2020-05-01 02:44:00
ماهو الدور الذي ألعبه في علاقاتي، ويمنعني من علاقات صحية أو جدية حتى لو نويتها بوعي؟بنت كانت تبحث عن الحب من خلال العلاقة مع الرجل، تزوجت فعلاً من شخص تحبه ولكن بدأت المشاكل! حتى انتهى هذا الزواج بالانفصال .. بالعموم كانت حياتهم جيدة لكنها كانت تبحث عن الدراما، ولو زوجها يعاملها زين كانت تدمر هالشيء وتفتعل المشاكل حتى يرتاح ذلك الجزء منها اللي بتكلم عنه بعد شوي ..
وحدة ثانية تدخل علاقات كثيرة ماتطول فيها لكنها تفشل، كل علاقاتها يا متزوجين وغير سعيدين بزواجهم أو عندهم مشاكل حقيقية وما يبغون الزواج !
خلونا نحلل وش الدور اللي بالعمق تحب هالبنتين تلعبه مع الرجل في حياتها، وهو اللي يسبب لها معاناة في هذا الجانب
الدور هو المنقذة أو المخلّصة، أو حلالة المشاكل!
ترى كثير بنات عندهم هالشيء، اظن انه جانب الأمومة طافح شوي هههههه
واللي تلعب هذا الدور دايماً تشعر بالخذلان لانها تقدم وتقدم ويمكن تضغط على نفسها لكن بالمقابل تعيش دور الضحية، وتشعر ان الاخر استغلها خصوصا اذا تركها وهذا اللي بيصير غالباً لأنها باختصار ماهي واضحة في نواياها من العلاقة!
وماهي مصفيتها!
هي بلا وعي حاطة دور المنقذة أعلى من الزوجة السعيدة
الزواج شيء مقدس، اذا نويته بوعي خلك واضح وصفي مشاعرك وتحرر من الادوار اللي تبي تلعبها على حساب الآخرين وبس عشان تشعرك بأهميتك ودورك ..
تحرر من دور المنقذ، هذا الدور يجذب لك فقط من يكون وجودهم مؤقت في حياتك، انت ترسل هذا الشيء: اريد شخص عنده مشاكل عشان احلها وينتهي دوري، لذلك يطلعون من حياتك أو يكونون سبب تسقطه على تعاستك!
كن وااااضح في نواياك وركز عليها
كيف اعرف اني أحب ألعب هالدور؟ استرجع علاقاتك وشف وش المشترك فيها وشو النمط اللي يتكرر، مثلاً البنت المو واضحة في نيتها او عندها مخاوف أو تبغى بس تلعب ادوار معينة راح يطلعلها كثير متزوجين أو أصغر منها أو ناس مليانين مشاكل أو اللي بس يبغى يتسلى فترة ويسحب .. المهم الخارج راح يحاول يوصل لها ان فيه خلل فيه عدم وضوح وتركيز فيه انخفاض يجب تحريره ..
دورنا نعرف وين الخلل ونحرره ونتزن تجاه هذي النية ثم نمتليء بالمشاعر التي نريدها من هذه النية ونعيشها (هنا والآن)
انت في حالة استقبال لنيتك الان بأجمل احتمالاتها
ورسالة خاصة للبنت : حبيبتي الرجل اللي يبغى يتزوجك راح يعرف هالشيء من البداية، لا تطولين في أي علاقة وتضغطين على نفسك بحجة انه ممكن يجي يوم ويغير رايه، أو تحاولين انك تقنعينه، صدقيني الموضوع مايحتاج أي جهد منك ارفعي استحقاقك، وامتلي بذاتك ركزي على نجاحك عيشي الحب والسعادة، هذي الذبذبات اللي ترغبين انك تجذبين من خلالها الرجل .. غير كذا بتكون ترددات حاجة أو مجرد لعب ادوار معينه تغذي عندك مشاعر معينة ..
كنت اتفكر قبل فترة بموضوع زواج جورج كلوني وزوجته أمل، جورج على فكرة كان كبير بالعمر يوم يتزوج وكان قبلها عازف عن فكرة الزواج، لاما شاف أمل بأحد المطاعم هذي الانسانة الواثقه من نفسها اللي استحقاقها عالي جداً، ناجحة ويوم شافته ما ماتت عادي كانت متزنة، خلال فترة بسيطة تزوجها
وش اللي يخلي رجل كان شايل فكرة الزواج من راسه انه يغيرها مجرد عرف هالبنت؟ وخلال فترة قصيرة؟
لازم تعيشين مشاعر المرأة اللي استحقاقها عالي لدرجة تكون واثقة انها تستحق الرجل اللي من اول ما يشوفها يقول بقلبه
she is the one
وما يتردد خلال فترة قصيرة يخطبها ويتزوجها ..
كل شيء ممكن بس اذا شعرنا أننا نستحق.. نستحق هذا الحب، هذا الزواج، هذا الزوج، ومو محتاجين نبذل أي جهد أو نقدم أي تضحيات فقط لأننا نستحق
وربي يحقق لكم أمانيكم
#نوف_تويت
21.8K views23:44