Get Mystery Box with random crypto!

روايات سحر سمير

لوگوی کانال تلگرام novelssaharsamir — روايات سحر سمير ر
لوگوی کانال تلگرام novelssaharsamir — روايات سحر سمير
آدرس کانال: @novelssaharsamir
دسته بندی ها: وبلاگ ها
زبان: فارسی
مشترکین: 10.64K
توضیحات از کانال

"على هذه الكُرة الأرضية المُهتزّه، تكمُن نُقطة ارتكازي "
أكتب من أجل "أمي" التي تدعم تحقيق الذات. تأثرني حين تُناديني بـنجمتي، فيبتسم ثغري مُجيباً، ثم اُضيئ شعلةً لأجلها ♡ ..
هُنا بدأ حُلمي!
فكم حُلماً لديك؟
للتواصل :
@Sahar113
@novelssaharsamir_bot

Ratings & Reviews

4.00

2 reviews

Reviews can be left only by registered users. All reviews are moderated by admins.

5 stars

1

4 stars

0

3 stars

1

2 stars

0

1 stars

0


آخرین پیام ها 10

2023-04-11 23:12:59 **اصلا ما حاولت ارد على الرسايل لاني خفته غرضو شنو يرسلها لي وعرف من وين اصلا؟! تفتكر حد بعرفنا؟! ما هو لازم
__ انا حشوف الموضوع دا انتي ما تقلقي بيه راحتك انسيه وخليه علي.
**حاضر نسيتو "بتضحك"
__ ايواا شايفة حتى ضحكتك احلى
**احم احم احترم نفسك
__ههههه احترمتها طيب اسمعيني بالنسبة لي عشان اكون واضحك معاك انا كان عندي نية ارجع بورتسودان او اسافر بره السودان ودا كلو خليتو عشانك من اول يوم شفتك ما بكذب لو قلت قلبي نقز ليك انتي وامكن تحديد مصيري واتخاذ قراري الفضل برجع ليك فيه بعد فترة تردد ..
**طيب عشان اكون على بينة انت هسي ناوي على شنو؟!
__ناوي افتح مشروعي الخاص بتاع التيم القلت ليك عليه وزي ما عارفة اشتغلت عليه من بدري عملت دراسة المشروع وختيت التكلفة الكلية وحددت المكان وحاليا باقي مجرد اجراءات ورقية مع المحامي عشان الايجار والضرائب وبعدها ح افتح معاينات الوظايف وتكون الانطلاقة بإذن الله.
**ما عاوز ليك وظيفة مسؤول إعلامي ح افيدكم شديد
__تشتغلي معاي؟!
**هههه ياود انا بهظر معاك ساي
__بس انا جادي عاوزك معاي رايك شنو تبقي شريكتي؟!
** بس انا ما عندي راس مال اشاركك بيه
__انا عاوزك كشريكة حياة في كل خطوة بعملها تكوني معاي برايك بتشجيعك بمساندتك لي انا حابي نعيش حياتنا من الصفر خطوة خطوة نبنيها مع بعض الحاجة دي تهمني شديد في كل التفاصيل البتجمعنا فيما بعد .
** اممم موافقة
__اقول على بركة الله يعني
** ايوة وربنا يجعل ليك في كل خطوة بركة يارب
✎﹏﹏﹏﹏﹏﹏﹏﹏﹏﹏﹏﹏﹏﹏

"قدام بيت ناس سهاد بتنزل هي ووصال ، الهادي فاتح قزاز العربية وبتكلم معاهم"
الهادي : اجيكم على الساعة كم كدا؟!
وصال : تقريبا قصي حا يغشانا ،
ربنا يعوضكم يا الهادي معليش اتلومته انا ما عرفته الا بعد رجعنا البيت بالليل ، الليلة بغشى مروة اطمن عليها.
الهادي : ما عليك لوم ، المهم كان احتجتو حاجة اتصلي بي انا زاتي بقابل قصي اشوفو عمل شنو يلا معاكم سلامة " بدي سهاد لمحة سريعة وبتحرك بعربيتو"
سهاد : مرتو مالا اجهضت وقعت ولا شنو؟!
وصال : لالا تقريبا عندها مشكلة كل ما تحمل بحصل ليها اجهاض ربنا يرزقهم بالزرية يارب ما تستاهل والله
الهادي ومروة ديل طيبانين بطريقة ومروة دي حتى صوتها رايق كدا ربنا يكتب ليهم السمح
بعد تلاقيها حتحبيها شديد زولة الله .
سهاد : اهاا ان شاءالله

