❤️رجزها و رباعیات ترکی وفارسی🌷

2022-06-16 13:24:26 اکبر استجلو زنجانی


یا عباس (ع)


مشکلده یقین قالماز هر کس دئسه یاعباس@


غملر اورگین آلماز هر کس دئسه یاعباس@


هر درده دوشن وقته سسلر آقام عباسی@


دکتر قاپیسین چالماز هر کس دئسه یاعباس...


@ragazha باز کردن / نظر دهید

2022-06-14 23:29:01 لا ادری


یاحسین (ع)


محاسنیم آغاریب محنت‌وغمونده حسین
سوزولدوگؤزیاشیمیزبزمِ ماتمونده حسین

سنی‌قسم وِئرورم اوغلون‌اکبرین جانینا
عزیزساخلا بیزی زیرِ پرچمونده حسین ...



هرایل قراگیـیروک آغلاروق مصیبتووه
چاغـیرّوق آدیوی ماهِ محرّمونده حسین

آقا ئولوب اورگیم قیل دعا اولوم زنده
مسیحْ‌عطری نمایان‌اولار دمونده حسین



ای آفتابِ جهانتاب ذرّه پــرورسـن
قسم گؤزل‌آدووا چوخ اولارکمونده حسین
عنایت ایله علی اوغلی گلمیشم قاپووا
او بی‌ثمر آلاغام بیتمیشم زمونده حسین....



دریب آتینجا چؤله ساخلا هیزم ایله منی
یانیم ایشیق یارادیم محفلِ جَمونده حسین

علیّ‌اکبرون اوّل شهیدِعشقین اولوب
بویاندی قانینه خطِّ مقدّمونده حسین...



حسن نشانه‌سی قارداشووین گؤزل‌بالاسی
شهید اولوبدو فراشِ مکرّمونده حسیـن

علی نشانه‌سی سقّا لقب ابوالفضلین
سوسوزکسیلدی قولی نهرِعلقمونده‌حسین...



علیِّ‌اصغرون اوخلاندی اللرون اوسته
ملکلر آغلادی آهسته زمزمونده حسین

سن‌آغلییاندا او دیلسیز بالانین‌احوالینا
حرملر آغلادی شدّتله زینبین حالینا....

@ragazha باز کردن / نظر دهید

2022-06-14 09:40:17 کربلایی محمد فیروزی


۴۵ روز تا ماه عشق


انتظار ماه ماتم طاقتی الدن آلور@

عاشق شاه شهیدانی بو غم عشقه سالور@

ای اوزون نوکر بیلن درگاهه شاه محشره@

ماتم سلطان عاشورایه قرخ بئش گون قالور ....

@ragazha باز کردن / نظر دهید

2022-06-12 23:56:04 کربلایی نوید آ سال اردبیلی


قسمتی از شعر جریان امان نامه


گلمیشم سیزدن بو صحراده حمایت ایلییم
مظهر قدرت یزیده اخذ بیعت ایلییم
سیزلره منصب ویروب صاحب جلالت ایلییم
غیرت و وجدانی هم بی جا مرامی بوشلیون
صاحب اجلال اولون تشنه امامی بوشلیون


تا او نادان صوتینی درک ایله دی سقای دین
بیر سویوخ تر شرمیدن دوتدی منور صورتین
تا بو جریانی اشیتدی سرور خلد برین
محضر والاسینه عباسی دعوت ایله دی
حیدری لحنیلن اول شیری نصیحت ایله دی


امر ایدوب گیت تلین اوسته ویر قولاق گفتارینه
گر صلاحون اولسا ویر بیعت الین سالارینه
راضی اولما پیکرون قارداش بویانسین ثارینه
آلدی رخصت محضر سالاریدن سردار عشق
تلین اوسته عازم اولدی غیضیلن رخسار عشق


کیم گوروب وقرین دیدی تل اوسته شیر نر گلور
یا کی قافی ترک ایدوب عنقای زیبا پر گلور
مرحبی ئولدورمگه یا فاتح خیبر گلور
هیبت عباسی گورجک شمر بیلدی مطلبی
بیلدی بیر دنیایه ویرمز تار موی زینبی


گورجگین اول ابلهی پور غیور مرتضا
سسلدی ای پست و انتر کاسه لیس بی حیا
سن ندن باعث اولوبسان آل حیدر قو رخوشا
اذنیم اولسیدی سالاردیم جسمووی بیر حالته
شیریلر گورسیدی اندامون دوشردی وحشته


من علینون اوغلیام ام البنینه دلبرم
لشکریم یتمیش نفردور لشکره سر لشکرم
عالمین سلطانی اولسامدا حسینه نوکرم
دست بیعت بو جهانداهر پلیده ویرمرم
اصغرون بند قماتین مین یزیده ویرمرم


