قناة خدام العقيلة

2022-06-24 23:37:00 ✶•┈‏​┈•‏​‏​​‏•❥ًً❀(•«﷽»•)❀❥ •‏​‏•‏​‏​​‏┈┈•✶

قصيده للعليله على طور قصيدة( اتمر اعله بالي بهدوة الليل )


يالرحتوا عني وما تعودون
اشلون بالله بحالتي شلون
الفركه دمعهه يعمي العيون
احتاجيتكم احتاجيتكم
༄ ★═━━▒ ━═★ ༄

بنظرات عيني الحزن والخوف
مو دمع دم النزل مذروف
وشل دمعهه وبجت الشوف
بروحي شلل كمت ازحف ازحوف

يوم المشيتوا يالاهل روحي مشت وياكم
من كثر دمعي ألي يهل عيني انطفت بجفاكم

كل لحظه تذبح بيه الاشواك
الدمع ينزل جمر حراك
الموت اهون من الفراك
احتاجيتكم احتاجيتكم

أزهار جبار الجياشي

༄ ★═━━▒ ━═★ ༄

دمعي دمه والحيل مهدوم
ما هودت اعيوني للنوم
يهلي المنايه اعليه اتحوم
من حزني كمت اعثر بالهموم

يالسافريتو ابلا وعد تدروني أظل برجاكم
يا وسفه يعزاز الگلب ابعيد الدهر وداكم

من رحتو راح اویاکم الحیل
وشلون بيه بوحشة الليل
بدموع عيني اكتب مراسيل
احتاجيتكم احتاجيتكم

ام زهراء الزيداويه البصراويه

༄ ★═━━▒ ━═★ ༄

لصْوَركم انظر صوره صوره
راسي لدربكم كلسه ادوره
وماعندي والي اكعد واشوره
والمرض مني اخذ دوره

نحلني يابويه المرض دم ابجي من فركاكم
اتمنيت ميته ولا اظل بالدار وحدي اتناكم

دم مو دمع ينزل من العين
وحدي واريداً والدي حسين
مصلايه رت افرش للحنين
احتاجيتكم احتاجيتكم

ام علي الامارة

༄ ★═━━▒ ━═★ ༄

اذكر خواتي و دمعي همال
العباس عمي وذيج العيال
من مشو عني اترده الحال
جرح الهجر بالروح جتال

كلكم مشيتو لكربله. وكَلبي نكسر تدروني
من بعيد اباوع علَ الضعن. واني الدمع بعيوني

سلوتي ضلت دمعي والنوح
بكَليبي حسره وآه وجروح
من رحتو احساً راحت الروح
احتاجيتكم احتاجيتكم

الشاعرة رقية العامري

༄ ★═━━▒ ━═★ ༄

بويه صحت تانيني يحسين
ماخذ خواتي وكل هلي وين
معلوله اضل والدمع بالعين
اصفك صفيت الحالي جفين

مشتاكه الكم يالابو وعبد الله أله مشتاكه
اتمنه يرد بيه الوكت يا بويه او نتلاكه

نار بدليلي اموجره لدوم
بكد الجبال ابكلبي الهموم
وعيوني ماشافت ابد نوم
احتاجيتكم احتاجيتكم

ام حسين الفريداوي

༄ ★═━━▒ ━═★ ༄

ابقه انتظر وعيوني عل الباب
هلبت يجيني منكم اجواب
ايفرح دليلي البالهجر ذاب
ولو شفت ليلي والضوه غاب

الوحشه تاكل بالكلب تذبحني يا وناتي
ذبل عيوني والجفن ينزل جمر دمعاتي

يا حالي بعدك صفه بيا حال
ونت عليله اتهدم اجبال
الوكت بيه يالابو مال
احتاجيتكم احتاجيتكم

ام اسعد الشمري

༄ ★═━━▒ ━═★ ༄

اتعذرتوا واتركتوني بالدار
دمعي على الوجنات مدرار
ماادري بيك اشصار ماصار
ياهو اليجيب البتكم اخبار

مامش خبر من المشوا لاطارش ايدگ الباب
وآنه ذبت مثل الشمع والگلب صاير عطاب

عالعتبه اگعد وانظر ابعيد
اعتب ولاجن عتبي شيفيد
بلجن ظعنكم يكطع البيد
احتاجيتكم احتاجيتكم