سهاد "بتكركب بالمفتاح بخشو بقولو بصوت واحد"
بسم الله الرحمن الرحيم
__لما اخش البيت باقي لي مسيخ متخيلة احمد حا يطلع قدامي في اي لحظة
** عارفة طلوعك من البيت دا لخير انا شايفة احسن ليك
__تلفوني امس نسيتو هنا "بتمش على الكرسي مكفي بالجمبة بتفتحو تعاين ليه" عايني سلاف ضاربة لي كتير بتكون امس قلقت لانو قالت لي تجي تنومي معاي
**دي جارتك البجاي دي اللاقيناها ايام الوفاة
__اي ياها زاتا
**حبابة بطريقة هي وامها
__اي ياها الوحيدة العرفتهم بمش ليها وبتجيني طوالي عندها بنوته صغيرة اسمها براءة واخوها مصطفى قاعد معاها في البيت وامها دي بتجيها طوالي ، راجلها مغترب.. المهم متونسة بيهم حيفقرقو علي شديد ما عارفة اقول ليها شنو
**اي متزكراها كانت تمشي توديها لاختها وترجع تاني
هي هي وسائل التواصل دي قربت بين الناس كل ما تهف ليك اركبي زوريها الزي جيرة سلاف ديل نادرين ..
__سمح بعد نطلع نغشاهم بالمرة
**طوالي ما عندي مانع ، عايني حا اجر الكرسي احاول انزل الشنط الفوق ديل
"سهاد واقفة غازة يديها في نصها"
__ما حتلحقيهم يا وصال الدولاب دا طويل والشنط ديل كبار واتخيل لي زاتي ما فاضيات تقومي تقعي ساي
**اها طيب نسوي شنو الهادي زاتو فوتناه
__اقيفي انا بتصل بسلافة مصطفى اخوها دا طويل يجي معاها وينزلهم لينا
**ما عارفة بس ننتظر قصي احسن
__ ما معروف قصي يجي بتين ديل ستة ضلف حا نفضيهم " ماسكة تلفونها وقبل تضغط على رقم سلاف جاهم صوت الباب بدق"
وصال : شايفة مستعجلة ساي دا قصي جا
خليكي انا بفتح
__السلام عليكم هي وصال
**سلاف تصدقي بت حلال هسي في سيرتك
"بسلمو على بعض بالاحضان"
خشي لي جوه
__وينا فلانة دي انا جاية اديها شكلة
"سهاد جاية طالعة بتضحك"
سلاف مخلوعة بتعاين فيها
واي وشك دا مالو مظلط كدا ومورم وقعتي ولا في شنو
سهاد : اسكتي ساي موضوع طويل
سلاف : لا جد طبعا كنت ما عايزة اسلم عليك ما بتردي على تلفونك مالك؟! بس هسي بعد شفت وشك مورم ومظلط قلقتي بي جد الحصل شنو؟!
و امس بالليل انا ومصطفى رجعنا ودقينا وفترنا
"وصال بترد عليها"
بتحكي ليك براها برواق بس هي تعبت بالليل وكان ما قصي والهادي جو بالصدفة ما عارفة الحصل شنو كان
وانا تاني مسكتها عندي ما خليتها تجي براها جسمها مرهق ..
568 viewsHiba Azhari, 20:12
باز کردن / نظر دهید
2023-04-11 23:12:59 #مندرين
بقلم فاطمة قسم الله و سحر سمير
-٢٣-

#مندرين23

بيت_ناس_الطاهر

"في الصالة البقعدو فيها طوالي"

امال بتتكلم بالتلفون وزينب قاعدة جمبها مركزة مع كلامها ورزان وسلمى بتكلمو جمبهم ماسكات التلفون

