عمر

2022-08-29 14:44:04 كتلها شتعرفين عن زوجتي ...الغامضة ..

كالت ماعرف غير الي كلته الك والأطفال جانو يحجون الي

صحت سنااا سنااا

اجتي ميلاد كالت عوفها للبنيه.. لا تخوفها احنا شنو اتفقنا

نصيت صوتي..

اجتي سنا..

كتلها بابا احجيلي امج شجانت تسوي بلبيت

جانت خايفه ومرتبكه

كالت ماكو شي وتباوع ع عمتها

لزمت اديها سنا اني ابوج احجيلي

ميلاد كالت الها احجي سنا شتعرفين ترة ميسوي شي بابا يحبكم

كالت.. عادي مثل كل يوم تكعد ونكعد نروح للدوام نرجع لو اكو اكل لو دز النا من برة واغلب الايام ناكل الاكل مال صديقاتها من يجون يمنا او من برة

وتبقى بين صديقاتها لو تخابر لو ترسم واحنا كل واحد ملتهي بشي

كتلها وبالعطل

كالت انت موجود بابا من انت موجود ماما تتغير
وانت ماكو لا تختلف

كتلها ليش مكلتو الي

استغربت ليش اكول وهي تكول كل الناس هيج

كتلها اكيد مرات تغيبون مريضين شلون

كالت عادي ناخذ علاج وننبقى بلبيت
وهي لو تبقى لو تطلع

وين تطلع

سنا / ماعرف ومنروح وياها ابد

ة انت مجنت عايش ويانه وحتى بالعطل متبقينا يمكم
لهذا متعرفنا ولا نعرفك






وكامت تبجي وراحت

اني هنا انتهيت صدك

مداعرف شنو الي بحياتي واني منو وهم منو

معقوله طول هالسنين مخدوع معقوله ماعرف منو زوجتي

مصدوم ماعرف شسوي غير بس ساكت

ميلاد حاولت تهدئني تحجي ويايه بس مجنت استوعب

زوجتي تخدعني وبشنو وبحياه كامله بكل تفاصيلها

رجعت للبيت واني تناقض داخلي بين اكول لا مستحيل
وبين اكول احتمال جنت اني حابسها

رجعت شربت لحد ما فقدت كل حواسي..
صحيت ثاني يوم
مثل المجنون
شفت يوسف بفراشه
و شفت مكالمات من ميلاد واصدقائي

اتجاهلت كل شي
بس شربت مي
واخذت جكايري
وصعدت
فوك
بقيت واكف يم الياب
اني متزوج من منو

بقيت متحير بين ادخل وبين لا

فتحت الباب بقوة

مثل قوة دقات قلببي الي جانت تنتفض لتعلن حرب ام خسارةلا اعلم

تقدمت خطوتين
عدها صورة خالتها يم التيبلم

اتاملت ملامحها
صح شكلها مكبر وصارت احلى

ركزت اي اي شفتها منفوخة ووجناتها

معقوله هالكد غافل وغبب معقوله

تقربت ع السرير وكعدت نفس ترتيبه تلمست مكانها بهدوء وداخلي الف سؤال
معقوله تخدعيني..

فتحت المجر
عبارة عن مكياج
ابقيت ادور..
ماكو شي..

ابالي الفون مالتها اني من يوم الحادث غلقته بعد ما الشرطه تحققت منه

بديت اكلب بالغرف
ه
ماعرف جنت شنو ادور بالضبط
كلبتها رأسا على عقب
ماكو شي

بيها يثير الشك ابد

فتحت الكنتور عبارة عن ملابس ماركه ومرتبه
وعطرها اكسسواراتها

كعدت بالكاع تعبت من التفكير والبحث

بداخل غرفه النوم امو حمام وغرفه لوندري

عفت كل شي ونزلت ع المرسم

جنت ادور وادور لعل الكه شي يطفي ناري رقم صديقه عنوان احد اريد شي يثبت صحة كلامهم
لكن ملكيت شي غير بس صور ورسوم
لا رقم ولا عنوان

تعب بداخل نفسي اتوقعت يكذبون عليه في سبيل

انساها وارجع او يردون يعيشون حياتهم ع هواهم
واتركهم
عفت كل شي وطلعت
اخذت بطل المشروب وجنت افتر بي بالبيت
ابني امر مني يجوز هو هم يسهر ويسكر ينام الصبح ويكعد بليل
بنتي ماعرف عنها شي اني ضايع ضايع
كعدت الكاع وبقيت اردد انت قوي اياك تنهار او تستلم انت قوي مروان

راح ترجع مثل اول هذا كله كلام بكلام ماكو شي صحيح
فركت راسي حيل اريد اصحى
كمت للسنك
فتحت الماي و دخلت راسي جواه اريد اصحى

وتراولي رهف جوة المي وواحد فوكها وذبحها
وهي تدفع بي
بعدت عنه

وبقيت اباع ع الماي النازل
وكانما فلم والعرض بالماء
تقربت اباوع ع الماء شخص مبيم ظهرة

بس
وفجاءة اختفى كل شي
تراجعت خطوات ليورة
وبقيت واكف
فركت راسي من جديد شنو اني تخبلت
شداشوف
اخذت البطل بايدي بسرعه وصعدت فوك اترنح اكثر من مرة اوكع واكوم
دخلت للغرفه..
صحت رهف وينج اني صرت مجنون مجنووون
اني قاتل بدون جريمة

اني اب لاطفال ماعرفهم

اني منو واضحك وامسح وجهي ..

يمكن اني مو مروان

وذولي مو اطفالي

اريد اصحى

بقيت واكف ومنتجي ع الحايط
رجعت الذكريات

شفت اني وياها

جنت اني ع الجربايه اكمل حساباتي ع الكمبيوتر

وهي لابسه ثوب خفيف ستنن بارز كل جسمها

رفعت راسي عليها جانت تتعطر

ابتسمت الها كتلها تعالي مشتاق الج

ضحكت
كالت انت شوكت تشبع مو كبرنا

ضحكت اني كتلها مستحيل اشبع واني اشوف كل
هالجمال

اتقربت مني جريتها وخليتها ع حضني وحاوطتها
وبديت اقبل بوجها وركبتها
وانزع ملابسها
كامت بسرعه
كتلها شبيج رهف

كالت هاا ثواني واجيك نسيت الاوتي مشتغل
راحت لغرفه الوندري سمعت صوت شي وكع اشبهه بالمفاتيح

كتلها هاي شنو
جاوبت لا لا ماكو شي..

صحيت ع نفسي ذبيت البطل من ايدي وتوجهت للوندري
بسرعه
غرفه صغيرة خاله منشر ملابس واوتي وهذا بوكس بي الملابس الموصخة
وهاي غساله صغيرة ماكو شي ماكووو شي

تقربت من الغساله شفت بيها ملابس ..

