Stories 📖

2022-05-03 21:43:48 الجزء السادس
(فرح)
كنت بالمطبخ بجهز الصحون على الطاوله
ام مجد: سامحيني يا بنتي هيك بدو ابوكي ومجد انك تبطلي من الجامعه
فرح نزلت دمعه: بعرف انك ما بتقدري تحكي معهم لهيك ما بلوم حدا لانه انا عملت هيك بحالي
اسمعت صوت الباب انفتح
دخل ابي واخي
ابو مجد: لسا مو ساكبين الصحون
ام مجد: انت ادخل غسل وغير اواعيك بكون جهز
مجد: اف اف اف بسرعه جهزي الاكل ست فرح
جهزته بثم ساكت لانه مجد كان بيزت حكي علي لحتى اجاوبه وبيقوم ويضربني
ام مجد: نادي محمد وفهد قبل ليبرد الاكل
جلسنا كلنا على الطاوله ..بلشو بيوكلو وانا خجلانه من الكل على الي عملته
مجد: اذا بدك تضلي صافنه بالاكل قومي جهزي ابريق الشاي
قمت وعملت شاي جهزته خلصو اكل وجلسو بغرفة المعيشه
..خلصت تعزيل المطبخ
مشيت بدي اروح لغرفتي واذا بصوت ابي بينادي علي
ابو مجد: فرح تعالي
مشيت بتعب ووقفت قباله: نعم
ابو مجد بيشرب شاي : بتعرفي مين اجى لعندي على المحل اليوم
فرح: لا منين بدي اعرف
ابو مجد: بتعرفي يا مره انه بنتك حظها بيفلق الصخر
ام فرح: قل اعوذ برب الفلق ليش
ابو مجد : بتعرفي مين اتقدملها لحتى بيخطبها
باللحظه هاي عرفت انو سند فرحت لانه ما تركني وكان صادق بحبه الي
ابو مجد : دكتورها بالجامعه شب حليوه وابن عز ونسب ومال ..
ام مجد: بتحكي جد مين هو
ابو مجد: ابن الملكاوي اكبر المسؤول بالبلد
ام مجد: بتحكي جد الملكاوي ما غيره ابنه بيطلع على بنتي ههههههه والله مانك قليله يا فرح طالعه لعماتك ..
ازعلت كثير من حكيهم لانه انا تربايتهم
ام مجد: يعني اعطيته الموافقه
ابو مجد: لا حكيتله بعد يومين بيتصل ونعطي الجواب لانه متقدملها واحد ثاني
مجد: صحيح لمين بدك تزوجها
ام مجد: ليش هاي بدها مشاوره اكيد ابن الملكاوي
ابو مجد: يابه بدك تفكري ولا موافقه على دكتورك
فرح: لا بدي افكر
مجد: بس معلومه صغيره انتي راح توافقي على ابن العز برضاكي او غصب عنك
فرح دمعو عيوني: بدي افكر واقرر لانه انا الي بدي اتزوج مو انتم
تركتهم ودخلت غرفتي ... جلست على طرف السرير ومسكت الاسواره الي اهداني اياها سند بإيدي : ههه اكيد هند حكتله
فلتت ايدي واخذت نفس وسحبت السلسال الي من مهند ومسكته بقبضة ايدي : ااه تخيل كل حبنا واحتمال كبير بروح لحدا غير ..عنجد لما حكو الفلوس تغير النفوس لسا مبارح بيترجو بمهند بيخطبني واليوم بيقلوله مع السلامه ..ااخ لازم بفكر بعقلي مو بقلبي
طبعاً امي من ثاني يوم جمعت كل الجارات لعندها حتي ام مهند وبلشت تتباهى انه تقدم لخطبة بنتها ابن الملكاوي ..والجارات بلشن يباركن لا الها على الخطبه
اتذايقت ام مهند واستأذنت وروحت على بيتها كان مهند سرحان بعالم اخر قربت منه وحظنته
مهند: خير ياأمي في اشي
ام مهند حكتله كل الي حدث
مهند بصرخة قهر: ااااخ اااخ يعني فرح راحت مني ..يا أمي روحي احكيلها اني مسامحها وما بدي من الدنيا الا هي
ام مهند تبكي على وضع ابنها : ااخ ياأمي نفس الي حدث مع والدك عم بينعاد معك لكن حبيبتك ما رضيت فيك
مهند: باعتني لابن العز ..شو يعني فقير الفقر مو عيب الرسول عليه السلام كان فقير
ام مهند: اهدا ياامي عسى ان تكرهو شئ وهو خيراً لكم
...........
