عِبْرَتْ څَخَهَ ډَکِېْ کِېْصِېْ اَوْحَدِیْثُوْنَهْ

2021-08-08 20:36:36 عِبْرَتْ څَخَهَ ډَکِېْ کِېْصِېْ اَوْحَدِیْثُوْنَهْ
https://chat.whatsapp.com/BbyZVcdfXP097mnKEjaRik
ـ

ډاکټر صاحبانو ته!!!*
*هغه مقدسه دنده چي نن سوداګريزه سوېده:*
ـــــــــــ
پدې باندي ټوله پوهيږو چي د انسان ژغورل څومره ستر خدمت دی! او څومره الله پاک ته خوښ دی! آن تردې چي الله پاک د يوه انسان ژغورنه د ټولو انسانانو د ژغورلو معادل ګرځولېده او فرمايي: وَمَنْ أَحْيَاهَا فَكَأَنَّمَا أَحْيَا النَّاسَ جَمِيعًا.يعني څوک چي يو نفس ژوندی کړي داسي مثال لري لکه ده چي ټوله خلګ ژوندي کړيوي.
مفسرينو ليکلي دي: دلته د نفس ژوندي کول عام دی که په عفوه سره د وژلوڅخه وساتل سي، که په اوبو کي د غرقېدلو څخه وساتل سي، که په اورباندي د سوځيدلو څخه وساتل سي او که د نورو اسبابو څخه د هلاکت وساتل سي د ټولو لپاره همدغه حکم دی چي د يوه انسان ژغورل معادل دي د ټولو انسانانو د ژغورلو سره او هدف ددې مقايسې څخه د انساني ژوند د اهميت ښکاره کول دي چي هر څوک يې بايد په اړه خپل کوښښ وکړي.
چي د انسانانو په ژغورونکو کي ډاکټران هم داخل دي ځکه دوی هم د درملني له لاري د ناروغانو ژوند ژغوري او د الله پاک په مرسته د انسانانو وژونکي ناروغۍ معالجه کوي خوله بده مرغه چي اوس د ډاکټرۍ او طبابت څخه هم د تجارت يوه لاره جوړه سوېده، ددې پر ځای چي دغه مقدسه دنده دي د إنسانانو د ژغورني لپاره وکارول سي د پيسو د پيدا کولو او ډېرولو لپاره کاريږي.
ډيری کسان چي د دوولسم څخه د فراغت وروسته د طب پوهنځی انتخابوي د لومړي سره څخه يې باعث دا وي چي ددې لاري څخه ډېري پيسې لاسته راځي، نو ځکه يې موږ وينو چي کله د طب پوهنځي څخه فارغ سي او د ډاکټر په صفت خپل دنده پيل کړي ډېره توجه يې د پيسو پيدا کولو ته وي نو ځکه ډېری ډاکټران د لاندي خطاګانو مرتکب کيږي:
۱ – ده په يوه برخه کي زدکړي کړيوي خو د خلګو د خطاايستلو لپاره پر خپله نسخه او تابلو باندي ځان د ډېرو ناروغيو معالج او يا متخصص معرفي کوي.
۲ – د خلګو څخه تر ضرورت اضافه فيس اخلي.
۳ – بېله دې چي معايناتو ته اړتيا وي ناروغان معايناتو ته استوي چي ځيني ډاکټران د لابراتوار سره شريکان هم دي.
۴ – بېله دې چي د ناروغ د ناروغۍ تشخيص وسي ناروغ ته د مياشتو مياشتو درمل ورکوي.
۵ – د درملو د شرکتونو سره د فيصدۍ په حساب تړون کوي او کوښښ کوي چي ډېره دوا وباسي تر څو فيصدي ډېره ترلاسه کړي او ډېري پيسې وګټي.
۶ – ناروغ ته سمه مشوره نه ورکوي بلکي ناروغ د ځان ګيراک او مشتري جوړوي چي تل ورته مراجعه وکړي فيس ځيني واخلي او خپله دوا ورباندي وپلوري.
۷ – بې کيفيته دواګاني ناروغانو ته ورکوي ددې پر ځای چي ناروغ ته ګټه وکړي ناروغ ته تاوان کوي او د درملو معتاد يې جوړوي.
۸ – نسخه داسي ليکي چي تنها هغه دده درملتون والا يې ويلای سي نور درملتونونه يې نسي ويلای دا ځکه چي ناروغ مجبور سي تر څو دده د درملتون څخه دوا رانيسي.
۹ – هغه ناروغان چي جراحۍ ته اړتيا نلري دوی يې جراحي کوي.
۱۰ – پدې خاطر چي دده ټول ذهنيت د پيسو راټولو ته متوجه وي نو د مراجعينو حالت په نظر کي نه نيسي او تر چسپېدو پوري کوښښ کوي پيسې ځيني واخلي.
۱۱ – ددې پرځای چي يو ناروغ ښه معاينه کړي کوښښ کوي چي ډېر ناروغان معاينه کړي تر څو ډېر فيس يې لاسته ورسي.
يادونه: دا خبري په ډېرو ډاکټرانو کي سته خو البته موږ داسي ډاکټران هم لرو چي ريښتيني مسلمانان دي او خپلو مسلمانانو ته خدمت کوي ولي ډېر لږ او د ګوتو په شمېر.
الله پاک دي زموږ ټوله ډاکټران د ولس لپاره مصدر د خدمت وګرځوي.