سرور و شاهیم حسیندور عشقیمه سلطان حسین
روحیمه ریحان حسیندور دردیمه درمان حسین
قان دیور رگلرده هردم آدووه قربان حسین
مکتب عشاقیده شوری حسیندن آلمیشام
بدر آل هاشمم نوری حسیندن آلمیشام

@ragazha باز کردن / نظر دهید

2022-06-11 23:45:22 فیروز دولتی اردبیلی


۴۷ روز تا ماه محرم


بو چوخور یر شرف قبله عالم اولاجاق@

بهترین ماه خدا ماه محرم اولاجاق

زمزم کعبه ده شرمنده علقم اولاجاق@

من حسینم یاشیل عمامه منیم تاجیمدی@

قبله عشق منم کعبه ده، محتاجیمدی.....


@ragazha باز کردن / نظر دهید

2022-06-08 09:50:06 فرهادی مراغه ای


یا زینب(س)


گوهر مهر و وفا،مظهر تقوا زینب
اختر برج حیا،وارث زهرا زینب
دختر شیرخدا،اعلم و علیا زینب
نجه زینب کی آلیب درس شرف مولادن
عصمتی ارث آپاریب فاطمه ی زهرادن

کیمدی زینب،علوی گلشنینین نوبریدی
بسدی شأنینده کی الله بو گوله مشتریدی
درگه اعظمینین اهل سما نوکریدی
نه خانم،سوره ی توحید کیمی فرد وحید
شافع روز جزا شیعه لره باب امید

مظهر نور خدای ازلی زینبدی
غیرت و فضلیده مانند علی،زینبدی
عصمت وشأنیده زهرا مثلی،زینبدی
فاطمه مثلی اودا حافظ قرآن اولدی
علمیده،حلمیده علامه ی دوران اولدی

دیمه زینب،دئگیلن دهریده عصمتلی خانم
شأن و شخصیتی والا،ئوزی غیرتلی خانم
آقام عباس کیمی سهم و صلابتلی خانم
اوندا حیدر قانی واردی ئوزیده حیدری دی
مرتضانین در خیبر گوتورن اللریدی

نه خانم قطره نی دریا ائلیر ایستسه گر
مرض روحه شفادور ائلیر رفع کدر
متحیردی اونون مدحیه افکار بشر
خالق اطهره بیر بنده ی اطیب دی خانم
بسدی وصفینده بو بیر کلمه کی زینبدی خانم

نه خانم غبطه یئیر هاجر و سارا آدینا
گوندرللر صلوات عرشیده حورا آدینا
فخر ایدر خلقت عالم گل زهرا آدینا
بو همان شخصیدی کی اولدی هوادار حسین
شامی فتح ایلدی قول باغلی علمدار حسین

کیمدی زینب او کی شاماتیده غوغا ایلدی
عاقبت نسل معاویه نی رسوا ایلدی
واژه ی غیرت و حریتی معنا ایلدی
جدی پیغمبر خاتم آناسی فاطمه دی
آتاسی شیرخدا تک یل بی واهمه دی

کیمدی زینب او کی حفظ ائتدی حجاب آیه سینی
منطقی محکم ایدوب معرفتین پایه سینی
بشریت باشینا سالدی شرف سایه سینی
قویمادی باتسین حسین قانی شرافتلیدی
اودا قارداشی اباالفضل کیمی غیرتلیدی

تشنه لب قارداشینین قانین آلان زینبیدی
آبرودن سپه کفری سالان زینبیدی
کوفه و شامیده محشر یارادان زینبیدی
اوندا بیر خطبه دیوب ایندیده دیللر آلیشور
ائشدنلر بئله فکر ائتدیله حیدر دانیشور

بیلمدی کوفه لیلر دختر زهرا کیمدی
نئجه کی بیلمدیلر حضرت مولا کیمدی
نه بیلور قطره ی ناچیز،کی دریا کیمدی
اوکی آتسا شرفین شأن و شرافت تانیماز
نوریدی زینب کبری اونی ظلمت تانیماز

نجه زینب کی اوپر اللرینی صدق وصفا
رب ایمان ودیانتدی ، خداوند حیا
اونا مدیونیدی غیرت،اونا عاشقدی وفا
بو همان شخصیدی کی پرچم دینی اوجادیب
حق یکتا ئوزی تک زینبی یکتا یارادیب

کیمدی زینب آدی آزاده لرین فریادی
حیدرین نابغه شاگردی،شرف استادی
ملهم شاعر دربار ولا(فرهادی)
زینبین نهضتی سرلوحه ی حریت دی
ظلمه باش اگمدی باشدان ایاقا غیرت دی