كلبتهم باز کردن / نظر دهید

2022-08-29 14:44:04 #الجزء الثالث

ليش بعت البانيوو الي انقتلت بي؟؟؟؟

بقيت صافن وبوجه وبديت اتعرق رغم اني مالي ذنب بقتلها....

مروان / اني هجرت الحمام وقافلة من يوم الحادث بعت البانيو لان انتو كملتو كشف دلاله والقضية تحولت يوم عنصرية ويوم حرامي ..
اولادي كلما يشوفو ينهارون ....

الضابط / سيد مروان ..اكو صفقات اعتراف هاي تخفف الحكم من مؤبد الى سنوات وبيها إطلاق سراح مشروط ولا تنسى حسن السلوك ..
لهذا اني مستعد اعقد صفقة وياك ... لذالك اعترف ...
انت القاتل وخفيت كل الادله
وبالدلليل
وجود بصماتك ع جسد الضحية

مروان / بصماتي ...اكيد اني عايش وياها وكذلك ..
طلعتها من البانيو
مو معناها قاتلها ..

هنا تحولت من زوج مفجوع بزوجته الى متهم ...
مروان /
اعترف بشنو واني ممسوي شي اني مصدوم ..حالي حالكم
ماعرف شي ماعرف شي
انتو صورتو اكو شخص دخل وهم مصوريني وجنت احجي ويا صديقي ..مو اني القاتل ..
القاتل حر طليق انتو مشتبهين بالشخص الخطا ...

كان يستجوبني بكل برود اعصاب

وهذا البرود يخلي اعصابي تنهار

تركني وحدي ساعات بالغرفه ..
وهنا بديت ..افقد عقلي ..

كل شي من ايدي راح حتى عقلي
عرفت ليش اكو ناس تعترف بدون راجدي واحد هاي الاساليب تخليك تنهار ...

انعاد التحقيق من جديد وحققو ويا كل افراد العائلة
والجيران والاصدقاء

واني طلعت ..لكن تحت المراقبة وممنوع اسافر او اطلع خارج مدينتي ...

بقى الحال نفسة
يوميه دازين عليه وسؤال جديد
وتحليل ورفع بصمه
وجهاز كشف الكذب ..ماكو دلليل عليه

لان اني مو القاتل ..

تعبت جانت فترة جدا مرهقه والي يتعب اكثر نظرات الناس الي كلها اتهام ..

الناس كفيلة تحولك من ضحية الى قاتل
ومن فاشل الى ناجح ..

البيت مدينباع ..ولا حتى الاغراض

حتى الجيران يخافون مني ..

حتى اولادي ..
اريد انهزم بس ماكدر ..

الى ان تثبت برائتي ..

هذا المحقق نبش ابو ابو ابو ابوية ..

وبقى بين فترة وفترة يدز عليه وينتظر مني الزله
او الاعتراف ..

بقيت كاعد بلبيت خسرت كل شي
حتى اولادي ..
حسيت نفسي غريب عنهم ..ماعرفهم ..الملجأ الوحيد هو الشرب

وجنت من انام الكوابيس متفارقني ..

انهاريت ..
وخاصه تعامل يوسف وياية ..احسة ينتقم مني
شنو الذنب الي سويته ..ويا






وليش رهف ضمت عليه كل هذا ليش جنت مغيب ..

ترجع ذكرياتي ..

واتذكر من تشكي من شي اكولها

حليها انتي ..

او اذا بدر خطأ منهم اكولها تربيتج ..

يمكن اني السبب حملتها فوك طاقتها ويمكن اني مو اب صالح ..

فديوم ..جنت كاعد ..
وهم دار جدال بيني وبين يوسف ..

كال يعني دور الابوة وين جنت بي

بس أسألك انت وين جنت عنه

كتله شتقصد

كال يعني دور الابوة وين جنت بي

كتله جنت اشوف امك الي لازمه كل شي لهذا اطمئن

كال اها تمام لا انت ولا امي ربيتونه

ترة اني كبرت انت دوام واصدقاء وتجي تالي الليل

تمثل دور الاب الحنون

وامي كله صديقات ومراكز تجميل ورياضة وحفلات

وتجي تعيط علينه من تعصب ..منك ..

اني مدااستوعب كلامه معقوله وصلت بي

يتجاوز ع امه الميته مستحيل

بدون وعي ضربته راجدي كتله انت شلون تجرء وتمس امك

صرخ بوجهي

ترة احنا بهذا البيت واحد يمثل ع الثاني
كلنا انمثل ع بعض ..

والله اذا مديت ايدك عليه مرة ثانينه متلوم اله نفسك

وعافني وطلع برة

جنت مصدووم

ا

معقوله الي داعيشه صح..

بسرعه واني بملابس البيت شورت وتيشرت
اخذت..

سويجي وطلعت الطريق كله اسوق وذهني شارد
مستحيل

الي سمعته وصلت قريب ع بيت اختي..
طبكت السيارة ونزلت

فتحت الباب جانت اختي كاعدة هي وامي بالمطبخ

اتفاجئو بيه

اهلا مروان.. خيرك شبيك..

كتلها وين سنا..

كالت نايمه
وييين

ميلاد /شبيك مروان نايمه

مروان /كولي وين

ميلاد /بغرفتي.. شبيك اكو شي

مشيت بسرعه لغرفه النوم. شفتها نايمه..

فتحت الاضويه فزت رفعت راسها
بابا..

كتلها اي بابا كومي ويايه..

كالت شكو بابا شبيك خوفتني

اختي ميلاد ورايه تسأل شبيك مروان






كتلها ميلاد احس عقلي تبنج لا اني اني
ولا هاي حياتي ولا ذولي اطفالي
مداستوعب الي صار
ابني جسر ولسانه طويل
وهاي ماعرفها
وفوك هذا يحجي ع رهف اتخيلي يكول عليها مربتنه

جرتني من الغرفه اهدا مروان اهدا ياعيني

صحت حضري نفسج سنا

جرتني للمطبخ كعدتني
كالت ...ماكل شي وجهك اصفر وتعبان

كالت اهدا مو هيج تنحل الأمور انت اعصابك تعبانه عاذرتك ...

و المسؤولية جديدة

لهذا اخذت منك اني

شنو الي صار احجيلي..

قلبي محروك ما اعرف شكول

ححيت الي صار

كالت مروان ترة رهف الله يرحمها مو مثل ما انت تحجي لا تخبلني معقوله انت متدري

كتلها شنو الي مادري بي ميلاد راح اتخبل

كالت اهدا
ترة عادي رهف جانت تطلع واطب وصديقات يجون الها
ترة اني وياها منتوالم وانت تدري بس لخاطرك ولخاطر الاولاد جنت اجي واتواصل باز کردن / نظر دهید

2022-08-29 14:43:03 ضابط التحقيق مو نفسه متغير ...

