#للخدمه وگفنه بكل فخر شدينه الأحزام لحسين السبط خالقنه خدام شرف هاي الخدامه هويتي حسين يالتنشد انه امنين فخر هاي الهويه البيهة الحسين جواز النار عندي تكحل العين مو صدفة خذتهة تعب السنين ورثناهة من اهلنة شلون نعمه وچبير الگوم عدنه خادم اسمه سراط اعله القيامه ---------------------- شحلات الجمعه ذيج وذاك المچان شرف صعب الينوله ياهو الجان؟؟ منخلي صور الفلان وفلان مجلسنه الك بس انته عنوان سبق انه كلت انته هويتي شنهو انه وجودي انته صيتي دمعنه اكبر علامه ---------------------- ابونه انته بدليل تلم اخوتي ووياي بدفنتي بيوم موتي اقبلني اخدمك نذر صوتي ماعندي سند انته عزوتي شكرآ يا الاهي النعمتك هاي خادم للحسين انوب مشاي خدمته ابلا ندامه ---------------------- نتسابگ بالخدامه ازغار وكبار بس بمجلسك ننساهه الاعمار شفت شيبه وقار ويخدم ازغار المايعرف طبعنه ويانه يحتار كرم من السبط واحنه ورثنا نرحب باليجينه والله حيا عبد عاشگ أمامه ----------------------- وحگك وانته غالي هاي الايام نحس بيهه صدك موجود الاسلام نتعاون ونتشارك ساده عوام شكثر لذه بخدمتك انسى ما نام نلم قوت السنه ونجيبه يمك المهم ابيض وجه ونواسي امك العشك بينه وهيامه مهند الشمري @mohand8989 119 viewsedited 18:06