**مبروك ليه والله عجبني وسر بالي ربنا يتمم ليهم على الخير اها والبت ناس منو؟!
زوجة اخوها: دكتورة ماشاءالله اجي نحن كمان بنقع ساي ولا ولدي عمر بقع ساي يا امال.
بت حسب ونسب جاه وجمال اهلها ناس الباشا ديلك امها لاقيتيها مرة في مناسبة ناس هديل عرس بتها رتاج
امال : اي عرفتها اها وخطوبة بس
زوجة اخوها : خطوبة لكن ما بتطول ياهو نجهز حالنا ويشترو شنطتهم والعقد والعرس طوالي بكون وبعدها حيسافرو لشهر العسل طوالي بره السودان "بتضحك" ، دايرة اقول ليك عليك الله كلمي زينب
معاك وكلمي وصال ونسابتها والبنات سلمى ورزان عقبالهم كدي..
امال : الله يسعدهم ماشاءالله سمح ان شاءالله بكلمهم
الله يسلمك الله يبارك فيك "بتقفل منها"
زينب : البركة الخطبت لي عمر دا ساي كان تتفشى شوية مرة اخوك دي ، "بتحاكي فيها" عقبالهم عليك النبي هسي رزان وسلمى بنات متين كان تردي ليها المرا المهبوشة دي
"امال بتضحك"
ما برد عليها عشان عارفة عقلها صغير ها ههههه يجازيك يا زينب ، النصيحة عمر مهذب وراجل الا امو الحمدلله .

زينب بتعاين لي تلفونها ، بتك دي وينا يختي ما جات لي هسي وحالتي من صباح الرحمن قايمة ومنتظراها لا حس لا خبر هسي
امال : بري كدي اضربي ليها
زينب : اضرب ليها شنو انا ماشة المحل الاهملناه دا قومي يابت رزان ارحكي خليها بعد تجي تصلني هناك
رزان : انا قاعدة يا ماما عاوزة وصال زاتي
زينب : "واقفة على حيلها " انتي يا امال جيرانكم ناس وداد ديلك وين الحي بيهم بقيت ما شايفاها نهائي
امال : بري قلبي يقول لي افقدها زاتي بقيت ما شايفاها زمن مختفيين لا حس لا خبر منهم
زينب : "بتقعد تاني" سمح ورحكي ليها مهما كان والله كانت بتواصلنا ، حق الجار يا امال يختي ما صاح مننا
امال : بتضحك سمح ما قلتي هسي لاحقة محلك الاهملتيه
زينب : المحل ملحوق ها ما طاير قومي على حيلك ورح ليهم
امال : قلتي كدي سمح النلم شعري دا واخد لي حمام والنمش عليها نفقدها.
✎﹏﹏﹏﹏﹏﹏﹏﹏﹏﹏﹏﹏﹏﹏

"الهادي واقف مع قصي بره الشارع بتكلمو"
"مهموم باين عليه"