كعدت كباله ...

كال ..
القضية انفتحت من جديد ..

كتله / لكيتو القاتل

الضابط/ لا ..لكن التحقيق مو مقنع..

واكو اشياء جديدة ظهرت اني استلمت القضية ..

الكل مشتبه وانت مشتبه بي اول ..

يعني هسة شنو
الضابط / للتحقيق ...

ليش ما انت تكون القاتل والدوافع هوايه وخاصة

جاوبت / ..مستحيل انتو تريدون افقد عقلي ..اني ما اقتل زوجتي

الضابط / الدكتور الجنائي
فارقت الحياة قبل الذبح + دمها يحتوي ع مادة دوائية ضد الاكتئاب ..وكذلك ماكو علامات اقتحام من خارج البيت

وماكو بصمات لشخص غريب بمسرح الجريمة
واداة الجريمه مفقودة
مروان / اني عندي ادله جنت خارج البيت ..
ولقطات الكاميرا اني مو بلبيت ..والاتصالات كذلك ..
اني عندي حجة غياب .في وقت الجريمة

كام الضابط ولز م كتفي من الخلف ..

الضابط / ليش بعت البانيوو الي انقتلت بي ؟!؟؟؟؟؟؟ باز کردن / نظر دهید

2022-08-29 14:43:03 كتلها اتشرف بيكم اني هذا بيتي واشرت الهم
والظاهر انتو جديد جاين..

الاثنين انصدمو..

وكالو انتو بيت الي انذبحت مراه بي

كعدت واخذت حسرة وباوعت
اي نعم زوجتي

سكتوا..
هدى كالت ياعيني البقيه بحياتك

وانتبهت لينه السوريه تجر بيها وتهمس الها

كتلها اشكرج محتاجين شي اروح اني

لينه بسرعه كالت لا لا يعطيك العافيه ولا شي بدنا

هدى كالت بس سؤال صدك منو كتلها
والله احنا اسبوع منايمين نخاف

كتلها علمي علمج لليوم البحث جاري

السورية متخوفه مني شي واضح عليها

هدى كالت والله شو الناس كالو زوجها..

كلت الهم اني زوجها ومستحيل امس شعره منها

لكن هذا كلام الناس الي ميترك احد بحاله اترخص منكم

ومشيت صدك اتهامها الي نرفزني

العالم تشوفني اني القاتل واحتمال يخافون مني عبرت الشارع ودخلت ع البيت وكلامه بعدة براسي

مغثوث منه اني ليش محجيت وكلت ليش اكتفيت بهل كلمتين منا يوسف ومنا هاي رجعت معصب دخلت شفت
يوسف بعدة نايم

رحت مددت ع الكنبه و اتصفح نت ماكو شي اسوي..
اكثر من مرة اريد اروح اشرب واتراجع

ماعرف شنو الي اسوي
معقوله ابني هيج ويايه

معقوله هيج يجاوبني اني كبرت وازوجت ولا يوم رديت اهلي او غثيتهم بشي

بقيت اتكلب مقهور ومختنك
منا يوسف ومنا البنات والناس الي تاهميني بقتل زوجتي
صدك كلام الكل ويايه خلاني اعيد حساباتي..

محسيت ع روحي واله واني نايم
بعد ساعه او اقل كعدت من النوم
جسمي متكسر حياتي عبارة عن اكل ونوم وذكريات وشرب
كمت من الكنبه توجهت للمطبح شفت يوسف كاعد ياكل
والفون مقابيلة ومشغل شي بي ويتفرج

رحت صبيت الي اكل وكعدت بصفه

يوسف ينطي من خاله اكثر مني جان ابيض وعيونه صغار مسحوبه عبالك ياباني او صيني

اني اختلف اسمر وملامحي كلها بارزة ..

حاولت افتح ويا حديث كتله بابا يوسف..
جاوب نعم..

كتله اني من احجي اريد مصلحتك اولا مو هامني نفسي ولا راح احصل شي اذا تدرس او تتفوق بحياتك
وقدمت اله كلاص وخليت بي عصير..

مجاوبني ورجع يباوع ع الفون..
بديت اكل لكن تصرفاته تستفزني بصراحه..

بس مجبور اتعامل ويا بهدوء..

رديت كتله يوسف
رفع عينه عليه..
شلونها درجاتك

يوسف /جيد..

مروان / اكيد وفاه امك اثرت ونزلت للجديد انت جنت كله ممتاز

ضحك وفر ايدة..

اخذت نفس كتله اظن كافي تعاملك ويايه ابد مو لائق اني ابوك لازم تحترمني..

كال/ بابا شبيك ويايه اليوم يعني انت الليل كله سكران ومن صحيت ع نفسك اجيت عليه

ضربت الميز بعصبيه يوووسف..

بقى كاعد وياكل..

كال.. اولا اني علاماتي من زمان جيد او ممتاز

وامي مايوم درستني خلي يكون بعلمك ولا تخاف انجح

كتله انت ابد مو مؤدب وميهمني الة اربيك من جديد

جان يستمر ياكل وكأنما اني مموجود وميسمعني

كال اي وبعدين تزيني صفر لو تربطني لو تنزع الحزام وتضربني.. شوف الف عائله اوربيه تتمن تتبناني وبصراحه اني مليت منكم..

هنا اني بين نارين
نار افقد ابني
ونار احسه ضايع مني.

كتله اني وين جنت عنكم وامك وين جانت هاي اختك هم هيج احلاقها..

ضحك كال لا لا ترة سنا معروفة

كتله شنو؟؟

كال اي انت مسامع بالمشاهير

كتله اي سامع..
كال اي واختي هي من المشاهير اتخيل عدها 47k

جاوبته وهاي شنو وشنو مشهورة فهمني شديصر
جر الفون وطلع صفحتها
وفتحها الي..
جنت اكلب بيها
فيديوات عادية لو العاب لو تغني لو تسولف او تنزل مشترياتها
لكت الي فاجئني واحد من الفيديوهات
كالت هلو فانزاتي اليوم بابا طبخ النا
وهي جانت كاعدة نفس مكاني واني واكف ع الطباخ

اني وين عنهم الغائب الحاضر
مستحيل ..اني وين جنت ذولي منو ...

عبالك كابوس دامر بي..

كتله طفله عمرها ١٠ سنوات منو سمح الها

كال ماما قبلت وجانت تدعمها
اتفاجئت اكثر..

