عمر

2022-09-02 17:31:49 #الجزء السادس



حكاية رهف ...

انا لست مجرد جسد
انا لست مجرد جسد ..
انا انسانة.. انا انبض..
اشعر بي انا اتنفس..
لدي تلك المشاعر والرغبات وأيضاً نوبات غضب
انا لست مجرد جسد؟ للتفريغ
انا لست جارية كي امشي خلفك
انا لست ضلع اعوج لتقومني
انا لست عورة لتسترني
انا لست ناقصة لتكملني..
اشعر بي تفقدني انا روح قبل ان اكون جسد
انا امراة
..........

كما تدين تدان
كلمات مفرحة رنت بأذني ميلاد زوجها هجرها
اكو كلمه أهلنا يكولوها
شتزرع تحصد
وهم زرعو وهذا حصادهم

طيب واني شراح احصد بعد هالتعب وين راح اوصل

يوميه اتكلم مع نفسي
وكلما احاول اتمرد وانتفض ارجع واكول

اخاف السنين تحاربني
هاي أمه وعائلته
اسكت افضل

واجاوب نفسي استحق ان اكون الافضل
وعندي امل يوما ما كل شيئ متعب راح يختفي بحياتي..

......
بهاي الفترة خصيصاً
عمتي اذتني اكثر كل شي يصير تعكسه بين حياتي وميلاد
تعبت ماكدر احجي وان حجيت رد واحد موجود اني

تعبان مو مال اسمع هالسوالف..

اتركيني بحالي..

البيت صار جحيم لا يطاق ابدا
ماكدر اشتغل ولا اسوي

شي براحتي
احس نفسي ذبلت داخل هل اربع حيطان
ماعندي اي وسيلة

اكثر من مرة اشكي لأمي تعامل عمتي الي

وكان ردها معهود مراه جبيرة اتحمليها

واذا حجت هسة اني مو احجي

شو مرت اخوج متزعل

شدعواج هيج
وارجع واكرر الها افعالها يامي حسو بيه تعبت وزوجي منطيني اذن الطرشة ترة عمري احسه ضاع واني
ممرتاحه ولا شفت الراحه احس نفسي تمرضت حسو بيه.

ويتكرر التبرير شبيدي عليج يا يمه

هذا ابوج وحاجي بالكي يحجي ويا زلمتج ويصير خير
وتكطع كلامي وتشكي عن حالهم.
حتى بعد ميعجبني اروح الهم
ولا اوصل لان محد يسمع الج ويردون تسمعين الهم..

مروان الغائب الحاضر بكل تفاصيل حياتي..

اتعجب ع شي.. واحد من يكول احبج
معقوله يحبني
وهو ديشوف بعينه امه شتسوي بيه
او ابنه شلون متغير عليه ابني ميريدني..
وهو ولا يمه ولا مهتم لشي

المهم الحياه تمشي مثل ما يريد هو حتى لو ع عليه ادوس.. المهم تمر الحياة..
المتعب اطفالي داخسرهم
وماعرف شلون ارجعهم لحظني
هل التدخلات بعدتهم عني ..
ما احس بيهم ..
اشوف اطفال يبجون ع اهلهم واطفالي لو اعوفهم
سنه ولا يمهم
مروان






اخر فترة حتى مينام بالغرفه اكثرها برة يم عمتي
تخاف وحدها وتتخربط ..يبقى يمها ..
عقاب مروان الي اذا اقصر وياه بعلاقتي الحميمية
يحرمني من كل شي احبه
لو بيدة حتى الامل والشرب يحرمه عني حتى ارجع اله نفس الشي

وقطع عني مصرفي الي جنت اخذ منه جزء وادزة لاهلي

واكثر من هذا اخذت الموبايل الي جنت اتصل بي ع امي او زوجي وخواتي
ضاقت عليه من كل الجوانب

زادت وزادت لحد ما بعد ما اكدر اسكت..
لان لا السكوت نفع ولا الكلام
مرة من المرات كتلها كافي ابوس ايدج ارحميمي وارحمي حالج مشاكل ما تعبتي ما مليتي
جريتي هل سنين كلها عراك
اطلعي

يعني اختج ماتت وبنتج سافرت وماعندج بس رهف
تتعاركين وياها كافي تعبت شوفي غيري
خلصتي حياتي
جد خلصت..
شوفي نفسج مو صغيرة وعلى ساعه تموتين..

كالت /عساج بالموت انت والي خلفج ...

وعساج بمرض فوك مرض كاافي هو منو بحالج انتي اصلا ابني يجي يشكي منج ومن تعاملج الجاف وياه
لا تحوين رجال ولا طفل ..

ولا حلوة ولا بيج حظ من امداج وامدة
وامدة الي جابج علينه..

من ساعه السودة الي شفناج بيها..

كتلها المطلوب شنو فهميني كولي الي تردي حتى نخلص بعد

مجاوبتني وعافتني ومشت

مشيت راها وصحتها باسمها عايدة المطلوب شنو
اريد ارتاح
بيت وانطفه الج
طبخ واكمله
ازعجج اطب بغرفتي

هناك وتكولين مكابله الغرفة وكاعدة

اطلع تسميني بكلامج شنو تريدين مني
شنوووو تريدين احجي كولي.. لخاطر الله

هم مجاوبتني
واضح تريد هل صراع ميخلص وتبقى تتعارك ويايه..
لحد ما اموت..

عافتني ودخلت للغرفه
احس بعد ما اتحمل شي لا منها ولا من ابنها..
طبيت للغرفه اخذت بنتي وجزداني

وطلعت من الغرفه دخلت عليها مددة بفراشها وتابع تلفزيون ويوسف بالكاع يلون بالدفتر
كتله كوم ماما نروح منا..

عدلت نفسها..
كالت ولي انتي وجهالج عوفيهم لو ع فكر ابوج توديهم
كررت كلامي كوم يوسف

يوسف يباع عليه وع بيبيته
كووم
كام من الكاع
مديت ايدي الزمه

عافني وراح لحضن بيبيته تقربت مني

وجرت سنا من حضني لكن بقيت متمسكة بيها
مارضيت انطيها

هي تجر واني اجر الطفله تبجي وتصرخ..
جنت اكولها عوفيها الطفله دتتوجع
جانت تدفع بيه و تخزرني..

وكلها غضب تحولت الى شيطان
عفت بتتي بحضنها وطلعت
من البيت بقيت واكفة وين اروح
ياريي
اسمع صوت صراخ ورايه
انداريت
عمتي تريدين تنهزمين مو ...






وتصيح بالطرمه الحكوني ...
ركضت بخوف اخاف جهالي بيهم شي
وصلت يمها باز کردن / نظر دهید

2022-09-02 17:26:05 ميقبلون الزمه ولا افهمه ولا انصحة
يوسف يتجاسر عليه وهو صغير ..
وحتى يضربني...
عمتي مدللته كل شي يريد تجيب اله
اني اريد اربي
اعلمه افهمه لهذا جان ميريدني
ماعرف هذا هم حظي متحمله كل شي
وابني هم عني بعيد ..

مو حب بي لكن بغض بيه ..تبعدهم عني

مروان من الاول ميقبل احجي ويا اطفالي..
لا اعاقب ولا ضرب

واذا ضربت تنكلب الدنيا عليه ..

لكن بعد تعلوم بيبيته حتى كام يتجاوز علية
مرت الايام..
ويوم بعد يوم بديت اتعب اكثر من اشوف داخسرهم
حتى سنا يم بيبيتها اكثر مني
ومروان مدللهم

ومروان زعل مني ومن يزعل يتجاهلني ..وكانما مموجودة
يطلع ويطب ويروح ويرجع واني وحدي

لا اطلع ولا اروح اهل ولا اشوف خوات
محبوسة بهل البيت ..