الهادي : اسكت بس امس انا ما نمته من مروة والله قربته اطلع اخلي ليها البيت "بضيق واضح" حرفيا بقينا كل يوم في حالة نقة ومشاكل اسوي شنو انا يا قصي عشان هي ترتاح والله غلبتني وغلبني البسويه معاها ، قلت اسايرها ما نفع ، امشيها على قدر فهمها ما نفع اوووف ياخ
قصي : ياالهادي انت براحة عليها ليها حق وهي في ظرف زي دا طبيعي تكون عصبية ومتضايقة هي محتاجة ليك الايام دي طول بالك عليها الحصل ليها دا ما هين ولا شوية ، وبعدين زاتا قعدت البيت وعدم الموضوع بدخل ليها وساوس كتيرة شوف ليها شغل او حاجة تنشغل بيها انت زاتك مرات غريب
الهادي : بس دا ما كان موضوعنا يا قصي ، مروة ختت في بالا حاجة وصدقتها براها ، لا انت عارف رايي في موضوع الشغل دا وانا لما عرستها هي كانت زولة بيت ف بلاي دا ما سبب..
قصي : ما فهمت عليك
الهادي : يعني هي ما مشكلتها قعاد البيت كل النقة دي قالت انا مهتم ب سهاد اكتر من اللازم قلت ليك امس ما نمته معاها تلف وتدور في الموضوع دا وكلام زاتو غريب
قصي : الله يعين ، طيب وامك لسه في موقفها ما عاوزة تقعد سهاد معاها
الهادي : صبحت عليها الصباح قالت لي قول لاخوك ومرتو يمرو علي الليلة وخشمها تاني ما فتحتو لي وانا حاسي امي ومروة عاملات حلف والله العظيم من القاهم الاتنين قاعدات سوا ويتوسوسن ويسكتو لما يشوفوني قلبي ما بطمن
قصي : "بضحك" الله يستر
"صوت بتنادي تعال يا قصي"
بتناول منها الحاجات
الهادي منتظركم يلا هوي مع سلامة بينا اتصال يا وصال "بعاين ليها بديها غمزة بتضحك معاها وبأشر ليها بيدو شكل تلفون على اضانو"
✎﹏﹏﹏﹏﹏﹏﹏﹏﹏﹏﹏﹏﹏﹏
#جانب_ تاني
#مكالمة_صوتيه
__قلتي شنو ؟!
*امم والله يا سراج كدا حتختني قدام الامر الوقع وانا لسه
"بقاطعها"
__ما ختيتك قدام الامر الواقع بالعكس انا عاوز نتقدم خطوة جادة مش انتي رديتي علي انك دايراني كمان تاني شنو يا حنين؟! في حاجة انا ما عارفها ممكن تعطل علينا او شي؟!
**اممم مافي شي مهم بس في حاجة غريبة بتحصل بتجيني رسايل من رقم غريب كل محتواها فرق العمر بيني وبينك والناس صراحة دا المقلق بي والرقم دا شكلو مفعل بيه واتس ووقت ارجع فيه طوالي بلقاه مقفول بس حرفيا موترني لدرجة مفكرة اغير رقمي وارتاح من الرسايل البتجيني منو
__طيب رسلي لي الرقم هسي في الواتس انا بشوف الموضوع دا وانتي ما تتصلي فيه ولا ترجعي فيه برسالة او شي
605 viewsHiba Azhari, edited  20:12
باز کردن / نظر دهید
2023-04-11 23:12:14 واااااي انا راسي شطب ماقادرة اتوقع وقاعدة على اعصابي حنو علينا وبقوها حلقتين
609 viewsHiba Azhari, 20:12
باز کردن / نظر دهید
2023-04-11 23:12:14 ي سحر م تبيخيها لينا بلا نحن عايشين جواها عديل ياخ م ممكن والله جزء من يومنا بقت م تنتهي
611 viewsHiba Azhari, 20:12
باز کردن / نظر دهید
2023-04-11 23:12:14 سلاااااااااام لا اله الا الله ي سحر كييف يعني النهايات ما جادة طبعا نحن كان علينا م تنتهي اصلا كيف يعني النهايات يخس عليكم كيف يعني لالالالا على مهلتكم لكن ما النهايات ي زولة كيف يعني م رااااضيييين
609 viewsHiba Azhari, 20:12
باز کردن / نظر دهید
2023-04-11 22:34:40 #النهايات
#مندرين

انا جاية من حلقات سحر حقات اليومين الجايات ديل هسي وعاوزة اقول ليكم مستخسراهم تنزلهم ليكم من جمالهم ماشاءالله تبارك الله

نار وشرار زاتها حبة عليهم

حقو ننزل بقدر ظروفك على حسب تفاعلكم

#كفاية_خوف_من_المجتمع
#التبقى_تبقى_والتمطر_دراق

و مشاكل نحن دايرين انا وسحر ومعانا كادي بالعض
؀فاطمة_قسم_الله
654 viewsHiba Azhari, 19:34
باز کردن / نظر دهید
2023-04-11 22:34:16 عليك الله يا سحر م تعرسي قصي لي سهاد ارجوووووووووووووووووك م تخربيها
647 viewsHiba Azhari, 19:34
باز کردن / نظر دهید
2023-04-11 22:34:16 فالاول كنت شايفه وصال انسانة متعجرفة او انانية
بس بعدها لقيت انه هي م عاطفية
المنطق عندها سابق
م اظن اذا قصي اتزوج سُهاد هي حترضى تواصل معاه فاحتمال قصي يتزوجها ويحصل الحوار المعلق الفوق بينهم د ضعيف
اعتقد الحوار المعلق د حيطلع بين الهادي ومروه
الهادي حيتزوج سُهاد
647 viewsHiba Azhari, 19:34
باز کردن / نظر دهید
2023-04-11 22:34:15 وان شاء الله احساسي يطلع غلط
613 viewsHiba Azhari, 19:34
باز کردن / نظر دهید
2023-04-11 22:34:15 لانو لمن تقول لو عايز ترد الدين تعقد معاي صفقه تتزوجني
644 viewsHiba Azhari, 19:34
باز کردن / نظر دهید