امك مستحيل تقبل واني متاكد انتو مستغلين غيابها
وهل تصرفات اله اعدلها

صدمتوني بعدني مصاحي من حادث امكم

مستحيل رهف تقبل ولك كاسرة ظهرها عليكم..
حارمة نفسها من كل شي لا تطله ولا اطب بس ملتزمه بيكم كاافي حرام عليكم

وبداخل نفسي بصراحه عاجز عن التصرف

كام كااال او كف اوكف

عوف امي انت اخر انسان تححي بيها ..عوفها ..
مرتاحة منك ...

بس أسألك انت وين جنت عنه
لا تجي تعيش دور الاب رجاءا ..
لا احنا نعرفك ولا انت تعرفنا ...

خلينا كل واحد يعيش حر ..

ميعجبك نعوفك ..

وبلا هل الدراما الي خبلتنه بيها ...من الصبح ..

اريد ابلع ريكي احسة يبس للاخر ..

ودخت ..

اني الوحيد الغريب بهذا البيت ..

رهف ..اولادي الكل غريب ..

قاطع كل كلامنه اتصال ..

يمكن جنت مرتبك اريد اهرب ..

رديت بسرعه ..

الو ؟
/ سيد مروان ممكن تجي للمركز

رجعت للوعي ..
انداريت ع ابني كتله راح اروح للمركز وارجع وكلامنا مخلص ..

بسرعه بدلت وطلعت ..
جنت اسوق واني الف فكرة ابالي لكو القاتل ..
او يوسف
لو سنا ..
لو رهف ..
هاي الدوامه وصلتني بسرعه للمركز ..

نزلت ..ودخلت سالت ع الي اتصل بيه ..

كالو انتظر ...
مدة ودخلت .. باز کردن / نظر دهید

2022-08-29 14:43:02 ثاني يوم..
كعدت من نومي المكان مخربط أبطاله مشمرة
الاكل على كنبه
فوني واكع
اني مصدع..

واتذكرت شصار البارحه
اكره نفسي واقرر اترك الشرب

وارجع لشغلي وحياتي..
كل ما اشوف نفسي بالمرايا انقهر على نفسي

اشوف رجل عجوز
كل شي بيه اتغير
ادخن واشرب وسابقآ جنت رياضي صح ادخن لكن وحدات باليوم
هسة كل شي يهدم احتويته..
حتى شكلي تغير وملامحي
عيوني ذبلانه
لحيتي عاليه..

عفيه الحزن شكد غير الانسان..

كمت شلت البطاله ولميتها بكيس والاكل هم
وطلعتها برة خليت قوري ع النار
بالثناء دخل يوسف

دخل يوسف سلم عليه
كتله اختك وين لعد وعمتك
كال بس اني رجعت واجه كعد ع الميز
رجعت وحدك
؟؟
اي بابا وحدي
جاوبته ميصير ابني ترجع وحدك عمتك شلون خلتك
كام وكال اني مو صغير جبير
صحته يوسف
اندار عليه
نعم
مرة ثانيه متعيدها..
هنا اني تحيرت شسوي اول مرة اصير بهيج موقف وياه
مجاوبني وكال اني راح انام

صحته يوسف تعال
شنو تنام والدنيا صبح
مد راسه ابتسم بابا ساعة ب وحدة
يا صبح صح النوم

واني منايم البارحه الليل كله سهران اللعب لعبه اون لاين
كتله انت شلون تسهر ودوامك عقاب الك اخذ الفون منك

ضحك بصوت وتقرب
كال / لا لا اكيد انت مو صاحي
تشاقه مو تشاقه اي ..

اولا هاي العطله مال رأس السنه وثانيا والاهم اني
حر بتصرفي
تغيرت نبرة صوته وكلامه فاجئني
معرفت شجاوبه
اول مرة يتكلم ويايه بهاي الطريقةالي استفزتني هذا ابني.. معقوله
كتله انت شلون تحجي ويايه بهل اسلوب
كال/ بابا كتلك اني حر اكتبها و اكبرها

تقربت منه.. انت مو حر انت ابني وبكفي تمشي يلا جيب تليفونك لا ازينك صفر

باوع عليه بغضب
كال /
المن تزين لا لا انت حادث امي اثر بيك

شوف يا بابا العزيز متكدر تسويلي شي احنا بلد ديمقراطي.. روح بلدك مارس دكتاتوريتك..

لزمته من هدومه وجريته يمي جنت اريد اضربة وادبه
لكن ردة فعله كانت اسرع من ايدي
دفعني

وكال/ وروح امي اذا كررتها اتصال واحد للبوليس وبعدها لا اشوفك ولا تشوفني ..
واسجنك واخذ تعويض

اني حر شئت ام أبيت راح انام وعافني وراح
بقيت بنفس مكاني

ابني وجهلي صفعه تسوى عمري تسوى ٤٠ سنه واكثر..

معقوله ابني يحجي ويايه بهل الاسلوب معقوله
مصدوم مداصدك كلامه ويايه ونبرته وتهديدة الي
اني وين جنت من كبر

اني وين جنت عنه
بقيت حاير ماعرف شسوي
اتصلت باختي وحجيت الها الي صار
كالت مروان شبيك ترة يوسف هذا هو. هيج ولا تنسى فترة مراهقة وامه مو يمه وهو طبعه عصبي ميتحمل يعني اتخيل طلع واني مقابله لان تعارك ويا يزن علمود اللعبه والله وخلاني افرفرح قهر وكل شويه ادك عليه علما وصل للبيت ياعيني طول بالك شوية
كتلها ميلاد انصدمت بي

كالت هنا التربيه صعبه كلش يا اخويه بس شنسوي مجبورين.. وين انروح.

كتلها اربي من جديد
كالت ابد اياك تسوي شي مروان ترة تحلم تشوفه بعد ياخذو البوليس والله عوفه وحدة يعقل

هسة يزن نفس الحال بس اني وياه وهم يتمرد عليه..
معرفت شجاوب

دور رهف وين جان

ليش مكالت الي عنة..
صعدت فوك جان مطفي كل شي ومتغطي ونايم
تقربت من سريرة
وطلعت من الغرفه..
ماعرف شسوي
غير عدلت البيت وطلعت اكو اكل جاهز

اخاف يكعد يلكة اكو اكل
وطلعت برة اتمشى ..افكر شلون راح اتعامل ويا يوسف وحدي
اخذهم وارجع ..للعراق لو شسوي ...

مشيت

قريب عليه اكو بحيرة رحت لهناك..
وصلت كعدت ع المصطبة..
ومقابيلي طيور وبط..

جنت احاول اهدا اعصابي حتى اجد حل ليوسف..
بقيت كاعد..

حسيت اكو شخص قريب عليه انداريت بنات ٢ شابات
تقربو مني وجانت اللغه مالتهم مو زينه

لكن ديسالون عن أقرب باص شوكت يجي.
جاوبتهم بصراحه ماعرف..