فديوم..
عمتي تتصل بميلاد وجانت ميلاد منهارة بجي

من جنت كاعدة يمهم اخذت الفون وراحت لغرفتها
وسدت الباب

حجت وياها قريب النص ساعه

وطلعت صدك متخربطة ومنهارة
واخذت علاج..

وبقت تروح وترجع وتتصل بمروان

بعد ما اجة مروان اخذته وطبت للغرفه تتعامل وبايه
كغريبه

ومروان اتصل باخته..
وهم حجة وياها
بعد ما دخل للغرفه كدرت اعرف

زوج ميلاد متعرف ع وحدة وميلاد منهارة
وتبجي.
فرحتي جانت متنوصف من اشوف عمتي مكسورة وتبجي.. .

هنا حسيت رب العالمين نصفني شويه

وجنت انتظر الضربة الكبرى بيها واعد ايام ولليالي
واني ساكته ومتحمله كل شي يصير ...
اتمنى عندي فلوس وبيت ووظيفه مابقى يمه دقيقه
اخذ جهالي واعيش وحدي احسن عيضة لا اريد اهل ولا اريد رجال
شنو الي حصلت من اهلي لو رجلي
بس تعب واذية ..
حتى ملامحي اتغيرت ..جمالي بهت ..
حزن ب قهر ..
تجي ايام تمر عادي.
وتجي ايام لا بس عرك ..
وتجي ايام حلوة ..

بس اني لا حويت اهل ولا زوج ولا اطفال
دائما اسال نفسي بيه خلل
لو الخلل بيهم
ليش ..
مداحس حتى باطفالي .
معقولة طفولتي السبب
لو برود مروان ويايه ..
لو اني عديمه مشاعر وما اصلح اكون ام وزوجه ..

اني اكرهه نفسي ..
واتمنى الموت يوميه من افتح عيني اكول ليش كعدت ليش ما نمت بدون كعدة ..

شنو يريد يتغير ابقى من داخلي فارغه ...

بقيت اتحمل واتحمل واتحمل ..
لخاطر سنا ويوسف

وادعي يارب كون يوم يتعوض بيهم الصبر

اكو مثل امي دائما تكوله

اتحملت الشتيمه ونعله اهلي لخاطرك يابزر بطني

سديت الكتاب اني مصدوم
من كل الاحداث الي قريتها
بدايت اجمع ذاكرتي اريد اذكر شنو الي صار..
ليش منست الي صار سفرتها اني بعد شتريد
بعدتها عن الكل

لا امي ولا اختي الها دخل بحياتنه

يعني حتى اني متحبني ..تكره كل شي مني
جان اطلكت وراحت ..

يعني شتريد اكابلها واكعد لو اكول الها انتي اغلى من امي ..
عود اكول رهف عاقله وتفهم وملاك
يعني هالسنين كلها كذب بكذب

كمت افتر بالدفتر من غرفه لغرفه
واختي تتصل وما اجاوب

يوسف طلع من البيت ورجع واني فاصل عن كل شي.

اجمع ذاكرتي واقارنها ويا كل شي مكتوب.

ندم وخوف وحيرة كاتبه كل التفاصيل الي جنت ناسيها
ورجعت احتيت
داخلي ميلاد تتصل
جاوبتها
ها مروان يمعود وينك ضل بالي
كتلها ماكو شي
كالت اجيك
مروان لا لا ابد لا تجين اصلا راح ادز يوسف يمج
عندي شغل داسوي
ميلاد /ياشغل هذا
مروان /لا تلحين اتصلي بيوسف خلي يجي يمج
ميلاد / مروان لا تقلقني
مروان /لاتلحين داكولج ماكو شي من يجيج يوسف دزي رساله اطمئن عليه

سديته منها..
وسويت لفه ع سريع
وكوب شاي
ماريد اسكر اريد اكون صاحي

اريد اعرف شكد جنت مخدوع بهل الانسانة
الي غريبة عني بكل شي
جان كل شي تمثيل
الي يصدمني شلون جانت تقنعني هي سعيدة وياية
وماكو شي...

شنو من انسانه هاي هاي مو انسانه شيطان ..
مو هي ابد رهف الملاك
انسانه كلها حقد وغل
شنو تريد بعد بيت وطلعات وكل شي متوفر الها

الف مرة اكول الها هاي امي

ماعندي غيرها ولا هي عدها غيري

حسيت بكره اتجاه رهف ...

بعد شراح ..اقرا وبشنو راح أنصدم..

ورجعت اقرا.....

وماذا بعد؟؟ ...

هل ستموت الذكريات يوماً
بعض الذكريات يصعب علينا نسيانها ودفنها
لانها ذات يوم اوجعتنا كثيراً

..

وللحكاية بقية باز کردن / نظر دهید

2022-09-02 17:26:05 شافني كاعدة ابجي..
كال كدامي وتغلطين على امي من اطلع شلون شسوين رررهف.. جري عدل لا والله اندمج ..

رفعت راسي عليه كتله اني مظلومه
وان شاء الله اذا اني الغلط تتطلع بيه
واذا لا اريد الله ياخذ حقي. منكم
ويتحرك قلبها مثل ما حركت قلبي
وكمت تريد تضربني اطلكني شسوي سوي
حجيت الحق وهذا ابنك اسئله شتكول اله امك
كال الله يطولج ياروح كافي لهنا وبس
كافي لعبتوا نفسي بهاي سوالفكم
والله اهج منكم بيوم ولليله

كتله الله حكم بيني وبينكم كلكم..
ساعات متحملت امك واني سنين اتحملها بس كولي شتريد مني راح اتخبل
موتتني ..

عفته وطلعت عمتي
كاعدة بالهول تمشي مجرد ما فتحت الغرفه
دارت وجهه .
عفتها وطلعت بالحديقه وعفت كل شي
جنت ابجي بحركة
وادعي الله ميفوتها بيهم

بقيت للغروب برة
من صاح الله أكبر
زاد بجيي وفتحت ثوبي كتله ربي كون حوبتي...
متتخطاهم ابد كلهم. ..

اسمع مروان يكول تعالي لبنتج تبجي..
بدون ما اشوف احد دخلت غسلت وطبيت جوة لغرفتي..
غسلت وبدلت الها.
ورضعتها وبقيت اخوها يمها

هوايه فكرت انتحر وجنت اباوع ع اطفالي وابجي
وارجع اكول ماعندي سند
وارجع انقهر ع جهالي ...

ماعرف شلون كدرت اطب اسبح واطلع ابدل واتعطر وامكيج وارتب غرفتي واعطرها وللجهال هم
واطلع اسوي عشا وكانما شيئ لم يكن
جانت نظرات عمتي الي
بيها كرهه عجيب وغل وحقد ماعرف شنو السبب الي خلاها هالكد تكرهني وتاذيني ...

غلست عنها وجنت اعرف كلش زين تضوج اكثر من اسوي هيج وارتب نفسي
واكثر من مرة تعيدها اخذتي و اخذتي وكانما اني جبرته يتزوجني..

رجع مروان بليل جان طالع يم اصدقاءة هو هم تفاجئ بيه..
بس جنت ما احجي وياه
عفته ودخلت لغرفتي
بعد ما حضرت الاكل اله..
وسألت يوسف عن كلامها ويا حجة الي كل شي
ماعرف غايتها شنو وين تريد توصل..

