاكل اهلي اكل اليوم ادوية وليد مصاريف وئام انت قايل القروش بتجي طايرة من السماء كان في حل قدامي وانا ماعملتو حاولتا جربتا كل الطرق يا احمد حتى شغل ما لاقي وشغلي ككمساري يااادوب بكفي حق اليوم الواحد وعشان كدا لو سمحتا يا احمد ماتدخل احمد قال لي طيب خليني اقول اتفقتا معاك واتبرعتا انت قايل كدا حتقدر تعيش بكليه واحده حتقدر تهتما باخوانك وامك قلتا ليهو خليني في حالي ومشيت قعدتا في اقرب كرسي
___
على لسان الكاتبة:-
سارة اتصلت على وسام بس كل مايدخل معاها وسام برفض المكالمة سارة عاينت لعمار قالت ليهو حتى ماقعد يرد ماعايز يتكلم معااي نهاائي حتى مامديني فرصة ابرر عمار قال ليها انسي اصلا انتي ماعارفه قال شنو غلطان انا القلتا اساعدو قال ملا من انو نتدخل في حياتو انا وانتي عشان كداا احسن شي خلينا مانتدخل سارة قامت قال ليها ماشة وين قالت ليهو المستشفى اشوف وجن قال ليها انا اسي كنتا بقول في شنو خلينا بعيدين من الناس ديل وسام ما برضى مهما عملنا ما بحب تدخلنا في حياتو سارة قالت ليهو دخلتا غصب وما حاخليه
______
على لسان سارة:-
مشيت المستشفى كان في وجن وامها بس قالو وئام ووليد رجعو البيت قلتا لوجن تاني اووعكك تفكري تعملي كداا ختي وسام وامك قدامك شوفي تضحياتهم عشانك تمام قالت لي طيب ما حاعملها اساسا انا في اي شي مابنجح وحتى في الانتحار مانجحتاا قلتا ليها غبيه بس شكلك بلعتيهم بساط عشان كداا المهم وسام وين امو قالت لي طلع من قبييل والله وللان مارجع زاتي بديت اقلق دقيقه الندق ليهو اتصلت شوية وسمعتها قالت الو اي ياولدي وين انت اتأخرتاا كداا ايواا يعني حتتأخر لسه لالا وجن كوويسة ماعندها عوجه بس قلقنا عليك اي وبتي سارة جاتنا كتر خيرها ماخلتنا نهااائي ايواا طيب ما تتأخر يلا ودعتك الله قفلت قلتا جواي يعني برد على الكل الا انا رسلتا ليهو رسالة طولنا من مشاويرنا المميزه تطلع معاي مشوار مميز ورسلتها بقيت قاعده وماسكه التلفون شوية وجاني رد قال لي بطلع انا مبسوطه شدييد لانو وسام بقا يعرف يقرا ويكتب استاذنتا منهم وطلعتا ضربتا ليهو قلتا ليهو نتلاقى وين وصف لي فطلعتا طوالي وانا طول الشارع بفكر حنمشي وين لغااية ما لاقيتو قلتا ليهو المفتري قال لي حنمشي وين هنا سكتا لاني ماعارفه قلتا ليهو سؤال حلو وسألتو في توقيت احلى بس خليها مفااجاءة احسن صراحة ما اتوقعتك توافق قال لي انا بحب مشاويرنا المميزه طلعنا في الترحال وانا طول الطريق بفكر ياربي اوديهو وين في الاخير مشينا مطعم طلبتا من المدير يخلينا ندخل المطبخ عايزين نطبخ والعده الحتتوسخ حنغسلها ليهو وسام عاين لي قال لي وين التمييز هنا؟ قلتا ليهو حنطبخ سواا اليوما ديك قلتا لي انك بتعرف تطبخ خليني اجرب جرا نفسو ودخلنا المطبخ قال لي حابة تاكلي شنو قلتا ليهو انت بتعرف تعمل اكلات بلدية بس ولاشي باز کردن / نظر دهید

2023-05-24 18:57:05 طلعتا تلفوني ضربتا لسارة حكيت ليها الحصلل قالت لي اسي حيجي يتفشى فيني قفلتا منها شلتا القروش وديتها البنك ورجعتا شركتي قلتا اصلا غلطاان انا