وحدة اندارت ع صديقتها كالت
مو كتلج هذا اجنبي غبي هم ميعرف

صديقتها جاوبت طيب شو نعمل هلا

كالت الها منعمل عيني نبقى هيج ونشوف هو احنا شكول مدينه اكعدي واسكتي..

ضحكت اني..

كالت يضحك هذا ولج بس لا عربي وافتهمنهى..
صديقتها جاوبت.. اني مدنج وخال السماعات باذني
كال لا ما اتوقع انتبهي ع ملامحو اتوقع يكون لاجئ لكن مو عربي مافي عربي هيك كارزما و جنتل

الي عنا خلقهم بتجيب الاخرة يقطع عمرون..

هنا ضحكت بصوت وكمت
اني مروان من العراق مو اجنبي ولا غبي

بقو الاثنين متفاجئين..
الاولى طويله وسمرة ورافعه شعرها يليفوك لونه بني وعيونها هم كذلك.. وملامحه عراقيه
اما الثانيه كانت شكرة وبيضه ضنيتها اوربيه

كالت السمرة اني اعتذر منك بس صار ساعه واكفين تعبنا
الثانيه كالت احنا عن جد اسفين حقك علينا

كلت الهم مصار شي

ولا يهمكم بس بصراحه اني عندي سيارة ماعرف للباص شوكت يجي..

ابتسمت الي البيضه لكنتها جانت من بلاد الشام
كالت طيب انت تسكن هون

كتلها اي نعم عبور الشارع

السمرة كالت اني هدى وهاي صديقتي سوريه لينا

اتشرفنا بمعرفتك احنا هنا هم نسكن بعد شارعين يالله شكد حلو لكينه عرب الله وكيلك تخنك الحياه هنا . باز کردن / نظر دهید

2022-08-29 14:43:02 الجزء الثاني ....

أحياناً اتمنى لو أصبت بالزهايمر
لكي افقد تلك الذكريات الموجعه..

وترجع امي تباوع عليه باستغراب..
انت منو
وتصيح ولج نهله تعالي اخذي ابنج..
اصفن عليها
نهله اختها ماتت قبل ١٢ سنه
وابنها صار جد هسة..
اكولها ماما اني مروان تدخل بسكوت وحيرة
وتجاوب اني ما اعرفك لكن احبك
وتختمها بإبتسامة
الماضي والذكريات

عاصفة سوداء تداهم ارواحنا بدون انذار
تعصف بماض مشوهة
وتحطم الحاضر

.. أيقنت ان القلوب لا يصيبها الزهايمر
يصيب العقل فقط
اما القلب يمرض ويتمارض
فقط ويبقى
.. ولا ينسى الذكريات والاوجاع والالم..

وايقنت أيضاً
عندما ترى شخص لا يبكي
هذا لا يعني انه لا يشعر
لكن انه مصطنع للقوة
ولا يقبل للهزيمة
يتألم يصرخ
لكن بصمت ويبتسم
ابتسامه زائفة..

حاولت ارجع للدوام..
لكن مجرد ساعات وتعبت وصدعت
وكنت قلق على أولادي رغم هم مموجودين بالبيت حسيت راح افقدهم..
وارجع لبيت اختي واشوفهم
تطمئن روحي
وارجع اتصل بالولد واعتذر منهم هم يتحملوني لكن الى متى..
حياتي كلها مخربطه ..
خلص النهار واني ماعرف وين ....
عفت كل شي ورجعت لبيتي
اتصلت بمطعم طلبت دلفري..
دخلت للبيت شغلت الاضويه..
وكعدت..

كنت سابقاً انسان ملتزم بصلاتي والصوم..
لكن بعد الحادث تركت الصلاه..
كأنما اكو جدار بيني وبين الله
كلما اريد اقترب ابتعد..

هاي الفترة كنت اتعمد ابعد الاطفال من البيت
حتى اشرب وانام واني سكران ماعرف شنو الي صار

حضرت المشروب
الي هو هنا ارخص من الماي
انتظرت اتعشى وبعدها اشرب
دخلت للحمام.
الجانبي الي قريب ع غرفه الأطفال
اول قطرة مي.. نزلت

تسألت هل للماء ذاكرة

طيب لو بي ذاكرة يعرف شنو الي صار برهف

غسلت وجهي ورفعت راسي على المرايه والمي يتساقط مني
المجرم انحفظ شكله بالمي ياترى
المي يعرف منو
ويعرف ليش انقتلت
نشفت وجهي بسرعه وطلعت من الحمام
اول مرة بعد هاي المدة اشعر بخوف بداخلي حسيت روحها موجودة
او القاتل يراقبني

شغلت اضويه البيت وتأكدت من قفل الابواب كلها
انتابني شعور بالقلق

نفس الشعور الي صار من رجعت ومشفتها
أكثر من مرة افتح باب الحمام
او البردة الخارجيه اشوف
ويتهيئ الي شكلها وهي تنزل درج
بثوبها الابيض

او يتهيئ الي شخص خاتل خلف الكنبه

واكوم مفزوع وابحث عنه بكل مكان
ادخل للمطبخ ادور اطلع ادور بالمخزن
لزمت راسي احس بجنون
اندك الجرس

فزيت من مكاني
وحسيت قلبي يريد يوكف
حتى النبضات تسارعت
اخذت نفس عمييق
ورحت
شفت من العين السحريه.. شخص واكف لكن الظلام مغطي ملامحهة
بعدت والقلق والخوف زاد
رن الجرس مرة ثانيه
هذا القاتل اكيد
ورجع يقتلني
ركضت بسرعه للمطبخ اخذت سكينه ومشيت
وصلت قريب الباب أتراجعت
وفتحت المجرات
لكيت مقص ايد بيها مقص والثاني سجينه

رن الجرس للمرة الثالثه
اخذت نفس عميق
وقررت اول ما يدخل اضربه
فتحت الباب مو كلها..
وبقيت واكف وراها واتعرق
وارجف..

راح انتقم من الي قتل رهف واخيرا
اسمع
سيدي انت طالب بيتزا..
بقيت صافن عليه ..

وكع من المقص المضرب... وضحكت بصوت عالي
الولد بقى صافن ومصدوم بتصرفي هذا..

انطيته الحساب واني اضحك بصوت عالي
واخذت منه الاكل ودخلت جوة

وبديت اكل..
وجنت اباوع فيديوات على النت
وبديت اشرب واتذكر رهف
حتى علاقتي الحميمه صورها ابالي
احس بقرب انفاسها يمي..
وضحكاتها
صوتها الي تارس البيت
تذمر من الاولاد ومرات تسولف و تضحك
جنت اغفى وافز على شي
طول هاي السنين

اني احبها لكن محسستها بهل شي جنت دائما ملتهي مابين شغل واصدقاء دائما مشغول عنها

صح ممقصر وياها بشي
بس جنت بعيد
اتمنى ترجع حتى اكول الها اني احبج واحبج واحبج
واصحى على نفسي
اني اردد هالكلام
واغفى...