كتله نفس كلامك كوله لابوك. من يدخل
فاجئني كلي سألني وكتله الي بيبي كالتة
من جنتي تبجين برة
ماما ليش هالكد تبجين اني اخاف منج..
حضنته حيل
وكتله لخاطركم مستعدة اخسر روحي بعد ما ابجي ابد
ولا تفكر بيوم اذيكم..
...
دخل مروان شافني ابجي وحاضنه اطفالي..
بدل هدومه وكعد..
يمنا لعب سنا.
وندار عليه..
حضريلي اكل..
كمت من يمه وطلعت للمطبخ ماعرف ليش جنت اسوي هيج..
انتقم من نفسي من عمتي ماعرف..
لكن عرفت كلما اهتم بنفسي تضوج اكثر
لهذا جنت احاول استفزها ماعندي غير سلاح
حضرت كل شي وتوجهت لغرفتي
بيت عيالي ٢٠٠ متر
حديقه وكراج خارجي
والوجوه مطبح.. بعد المطبخ منور مربع ودرج
وجوة اكو ٢ غرف نوم وهول وخدمات
وفوك غرفتين نوم وخدمات صحية
المنور مسوي كعدة صغيرة
خالين نص تخم وميز وتلفزيون..
اما الهول للضيوف وغرفه عمتي اخر وحدة قريبه ع الحمام
اني الي الغرفه الكبيرة الي تصير داخل المنور..
لهذا كل ما اطلع من غرفتي اشوف عمتي مددة بالهول الصغير..
لان اغلب وقتها كاضيته تباوع بالتلفزيون..
برجعتي صارت بوجهي..
رفعت راسها عليه..
وكالت/ حسبي الله عليج
اني مشيت خطوتين ورجعت الها
كتلها اريد افهم ليش هالكد تكرهيني..
سكتت
بعدها كالت.. ما اكرهج وليش اكرهج وانتي نكرة
وانتي منو حتى اكرهج او احبج

قطعت كلامها بإبتسامة ..

كتلها اروح اني مروان حبيبي جوعان
سكتت
عفتها وطبيت جوة..
بعدة يلعب الجهال..
خليت الاكل كدامه..
كال تعالي اكلي
كتله اكلنا قبلك .
بدا ياكل.. كال رهف لخاطري واذا تحبيني عدي كلام امي..
خلي اكولج شي امي ربتنا وحدها
وتعبت علينا..
وبعد هل تعب مات اخويه اتعلقت بيه حيل
ماكدر اكسر الها كلمه افهميني..

ماكدر اكسر الها كلمه افهميني..

كتله وبسببها ادوس عليه..
كال لا ما ادوس بس عوفيها
مروان سمعت شكالت ليوسف
هز راسه اي.. عوفيها مريضة لخاطري..
غلسي عنها ...

كمت عدلت الفراش مال سنا بعد ما نامت خليتها عليه..
كتله يالله.. شكد رخيصه بنظرك ..

المهم احفظ هل تاريخ عدل لان يجي يوم وتذكر كل التفاصيل..
من اليوم يامروان اني وياك علمود اطفالك فقط
ميربطني بيك لا حب ولا اي احساس..
واضيف شي بعد..
عادي اكمل وياك واعيش واخدمك بس بلا مشاعر..
تصبح ع خير..
..كال / رهف ميعجبج رجعي لاهلج ..والله يالله مانتني منيه بهل الىكمه والنومه
لو اجيب وحدة من برة احسن منج
ليش انتي هم حاسبه نفسج مراه

ومدارية رجلها ..
بس الظاهر اني صوجي كبرت راسج
وانتي صدك ع كوله امي فلسين متسوين ..

هي هنا المشكله من انجيب المشايف ويشوف ..

كتله ليش الله خالقكم من ذهب ..

دخلت عمتي نامت يمنه
فرشت ونمت ..
اتجردت من مشاعري ..
لا حزن ولا فرح ...

مرت الايام ومر عمري وياها ..
اي عمري ..
رغم عشرينات
بس احس عمري خلص ..

بدات عمتي ومروان يبعدون عني اطفالي وخاصه يوسف.. باز کردن / نظر دهید

2022-09-02 17:26:05 رهف كامت كعدت اشترت راحت
تدخلات و مشاكل بدات تزيد
وخاصه بهاي الفترة مروان بدا يطلعنا نغير جو
او نكعدةبمنتزه او مطعم
هذا كله ثار عمتي
وخلتها تحاربتي بكل شي
اذا سويت الاكل..
توكف فوك راسي
رهف..
نعم خالة ..
هاي ليش خاله ملح زايد واني عندي ضغط

لا تعادندين انت قصد هيج تسوين ..

وتروح مني يمي بصوت عالي اسمعها جتي يمي صارت مرآة ...

كلما اريد احجي والزم لساني كوة واسكت..
واتناسى كلامها غصب عني اعرف اذا حجيت اطلع مو خوش واول انسان يصير ضدي هو زوجي..

..
اتعلمت كمت اسمع واستغفر الله
لكن ما توقفت لهنا كل ما اسكت تتمادى اكثر..
واكثر..

اختها الوحيدة ماتت .
وهنا دخلنا مأساة جديدة ..

وبدات تجي تنام يمنه بغرفتنه ..تخاف وحدها تنام
تخاف تموت ..

وماكدر افرش الها بالكاع ..
جان يوسف وهي ع جربايتي ..

واني وزوجي بالكاع .
او مروان ينام يمها ..بغرفتها
بس متقبل اله هي تجي يمنه ..

واستمرت حياتي بهذا الوضع ..
هوايه افكر انتحر ..واقتل اطفالي ويايه ..
ماعوفهم وحدهم ..
هوايه جنت اتخيل نفسي منتحرة ..
وزوجي واطفالي ..واهلي يبجون ومفتقديني ..
ويهتمون بيه . حتى لو بعد موتي ..
هوايه جنت اجيب حبوب اقرر ابلعها وهناك واتردد
لو اجيب سجينه ..
واتخيل نايمه وغركانه بدمي ..

ماحس اكو شي حلو بالحياه ولا بي لذة ..
كل شي فاهي ..مابي لا طعم ولا لون
.........

فديوم كملت شغلي ودخلت للغرفه يوسف برة وسنا
بدات تزحف
اني مددت.. وبقيت الباب شويه مفتوح
طلعت سنا.
رحت وراها
هي تندل غرفه بيبيتها ...
جانت كلش تحبهم ..وهم كلش يحبوها ..

لهذا توجهت عليها
جان يوسف يمها
تقربت داشيلها اسمع عمتي
تكول لابني
خلي تولي امك اصلا متحبك.. ولا تحب اختك تريد تشمركم بشارع بس اني ما اقبل
لوما اني انتو بشارع شايف ذولي المجادي هيج حالكم والجلاب تعضكم وياخذكم الحرامي
لان هي تكرهكم لا تصدك بيها ابد

اسمع صوته يبجي ابني يبجي ويكولها لا بيبي عفيه اخاف..
احترك دمي
تكوله اسمع كلامي ولا تروح يمها

دخلت عليها..
كتلها انت هم انسانه شنو هالجبروت الي عندج شنو
هل ظلم ليش هيج تقسين قلب ابني عليه
انصدمت من شافتني
وكامت كوة
ولج تسنطين عليه..
شكو شبيج جايه من غرفتج تهدين عليه لزمي لسانج لا اكصه الج
واطردج والله

كتلها خافي الله طفل شنو ذنبه تعال ماما يوسف تعال

ابني خايف
رحت قريب عليه جريته من يمها
حسيت بيها دفعتني حيل
وكامت تعيط بصوتها الخشن
وتغلط عليه تريدين تاخذي تشمري برة اعرفج
مو كتلك امك متحبك..
جريت ابني منها حيل واخذته سريع اريد ادخل لغرفتي
قبل لا اوصل والجهال تصرخ حسيت احد جر شعري حيل..
انداريت شفتها هي
دفعت ايدها عني وبقيت اصرخ
يانا ناس ياعالم شوفوها شدسوي بيه
هل ظالمه
اله اخابر مروان
كالت شنو تخوفيني ما اخاف من اكبر راس
ولج لوما اخر عركة انطردتي مثل الكلب وخابرتي تتوسلين بي يرجعج
الا اندمج
ع سوايتج هاي
جريت جهالي وسدين الباب
بقت تغلط بكلام مينوصف ابد
اتصلت بمروان كتله هسة تجي
شكو
هسة تجي لو احرك روحي ..

