2022-08-31 19:45:41
ويا اليــزورون
وديت العيـــون
هاي السنه رجليــــــه ما شالني
ابني الوحيد استشهد وما خذني
ويا اليزورون
---------------------
خطوه اعلى خطوه ويا الولد درب العقيده
لحسين اتعنى وصحت بس هذا اريـــــــــده
هذا ابني طالبته بدمع من الصميـــــــــــده
عاجر جنت لكن علـــــــــــــــي مدالي ايده
ما ردني حماي الحمى
حلفته گتله بفــــــاطمه
بعد السنين الباري من عوضني
ابني الوحيد استشهد وما خذني
ويا اليزورون
لمن زلم راد الوطن بس هوه عنـــــــــــــدي
شلون ارضى ينمس مرقدك خل ابقى وحدي
زفيته بدموعي ومشى وگلالــــــــــــــي ردي
يمه انا عباس الشهم سواني جنـــــــــــــدي
اخذ تحيه بحضرته
انا الفدائي بخدمته
هو الكفيل القائد العلمــــــــــني
ابني الوحيد استشهد وما خذني
ويا اليزورون
راح ويرد لو منتصر لو دمه جـــــــاري
راح وصبح اظلم علي عمري ونهـــاري
نار المخيم بالگلب تشبها نــــــــــــــاري
شو چنه ما يرجع الي شو گلــــبي داري
رد وعلم فوگ النعش
مثل اليموتلها اثنعش
ترضاهه يمه تموت وتعذبــــني
ابني الوحيد استشهد وما خذني
ويا اليزورون
وصلت زيارت مرقدك محتاره انه شلـــون
يثگل علي هدمي وصعب متشيله المتــون
ما بيه حيل اعلى المشي ومتشوف العيون
بارض النجف حيلي اندفن ويا اليموتـــون
مكسوره بس راسي ارتفع
أبني التقدم مـــــــــــا رجع
فوگ النجوم بروحه من وصلني
ابني الوحيد استشهد وما خـــذني
ويا اليزورون
يتعنى من گبره ويجي بوكت الزيــــارة
ابني المواكب ربته وحاسبـــــــهه داره
ما فاته مجلس للطم ما تطفى نـــــــاره
خادم حسين وهالسبب هوه انتصــاره
حالف وحگ ذيچ العبي
ما يوصل الهن اجنـــبي
وفى بكلامه الزين من واعـدني
ابني الوحيد استشهد وما خذني
ويا اليزورون
هاي السنه وي صورتك راح امشي يمه
واخذ قميصك يلولد كلســــــــــــاع اشمه
متحني بالدم وشرط بالحضـــــــره اضمه
وابچي اعلى شباچ الولي رايــحلي زلمه
راح انحرم من الهوى
بس الرمل منه ارتوه
وصاني ازورك خادمك حلفـــني
ابني الوحيد استشهد وما خذني
ويا اليزورون
كلمات/ رعــــد الفريجي
46 viewsغازي الساعدي, 16:45
ق
