2022-06-22 06:52:49
جديد محرم 1444هــــــــــــــــــــ
لسان حال قمر العشيرة العباس مع الحوراء زينب عليهما السلام
يـــم الخدر •انا الگمر • بـيـــه نتخيتي
من المدينه • الكربله • يختي بحميتي
يا اغله من كل جوهره
زينب يبت خير الورى
يختي بحميتي • يختي بحميتي
٭ ٭ ٭ ❀ ❀ ❀ ❀ ❀ ❀ ٭ ٭ ٭
كـافلـــج انا يزينب مـــن مـشـيـتي
يختي أمني انتي من حيدر وصيتي
انا سـبـع الگنطرة ومـعروف صيتي
شحده واحد يگرب ويوصل ثنيتي
فنه العبر • حد الخيم • ضاگ المنية
كل خطوة • يشعرها بندم • من ال امية
بسيفي لشوفه الاخره
زينب يبت خير الورى
يختي بحميتي • يختي بحميتي
٭ ٭ ٭ ❀ ❀ ❀ ❀ ❀ ❀ ٭ ٭ ٭
يختي احولنه الفرات بـــــــذن اديه
للخيم مــــــذلول بـــس أرضي عليه
مـــا زلــــت فـوگ الـمطهم حـيـل بيه
والله امحي الجيش من وجه الوطيه
اكدر اريد •سبعين الف • والماي اجيبه
وشعلها نار •المعركة • لاجــــل الحبيبه
وتـظـل اميرة مخدره
زينب يبت خير الورى
يختي بحميتي • يختي بحميتي
٭ ٭ ٭ ❀ ❀ ❀ ❀ ❀ ❀ ٭ ٭ ٭
ياختي انتي بشاربي عنـدي وصيه
احـلـــف بحيدر علي وضلع الزجيه
شحدة واحــد يگرب يدوس الثنيه
والله أشوفه المـوت وبعينه المنيه
حارس خيم •اقسم قسم• الأجلج اساهر
طيحة جبل• دون الحرم • فوگ العساكر
انتي وصـيـة حيدره
زينب يبت خير الورى
يختي بحميتي • يختي بحميتي
٭ ٭ ٭ ❀ ❀ ❀ ❀ ❀ ❀ ٭ ٭ ٭
بصوله وحده الكوم اخليها ضحايه
ما رجف كلبي ادوس عــــله المنايه
الماي اجيبه واحلـــف بستر العبايه
جــــــــودي اترسنه وروها الضمايه
الشط يقص •كله جثث •لو واجهوني
لبت الزجيه •مي عذب•ترخص عيوني
عالموت ألزمهم سره
زينب يبت خير الورى
يختي بحميتي • يختي بحميتي
٭ ٭ ٭ ❀ ❀ ❀ ❀ ❀ ❀ ٭ ٭ ٭
لو طحت عالغبره يختي سامحيني
بـلايـه چفين الـعـمـد هـشـم جبيني
مـــا جبـت مـاي لسـكينه اعــذريني
حــــان وگـت وداع مـا بينج وبيني
تلوعني كل • صرخة طفل • تمرد دليلي
ادري العطش •ما ينحمل • ماخذلي حيلي
حكم الاله عله الـجره
زينب يبت خير الورى
يختي بحميتي • يختي بحميتي
٭ ٭ ٭ ❀ ❀ ❀ ❀ ❀ ❀ ٭ ٭ ٭
شلون لو رحتي يبت حيدر سبيه
واخوتج كلها صريعه اعله الوطيه
ماكو غيره ورحمة عدهم ال اميه
وتصرخين بصوت خويه الحكَ عليه
اتمنيت انه • حاضر الج • بالحضه هايه
وسفه الخدر • بيد الشمر • هاي النهاية !!
بس يبقى ثاري امناطره
زينب يبت خير الورى
يختي بحميتي * يختي بحميتي
٭ ٭ ٭ ❀ ❀ ❀ ❀ ❀ ❀ ٭ ٭ ٭
الخادم غازي الساعدي
87 viewsغازي الساعدي, 03:52