كال جاي جاي..
اقل الساعه واجه اني من البجي تعبت وعيوني ورمت
وهي لا بيها شي ع نفس الصوت..
وبقت تحجي تقشمرين ابني بالبس ليش ما اشوف شضامه بكنتورج من هل الملابس والحركات
مخبلته ..
ليش مادري اني لو ما اسمع التمضحك مالج
عاميته عمي. بالفراش..
وابني مثل الثور يمشي وراج

اله اطلكج منه اله اهجم بيتج جيتي حافيه احنا سويناج بشر
منو بحالج..
اله ازوجه واكسر خشمج ...

اسمع صوت مروان..
يكولها يمه شنو هل حجي مو عيب
قبل لا افتح الباب هل نبرة العاليه نزلت
الصوت صار حزين

شفت شسوت بيه مرتك دفع بيه وتكول اله اخلي يشمرج
فتحت الباب
كتله والله كذابه امك واسأل ابنك شسوت بيه حتى دفعتني وجرت شعري
والله كذابه
امك كذابه
تكرهني تريد تهجم بيتي ..

عمتي صاحت شفت بعينك لسانها احجي من لوعه قلبي ولك موتتني مرتك اذتني ..

ربيتك وتعبت عليك هاي تاليها ..

اخوك مات واختك سافرت بس انت بقيت الي
ومرتك غيرتك ..

شوفها تكول عليه اني امك كذابه..
ترضاها ..
يامن تعب يامن شكه ويامن ع الاخر لكه ..
روح روح راضيها ..لان رضاها اولى مني ..

روح مروان

مروان كلي اسكتي ...

كتله لا ما اسكت كون اسجل الك كلامها وشسوت بيه موتتني مرمرت عيشتي ..

حسبي الله ونعم الوكيل عليج
حسبي الله ونعم الوكيل عليج
الله لا يوفقج...
تقرب مني بسرعه وضربني راشدي اسكتي اسكتي..

بقيت واكفه وجانت عيونه تخزرني واعرف لو حجيت بعد هم يضربني

دخلت جوة بالغرفه وسديت الباب عليه ..

قلبي محروك بقيت ابجي واسمع صوت عمتي تبجي
ومروان يحجي
اخر شي كال كافي موتوني لا تخلوني اهج من يمكم اثنينكم كاافي..

هنا سؤال واحد يدور بعقلي شنو الي يجبرني ابقى وياه شنو ع هل لكمة والعيشة

وامه خط أحمر واني شنو
شنو..
سمعت الباب انفتحت. باز کردن / نظر دهید

2022-09-02 17:26:05 الجزء الخامس ..

كتله رحم الله والديك واني
هيج هنت عليك تعوفني
لعد اني يارقم بحياتك خالني ..

مروان ..سؤال ؟؟؟

انت ليش ازوجتني ..
مجاوب ع سؤالي ..
كال اني ممقصر وياج بشي الف وحدة تتمنى تعيش حياتج
هاي كل شي تريدين يصير الج ..
وماكو رجال مثلي مدلل مرته ..
بقيت ساكته ماعرف شنو اكول اله وله اجاوبه ..

انت متحبني ..عفتني ..

اطلع اني وجهالك لا كلت و لا سألت عنه ...

كال بيت اهلج قريب علينه واعرف رحتي يمهم لان مالج احد...

واعرف ترجعين لان ابوج ميرضى بنيه تزعل
سكتت

قبل لا انزل
كتله مروان اني تعبانة صار فترة وانت متحس بيه ..

وهذا البيت بس اني اشتغل بي الرحمه حلوة وجديد والدة مدالحك
وكل هذا يهون لاجلك

واخذت غراضي وبنتي ودخلت

شفت عمتي بالمطبخ
تقربت منها..
وحسيت جزء من سقط
كوة نطقتها اني اسفه خالة

حاولت ابوسها دفعتني
طب مروان
كالت شعندي وياج اني حالج من حال ميلاد

اه هل ياوجوه النفاق شبسرعه تتلون..

....
اخذت اطفالي وجانت دنيا لليل نومتهم سنا من عبرت

الشهرين شويه تحسنت وتغيرت نومتها اما يوسيف نام بسريرة

جنت اباوع ع تفاصيل غرفتي واشوفها قصر

رجعت غراضي ورتبتها

ودخل مروان وبدل ونام بالفراش

جنت اظن راح يحجي ويكول شي
او يبرر تصرف امه

لكن كل الي بدر منه وطردة الي

مثل الي يبيع شي ويرجع يشتري
محجة شي

حاولت انطق
قرب ايدة من حلكي كال مشتاقلج

جردني ملابسي وتقرب مني
اول مرة احس نفسي سلعه
تنباع وتشترى
رغم هو زوجي..

لكن اهلي الي باعوني
وهو اشتراني وجردني من مشاعري قبل ملابسي
كل لمسه منه وقبله مجنت احس بيها ..
جنت اكرهه واكره نفسي بيها
ابجي واحاول اخفي دموعي بظلام الغرفه
لان احس نفسي بلا احساس
وياه
.... بعد ما انتهى من رغبته
دار نفسنه عني ونام
يمكن شي عادي او لا يجوز كل المتزوجين هيج مجرد اداه
جان كل شيء مكسور بداخلي
نمت مكسورة خاطر وجسد وروح

لنا لست سلعة للبيع..
تبيعني وتشتريني متى شئت

ولا جارية لتفرغ لرغباتك..
ولا خادمة لطلباتك التي لا تنتهي
لست نصفا كي تكملني
انا انسانه
واجب عليك
أن تحترمتي

.......
كامت اتمر الايام سريعه
عرفت مالي حق انتفض ولا اختار شي

اكعد من الصبح اشتغل لحد ما اكمل ارجع ع الجهال

وارجع بليل اكون زوجة كامله

وهكذا مرت الايام بيه
كبروا اطفالي وكبرت اني بعد

كبرت واني بعيدة عن نفسي وعن كل شي

من يومها قررت اسكت في سبيل تمشي الحياه مو اكثر
وياريت نفع.. هوايه عمتي جانت تاذيني بكلام وتصرفات
ومن يجي ابنها تختلف اختلاف جذري
هوايه جانت تاذيني.. وتبعدني عنهم
تتعامل ويايه كانما نكرة..

وتعيرني باهلي وقله تواصلهم ويايه..

كامت تدخل بكل شي حتى بتربيتي لاطفالي
لبسهم اكلهم كل شي..

بدات تخنكني جنت احس اني سلوتها الوحيدة
تتسلى باذيتي ...

جانت يوميا تطلع من الصبح تتريك وتروح وترجع قبل صلاة الظهر
تصلي وترجع تطلع
وترجع تتغدى
وهم تطلع
للجيران او بيت اختها قريبه علينه
وكل هذا اني وحدي
ميلاد زوجها قدم الها على لم الشمل
وجانت كلش فرحانه بس تريد تروح ىيم زوجها
هم ميلاد هم اخذت مني حصة ومن صحتي

جانت دومها ممتواجدة بلييت
وابنها عليه من ملابسه واكله
ماعدا هي هم..حتى ملابسها متغسلها ..

ملابسها وغيرها من كل شي ..عليه ..

واطفال ٣ بلبيت ممنوع احد يطخ ابنها ولا يلزمه

ولا يحجي ويا وهو جان ياذي اطفالي

احجي يتحول الكلام الى عركة مالها لا اول ولا تالي
اسكت يتمادون
يرجع مروان احجي كلمتين يسكتني اني تعبان

لا ادوخين راسي بهل الامور التافه
وينختم النقاش
اذا وجد نقاش بينه
اني ويا ميجنعنا غير شيئين
الاول الهويه

والثاني الفراش
فقط
لا غير حتى الاولاد ميجمعونا هو

شوكت ينامون؟
حتى يرتاح

واني همي اتواصل ويا
جنت اتعب فكريا
اكثر مما جسديا
اتعب من احاول ابعد كل شي عنا
والكة كل شي مسدود

وكل هاي الفترة اهلي جانو عني بعيدين

ولا احد كلف نفسه ودك بابي
ماعدا اني ازورهم بين فترة وفترة
واشوف امي
واشوف سهاد الي حملت من جديد

جنت اشوف نفسي بيها
بس سيناريو شويه يختلف لا اكثر..
اني خدامه بقصر
وهي بيت من طين..
بهاي الفترة وضع زوجي المادي انتعش

وشغله صار احسن بعد ما اشتغل ويا شركات اجنبيه بالتجهيز..