وافز بصوتها مرروان تعال شوف لوحتي حلوة
واني بعيد عنها وعن لوحاتها ملتهي بشغلي..
جنت اجاوب بدون تمعن اي تجنن
وتضحك وصوتها يرن ويفززني

كل هالسنين اركض حتى اوفر الهم الشي الزين
لكن مع الاسف الي وفرته داصرفه هسة
وهي ماكو..
تمر الذكريات سريعه..
هلاو حبي شلونك
هلاو..
هلاو..
اكولك اريد غراض من تجي
تمام اكتبها برساله واني اجيبها
واختم المكالمه
ارجع للبيت تالي الليل
رهف لو بالمرسم لو ملتهية بالتليفون
ارجع
تكولي اكلك بالمايكرو
بس حمي
الاطفال وين
اممم صوتها من بعيد يجاوب بغرفهم
اكيد كملو كل شي وكاعدين ع التليفون
صوتها يتقرب مني
وتدخل المطبخ
شلونه يومك
والله شغل وتعب حاله من حال اي يوم

اتجاوب.. اخذ اجازة ارتاح
وتبدي تسولف عن شصار بيومها

اقطع كلامها واكول الها رهف تعبان وراسي مصدع من الدوام

وتعوفني وتصعد لغرفتها
وافز
ابجي ابجي ب٢وت وحركه لان هل التفاصيل الي جانت تشاركني بيها اني مموجود
وممهتم نهائي الها

وانام هذا نومي جان وجنت اسأل نفسي معقوله كل من فقد زوج او زوجه هاي حياته لو احتاج طبيب نفسي باز کردن / نظر دهید

2022-08-29 14:41:01 واحس صعب يبوح بمشاعرة لهذا. كان ظاهريا مسيطر وداخليا حزيين
ايام طويله واسمع صوت البجي داخل الحمام او بغرفته
او يتغيب عن الدوام واعرف بي رايح للقبر
هيج مرت عليه ٤ اشهر من موت رهف
وبعدها القضية ممعروفه
اكو احتمالات انطرحت
اما حرامي داخل يسرق وقاومته وقتلها
اما مغتصب
او قتل عنصري
اضحك طيب منو
والسؤال يجاوب نفسه
مجهول الهوية ...
ميلاد تروح وترجع
اني شغلي تركته طول هاي الفترة
اشتغل واترك
بخلال الاربع اشهر
اعتزلت كل شي
كنت مثل المريض اتحرك
احضر الفطور والملابس وبعض الاحيان استعين بمساعدة مدبرة منزل لكن فلوسي متكفي كل هاي النفقات.
وارجع اعتمد على نفسي
واتعب واترك كل شي وترجع
ميلاد تحضر الي عدة طبخات وترسلها
بالإضافه بالعطل تاخذ الاطفال
اهل رهف بقوا على اتصال وياية ويا اولادي
لكن كنت بلا روح اتحرك..
بس مجبور..
من يوم مقتلها لليوم اني ابد مصاعد فوك بغرفتي كنت اتجنب اصعد
اخاف. ماعرف شنو الاحساس
من بعد كشف الدلاله انقفلت الغرفه والحمام انهجر
وكل شي بقى نفسه متغير
مرت الايام سريعه بوقتها وبطيئة بتفاصيلها

واصحى
وارجع
ابتسم لخاطر اطفالي فقط..
حاولت ارجع مروان القديم صعب جدا..
عشره سنين طويله

بليله انتهى كل شي
اتزوجنا بالعشرين
ومع الاسف ودعتني بصغر
هي حاضرة بكل تفاصيل البيت
الترتيب.. االابيض الرفوف البيضاء
الورد.. الاصفر..
الستائر كل لمسه تنبض باسمها. لوحاتها بكل مكان
كان كل شي يكول اني رهف.. عايشه وياكم

المكان الوحيد الي لمستي طغت هو الاستقبال لهذا كنت انام بي
عرضت المنزل للييع وأقل من سعرة لكن هنا هم الناس تخاف من البيوت الي بيها حوادث مو الكل البعض منهم
واحيانا يربطوها بالأرواح.
او الفال السيئ رغم اختلاف الثقافات لكن اكو اشياء اكتشفت هاي موجودة بتكوين الانسان..

انتظرت ينباع البيت..
حتى اكدر افتح صفحة جديدة...

الاهل والاصدقاء مستمرين بالدعم المعنوي والمادي
يوم بلال ويوم حسن ويوم اسعد
كل يوم واحد يجي يحاول يغير مني.. رغم كلامهم لكن كنت جالس بجسدي وعقلي وفكري بغير مكان
ما اتوقعت انهار بالسهوله هاي واضعف

يمكن طريقه موتها..
اغلب التوقعات رجحت القاتل عنصري
باخر فترة شهدنا هالتصرفات وجرائم باسم العنصرية
لكن مع الاسف تزهق روح لهل السبب
العنصرية تلاحقنا بكل مكان
هذا ابيض وهذا اسود
لا لا
هذا مسلم وهذا مسيحي هذا ابيض هذا اسود
الى متى نبقى بهل المسميات
وهل الافكار الي مزروعه داخل الانسان

هل تسميات كفيله بقتل ارواح مو روح وحدة..
.....

وجود الكل يمي من اصدقاء واهل حتى امي تجي يمي وكنت مشتاق لحظنها وارتمي بي مثل الطفل وهي تمسد على راسي
و تسألني
انت منو..
اكولها اني مروان ابنج..
تصفن وهنا تخونها الذاكرة
وتلعن المرض
وتبتسم الي..
مرووان حبيبي.. شوكت رجعت من المدرسه اكوم اسويلك اكل سويت الك شلون تمن احمر يجنن
واخذت وياهم سمج من ابو صلاح ابو العربانه
تازة يجنن وتهم تريد تكوم
هنا ترجع الذاكرة تخونها لأن مقعدة
الزمها اكولها لا شبعان
تكول لعد انتظر ابوك
او اخوك وتسكت
هنا الذاكرة تحتيي بألم
عندي اخ استشهد بدايه احداث ٢٠٠٣
بطلقه عشوائية..
ويطول سكوتها..
احس بانفاسها حزن..
اتامل تعابير وجهها خلف هل التجاعيد حزن اعمق من أن تتفسر..
غربه وفقد و الم ومرض..
الضياع..

أحياناً اتمنى لو أصبت بالزهايمر
لكي افقد تلك الذكريات الموجعه..