(سند)
ثاني يوم المسا انطلقت بسيارتي لعنوان بيت سحر ...وصلت للبيت كان بحاره شعبيه فيها بيوت حلوه وبيوت تحت خط الفقر ...قربت لعند الباب ورنيت الجرس ..فتح الباب ..اعرفت انها سحر كانت نسخه عن امي نفس العيون والثم نفس السمار
ام مهند: تفضل بشو بقدر أخدمك
سند الدمع متجمع بعيوني: هاد بيت ام مهند
ام مهند:اه
سند : اانا اانا سند الملكاوي ما عرفتيني يا أختي
ام مهند مصدومه : سسسند اخوي
تخيلو انها سحبتني لحظنها وحظنتني وهي تبكي وتضحك بنفس الوقت ..وانا خظنتها وبكيت
سند: سامحيني والله ماكنت بعرف انك عايشه ووقت الي عرفت بحثت عليكي لحتى القيتك
ام مهند بتبعد عنه وتمسح ادموعها بأيدها : هههه الحمدالله الي شفت حدا من ريحت اهلي
سند: سحر دخليني لجوا الرايح والجاي بيطلع علينا
ام مهند: ههههههه ادخل وحكيلي كيف ابي وامي وكنان
دخلت لجوا كان بيتها بسيط كثير وباين انو وضعهم على قدهم ..قعدت عندها ساعتين حكتلها كل اخبارنا وهي حكتلي عن حياتها من وقت الي هربت من بيتنا ...وعرفتني على ابنها عبدالله لكن مهند ما شفته لانه كان نايم وتعبان كثير فما حبيت ازعجه لانه الايام الجاي راح نتعرف على بعض ...واول ما طلعت من عندها اتصلت على امي وحكتلها كل اخبار سحر ووعدتها انه بكرا بجيبها لعندها لانه سحر كثير مشتاقتلها...
.........
(فرح)
لا ليلي ليل ولا نهاري نهار كنت بفكر بكل شي كيف راح عيش مع سند لو وافقت عليه (طبعا اجباري الموافقه) وبنفس الوقت مو متخيله حياتي بلا مهند .. باز کردن / نظر دهید

2022-05-03 21:43:46 ابو مجد: مجد جيب كرسي للأستاذ..و فنجانين قهوه
جلست : ما في داعي تغلب حالك
ابو مجد: تفضل ابني احكي بشو ممكن اساعدك
سند: صراحه انا دكتور بنتك فرح بالجامعه وابي الملكاوي
ابو مجد بيعدل جلسته: الملكاوي اكبر مسؤل بالبلد وصاحب شركات الاستيراد والتصدير
سند : نعم صحيح
ابو مجد : خير ابني مقصوفة الرقبه شو عامله
سند: لا مو عامله اشي ..بس انا بدي اياها على سنة الله ورسوله
ابو مجد انصدم : بدك تخطب بنتي انا
سند: طبعاً بعد موافقتك
دخل مجد وقدم القهوه ووقف جنب ابوه
مجد: خير يابي مالك مصدوم
ابو مجد : لا ولا شي ...اه استاذ بشرفني نسبك لكن بنتي تقدملها مبارح شب فممكن تعطينا فرصه بنتشاور ونسأل البنت مين بتختار منكم ...والله يجيب الي في الخير
سند : مثل مابدكم ...بس ممكن رقم موبايلك لحتى آخذ الرد ...
مجد: عفوا وين اهلك لحتى جاي تخطب لحالك
ابو مجد : يخرب فنك دائماً بتحكي بالوقت الخطأ ...
سند : ان شاءالله اذا تمت الموافقه اكيد بدهم يزروكم لحتى نتفق على كل شيء...
اخذت رقم ابو مجد وطلعت
...لكن انتابني القلق وقت عرفت انه في شب ثاني متقدملها وتوقعت بكون الشب نفسه الي شافنا مع بعص
#يتبع باز کردن / نظر دهید

2022-05-03 21:43:46 ام كنان : وانا
ودادا: وانا كثير مشتاقه الها
سند : لا ..بروح بالاول وبمهدلها الموضوع وثاني زياره باخذكم معي
ابو كنان : رجعلي بنتي لحظني والله مشتاق ألها
سند : ان شاءالله
.............