اطفالي كبروا وبديت التهي وياهم

وكل هالايام تبعدني عن زوجي اكثر واكثر

كمت أجنب الكل وابتعد عن الي ياذيني رغم اني
محتاجتهم بحياتي ..

اكثر من قبل..
رغم الكل ويايه لكن اني اعيش وحدي
بهاي الفترة ميلاد سافرت ..

رغم علاقتي بيها الضعيفه الي هي سببها لان دائما تشوفني دون المستوى وتبتعد عني وتبعدني عنها
لكن جانت شاغله عمتي هوايه عني
حاليا بعد سفر ميلاد ماعدها غير .. باز کردن / نظر دهید

2022-09-02 17:24:57 كلي وشكال الج
كتله ماكو شي.. اتصافينه..

قطع حديثنه وصاح سهاااد سهاااد

اجتي تركض وهي رافعه اديها تغسل المواعين

كلها الف مرة اكولج لا تشيلين غراضي منا هسة تكولي نسيت
الى متى تضلين غبيه ..

وين عواد الاسنان مالاتي

احسها فشلت من عياطه كالت اله جهالك طشروهن

رضا /وانتي وين جنتي ملتهيه اكيد بالتلفيزيون
والله اذا ما اكطع الستلايت

كالت سهاد/هسة اشوف الك
راحت تركض

واخويه يحجي هل مسلسلات طيرت عقل نسوان
خبلتهم
رجعت بسرعه وعلبه باديها وبنتها شايلتها
وانطته اله.. ..

ورجعت تكمل شغل

اندار عليه وهو ينظف اسنانه اي كملي شكال بعد

كمت كتله لازم اسوي ممه لبنتي

كال شلج بالممه رضعيها انتي بس صرف فلوس ع خالي بلاش
عفته ومشيت
للمطبخ
سهاد بنتها تبجي وابنها يلعب ..

اخذت الفون واتصلت بي مرة ثانيه
اول ما رن
جاوب الو
بحسرة كتله هسسة تجي تاخذني من اهلي هسة

مروان /شكو رهف الجهال بيهم شي ...

كتله لا بس داكولك هسسة تجي لو اطلع من اهلي وحتى مكان متندل الي بعد
كال جايج جايج غير افتهم شبيج
...
سديته
ورجعت بسرعه الم غراضي
جان ابن اخويه طاش غراضنه ويلعب بيها ...الي هي ملابس
شفت امي كتلها جايني مروان راح ارجع خابر

كالت ليش ابقي بس لليله
كتلها لا
تقربت مني سهاد
وهي واكفه وشايله بنتها وترضعها

شبيج صار شي
اخاف كيف اخوج عاط ترة عادي ..هو هيج طبعه ...

كتلها لا والله بس خابر وكال رجعو الجهال مشتاق الهم
لميت غراضي بسرعه..

وطلعت جنطي فلوس وخليتها بايد امي
وانطيت لابن اخويه هم..
امه فرحت بي اكثر منه..
مشاعر هوايه ماعرف اعبر عنها

بين ما كملت دك مروان كال اني بالباب
راح انزل اسلم
ودعتهم بسرعه وبقت امي تدعيلي ..

وطلعت اله خليت يوسف والغراض ليورة
وصعدت
كال دانزل
كتله كلها نايمه امشي ...

رجع شغل السيارة والطريق كله ساكته اني ...

افكر بزوجه اخويه ووضع كله ...

مستحيل اكدر اعيش يمهم عبالك كل شي اختلف عني
طول هالسنين الي عشتها مجنت اشوف كل شي غريب
هسة لا كل شي اشوفه صعب وماكدر اتقبله

تعلمت ع حياتي بيت مروان
وكل شي اتغير مجبورة اتحمل ماكو حل ثالث

قبل لا نوصل لبيتنا
كتله مروان حاول تسمعني وتقهمني ولو مرة وحدة بس

كال هاي امي رهف
والله اني لخاطر الجهال اجيت ..خليها ابالج
لخاطر جهالي ..
اعز من روحي ..
الله وامي وجهالي الاولى بحياتي

يتبع باز کردن / نظر دهید

2022-09-02 17:24:57 كال سبج
كتله لا
كال ضربج
كتله لا
كال عمتج وياج وانتن اثنينجن نسوان ...






وهاي سوالفجن ما تخلص
لا ضاربج ولا سابج
كال خوش يابه
وصاح اخويه رضا تعال رجع اختك لبيتها ماعدنا بنات يزعلن ..
...
بقيت ساكته ماعرف اعبر عن اللي صار
ولا اكول اله كافي ترخصون بيه
كتله يابه افهمني..

اني تعبانه لازم واحد بيكم يحس بيه..

ابويه /بنتي جايه خطار بعيوني اخليج.. بس زعلانة لا ترجعين.. وهسة اخوج رضا يوديج
ابو يوسف خوش رجال ..

ا
امي.. كالت.. ياا ابو رضا تكسر خاطر بنيتك ...

خليها اليوم وباجر من الصبح اني بأيدي اوديها

ابويه! مو تتعلم يوميه زعلانه ....

دخل اخويه رضا كله يابه خليها ترتاح واحنا هم مشتاقين الها.. شنو بالسنه مرة تجي ...

وافق ابويه بس الإنكسار الي بداخلي مينوصف

احس وحدي ماعندي احد يسندي لا زوج ولا اهل..
راح ابويه..

بقينا كاعدين اني وامي واخويه والجهال..

مرت اخويه كامت بسرعه تحضر النا العشا.
بيت اهلي بسيط المطبخ قديم..
وفارشي مدات بالكاع وكاعدين عليها
جريت الكوشه الي بظهري..

كتلها يمه ليش هيج يسوي ابوية
تعرفين شنو
يعني يرجعني ومروان طردني..
ضلت اتعض شفه الس واسكتي

رضا كال اسمعي ام يوسف انتي شتعرفين ابوج مايرضي بنيه عندة تزعل والولد ما عايل وياج
لا ضاربج ولا سابج

كتله طردني لا ترخصوني..

كال افهم والله وهاي عادي تصير بين كل اثنين مزوجين.. انتي شنو كلما يتعارك وياج اطلعين كون تصيرين العكس انتي اتمسكي بي.. هسة انه اخابرة
ة واعرف شحجي وياه
كتله بس تعبانه..
سكت مجاوبني..
امي اجتي يمي..
يمه شجاكم اسم الله هاي خواتج شوفه عينج هم واحنا هم تعبانين بس غلط تطلعين هذا زوجج وبيتج عزوتج شني تطلعين واذا حجت امه اعتبريها اني.. وحجيت يعني ما يوم رزلتج لو ضربتج لا تكبرين السالفه وابوج هذا هو شنو ما تعرفي ....

فيا يمه كون من الصبح ..
تردين اله احسن الكم ....
والنا وله أبوح ياكل قلبي عليجن اخذي حجايتي ...

ولا تكولين شي لا مرت اخوج تسمع وتصير علينه سبع..
اتاذيت اكثر من كلامها ..