____
على لسان الكاتبة:-
وسام اول مارجع المستشفى قال ليهم اول ماتطلع وجن من المستشفى جهزو نفسكم حنرحل من هنا حنطلع من الخرطوم كللها وخلال اليومين ديل انا حأمن كل المبلغ العايزنو مننا ادفعو ونطلع من هنا نحنا ما شاحدين ماعايزين اي زول يساعدنا وحنطلع من بيت احمد تماام وطلع من الغرفة قعد في الكراسي الفي المستشفى وبقا يفكر كيف حيأمن المبلغ فعلاا مشا وقدم اوراقو لديوان الذكاة بس كزول عادي وقالو ليهو ينتظر وحيكلمو مشا الشغل وطلب من عمو قروش اداهو 5فجاءة وهو قااعد في واحد جنبو فاتح الجريده وفي خبر عن لو في زول يتبرع بكلوتو لانو في زول محتاج شدييد وكاتبين مبلغ كبيير وكاتبين العنوان والرقم وسام بقا مركزز شدييد في الخبرر وبفكر المبلغ المكتوب بخليه يدفع الدين ويسافر هو واهلو ويطلعو من الخرطوم عاادي طبعا حفظ كل المعلومات في راسو وقاام بقا ماشي في الشاارع وبفكر يعملها او مايعملهاا....






يتبع.... باز کردن / نظر دهید

2023-05-24 18:57:05 *سكة المجهول *
*#بقلمي سارة بشرى *
(26)


على لسان وجن:-
لمن فتحتا عيوني شفتا لون ابيض كان ظاهر انها غرفه ومركبين لي درب حولتا عيوني وشفتا وسام وامي ووئام وليد وئام قالت ليهم فتحت فتحت امي جات علي وهي بتقول الحمدلله الف الحمدلله بركة الصحيتي يابتي وسام قال لي كوويسة حاسه بأي وجع انادي الدكتور؟ حاناديه وطلع وليد قال لي اسي لمن قررتي تنتحري ما لقيتي غير ادويتي كان تشوفي ليك موس او سكين او صبغه او ترمي نفسك من فوق وادي بس ادويتي دي ما بلقاها بالساهل ياااخ بقيت اعاين ليهو قال لي انا بهظر عشان اضحكك بس المهم عندي انك كوويسة وصحيتي المك بوجعني يا اختي وسام جا داخل مع الدكتور فحصني وسألني اذا في وجع في اي مكان هزيت راسي بس قال لي بالغتي والله انتي عارفه عاملين ليك غسيل كم مرة ليه كداا يااخ المهم الحمدلله على سلاامتك حتنومي اليومين دي في المستشفى لغاية نطمن على معدتك بعدها ممكن نخرجك هزيت راسي امي قعدت جنبي قالت لي محتاجه لحاجه وسام قال لي ليه مابتتكلمي عاين للدكتور قال ليهو ليه مابتتكلم الدكتور قال عاادي بعد العمليه كداا بس شوية كداا وحتتكلم وطلع انا بديت ابكي دموعي جات نازلة امي قالت لوساام عاين ليها بتبكي جاني ملهوف قال لي في شي واجعك وريني ارجع انادي الدكتور هزيت راسي لالا حاولتا اتكلم ماقدرتا وليد قال ليهم شكلها زعلانه لانو مهمتها مانجحت عاينو ليهو امي قالت لي احمدي ربك انها مانجحت لانو وقتها كنتي حتموتي كافرة وربنا غضبان عليك عايزه الحاجه دي وسام ناداهو عمار طلعو من الغرفة
_____
على لسان وسام:-
