2022-08-01 01:35:57
#ياام_البنين
من نسولف بالكرم لازم نعد
اكو وحده معزبه ابربع ولد
أشهد أشهد يازمن---الكرم هذا لمن
هذا بس لم البنين
بكلهن اتصدر اسمهه فاطمه ومنهه نعم
الكرم بالزاد عدنه وهيه من تكرم زلم
وين المعدل ولدهه ينگط امروه وشهم
من علي الكرار بيهه وحاشه حيدر ينهزم
بالطفوف ارباج بين و الوفه
ركضو بيوم الوغه جن عاصفه
أربعة زلم المحن---الكرم هذا لمن
هذا بس لم البنين
-----------------------
الله رادج للطفوف ويدري بيج معدله
هاي ترباتج يحره الزلم كلهه مجندله
جانت التگبيره بذنه حسين محد يوصله
عنده عباس وأخوته شني قابل ما اله
دگو الثايه بدماهم عل نهر
عدهه هيج اولاد منبع للفخر
بيهه شمره من الحسن---الكرم هذا لمن
هذا بس لم البنين
----------------------
نفاخر التاريخ بسمج انتي ياام البنين
شما يكتبون بحقدهم اسمج يضوي السنين
وينه اليظاهي عطائج من وكفتي للحسين
طفه كل فتنه بوگفته انطه عينه والادين
فاطمه البدويه شامخ هل اسم
بس نذكره بضيج يترسنه عزم
بيهة حنية وطن---الكرم هذا لمن
هذا بس لم البنين
-------------------
هل فضل حازت عليه وهل كرم لاموسهل
انطت ثلاثه ولدهه والكمر راعي الفضل
بكربله اللهم مواقف مارجع منهم عدل
بين الحسين وگلبنه صرتي جن حبل الوصل
المثلج التاريخ يفخر لو حچه
انتي لحسين السبط باب الرجه
واليدگ بابج ضمن---الكرم هذا لمن
هذا بس لم البنين
-------------------
ونعم وفت وعدهه و الولد عدهه نذر
لو يموت الكون كله المهم عدهه الخدر
قائد وحيدر يكلفه حاشه لو تعصه امر
بماي من الجنه اسمج وب سمانه ينحفر
انتي علمتي المواقف والرجال
ياحروف التوصفج هذا محال
انه ماأكدر اذن---الكرم هذا لمن
هذا بس لم البنين
مهند الشمري
@mohand8989
27 viewsedited 22:35
ا