(فرح)
كنت مربوطه بالسقيفه وصوت حكيهم لعندي ..كنت خايفه من العتمه او يطلعلي شي فار
...حاولت افك حالي لكن ما قدرت
اسمعت جرس الباب بيرن ...فتح فهد الباب ...وسمعت صوت مهند اه صوته بميزه من بين خمسين صوت
مجد: اهلين
مهند : وينها فرح
مجد بيهجم على مهند: ولك كيف تدخل تتهجم علينا واختي لا تجيب اسمها على السانك
ام مهند: اهدو ياجماعه نحنا جاين لنحل المشكله ونهدي النفوس
مجد: تحلوها ليه شو دخلكم
..لحظه لحظه لتكون انت الي بتتمعشق معو الست فرح
مهند : اه انا وانا الي اعطيتها الموبايل
هجم مجد عليه وبلش يضربه
..لكن صوت ابي وقفه
ابو مجد: مجد اتركه
مجد: بس يابي
ابو مجد: قلت اتركه
تركه ...وقعدو لحتى بيحكو
ابو مجد : انا مابحط عليك حق واحد بالميه لانه لو بنتي مربايه منيح ما بتخون ثقتنا...
وانت ليش جاي برجلك لعنا وانت عارف انه اخوانها ليقتلوك
ام مهند: اول اشي انا بعتذر عن تصرف ابني ونحنا أجينا لحتى نصلح الامور
مجد بيوقف : بالله كيف يعني بدك ترجعي الزمن لورا وبتحكي لابنك المصون لا تحكي مع فرح
ام مهند : لا مو هيك ..
ابو مجد: احكي الي عندك وريحينا
ام مهند: انا جايه اطلب ايد بنتك فرح لابني مهند
مجد بيصرخ : نعم يخطبها لا يا عمري ما احزرتي نحنا ما عنا بنات للجيزه
ابو مجد بعصبيه: مجد اقعد ساكت والا بطلعك لبرا فاهم
ام مهند:طيب اذا عندكم حل ثاني احكو
ابو مجد: حكيك مزبوط لازم يتجوزها زي ما خرب سمعتها بالحاره الله اعلم يمكن سيرتنا على كل لسان
مجد: عنجد بدك فرح تتجوز واحد وضعه المادي عقدو
مهند: الفقر مو عيب وانا رجال بشتغل وبصرف من عرق جبيني ومتعلم كمان ..كلها اكم سنه وبصير ضابط قد الدنيا
ابو مجد : مجد شو رايك مين يرضى فيها اختك بعد الفضيحه هاي
سكت مجد وقعد : مثل ما بدك يابي
مهند : بدي احكي معها على انفراد اذا سمحت يا عمي
ابو مجد: محمد روح جيب اختك
اجى محمد وفكني وساعدني لحتى انزل من السقيفه...واول ما دخلت لعندهم كنت بمشي وانا بعرج ودم نازل من طرف ثمي وشعري مكنفش.... قامت لعندي خالتي ام مهند : بنتي انتي منحيه ...تعالي اقعدي
قعدت وانا مو قادره ارفع عيني بأهلي لاني خنت ثقتهم...ومهند لأني خنت العهد الي بينا
ابو مجد : يالله نطلع لحتى يحكي معها على راحتهم ..بس لا تطول
طلعو الكل ...وضليت منزله راسي
مهند بصوت مبحوح: ما هان علي العشره الي بينا لهيك اجيت وطلبت ايدك ...لكن لا تتوقعي اني راح اسامحك او ترجع علاقتنا مثل اول...لهيك بدي اتركك يومين تفكري بالموضوع خطبتنا واذا ما بدك احكي لأمي وانا بلغي الخطبه من عندي وهيك ما بيقدرو بيجبروكي علي
تركني وطلع ...وبلغ ابي انه اعطاني مهلة يومين افكر بموضوع الخطبه .....
بس تركني وراح حسيت حالي رخيصه كثير ...لهدرجه هاي كنت غبيه لحتى فكرت بحدا غيره
..........