ـ
⫷ن͞ـ꯭͞ـ͞ش͞ر꯭͞ ͞ک꯭͞ـو꯭͞ل͞ ꯭ی͊͞ـ꯭͊͞͞ي͞ ꯭͊͞͞ص꯭͞ـ͞د꯭͞ق͞ـ͞ه꯭͞ ꯭͊͞ج͞ـا꯭͞ر꯭͞ی͞ـ͞ه꯭꯭꯭͞ ꯭͞د꯭͊͞͞ه⫸
⫷ـ𖣐✯ https://t.me/MDGWTi ✯𖣐⫸
ـ◉◉◉◉◉◉◉◉◉◉◉◉◉◉ باز کردن / نظر دهید

2021-08-05 12:40:43 عِبْرَتْ څَخَهَ ډَکِېْ کِېْصِېْ اَوْحَدِیْثُوْنَهْ
https://chat.whatsapp.com/BbyZVcdfXP097mnKEjaRik
ـ

*رب دي څوک دی؟*

*لیکنه: ابرار بهیر*

که په ریښتنې توګه مسلمان او مومین بنده دنیا ته په راتګ د خپل پیدایښت په مفهوم پر مکمل ډول پوه شي، چي د څه لپاره پیدا شوی، چا پیدا کړی او ولي یې پیدا کړی. خپل حقیقي مالک او پالونکی په حقیقي ډول وپېژني نو هیڅ وخت به نه په دنیا او نه به اخیرت کي له ماتي او سختي سره مخ شي.
سُوۡرَةُ آل عِمرَان : 51
(إِنَّ اللَّهَ رَبِّى وَرَبُّكُمْ فَاعْبُدُوهُ ۗ هٰذَا صِرٰطٌ مُّسْتَقِيمٌ)

الله هم زما رب دى او هم ستاسي؛ له دې امله تاسي د هماغه بندګي غوره کړئ، همدا سمه سيخه لار ده.
دا چي په دنیا کي دی (مومین بنده) په دې اقرار وکړي چي، رب ﷻ مي هغه ذات دی چي، الله ﷻ د هغې هستۍ اصلي او فطري نوم دی چي، د هر څه او ټولو کاﺉناتو پیداکوونکی دی. اللهﷻ یو او شریک نه لري، الله ﷻ د ټولو موجوداتو پالونکی دی. اللهﷻ مطلق حاکم دی، یوازي اللهﷻ د عبادت لایق دی او بس.
اللهﷻ د عدم یعني هیڅ څخه هر څه او هر شی خلق کوي. هغه په ظاهر او باطن خبر رب دی، هیڅ چا ته احتیاج نه دی، د اللهﷻ ټول صفتونه ازلي او ابدي دي، نه ورته کوم صفت نوی ایجادیدای شي او نه ورڅخه کوم صفت سلب کیدای شي. عزت او ذلت ورکونکی ذات یوازي اللهﷻ دی، الله ﷻ هغه ذات دی چي د ځمکي څخه په زرګونو مترونو لوړې فاصلې غره پر سر خپل هر ژوندي موجود او نبات ته اوبه رسوي.
الله ﷻ هغه لوی ذات دی چي شپه په ورځ او ورځ په شپه بدلوي، نه له اللهﷻ څخه څوک پیدا شوي او نه دی له چا څخه پیدا دی، هیڅ ساری نه لري. خوب مرګ او بې هوشي پرې غلبه نه شي کولای.
سُوۡرَةُ آل عِمرَان : 27
(تُولِجُ الَّيْلَ فِى النَّهَارِ وَتُولِجُ النَّهَارَ فِى الَّيْلِ ۖ وَتُخْرِجُ الْحَىَّ مِنَ الْمَيِّتِ وَتُخْرِجُ الْمَيِّتَ مِنَ الْحَىِّ ۖ وَتَرْزُقُ مَن تَشَآءُ بِغَيْرِ حِسَابٍ)
شپه په ورځ کښي او ورځ په شپه کښي ننباسې او ( يوه له بلي څخه راووځي) له بې ساه څخه ساكښ او له ساكښ څخه بې ساه را باسې او چا ته چي دي خوښه شي بې حسابه روزي وركوې.”
اللهﷻ هغه ذات دی چي له مړو څخه ژوندي او له ژوندیو څخه مړه راباسي، وخت یې په داسي موسمونو ویشلی، چي هر موسم یې جلا جلا هوا او کیف لري، پسرلي کي یې مړه نباتات بیا ژوند مومي، وچه بې میوې، بې پاڼو او بې رنګه وني ته په شنو پاڼو سره شین رنګ ورکوي، وروسته یي پر غوټیو پوشي او ورته د میوې کولو بناء کوي، میوه په لومړي سر کي بې زړي او په یوه رنګ کي وي. وروسته ورته جلا، جلا مغزونه او رنګونه ورکوي.
اللهﷻ هغه ذات دی چي میوو ته سور، شین، ژیړ، ګلابي، خورمایې او …. رنګونه ورکوي. چاته خوږ، چاته تریخ او چاته تریو خوند ورکوي.
الله ﷻ هغه ذات دی چي بیا همدغه نباتات بیرته بې پاڼو او میوو د یو څه وخت لپاره ساتي.
نو که چیرته ته مومین او مسلمان بنده په پوره تصدیق او د ژبې په اقرار سره په پورته شیانو عمل کړی وو او سمه لار غوره کړې وه، نو د قبر د لومړي سوال په جواب کي به کامیابیږي.
په خوښه د الله ﷻ.
مَنْ رَبُکَ؟
رب دي څوک دی؟
إِنَّ اللَّهَ رَبِّى وَرَبُّكُمْ.
په حقیقت سره اللهﷻ زما او ستاسي رب دی.