ايدي راحت ع الموبايل..
حسيت نفسي ادك ع مروان
بكل رنه قلبي يوجعني اكثر لان. مديجاوب ولا كال طلعت ويا جهال ووحدها..
سديته وكعدت..
امي بقت تحجي..
جنت اشوف مرة اخويه تركض تسوي عشا وتروح ع جهالها وترجع ع رجلها
إذآ محد رخصنا غير اهلنا
اي اهلنا
اذا
بيتهم ووضعهم غير

فاحنة لا.
واعرف كلش زين الكل متدخل بحياه مرة اخويه سهاد
من امي الى الكل
واخويه عصبي
اني عشت بهذا البيت ممنوع نطلع وممنوع نحجي ويا صديقات وممنوع كل شي عدنا المهم نتزوج
بس زين ابويه قبل ندخل مدارس
ولثنين من خواتي كليات ..







بقيت اراقب سهاد ...

وهي تتحرك من مكان الى مكان
واتمعن بيتنا..جنت اروح ساعات وارجع طفولتي بي محلوة ..
كل شي جان ممنوع حرام ...
حرررام
حراام ..
عيب ...
اتذكر مرة جان عمري ١١ سنه ..عجبني اشتري اظافر اصطناعية ..
جنت كلش احب الاظافر ...
بيومها قبل اسبوع لميت ..شكو فلس يصير عندث وجبتها واخذت صبغ احمر من ابو الاسواق ...
وجبت اميري وكعدت الزك بيها ...
بالحمام ..
وبقيت احجي ويا نفسي بالمرايا واشر باظافري ..
وفرحت فرحه متنوصف ابد ..

طلعت ركض داشوف امي ..
اشوف ابوية كاعد بصفها ..

غطيت ايدي ...
ابوية ..كال تعالي رهف ...

بخوف وارتباك ها بابا ....

تعالي داكولج ..

هاي خزرته كمت ابجي واباوع ع امي الي تخاف اكثر مني. منه ..

جر ايدي حيل ...

وعاط بامي هاي تربيتج ام رضا بنت مطوله اظافرها ...
مثل امهات الشوراع ..
وانضرب ..
منه ..ع وجهي ممنوع اتنفس وممنوع ابجي وممنوع احمي وجهي لازم اوكف صنم ..
اذا ارفع ايدي احمي وجهي انضرب اكثر ...

جر ايدي شلعهن وامي ساكته ..
شلعهن وشلع لحم ..وياها ..

فزيت .. امي تحجي
جانت تكول
جبت ورق حايط وطميت كل الرطوبه شفتي ....

واني اهز براسي اي ....
جانت تنظف خضرة
ويوسف كاعد يمها وابن اخويه كل شويه يضوجه ويصيح عليه
ماما
وتجي سهاد تجرة ....

ويرجع يمه
وتكمل سهاد
بين الطبخ والجهال والطلبات ..

وترجع تكول راح اجيب لاصق للارضيه مو احلى

الحياط كله رطوبه من جوة ووكاع.. وهي ملزكته
والكاع محفرة
حتى الاثاث تعبان
لان ع كد حالهم ....

بس جانت تبتسم رغم هي تتحرك وتشتغل
وبهاي الساعه ...

سوت عشة
تمن وفوكاه دجاج مقلي وسلاطه ولبن.
وتشيل وتحط ومقبلت امد ايدي
ومناك اخويه يصيح جاي ....

وابوي يكول ماي ...

وبنتها تركض وراها وتجر دشداشتها البنفسجي كودري.. وتريد ترضع.. من صدرها..


اوووكفي رهف
.....
ارجعي اطفالج ميعيشيون هنا يومين مو زعله طويله

ولا انت بعد تدرين تعيشين

بعد ما كملت الاكل
سالت اخويه جاوبك مروان

كلي والله ماعندي رصيد. اتصل بي
يلا باجر اخابرة

اني كتله لا ماكو داعي
اتصل بيه هو باز کردن / نظر دهید

2022-09-02 17:24:57 اليوم من يجي مروان لازم احجي وياه ولازم اكوله يشوفلي حل..
......
قبل لا يجي مروان كمت من الفراش رضعت بنتي ورتبت غرفتي جنت فرحانه احس راح انتصر واحقق كل شي اريدة ....
لازم اقنعه انو اني عليه بيك وبالجهال واساعد
بس مو غيري يوصخ ويفوت ..

سبحت وسبحت ابني
رجع مروان من شغله وميلاد هم كذلك..
دخل عليه ..
هااا شبيج اليوم امي كالت مالج خلك وجبت وياي كباب شوي ..






كتله يجوز من السهر ...

كال تمام ضل بالي ترة

كلمه صغيرة احس داخلي فرحان حيل..

هالكلمه خلتني امشي بسرعه اجهز الاكل الي جابه..
وحضرت اله ملابس و اكلنا..

ودخلت قبله سريع لغرفتي رتبت نفسي مكياج خفيف.. وعطرت الغرفه....
وجنت انوم جهالي حتى نكعد وحدنا انسولف
اسمع صوت مروان من بعيد
رهف وين الجاي..

كتله ..دانوم الجهال تعال ...
كال اي هسة ..

بقيت انتظر وانتظر.. ...

نامو الجهال وهو ماكو كمت من فراشي طلعت
شفت الصاله ظلمه
وهو نايم
وميلاد بغرفتها
رحت للمطبخ شفت عمتي..
دتريد تطلع اكيد للجيران
من شافتني
وكفت كالت يا ماشاءالله هسة جنتي مريضة

شبسرعه صحيتي ومكيجة ومرتبه نفسج

معرفت شجاوب.
كتلها مبيه شي عارض وعدة ...

اباوع المطبخ مكلوب مواعين وكواب جاي
والكاع وصخة..

كالت دامج صحيتي سوي البيت للي عايفته من الصبح
كتلها والله خاله
مو بس اني عايشة بي حماتي هم هنا
ومابيها شي اذا تساعدتي اني مدالحك جهال صغار
تعبت..
كالت ...اهااا وتلحكين تمكيجين ..

والج وكت تصبغين اظافرج وتعدليها
بس شغل لا
شوفي رهف هل التصرفات متعبر عليه ..

خوش بنتي خطار يمي ...وبنيه تعبانه دوام تريديها ترجع من دوامها تشتغل

كتلها ..خاله مابيها شي تغسل مواعين اكلها
يعني هوايه ايام او اغلبها ترجع تاكل وتبقي ع الميز ..

اني هم عندي اهتماتات

انتجت ع الحايط بين الباب
كالت ..وشنو اهتماماتج ..تاخذين ماجستير .
لو دكتوارة

ولفت الجبه غطت دشداشتها ..

تريد تطلع ..

انقهرت كلش ..يعني ليش تستحقرني ..

جاوبتها لاول مرة بحياتي مو مسؤوليتي هايي ..
كالت ...
هل حركات متمشي يمي زين غصب عنج

اتنرفرت كتلها ماكو شي غصب ... اني هم عندي اهل ملكيتوني بشارع ولا خدامه
صوتها على
عليه.
وكامت تغلط.. ..

يا اهل عيني اهلج عايفيج سؤال ميسالون عليج يا اهل يابه..
ترة اخذناج بطرك اهدومج ...

خالة ماله داعي هل الكلام مجبرتكم تاخذوني وانتو تعرفون وضع اهلي زين ..
ومو عيب الفقر واحنا مستورين الناس تحلف براسنا

كالت / فدوة هل الدراما ولليالي الحلميه ..شبعانه منها ..

ع هل صوت اجه مروان وميلاد هم.

شكو شبيكم ....

اني كمت ابجي كلامها جارح جام

دخل راد يعرف شكو






عمتي كعدت ع الكرسي

ومروان وميلاد فوك رأسها

ويندارون عليه شكو شصار
ماعرف شنو اسوي..

كتله خلي حل لامك اني تعبت ..محجيت شي ..

ع الموقف يوسف ضل يبجي

اخذته ودخلت للغرفه.. وسديتها..

شفته يخرب ويهوس ضربته اكثر من مرة طلعت قهرب بي
هناك وكعدت ابجي وقررت اطلع من البيت
..
بديت الم بغراضي
دخل عليه مروان
انتي شلون تحجين هيج ويا امي امي هاي خط احمر بحياتي افتهمتي هسة ترحين وتعتذرين منها وتبوسين اديها ورجلها هم ..