(سند)
ثاني يوم بالجامعه عرفت انه فرح غايبه فقلقت عليها كثير فرحت لعند صاحبيتا هند
سند: كيفك هند
هند: اهلين دكتور
سند: ما بدي آخرك عن محاظرتك
ممكن اعرف ليش فرح غايبه
فرح : ما بعرف دكتور
سند : رقم امها معك
فرح:اه
سند: اتصلي فيها هلا وانا واقف وأسألي عنها
اتصلت وفتحت السبيكر وردت امها
هند: مرحبا خالتي كيفك ..ممكن احكي مع فرح لانها غايبه اليوم
ام مجد: بنتي فرح تركت الجامعه
هند بتشهق: ليش
ام مجد: انتي صاحبيتها المقربه واكيد بتعرفي انه فرح كان معها موبايل من ورا ظهرنا ومبارح انكشفت واكيد بتعرفي مجد شو ممكن يعمل معها بهيك موقف
هند: ضربها
ام مجد: اه يا حبيتي جسمها كله ازرق من كثر الضرب وعند طرف ثمها جرح ورجلها بتعرج عليها
هند: خالتي ممكن اجي ازورها
ام مجد: لا تيجي وتغلبي حالك لانه ممنوع بتشوف حدا
هند: ماشي بس ممكن اتصل فيكي لحتى اطمن عليها
ام مجد : اه... بس فترة المسا لا تتصلي لانه اخوانها بيكونو بالبيت
سكرت الخط
هند: دكتور اسمعت بأذنك الي صار
سند : تأخرتي على محاضرتك
ولا تاكلي هم راح اتصرف
اخذت مغادره وطلعت مثل المجنون لعند ابو فرح
سند: الله يسامحك يا فرح معك موبايل وما بتحكيلي ..اخ اكيد انه هديه من حبيبها.... لا لا انا حبيبها وبس
وصلت لسوبر ماركت دخلت لجوا
كان قاعد ورا الكاش رجال كبير بالعمر وشعره كله شيب ..وجنب منه شب طويل ابيضاني لكن ملامح وجهه بتعكس انه شخص عصبي كثير ...
سند : مرحبا ..ممكن بدي اقابل السيد ابو مجد
ابو مجد: تفصل انا ابو مجد تأمر بشي
سند : اه بدي اياك بموضوع خاص باز کردن / نظر دهید

2022-05-03 21:43:45 الجزء الخامس
(مهند)
وقت الي عرفت بخيانة فرح حسيت انه قلبي بينزف دم ...
مشيت بلا وعي لانه صورتهم وهم ماسكين بأيدين بعض ما بتروح من بالي .. ما وعيت الا وانا عباب البيت فتحت الباب ودخلت ...تخيلو انه امي كانت واقفه قبالي ما شفتها ..مشيت لغرفتي وانا بجر حالي جر
ام مهند: يمه مالك مسطل في شي
مهند : لا بس تعبان بدي انام وما حدا بيزعجني
دخلت وسكرت الباب ..اتمددت على السرير وصفنت بالسقف ..
اتذكرت وقت كنا صغار كنا مثل الديوك بس نطاوش
فرح : لاتفكر اني ضعيفه بقدر اضربك ...رجعلي لعبتي
مجد رفع ايده وبلش بلولح باللعبه هههه تعالي خذيها
فرح مسكت حجر وضربتني فيها على راسي : ااااااه
وقعت اللعبه على الارض وانا مسكت راسي مكان الضربه وبلش بينزل دم ...ركضت بسرعه اخذت لعبتها وهربت : هههه تستاهل ههههههه
ارتسمت ضحكه على وجهي: من وقت الي كنتي صغيره وانتي مغلبيتني ههه
بيرن الموبايل كان اسمها على الشاشه طنشت ..ورجعت اتصلت وطنشت واتصلت ثالث مره وطنشت
وبأخر مره رديت لكن ما حكيت شي كنت بس بسمع ..بلشت تبكي وتحكي ومن كثر ما بكت نص الحكي افهمته والنص الثاني لأ ..وفجأه بسمع صوت مجد بيصرخ وبلشت اسمع اصريخها كانت تنظرب ...لحظتها عرفت انه مجد مسك الموبايل معها ... كنت بدي سكر لكن سمعت مجد بيحكي اني مو زلمه ومن الحكي هاد وبده يعرف مع مين كانت تحكي بس انقطع الاتصال ...خفت عليها ليقتلها بعرفه مجنون بيعملها ..فتحت الباب ركض لعند امي
مهند : امي امي
ام مهند : نعم انا بغرفة النوم
دخلت لعندا وبلشت اسحب فيها : بسرعه البسي على راسك
ام مهند بتسحب ايدها: بسم الله مالك يمه... ووين بدك توخذني الوقت متأخر
كنت بدي احكي لكن سمعت صوت صريخها ممزوج بصوت مجد
ام مهند: امي كانه هاد صوت صريخ عند بيت ابو مجد
مهند قعد على الارض وبيبكي : اااه فرح بتنظرب من مجد
ام مهند بتنزل لمستواه: مهند ليكون الك ايد بلي عم بيصير ببيتهم
وقتها حكيتلها كل اشي عن حبي انا وفرح
ام مهند: قوم بسرعه بدي البس عبايتي خلينا نلحقها قبل ما يعملولها اشي
............