ـ
⫷ن͞ـ꯭͞ـ͞ش͞ر꯭͞ ͞ک꯭͞ـو꯭͞ل͞ ꯭ی͊͞ـ꯭͊͞͞ي͞ ꯭͊͞͞ص꯭͞ـ͞د꯭͞ق͞ـ͞ه꯭͞ ꯭͊͞ج͞ـا꯭͞ر꯭͞ی͞ـ͞ه꯭꯭꯭͞ ꯭͞د꯭͊͞͞ه⫸
⫷ـ𖣐✯ https://t.me/MDGWTi ✯𖣐⫸
ـ◉◉◉◉◉◉◉◉◉◉◉◉◉◉ باز کردن / نظر دهید

2021-08-05 12:38:47 عِبْرَتْ څَخَهَ ډَکِېْ کِېْصِېْ اَوْحَدِیْثُوْنَهْ
https://chat.whatsapp.com/BbyZVcdfXP097mnKEjaRik
ـ

[سرلیک حیاء کول]

سعید ابن زید رضي الله عنه فرمائې چې ماته رسول الله ﷺ وصیت وکړ او راته ئې وویل:

زه تاته دا وصیت کوم چې د الله تعالی څخه داسي حیاء وکړه لکه څنګه چې ته د خپل قوم د یو نیک سړي څخه حیاء کوي*.

مطلب لکه څنګه چې ظاهراً ته د یو نیک انسان په مخکې غلط حرکت،بېځایه خبري او ګناه نه کوي ځکه د هغه څخه شرمیږي نو همداسي د الله تعالی څخه په پټه او ښکاره حیاء وکړه او د حدودو څخه ئې تیری مه کوه، په پټه او ښکاره حیاناک ژوند تیر کړه.
مطلب څوک چې ګناهونه کوي هغه حیاناک نه دی بلکه بې حیاء دی.

حیاء: په پټه او ښکاره ګناه نه کول او د الله تعالی اطاعت کول.

صحیح الجامع/۲۵۴۱ا)

ـ
⫷ن͞ـ꯭͞ـ͞ش͞ر꯭͞ ͞ک꯭͞ـو꯭͞ل͞ ꯭ی͊͞ـ꯭͊͞͞ي͞ ꯭͊͞͞ص꯭͞ـ͞د꯭͞ق͞ـ͞ه꯭͞ ꯭͊͞ج͞ـا꯭͞ر꯭͞ی͞ـ͞ه꯭꯭꯭͞ ꯭͞د꯭͊͞͞ه⫸
⫷ـ𖣐✯ https://t.me/MDGWTi ✯𖣐⫸
ـ◉◉◉◉◉◉◉◉◉◉◉◉◉◉ باز کردن / نظر دهید