كتله اني مغلطت ..شهل الذلة ...

كال رهف خليني آدمي وياج هسة تعتذرين ...

كتله هي كالت انتي خدامه وغصبا ما عليج تشتغلين
رفع ايدة عليه كال اعيدها الج
امي فوك الكون عندي ....

وميلاد مالج شغل بيها
يعجبج يعجبج معاجبج طلعي..

كتله اطلع ..هيج رخيصه عندك ..

كال / هذا الموجود ..طلعي ..

هنا انهاريت اكثر كمت ما اسيطر ع دموعي
ولا نفسي
لميت غراضي بسرعه ...

وطلعت من البيت جنت اظن راح يوكف بطريقي او يكولي وين رايحه لكن عافنيي اطلع
ومن طلعت عمتي بوجهي صارت
كالت حسبي الله عليج ونعم الوكيل

ربيت حيه بيتي ...

حسبي الله وميلاد تهدي بيها ماما لا تغثين نفسج ..
لا يصير بيج شي ..

اندارت ميلاد عليه ..

رجاءا رهف امي قلبها تعبان ..واي شي يصير بيها احملج السبب ..

اخذت جهالي وطلعت ..

جنت امشي وابجي
حتى ما اعرف امشي وحدي ولا امشي عدل
اخذت تكسي ودليته ع بيت اهلي
كلت اروح الهم يشوفولي حل
اهلي....
احنا ٥ بنات و ٢ ولد
خواتي مزوجات الي محافظات والي هنا
واخواني هم مزوجين ..

وكل من حاير بيته وحياته...

والدي من باب العرب القديم هو وعكاله وامي هم كذلك
اهلي يختلفون عن بيت مروان بكل شي
حتى بالاكل واللبس
يعتبرون هم ناس متحضرة اكثر منه
مع العلم مناقصنه شي ...

وجانو يسكنون بمنطقه شعبيه حيل ....

وصلت الهم اول ما دخلت تلكتني زوجه اخويه جنت ابجي وحيل مقهورة
دخلت جوة اخذو مني الجهال
وبديت احجي الهم
طلع والدي ع صوتنا اني وامي وزوجه اخويه
تفتجئ بيه .....

امي كالت اله ابو رضا بنيتك طالعه زعلانه
كعد والدي مقابيلي باز کردن / نظر دهید

2022-09-02 17:24:57 كال حقج اسمعها الليل كله تبجي

انداريت عليه كتله مدام تسمع ليش متجي تشوف شبيها
كال تعبان وعندي دوام ...






كتلها اها انت تعبان واني حيوانه الي بس التعب عليه..
تعال شاركني بتعبي ..

كام من يمي هاي شبيج بس تريدين تتعاركين ..

عود دخلت اسولف وياج
كتله لا غلطان دخلت انام وياج...

المهم ياعيني اولا نفسه وثاتيه تعبانه..

عافني وطلع
رجعت للفراش انقهرت عليه لان انهديت بي وبنفس الوكت انقهرت ع نفسي
لان عصبيه وماعرف شبيه..
......

حاولت اتذكر هذا اليوم مكدرت..
معقوله هالكد جانت تتحسس من هل التفاصيل
وهاي تصرفات امي وياها مابيها شي

وين جنت عن هذا كله اني احس معدتي تتكطع من الالم والقهر يعني جانت مظلومه ويايه لو سعيدة
متكتب هيج ...
اخذت الدفتر وطلعن بالحديقه الاماميه

ورجعت اكمل قراءة..

اليوم الجمعه بدايت اتعلق بلدفتر انتظر افرغ حتى اكتب
البارحه منمت هم ...

كعدت سنا من ٣ الفجر لل ٨ الصبح يلا نامت
وكعدوني ب ١٠
احس نفسي انتهيت ..

السواد جوة عيني وجهي شاحب ...

الي يوجعني ولا احد من اهلي هاي الفترة سال عني
مجرد ما اجوي سوو الواجب وراحو
وكالو امشي ويانه
بس مروان رفض علمود يوسف متعلم ع بيبيته وابو ...

عمتي حايرة بخواتها والجيران
ميلاد فندق

مروان شغل وأصدقاء

تعبتوني الله يتعبكم واحد واحد

ماعرف ادعي ع ابويه الي زوجني
لو سبب مني
ماعرف بس بعد مداتحمل
مروان فوك هذا التعب زعلان
وميحجي ويايه ممنوع اضوج لازم ابتسم
وافرح واضحك ميصير اجرح احساسه
كطيعه عليهم كلهم.. اروح انام ...

........
تخيل يا دفتر سنا ساعه ٥ واني بعدني كمت اغفى وافز
وحدي مرات افكر بشي
اكول شهل الحياه
التعبانه..
اكول اجيب دوة مال فيران واشربه واشرب يوسف وسنا وانام وبعد منكعد
لو احركهم كلهم ويانه
هل االفترة الموت ابالي اريد اخلص
لو اعيش
من اشوف ميلاد ترجع من دوامها اكل وكل شي جهاز تاكل وتنام ولا يمها وتكعد للعصر تطلع صديقات و عزومات
انقهر ع نفسي دافنه روحي بعز شبابي..

هسة ما احس بشي وياه
ما عرف السبب بيه او بي

مروان عرفته بحفله تخرج اختي وكل شي صار بسرعه
جنت فرحانه..

خطوبه وزواج وعرس وبدلة بيضة كل هاي احلام كل بنيه.
لكن ماظنيت راح اكون اخر المطاف بحياته
رغم هو حلو ومحبوب.
وموفر الي كل الي نحتاجة اني واطفاله لكن هو ماكو
ولو اجه راح يجي يرد علاقه حميمه بس.

رغم ما اطفال ٢ لكن يوم عن يوم ابتعد عنه
احس نفسي اني بوادي وهو بوادي
والمشاعر وحدها بمكانها..






جنت دائما اسئلة مروان تحبني.
ردة اموت عليج.
اكو كلمات مابيها احساس.. وهاي وحدة منهم.
اتمنى احبه..

يمكن إهماله بعدني عنه ماعرف تعبت من كل شي.

.......

سنا اليوم جان عدها لقاح رحت..
للمستوصف.. لكن هناك شفت عجوز مرت من كدام عيني..
انصدمت بيها..
العجوز اني..
كل الي موجودين من البنات شكلهم وترتيبهم يختلف عني
شكلي وجسمي كل شي بيه محلو
حتى شعري الباهت وعيوني التعبانه..
يوم بعد يوم كرهت نفسي اكثر
اكتشفت شي اني مكارهه لا زوجي ولا اطفالي اني كارهه نفسي وهاملتها لابعد الحدود
وشنو الاسباب
اطفال صغار زوج واهل زوج..
اوو بعدني عن كل شي..
كاعدة انتظر اللقاح واباوع ع البنات والعالم
احس اني وحيدة واختلف عنهم .
احجي داخل نفسي

راح ارجع رهف القديمه واهتم بنفسي
..
كملت اللقاح ورجعت الطريق كله ضايجة

اريد انتفض وارجع انتكس

الطريق كلة افكر بداخل نفسي اليوم أواجهه الكل
اني مالي شغل باحد كلمن يكمل شغله
ممسؤوله عن احد بس عائلتني. ولازم مروان يطلعني
وارجع مثل الاول..

من تعبي نمت واني افكر شلون ارتب حياتي جنت ابتس
واهون ع نفسي بالتغير
حسيت.

الضوة انفتح
رفعت راسي
عمتي بصوتها المزعج ....
رهف كومي زوجج راح يجي وميلاد هم والبيت مكلوب
وابنج موتني كوومي عاد الطفله ميته جوع وتصرخ بجي كومي..

كتلها خالة تعبانه كلش مالي خلك
كالت شبيج ..