@ragazha باز کردن / نظر دهید

2022-05-02 18:55:17 رحیم فیضی اردبیلی


#آخرین‌سفره‌ے‌افطاره‌قوناقم
ـــــــــــــــــــــــــ
آخرین سفرهٔ افطاره قوناقم بوگجه@

صبحه‌جک یاتمارام آللهیم اویاقم بوگجه@

یغیشور سفرهٔ احسانون الیم بوشدی منیم@

ولے رحمان آدووا چوخ ئوره‌گیم خوشدی منیم@

خط چکرسن بوگجه جرم و گوناهیم پوزولار@

دفتروندن منیم اعمال سیاهیم پوزولار@

شب قدرونده مباهات ائله‌دیم صبحه کیمی@

مین بیر آدونله مناجات ائله‌دیم صبحه کیمی@

آحییَه ساخلادیم الله که الیمدن دوتاسان@

صبحه جک آغلادیم الله که الیمدن دوتاسان@

آندی ویرّم سنی آللّٰهلیقوون خاطیرینه@

او زمانی کی دَیَر کون و مکان بیربیرینه@

خوفیدن کُلّ خلایق چاغیرار داده سنی@

سسلنر آتش سوزانووه یاندیرما منی@

عفو ائله، یالوارورام درگهووه من بو سیاق@

راضی اولما که چالام اوتلار ایچینده ال ایاق@

ماه غفران قوتارور، حسرتی قلبیمده قالور@

بو خبر عارف اولان بنده‌لری درده سالور@

گرچه شوّال آیینون بایرامی مایلدی بیزه

رمضان آیریلیقی زَهر هَلاهلدی بیزه

گرچه بایرام یتیشوب چهره‌می خندان ائدرم@

یغیلان سُفرووه افسوس فراوان ائدرم@

عشقیله قوزا سماواته طرف دست نیاز@

(فیضی) هر بندهٔ شایسته دیلیجن بئله یاز@

نه گوزل نعمتیدی، قیمتینی بیلمدوک حیف@

قلبیدن گرد و غبار گنهی سیلمدوک حیف



عضو شوید
@ragazha
باز کردن / نظر دهید

2022-05-02 18:54:08

الوداع یا رمضان

مرحوم استاد سلیم موذن زاده اردبیلی

التماس دعا باز کردن / نظر دهید

2022-05-02 18:53:33 کربلایی محمد رضا صادقی شیدا


الوداع ای ماه رحمت الوداع


الوداع ای ماه عزت ماه رحمان الوداع
الوداع ای ماه رحمت ماه غفران الوداع


آیۀ قرآنی چوخلار ایلدی ورد زبان
شامل ائتدی لطفینه مخلوقی خالق آنچنان
اهل فرشه غبطه ایلر جمله اهل آسمان
تئز قوتولدون حیف اولا ای ماه یزدان الوداع


سنده واردور چوخ فضیلت ای مه سلطان عشق
سنده نازل ایلدی اوز رحمتون سبحان عشق
تا که دعوت یولّادی مخلوقه اول منّان عشق
عشقون اهلی میزبانه اولدی مهمان الوداع


گرچه سنده چوخلاری بزم صفادن دویمادی
ائتدیلر راز و نیاز امّا دعادن دویمادی
موقع افطار اولاندا ربّنادن دویمادی
یاد اولا حال دعاده صبحگاهان الوداع


باشدا قران نالۀ الغوثی چکدی نادمان
گوزده اشک و دیلده آه و ناله ائتدی عاشقان
چوخلارین عفو ایلدی بو آیدا حیّ لامکان
چوخلاری اولدی گناهیندن پشیمان الوداع


غرق نور اولدی شب احیاده قلب مضطران
مرحمت دریاسی اولدی لطف حقدن بیکران
کیمسه سی تا عرض ائدوب اَلعَفو و یاربّ اَلْاَمان
چکدی بد افعالینه بیر خط بُطلان الوداع


گرچه شوّالون گلور اوّل گونونده بایرامی
آیریلور عاشقلرون بو بزمیدن باهم هامی
لیک حقدن ایستوری « شیدا » بو افطار آخشامی
اولماسون آخر وداع ای ماه ایمان الوداع


@ragazha باز کردن / نظر دهید

2022-04-26 02:05:59

مناجات ماه رمضان وشب های قدر

کربلایی اسماعیل بازدار

با شعری زیبا از:

کربلایی جهان سلیمانی

پیشنهاد دانلود

@ragazha باز کردن / نظر دهید