2022-08-03 22:22:48
فصلوه للعشك
بقلم (ام البنات)
بارت 23
فيصل شايل ورد ونزلها بلغرفه وقفل الباب
وردفيصل عفيه لاتعيدها وخايفه قصدها على هذاك اليوم
فيصل ..ورد ما اسويلج شي انتي متردينه سمعيني اريد احجي وياج تعاي كعدي كعدتها وكعدت لزمت ايدها ورد حبيبتي اني غلطت واعتذر لان شكيت ولان استعجلت ولان ضربتج ولان جبرتج على شي متردينه
اني مجنت بوعيي ساعتها ...
انتي احله شي صار بحياتي
من اجيتي للبيت كلت طفله ومترهملي مره
بس عجبتيني باخلاقج واحترامج للصغير قبل الجبير حبيتج من حب امي الج واهلي حبيت ضحكتج والرصعات من تطلع تزيد جمالج خاف عايزه
كمت اشرب جاي كل شويه واني ما احبه بس علمود ادور حجه احجي وياج وتجين يمي حتى اشم عطرج الي ادمنت عليه حبيت نكرتكم انتي وريم من الصبح كمت ااخربط الاغراض حتى اصعدين يمي واشوفج ولو شويه غرت عليج حتى من حسين غرت حتى من ابوج من تحضنينه وتبوسينه مااريد احد يبوسج لو يحضنج غيري احبج واحسج مو بس مرتي بتي الصغيره ادللج اشتريلج موطه حتى اشوف فرحتج بيها وضحكتج الي تترس عليه الدنيا جنت اتقصد اتغزل بيج كدام جميله لان ادري بيها ضوجتج بلحجي ما اتحمل اشوف دمعتج يوم الضربتج وجبرتج اني تاذيت اكثر منج سجاجين وتضرب بكلبي احبج واسوي المستحيل علمودج نقهرت حيل من خفتي مني شلون تخافين مني واني حزام ضهرج وسندج عيوني متغله عليج لاتحرميني منج خلي ننسه الي صار ونبدي صفحه جديده و اوله هاي
كمت كعدت على ركبي
كتله ازوجيني واملي حياتي تعبان بلياج حيل فراكج هد حيلي قبلي بيه اوعدج وعد الحر دين اعيشج ملكه
ورد بس دموع تنزل منها لزمت ايدها وبستها كتلها شكلتي كالت
فيصل انت احل شي بحياتي احبك وما اكدر بلياك صار كم يوم عد اهلي ما احس بطعم حتى الهوه ومن شفتك اليوم ردت روحي اقبل بس اريد منك اي شي يصير لازم متتسرع ونتفاهم عليهم ونحله
فيصل..الترديه يصير
وشغله ثانيه متوصل الي لحد منعقد محكمه هنا ضحكت بووويه هذا شرطج متعب حيل وما اضمنه لو اكو هسه محكمه اروح هسه اعقد النوب باجر جمعه يمه شيصبرني هاي اقوه عقاب .....
بس بداعتي بس بوسه راح اموت من الشوگ ضحكت كالت ماكو وكامت اني حضنتها وشميتها حيييل دفعتني كالت اصبر وطلعت نزلت جوه يم اهلي ونزلت وراها كتلها يمه احنه راح نعقدالاحد واريد ريم وماري يساعدون ورد تحول اغراضها بغرفتي من اليوم يبدون خاف تقلب عليه.... اي يمه صلوات بيه الخير
ثاني يوم جمعه الصبح دزيت رساله على الوتساب صباح الورد على احله ورده اذا كاعده تعاي شوفي ياخانه ترديه ......
دزتلي انت بكيفك اي خانه
كتلها دتعاي شبيج دزتلي ادري بيك مو على الخانه راح اجي امري لا الله...
اول مطبت ورد حصرته على الحايط وبسته بلهفه وهيه ذابت وخرتني كالت احنه شتفقنه كتلها مسويت شي بس بوسه كالت اي دوخر كافي وخرت كامت تعزل بشغلاتي وتفرغ خانه الها اني اباوع عليها واتمعن بجسمها بويه هذا كله الي شمسوي زين بدنيا والله نطاني هيج مره
اندارت كالت عينك حبيبي
ضحكت كتلها تحاسبين حتى على عيوني بسيطه يجي الاحد واريد تفكين حلكج لاعين ولا ايد كلشي بكيفي بس اصبري ...
لليل ريم تصعد وتنزل هي ورد عفتهم وطلعت رحت اجيبلهم موطه رجعت لكيت ورد تسبح بلحمام اخذت الموطه للغرفه وصعدت طكيت صوره للموطه ودزيته الورد وكتلها اذا تردين اصعدي وره ربع ساعه يالله اجتي تركض..
ورد طلعت من الحمام مشطت وضفرت شعري كلت خلي اشوف فيصل شوتاخر كال ما اطول والله فتحت التلفون ولكيته دازلي صوره جايب موطه الي احبه وكاتبلي اذا تردين اصعدي اني ركض بلا وعي جني زعطوطه صدت وفتحت الباب كتله وينها وينها ....
فيصل صعدت جان تكلي وينها وينها كتلها اطيها بس بشرط من تخلصينها تكعدين شويه بحضني هي صفنت كالت ميخالف بس كلشي مسوي كتل لا ما سوي شي اكلتها وهي تضحك كتلها زعطوطه هي موطه
ورد... اني من قبل بابا يتعنه يجيبها الي واذا احد من اهلي يشتهيها يجي يكلي اخابر البابا يجيبها لان بس علمودي يتعنه ويروح اكلت وكملت واخذتنه السوالف جاي انزل كلي وين سوي الوعد صفنت واذكرت
ورد خلي باجر لان تاخر الوكت
فيصل...لا عيني ماكو هسه جريتها وكعدتها بحظني بقيت ابوس بزنودها ولازمها من خصرها اخر شي دفعتني وكامت لان حست برجفتي ونفسي الي تغير
كامت يم الباب جاي تطلع كتلها طيبه الموطه رجعت جيتت عليه حظنتني وتكمز عاشت ايدك حبيبي جنت مشتهيتها حيل
اني بعد حسيت نفسي راح اجرم بيها كتلها كافي تكمزين لج كافي تعبتيني حظنتها حيل وضليت اشم بيها وبركبتها وابوس بيها حيل دفعتني جان تكول عفيه فيصل شو صرت تخوف جريتها كتلها بس تعاي دفعتني وراحت للباب تركض ..
5.5K views19:22
ع