كتلها مريضه جسمي وبلاعيمي
كالت هاا خوش اني وين بيه اطبخ.. راح اخابرهم يجيبون شي تاكلو ..
وعافتتي وطلعت..

عمتي... يطلع عمرها ٦٠ كلما اسالها تكولي اني أصغر بس ابويه كبرني هاي الانسانه اكرهها بكل ما تحمل الكلمه من معاني في ضعفها...

جانت تتعمد تاذيني من وحدنا تتعمد تسمعني كلام يجرح
حتى من اريد اطلع اني وزوجي تجي ويانه لو بديها تنام بنصنه ..

طول هاي السنوات ابد ما شكيت منها لاهلي او الزوجي
جنت اريد اعيش والسلام ...
اسمع واسكت واغلس واكول هو العمر مرة ما نكظي بهم ..
بس هي ماتستوعب هل الشي ..
تاذيني ..بكل ما تملك من قوة...

لكن هسة احس نفسي اني بعد ما اتحمل ولا اتحملها مستعدة اطلع واعوف كل شي .. باز کردن / نظر دهید

2022-09-02 17:24:57 الجزء الرابع ...

اليوم يختلف عني دون الايام كلها اليوم احس عندي

طاقه اريد اكتب وافرغها بشي لان احس جد تعبت من كل شي يحاوطني

ويا اليوم صار اسبوعين من ولدت بنتي سنا

لكن احساس غريب ينتابني..

ماعرف.. افسرة مرت عليه الفصول الاربعه

بهل الايام ابجي واضحك واختنك وافرح

ماعرف شنو الي بيه

احس كل شي غريب عني وبس اريد ركن ابجي بي

ماعدا احساس مزعج هو احتاج الكل ومن يجي احد يمي ابتعد

وبعد اهلي عني تعبني..

احس نفسي مو الي واتمنى اتعدى هاي الفترة باسرع وقت..
لكن اني وحدي...

هم اطفال وعيال و رجال احس طاقتي بدات تنفذ
لتمنى اصرخ بوجهه مروان اكوله اني وحدي
حس بية ولو يوم واحد بحياتك ..

..
دائما ماخذة الشغل والاصدقاء والاهل واني اكون اخر محطاته

اخر محطه بعد ما الكل ياخذ منه شويه
هوايه اسأل نفسي مروان يحبني؟

لو مجرد زوجه وام لاطفاله وخدامه لأهله

اليوم احتاجيت اكتب لان احس نفسي مخنوكه حيل
كئيبة وحزينة حتى الاكل مالي نفس بي ولا شي يعدل مزاجي..

غير ابجي واذكر أشياء مرت توجع.. اريد هذا الدفتر يطلعني من الحاله بيها اني صديقه الي نصحتني كالت خلي الج دفتر مذكرات وفضفضه انفه عن نفسي بيها بس لحد هسة مترددة وخايفه احجي كل الي بداخلي..
احس احد يراقبني..
رغم اكتب ودموعي تنزل وبنتي تصرخ بجي وابني يلعب بمكايجي والغرفه هوسة بس مالي واهس شي

......
الاهتمام مطلب لا يطلب..
ولو طلب تسقط المشاعر..

الاهتمام مينطلب صعب تطلب الحب والاهتمام يجوز
غيري يشوفها طبيعي وتمشي الحياه وتمر لكن اني اشوفها صعبه.. .

صعب تكون بس مضحي وكلمة اريد واريد هي الي تحتويك من زوج وأطفال واهل اني فاقدة وجودي
اذا اوكف كدام المرايا ما اشوف نفسي اشوف مجموعه طلبات ومسؤولية متخلص ...

احس بتعب نفسي اكثر مما هو جسدي..
اني اداة عمل و جنس فقط..

هاي حياتي غير شي ماكو..
اتوجع اتالم ماكو احد يسألني شبيج
الله شكد حلوة كلمه شبيج..
تطيب الروح والخاطر
اخذت حسرة وجعتني..

...........
سديت الدفتر.. وحسيت حسرتها بروحي نزلت
اني وين جنت عنها وهي كل هذا تعيشة وحدها
ليش ما شاركتها كل شي
ماذكر كل كلام تكوله.
ولا كتبته..
اخذت الدفتر ونزلت جوة..
بعدة يوسف نايم..
دخلت للاستقبال.. ومددت ع الكنبه..
ورجعت اقرأ شمكتوب بمذكرات زوجتي رهف..
...
كلبت الورقه..
بالبدايه شخابيط
وخط ممفهوم..
مبين احد ديكتب سريع..
اريد افهم كم جمله ما فهمت غير اني تعبانه من الكل
ميلاد ومروان وعمتي وجهالي ونفسي كون احرك روحي واخلص..
بقيت صافن سديت الدفتر.
و فركت راسي حيل ..






معقوله رهف انتحرت معقوله جانت تعاني كل هذا واني مادري عصرت دماغي اريد استوعب الفكرة ماكو شي يثبت.. اني ممقصر بشي وياها ..
ليش هيج تسوي

كمت من مكاني رحت للحمام غسلت وجهي اكثر من مرة في سبيل اصحى واركز
القراءة تحتاج تركيز مو سكر
طلعت وقطرات الماء تتساقط من راسي
وكانما هي كانت دلليل الي..
رحت للمطبخ احضر الي قهوة..
بالكي اصحصح.
واقرا عدل..
واعرف شيصير خلف الكواليس..
جهزت اخذت الكوب وكعدت ع الكرسي..
بديت اشرب ورجعت اقرا

.. بعد كم سطر وضحت الكتابه .
اني شنو ذنبي ميلاد رجلها يسافر وكله يوكع براسي

اني شعليه تريد تهاجر وجايبه ابنها وكله عليه

وهي تطلع دوام ومتدري شيصير ترجع تلكه كل شي حاظر

وكل هذا وعمتي مراضيه اطب واطلع تسمعني حجي

اني شوكت اخلص واعيش مثل الناس اريد افتهم اكضي

عمري كله تعب بتعب وياريت احد يغزر بعينه ويفهم الي بيه زوجي مروان انطي بس اكل وفراش غيرها ميعرفني..

صح يكول احبج بس بعيج عني كل البعد..

اني ليش ازوجته.. واني ما احبة ولا كدرت احبه..

ليش رضيت بي ليش مزوجت واحد يحبني واحبه
راضيه بكل شي والله لو بس احبه.

اوف ياربي شبيه اني شكتب معقوله ما احبه.

لا احبه بس يجوز هرمونات للولادة والحمل.
هيج داسوي بيه..

اليوم خميس الليل كله سهرانه ويا سنا..
تبحي.. غفيت ب ٦..

مروان نايم بالغرفه الثانيه لان تزعجه..
واني وحدي بغرفتي..
ساعه ١١ اندكت باب غرفتي كوة كمت..
عمتي كالت كومي عاد ساعه ١١ شوكت ناويه تكومين ع البيت شوكت..
كتلها خالة
والله ب ٦ يلا نمت سنا موتتني..
فتحت باب الغرفه كله ودخلت بعكازتها..
مو خلفنه وجبنه شو مايوم كعدت ب ١١
من ساعه ٧ نكوم..
اخذت حسرة بعد ما طبت بنص الغرفه وبدات تعلق هاي ليش ممكمطه الصغيرة رجليها تنعوج

وليش ممه خاله مو اكولج رضعيها من صدرج

وليش ممعصبه راسها

كل النوم طار من عيوني

وبدا يوم متعب جديد.. هسة ساعه ١١.١١ بليل واني منايمه من اليوم غير ٤ ساعات احس جسمي كله يوجعني..
اول ما دخلت نومت يوسف
واريد انوم سنا نامت
بعدني مغافيه طب مروان
رهف رهف
رفعت راسي نعم مروان
تقرب مني ومسد ع شعري
شنو نايمه..
غطيت نفسي كتله مروان تعبانه مدانام عدل باز کردن / نظر دهید