..... باز کردن / نظر دهید

2022-08-29 14:41:01 حسيت بشي يمشي من رجلي صعد لراسي بطئ خدر كل اعصابي
ممبينه ملامحها هي او لا ..
رهف.. و ماء احمر.
مديت ايدي بسرعه
طلعتها من الماء
وبقيت مهول مصدوم
كانت مذبوحه من نحرها.. وجهها اصفر ..مو هي مو هي
والماي واصل نص البانيو
طلعتها من البانيو وخليتها بالكاع بملابسها البيضة الخفيفه ..الي تحول لونها الى احمر
وبقيت اضرب على راسي ..اريد اصحى...
مصدوم حيل
كمت من يمها ورجعت
قربت راسي على صدرها ماكو نبض. هزيتها رهف رهف
لكن دمها ترس ارجاء الحمام
كأن نافورة تدفق
ماعرف شسوي والدم غطاني كلي
وزاد توتري وخوفي وضياعي
من داخل الحمام
حضنتها واصررخ ررررهف
رررهف كومي..
ماعرف شلون تمالكت نفسي واتصلت بالنجدة صوتي جان متقطع كوة ذكرت العنوان
واجتي الاسعاف والشرطه
بهاي اللحظات تخونك الذاكرة والتعبير
والحياه هم
كل شيء يخون حتى نفسك تخونك

بهاي اللحظات الي تحبس الانفاس
ياخذوني الشرطه يطلبون شهادتي..
اني مقسوم ٣ اقسام ما بين رهف
و اولادي ونفسي كنت ما استوعب اي شي غير الانهيار والدموع منظرها هي ومذبوحه والدم الي سبح ملابسي مستحيل يفارق خيالي
احس حيلي انهد
بعد مرور ساعات كدرت استوعب رهف ماتت ومقتوله
لكن منو الي قتلها
هنا الف علامة استفهام.

بعد مرور ٣ ايام تم الافراج عني
بهاي ٣ الايام تم استجوابي.. وكل الاهل والاصدقاء اجوني الكل كان بتسأل اكو خلاف بينكم
واجاوب انتو من كل عقلكم رهف روحي مستحيل اذيها مستحيل
اولادي شلونهم
عرفوا بالخبر
اختي جاوبت اي
لان انتشر الخبر بسرعه
طيب منو القاتل وهي مماذية احد حتى اختلاطها قليل
الكل ميعرف..
هنا الف علامة استفهام.
والشرطه فتحت تحقيق
تبين ان.. رهف تم قتلها بالغرفه خنق..
وبعدها نزلها داخل الحمام ونحرها.. حتى يتاكد من قتلها
اكو ابشع من هيج جريمة
اكيد لا ماكو..
يمكن شي واحد طلعني وله اني المتهم الاول والاخير
اكو شريط فيديو يوضح دخول شخص بعد ما طلعت بثواني..
لابس قبعه مغطيه تفاصيل شكله..
وبعد دقائق طلع يركض
لكن هو مجهول وبنيه جسمة تختلف عني
انعم واضعف واقصر
هذا الشي خله الشرطه تفرج عني...
٣ ايام مرت على موت رهف..
اني مذهول
والي ياذي اكثر تم دفنها من اهلي والاصدقاء الي كانو هنا
والي يوجع اكثر نظرات عيون اولادي الي
ليش ما ساعدتها ليش تركتها للموت
واني انهزمت بيها.. من ارض الموت
الاولاد رجعوا يمي واختي ميلاد وياهم..
كل شي موحش و يوجع حتى الساعات تمر ابطئ متعب
اكثر ما نفسي متعبتتي
الي دخل
قاتل
حاله من الجنون انتابتني
منو القاتل طريق مابين البيت و المخفر
حفظني..
يوميا اروح
مرات يستقبلوني ومرات لا والكلام مكرر البحث جاري
بدات افقد اعصابي
قطعت الطعام .. ادخن
ابحث عن مهدئ الأعصاب تركت شغلي..
هاي الدوامه اخذتني لبعيد
انزل للمرسم
كنت ابجي مثل الاطفال..
وابحث داخلي عن زوجتي
ليش طلعت من البيت وليش تركتها
ليش غضبت وما بحثت عنها بكل مكان ..يجوز جانت عايشة واني اتريك يجوز بعدة القاتل موجود
زين والبصمات ..ليش شنو اسال يكولون جاري التحقيق
ولا متهم موجود بس اني الف سؤال
ولوما مكالمه ..ويا صديقي جان اتهمت ..
والكاميرات مصورتني اني واركض
وساعه موتها بوقت طلعتي ..

وليش وليش..

كتت اعصب على الاتفه الامور واكضي اليوم كله واني شبهه فاقد
وارجع اشوف صورنا
ابتسامتها
عشت حبيس داخل ذكرياتي

أتذكر لمساتها الي قبلاتها..
دلعها.. وابتسم..
وارجع اتذكر موقف وشلون مذبوحه..

تنسلب مني ابتسامتي
هناك واسمع صوت اختي ميلاد
كافي مروان كاافي
وتجاوب روحي قبل لساني مو بيدي

اختي ميلاد مطلقه وعدها طفل واحد يزن
وعايشة مع والدتي واطلقت هنا..

اولادي يحبوها هوايه
ويفضلوها عن الباقي..
امي امراه كبيرة السن صابها الزهايمر..

دائما مو بوعيها ولا تعرفنا
هنا الدوله خصصت الها مساعدة تجي تساعدها.
يوميا..
ماعدا الراتب..

ماعدا الحياه هنا اكرم

من اجي اصفن على نفسي اكول اني انهزمت من موت
وتالي هنا هم افقد احد
ما اتخيلت بيوم اخسرها ابدا
هذا كان اخر شي يكون ابالي

فجاءة فقدتها البيت احس مابي روح ولا حياه
رغم ضجيج الاولاد لكن كل شي بارد
اشعر توازني اختل
فجاءة اصبحت اب وام..

نعم اصبحت اب..
كانت شايله عني كثير من المسؤوليه الي محاس بيها
هاي الامور الصغيرة شكلت عائق عندي
وين حذائي وين حاسبتي ..

وين غراضي
اريد كيك اريد واريد

كنت كلها محاس بيها او متخلي عنها ياخذني صبح ويجيبني لليل
رغم اختي وياهم لكن احسها تعبت
اولادي الفراق مطول عدهم غير اشهر
لكن اني اذاني هواية ....

يمكن طبيعه الحال هنا بعدا الام عن اولادها
او خلاق مسافه
بحكم دوام واصدقاء وغيرها ....

