#يافاطمه_العليله ياطير ياماي فدوه ياشجر ماشفتو قران مر من الن | الشاعر مهند الشمري
#يافاطمه_العليله
ياطير ياماي فدوه ياشجر ماشفتو قران مر من النهر
ترضون ماترضون بدرب السبي ادلون
ياطير ياماي يل كلك وفه ماشفت قران من يمك لفه انه العليله ومحتاجه الشفه وشواي ضل شوف بغيابه طفه
دلوني فدوه ماضلي صبر بفراگ الاحباب مايسوه العمر
أبنيته انه تدرون بدرب السبي ادلون --------------------- ياسمه مر بيج سرب من الگطه؟ ما مرج احسين لو دربه خطه عينج لون فات لو منج سطه باجر بالطفوف يحتاجج غطه
من حر الشموس صيريله برد تدرين الحسين چبده منمرد
حدرج منو؟؟ تعرفون! بدرب السبي ادلون --------------------- يانجم ياليل حلي المسأله عطشانه العزاز وبهاي الفله كل عمري انطي لو بس اوصله وين درب وين ليوصل كربله
بجفوفي العيون من كثر الدمع خوب الكلب ذاب صاير جن شمع
تاليته حالي شلون بدرب السبي ادلون ---------------------- انشدمن اعليك ضل بس الهوه وصلي هل صوت فدوه النينوه مشتاكه ليام من جنه سوه معذرو اليموت وبعيد الدوه
من مثلي ياناس راحو كل هله ومگابله البيت ماكو من اساله
بيض وصف لعيون بدرب السبي ادلون --------------------- حنيت حنيت دك رجله الكلب ما منهم اخبار وبعيد الدرب الهم والدموع زادي والشرب ومفاركه النوم اهلي بالحرب