الشاعرة ام يحيى العبودي

༄ ★═━━▒ ━═★ ༄


تمت بعون الله تعالى

بـ ــاقـ ــلام خـادمـات أهل البيت ع
بأشراف ومتابعة خادمات جبل الصبر
زينب عليها السلام
ازهار جبار الجياشي
مريم العبوديه أسيرة الاحزان
نسألكم الدعاء
بتعجيل الفرج لصاحب الزمان عجل الله تعالى فرجه الشريف وسهل مخرجه باز کردن / نظر دهید

2022-06-24 19:56:49 تذكير غداً يصادف يوم دحو الارض
السبت ٢٥/ ٦ / ٢٠٢٢ م
٢٥ ذو القعدة هجري
ومن الأعمال المستحبه في يوم دحو الارض :

( لا يفوتكم فضله وثوابه وهوه من الايام التي خصها الله تبارك وتعالى بالصيام )

١- صيامه يعادل صيام سبعين سنة .
٢- كفارة لذنوب سبعين سنة .
٣- من صام هذا اليوم وقام ليلته فله عبادة مئة سنة .
٤- يستغفر لمن صامه كل شيء بين السماء والارض .

( تعريف دحو الارض )
هو يوم انتشرت فيه رحمة الله تعالى وللعبادة والاجتماع لذكر الله تعالى فيه اجر جزيل .
ورد عن الامام الصادق "عليه السلام" قال :
(إن الله عز وجل دحا الارض من تحت الكعبة إلى منى، ثم دحاها من منى إلى عرفات ثم دحاها من عرفات إلى منى، فالأرض من عرفات، وعرفات من منى ومنى من الكعبة).

وإن من بعد إنبساط أرض الكعبة المشرفة، بسط الله سبحانه وتعالى الجوانب التي حولها حتى أصبحت هي المركز التي بُسطت الارض من بين أفنيته وجوانبه .

أعمال يوم دحو الارض المبارك :-
١- الصيام .
٢- العبادة .
٣- ذكر الله تعالى .
٤- الغسل .
٥- صلاة ركعتان تصلى عند الضحى بالحمد مرة والشمس خمس مرات .
٦- الدعاء بعد التسليم من الصلاة تقرأ الدعاء المخصوص:
(لا حول ولا قوة الا بالله العلي العظيم يا مقيل العثرات اقلني عثرتي يا مجيب الدعوات اجب دعوتي ياسامع الاصوات اسمع صوتي وارحمني وتجاوز عن سيئاتي وما عندي يا ذا الجلال والاكرام) .

المصدر : كتاب مفاتيح الجنان ص ٣١٣

**لايصح صوم من عليه قضاء شهر رمضان فاذا اراد الصوم فلينوه قضاء مافي ذمته باز کردن / نظر دهید

2022-06-24 17:28:49 باز کردن / نظر دهید

2022-06-24 17:07:13 ‏إصبر على مرارة الحق وإياك أن تنخدع لحلاوة الباطل
‎#علي_ابن_أبي_طالب باز کردن / نظر دهید

2022-06-24 13:51:54 العِزَف عالناي أعمى ، واخرس الجمهور
او صعد صوت الطبول او طفوا الآذان

سيد عبد الخالق المحنه باز کردن / نظر دهید

2022-06-24 13:51:48 #الامام_الحسين يكول #أبو الفضل_العباس ع

وصلتله ولطمت عيني بيمناي
باقي شويه منه هذاك الهواااي
ندهته عله النهر عباااس عباااس
شنهي اليوجعك اشرلي عله الماااي باز کردن / نظر دهید

2022-06-24 13:41:24 ‏إصبر على مرارة الحق وإياك أن تنخدع لحلاوة الباطل
‎#علي_ابن_أبي_طالب باز کردن / نظر دهید

2022-06-24 13:19:50 1- اسرع كروب لنشر قصائد محرم للرواديد
2- اخواني الشعراء الكل هنا تنشر قصائدهم

https://t.me/+7IHQ7sgZKDNjMTBi باز کردن / نظر دهید

2022-06-24 12:49:39 الله الله ماهذا الجمال
القرآن ربيع القلوب، باز کردن / نظر دهید