صح يبجون لكن منهارو مثلي
مع الاسف اولادي اقوى مني
سنا كانت تبجي وتسأل عن امها وتحتاجحها تسوي شعرها الي جنت اصفن شلون ارتبه
اما يوسف في سن مراهقه .... باز کردن / نظر دهید

2022-08-29 14:41:01 ...
صباح يوم الاحد
هذا يوم العطله عدنا ودائما اكعد من وقت بحكم شغلي اتعلمت على النهوض من وكت
اسكن بمنطقه يحيطها الغابات
لهذا اطلع صباح العطلة اركض وانشط الدورة الدمويه
كعدت ب ٧ الصبح.. وشفت رهف نايمة
اكيد تعبانه لان الليل كله تسهر وهي ترسم اللوحات
زوجتي فنانه في الرسم
وفنانه في الطبخ و تدبير البيت.. وتربية الاطفال
انسانه متكاملة من كل شيئ.
هالسنين الي مرت بيني وبينها ثبتت الي اني متزوج ملاك
من حب وإخلاص ووفاء
اخذت شاور سريع
ورجعت لغرفتي بدلت كلت ارجع واكعد رهف من النوم
اليوم نبقى بالبيت نسهر على فلم اي شي المهم منطلع
اغلب العطل نطلع بيها
هالمرة محتاج ابقى بلبيت..
واخليها تسوي النا دولمة وله تشريب هيج اكلات احتاجه
اغلب وقتي دوام اطلع من ٧ الصبح ارجع ب ١٠بليل
يعني اغلب اليوم دوام متعب ويحتاج تركيز
ارجع اكل اي شي موجود مو مهم شنو
لهذا يوم الاحد اعوض..
من البارحه الاولاد طلعو يم اختي
يكضون العطله
يعني ماكو احد بالبيت بس اني و رهف
يمكن محتاجين لهاي الاجواء الهادئة....

اني مروان متزوج وعندي ٢ اولاد..
يوسف عمره ١٤ سنه
وسنا عمرها ١٠
اكتفينا بيهم..
التربية بالخارج متعبه رغم كل شي متاح..
عمري ٤٠
وزوجتي ٣٣
تزوجنا بلدنا العراق..
زواجنا صدفه واجمل صدفة مرت بحياتي
شفت رهف بحفله. تخرج اختي وانعجبت بيها
واتزوجتها
هاجرنا من العراق.. بعد السقوط
بعد ما اتهددت وطلعت وكدرت احصل لجوء
لان كنت اشتغل بتجهيز الشركات الامريكيه
وبفترة الي يتعاون مع الأجنبي بعتبر
كافر
هاجرت وودعت وطن واهل و وذكريات واحلام
لعل الغربه تحقق جزء منها
وقبلنا هاجرت اختي وامي. ..
واحنا بعدهم
كنا نتأمل وطن لكن مشافنا شي
احنا اغراب بوطنا
وبالغرب شفنا وطن
طلعت من بيتي اركض.. احاول اركض ٤ الاف خطوة
اركض حسيت بتعب
اخذت فوني شفت تعديت الفين خطوة ومضت ١٥ دقيقه..
ارتاحيت شويه وارتشفت القليل من الماء
ورجعت للبيت اركض..
وصلت قريب على بيتي.. بدات امشي بهدوء

اجاني اتصال من صديق
الو السلام عليكم مروان
اهلا حسن شلونك
حسن /الحمد لله
حبيب بعد يومين خطوبته حبيت تكون موجود..
مروان /على الخير يارب ان شاء الله اجي.. يايوم
حسن /الجمعه بعد العصر
عقلي رجع على الدوام وشغلي
كتله ان شاء الله سهله
وصلت للبيت
مديت ايدي افتح الباب بالمفتاح
اتفاجئت مفتوحه
ابتسمت عرفت رهف كاعدة اكيد
دخلت وودعت صديقي حسن وسديت الباب
كعدت نزعت حذائي..
و صحت رهف رهف..
ذبيت الغراض من ايدي ورحت لغرفه النوم
شفتها مموجودة
كلت اكيد تسبح..
رجعت للمطبخ اخذت القوري اسوي جاي
واحضر بيض..
اسهل ريوك وطيب..
بلشت..
حضرت الصمون والجاي..
وكنت اتصفح مواقع التواصل
كملت كل شي..
صحت رهف يلا حبيبي تعالي نتريك جهز كل شي

ماكو جواب
استغربت بالعادة تجاوب وتجي متتأخر
عفت كل شي واتوجهت مرة ثانية لغرفه النوم
ودخلت داخل الحمام..
شفتها ماكو
..
استغربت اكثر؟
وينها..
توجهت لغرفه الاولاد شفتها مرتبة وهي مموجودة
معقوله طلعت لمكان؟
اممم
احتمال بالحديقه
نزلت بالحديقة..
بسرعه
طيب اني ليش هيج.. قلق..
هه اني مو بالعراق حتى يراودني القلق..
تفحصت الحديقه ماكو رهف
صوتي بدا يعلى رهف رهف
يالله وين تروح..
ابتسمت اكيد بالورشة ترسم ومشغله كاظم الساهر وناسيه مروان
حسيت بغضب..
نزلت بسرعة للقبو الي هو جهزته ورشه للرسم
فتحت الضوء..
كل شي نفس ماهو.
الواحات و الفرش.. الالوان
؟؟؟
طلعت... وين تروح وهي قبل متطلع تكولي؟
اكيد..
من ترجع احجي وياها
المفروض متطلع الا تنطيني علم..
رجعت صعدت فوك
ودخلت للمطبخ..
صبيت الي جاي..
وبديت اتريك اخذت الفون واتصلت بيها
جان يرن وماكو جواب
؟
حجيت ويا نفسي بصوت عالي ميصير هالتصرف
راودني شك الاطفال بيهم شي
وطلعت..
اخذت الفون وطلعت رقم اختي
الساعه قريب ال ٨ اكيد نايمين
ماعرف اتصل لو لا
انتظر ترجع بلا ما اقلقهم
اكيد جان خبروني..
كملت اكلي..
بقلق لان اول مرة تطلع بدون علميى..
وشلت الاغراض وخليتها ع السنك
ورحت اغسل ايدي بالحمام الجوة
يصير من جهه اليسار من البيت بصف الدرج..
دخلت..
شفت بالكاع شبشب رهف واحد وتليفونها موجود ع الرف
اخذت الفون بي رمز بس اكو مكالمه
هاي اني اكيد هي وين راحت
استغربت..
فتحت الماء اغسل واطلع اشوف شكو
تراوالي خلف البانيو شخص
البردة بيضة
وكل شي ابيض السيراميك والفرفوري
مديت ايدي وسحبت البردة
هي ثواني وعقلي ميستوعب الي شفته
البانيو عبارة عن لون احمر اول مرة عيوني مستوعبت المنظر ولا عقلي كدر يستوعب
اتذكر كلش زين باز کردن / نظر دهید