2022-08-31 13:13:36
يالحديت بنوك اهلنه ليش ماتسمعني انوح
ارد اجيب چفوف اخوي شلون اعوفنهن واروح
ظلت اعله المشرعه چفوف اخوي مكطعه
ارد اجيب چفوف اخوي شلون اعوفنهن واروح
_
بله يالتحدي بضعنه گوم ردني بناگتي
خل اجيب چفوف اخوي وبيده اشيلهن رايتي
شلون ما مر ع الشريعه البيها ناسي وهيبتي
شلون اتحمل عتبهم من يعتبون اخوتي
ولو كعدت اكباله اعتب ما تضل بيه انه روح
ارد اجيب چفوف اخوي شلون اعوفنهن واروح
_
راح كل عزي ودلالي راح من غاب الگمر
چنت افك عيني اعله طوله حزام چان اعله الظهر
يالربينه بيت واحد واشعمل بينه الدهر
انه مسبيه وغريبه وانت جثه اعله النهر
يبن ابوي شلون يحمل گلبي كل هاي الجروح
ارد اجيب چفوف اخوي شلون اعوفنهن واروح
_
ماشبعت وداع منك يابعد ناسي وهلي
لا اخو منكم فزعلي بيده رچب محملي
تأملت صوتك اسمعه انه اخوج تدللي
من بعد عينك سبوني وانه بت حيدر علي
سايله بعيني دمعتي تحيرت لاوين اروح
ارد اجيب چفوف اخوي شلون اعوفنهن واروح
_
عالشريعه هناك عفته گوم رد بينه اله
گله هاي اختك اجتك ياكفيل العايله
گله اجت ويَّ اليتامه بت علي المدلله
ليش للشام انه اروح وانت باقي بكربلا
بلا يالحادي إنشده وكلشي بينله بوضوح
ارد اجيب چفوف اخوي شلون اعوفنهن واروح
_
الشاعر ابو زينب البهادلي
للشاعر
72 viewsخادمة(أم البنين )ام يوسف, 10:13