لمن طلعنا قال لي انا لقيت طريقه عشان تشيل القروش قلتا ليهو بالجد في شغل يعني لقيت لي شغل براتب كوويس قال لي لا ما شغل بس بتقدر تودي اوراقك لديوان الذكاة هم بساعدوك حتى اذا ما ادوك المبلغ كامل على الاقل بدوك نصو او ربعو المهم حاجه تخليك تخلص من جزء من الدين دنقرتا راسي بخجل ديوان الزكاة دا للناس الخلاص كل الطرق اتقفلت في وشهم ومافضل غيرهم قدامهم قال لي اذا حابب بمشي معاك اساعدك قلتا ليهو طييب وريني شنو الاوراق الممكن اقدمهاا مشيت قلتا لامي اني طالع اذا حصل شي او احتاجو شي يضربو لي بس طلعنا انا وعماار اول شي مشينا البيت شلتا الاوراق القالها لي وبعدين مشينا على ديوان الذكاة اول ما شافوني رحبو بي بطريقة حلوة واستقبلوني كوويس زي الكأني زول مهم استغربتا من المعاملة حتى لمن قدمتا ليهم اوراقي قبلوها طوالي بدون مراجعه ادوني ورقة وقالو لي امشي المحاسب استلم المبلغ استغربتا معقولا بالسهولة وبالبساطه دي لاحظتا لعمار لمن شكرهم قالو ليهو ولو استاذ عمار نورتناا بقيت اعاين ليهم مشيت على المحاسب وعقلي بيقول لي في شي غلط لمن وصلتا قسم المحاسبه مديت ليهو الورقة نزل لي ربط قروش قال لي دي 100صاافية دا المبلغ المحتاج ليهو قلتا ليهو 100دي 100الف قال لي اي اذا حابب بحسبها ليك بالمكنه قلتا ليهو لا مافي داعي بس كيف كدا مستغرب صراحة معقولاا 100كاملة بدون نقص بس قالو ناس ديوان الذكاه مابدوك المبلغ كامل قال لي حظك طلع كدا انت زول محظوظ هزيت راسي وقلتا ارجع لعمار اقول ليهو استلمتا عشان نمشي اول ما وصلتا سمعتو بتكلم مع المدير قال ليهو ماقصرتو والله شكرا على مساعدتكم المدير قال ليهو انت بتعرف نحنا مابندي مبلغ زي دا لزول قدم من اول مرة بس انت اديتنا المبلغ جاهز وطلبتا مننا ندي ليهو زي ماهو بس نحنا نبقى زي واجهه وما كان عندي مشكله في الموضوع وغير كدا انت عندك خاطر عندنا عمار قال ليهو تسلم بس لانو هو محتاج وماكان بيقدر ينتظر ولا بقبل مساعده سااي عشان كداا،،،، بعد خلص كلامو اتلفت شافني اتوتر قال لي ها وسام استلمتا خلااص ادوك كم؟ قلتا ليهو انت اكييد بتعرف احسن مني ادوني كم رميت فيهو القروش وطلعتا
_____
على لسان عمار:-
طلعتا ورا وسام وانا بنادي فيه قلتا ليهو ممكن تسمعني؟ وقف قلتا ليهو كان لازم اعمل شنو يعني متوقع مني شنو انا مابعرف اكون قاعد سااي وفي زول محتاج حاولتا اساعدك بأي طريقه وانت كنتا بترفض فشفتا انو دا اسلم حل وانت اكييد ماحترفض كداا عايزني اقعد اعاين ليك وانت في حوجه اسمي صااحب على اي اساس اذا مابقدر اساعدك وقت حوجتك يعني قال لي حوجه حوجه حوجه انت قاصد تكرر الكلمة دي يعني قااصد توريني اني في حوجه وانت المنقذ بتااعي منو الطلب منك مساعدة منو القال ليك انا محتاج شايفني شنو انتو دخلتو حياتي عشان كدا يعني عشان كل ما اكون محتاج تجو وتدفعو بدلي ماتعمل شي ياوسام نحنا هنا بندفع عنك قاصدين تقولو كدا يعني قاصدين توروني اني عاجز ومحتااج وريني عشان اعرف قلتا ليهو انت ليه بتجمع لامي معاي منو قال لي انت وسارة كل همكم تحسسوني اني زول محتاج بس انا ماطلبتا منكم شي وما قلتا ليكم ساعدوني وانا متاكد انها عارفه اي شي انت عملتو اسي بتكونو اتفقتو مع بعض اصلاا للدرجة دي صدقني قلتا ليهو انا كان كل همي اساعدك بس ماقصدي شي تاني قال لي شكرا مامحتاج ليك ومشا باز کردن / نظر دهید