2022-09-02 17:31:49
كتلها ابد بنتي هاي ...
اجه مروان
مباشرتا صعدت وياه..
الطريق كله مثل الاغراب.
وصلنا للبيت قبل لا انزل جر ايدي
كال رهف بالله عليج افهمي اولا بنتج مو مريضة كل شي ماكو
وثانيا امي متتحمل تربي جهال
وثالثا والاهم اني احبج..وممقصر وياج
بدون وعي
كتله ايباااه
تحبني لا واضح.. الحب والدلال يخرخر من كل مكان
كتله المطلوب شنو
مروان /المطلوب تنزلين تسلمين على امي وتكولين الها اعتذر جانت ساعة شيطان.. وينتهي كل شي..
كتله بهل سهوله ينتهي..
رجع لزم ايدي.. لخاطري وامي تعبانه رهف
بهل الأسبوع اني ٤ دكاترة موديها ضغطها مدينزل.
كتله واضح رجعتني تحبني..
رجعتني لان امك وانت ماتكدرون تهتمون بالأطفال..
عفته ونزلت ...غسل وبدل وطبخ ..
ما اعتذر مروان هل المرة اعتذر منك اني
هالمرة اني راجعه لاطفالي فقط ..
تريد رجعني لاهلي واحسب نفسي مخلفت بيوم ..
كال ..سهلة ..يصير خير رهف ..
دخلت مشفتها بالعادة هي بالهول تكعد
هالمرة ماكو ...
دخلت لغرفتي شفت الغرفه وصخة بشكل والبيت كذلك.
اريد اطفالي دخلت لغرفه عمتي شفتهاىموجودة
اتجاهلتها وشفت اطفالي نايمين
رحت عليهم بوستهم
وطلعت
بدون ما اسلم عليها نهائي ...
رجعت على غرفتي عزلت كل شي بيها ورتبته..
وسبحت ورجعت اخذت اطفالي..
جنت فرحانه بيهم
لكن احس بينا حاجز
حتى الأطفال الصغار متغيرين عليه
مرت الايام..
مروان ملتهي بوالدته الي فجاءة حالتها بدأت تسوء
تقريبا يوميا دكتور شكل
جنت ابتعد عنها بكل الطرق ماريد اشوفها
ولا احجي وياها
اكثر من مرة يدخل عليه مروان
رهف امي احجي وياها
امي مريضة
لخاطري.. عدي الي صار متوقعتج قلبج اسود..
اكو شي صار بعدني عنه كل البعد
مروان / رهف متغيرة هوايه عليه
رهف /لا نفسي متغيرت
مروان /لا غلطانه عبالك انسانة ثانيه حتى الي متتقبليني مثل قبل عبالك مو نفسج
ضحكت كتله احتاج وقت صدكني اكثر منك تعبانه
سكت كال..
اهااا صارت احتاج وقت
ترة انتي مرتي مو صديقتي وانطيج فرصه ووقت
معاجبج ازوج واخذي اكبر مساحه من الوقت..
بقيت ساكته
كال اسكتي بعد اكثر.. والسكوت علامة الرضا
كتله انت حر مروان.. تزوج او لا
اصعب شعور عندك كومة كلام لكن صعب تعبر عنه
المقابيلك مراح يفهم صعب يفهم
انك انسان وعندك احاسيس
ضحكت داخل نفسي بصوت عالي رج داخلي
رسالة بسيطه وصلها الي
لو تكونين زوجة متكامله
لو استبدلج
داخلي منتفض.. بركان من نار
لكن واقعي يفرض عليه الرضوخ..
ايام طويله مرت واني اتحرك مثل الدميه
ماكو احساس داخلي..
عمتي بدات تتعافى صحتها..
كل مرضها من بنتها ميلاد
ميلاد راح تطلك..
بقيت ما احجي وياها ابد رغم اسمع منها كلام لكن امشي..
هل ايام ملتهيه تطلع هوايه..
ما اسال لكن
ارتاح من مموجودة
لهذا ما اريد اعرف
اسعد شي اسوي من يخلص يومي واكعد ادون بي
الي صار
واحلى شي ابوح بكل شي
هذا الدفتر هو جزء مني
جنت احافظ عليه
وخلص كد ما كتبت وجنت اكبس دفاتر وياه
في سبيل اكتب.. واكتب..
صدك صار ملاذ امن الي..
اهلي نفس الحال لا جديد ..
لو اسأل عنهم لو ولا احد يسأل عليه
مروان.. رجعت حياتي الزوجيه ويا طبيعيه
لكن مجرد يوم ويمر..
كنت اتسال داخل نفسي معقوله كل المتزوجين هاي حياتهم
معقوله
مرات جنت اتصل بخواتي
وكل وحدة همها شكل
سجى متزوجه بمحافظه بعيدة وتجي كل سنه مرة
وزوجها سايق
ماشيه حياتهم
اختي الثانيه هم متعذبه بسبب العيال
والثالثة كانت تعاني من خيانه زوجها المتكررة..
محد مرتاح معقوله الكل هيج لو بس احنا والسبب اهلنا..
ماعرف..
مشت الحياه مابين الاطفال وشغل وزوج..
فديوم من الايام
اتفاجئت بخبر عمتي راح تسافر يم ميلاد
شلون وشوكت طبعا اني اخر وحدة اعرف..
مروان بالصدفه كال
جنت ارتب الملابس وهو مدد ع السرير
والاطفال يم بيبيتهم. برة
رهف امي راح تطلع
.. وين تطلع.. هي يوميه تطلع
... لا لا اقصد تسافر..
استغربت
وين؟
.. يم ميلاد
اتفاجئنت هاي شنو.. شلون وشوكت وليش..
ختم كل تساولاتي
هي صار فترة مقدمة لامي لم شمل
وامي تطلع وتروح تكمل معامله
هالايام تسافر
ذب الفون واخذ حسرة لوما شغلي اني هم اروح وراها
تدرين اني امي ما اتحمل فراقها
... طيب واني هه او احنا..
.. اكيد ويايه شتكولين اقدم اني هم ع الهجرة
.. سكتت.. لا خلينه هنا
... طالع يم امي اني وحضري النا اكل.. لغرفتها اريداشبع منها قبل لا تسافر..
طلع واني ضحكتي ترست وجهي..
يعني معقولة راح اخلص منها
معقوله اعيش اني وياه وحدنا
ماعرف شلون رجعت الهدوم..
وطلعت للمطبخ
جنت كلش فرحانه..
اريداطير جهزت اكل سريع الهم.. افكر اغير التخم والبردات واجيب هنا تحفيات
وهنا اخلي زرع
معقولة راح اخلص..
كملت
ودخلت للغرفه..
خليت الاكل وابتسمت الها
على الخير خاله ان شاء الله توصلين بالف سلامة
227 views14:31