2022-06-20 09:49:09
حاج روح الله رمضانی
حسینون عَلمی
ویریلیب عرش معلایه حسینون علمی
چکیلیب طاق ثریایه حسینون علمی
.
چوخدی خوش رنگ علم دهریده اما یاراشور
بیر فقط گنبد مینایه حسینون علمی
.
نه بشر بلکه ملکلرده پناهنده سیدی
سالوب عالم باشینا سایه حسینون علمی
.
قره دی رنگی، ولیکن الییور نور خدا
عرشیدن عرصه ی دنیایه حسینون علمی
.
هرکیمون سایه سالوب باشینه محشرده اولار
اونا بیر تاج گرانمایه حسینون علمی
.
مدعی کعبه نون استاریده چاتماز اونا بیل
یتشوب رتبه ی والایه حسینون علمی
.
دهریده عزت و شوکتدی بوگون شیعه لره
حشریده ثروت و سرمایه حسینون علمی
.
بیلینر حشریده نه جاه و جلال وعظمت
قازانیب اهل تولایه حسینون علمی
.
گوزی چیخسین نیه وهابی کدورتله باخور
اوخ اولوب دیده ی اعدایه حسینون علمی
.
راهب اسلامی قبول ائتملیدی نصب اولسا
سردر بام کلیسایه حسینون علمی
.
ویر در منزل و کاشانیه نزدیک ائله سین
سنی تا حضرت زهرایه حسینون علمی
.
مهدی فاطمه نون بیرگون الینده گورونر
سالار عالملری غوغایه حسینون علمی
.
مکه ده صاحب عصرین ویریلار اذنیله
خانه خالق یکتایه حسینون علمی
.
@ragazha
123 viewsedited 06:49