(سند)
بس تركتني وركبت تكسي اركبت سيارتي وانطلقت على البيت لأنه بدي احط النقاط على الحروف بعد المعلومات الي وصلتني عن اختي ...اتصلت بكنان وطلبت منه بيجي على البيت فوراً لأنه في موضوع ضروري بدي احكي للكل
...سكرت الخط وحسيت قلبي انقبظ : يارب ما بيكون صاير اشي مع فرح
وصلت للبيت وكان الكل مجتمع
ابو كنان : شوفي قلقتنا
سند بيقعد معهم : دااااداااا
اجت بسرعه : نعم ياأبني
سند : اقعدي معنا لانه بعرف انك بتعرفي كل اشي
ام كنان : بلشت تخوفني شوفي
سند : ممم لا تحاولو انتو الثلاث بتنكرو الي عرفته من سنه ...سبحان الله مهما حاولتو تخبو الموضوع الا بالاخر بينكشف
ابو كنان: ادخل بالموضوع وما في داعي للألغاز
سند بيوجه حكيو لكنان: ممم بتعرف انه ابي وامي والدادا مخبين علينا انه اختنا سحر لسا عايشه ومو متوفيه
كنان : شو بتحكي
الكل مصدوم
سند : لا تنصدمو ولا على بالكم
ابو كنان بعصبيه: حكيك كلو كذب ..قلي مين ضاحك عليك بالحكي هاد ااه
سند : ما حدا ضحك علي انا اسمعتك انت وامي بتحكو ..فخلال السنه جمعت كل المعلومات عن سحر ...ولقيتها
ام كنان بتبكي : عنجد لقيتها يا رب لك الحمد لأني راح كحل عيني بشوفتها قبل ما أموت
ابو كنان : واخيراً ...
بيقوم وبيحظن سند
ابو كنان: شفتها هي منيحه
سند: لا بكرا بدي اروح على بيتها ...بس بدي اعرف كيف بتحكو لناس انها متوفيه وبكل سهوله تخليتو عنها ...انا بدي اعرف ليش عملتو فيها هيك ليش
ام كنان بتبكي : سحر هي الي باعتنا واختارت تهرب مع حبيبها الي كان بيشتغل عنا سواق
..تخيل لانه ابوك رفضو هربت معو
كنان : طيب ليش ما زوجتوها اياااه
ابو كنان : لانها طفله لسه ما كملت ١٤ سنه وفوق هيك كان فقير ومقطوع من شجره ..هربت معه واحنا انفضحنا وسيرتنا صارت على كل لسان...دورت عليهم كثير وبعد خمس سنين لقيتها وكان معها ولدين الكبير مهند خمس سنين وعبدالله سنه .. سامحتهم على كل اشي عملوه منشان احفادي شغلت زوجها معي لكن بعد شهر عمل حادث وتوفى
..وسحر فكرت انه انا قتلته فخافت على اولادها مني فرجعت هربت ...وبقيت ادور عليها لكن اختفت وبلش الحكي والشائعات تطلع عليها ..ناس بتحكي هربت مع عشيقها وناس بتحكي انها مريضه عقليا و و و
فقررت اني اعتبرها توفت ونشرت خبر وفاتها وهيك مع الوقت الناس نسيت قصتها ..وانا اعتبرتها متوفيه وما رجعت سألت عنها
سند :يا عيني انا خال ..ههه تخيل يا كنان انه ابن اختي الكبير عمره ٢٥ سنه يعني اصغر مني بخمس سنوات واختي عمرها بالاربعين
كنان: بدي اروح معك على بيتها باز کردن / نظر دهید

2022-05-03 21:43:10 وفجأه بينفتح الباب ...
مجد : لك يا عايبه من وينلك هل موبايل
وبيهحم علي ويبلش ضرب فيا وانا بصرخ .. وقع الموبايل على الارض ...اخذه مجد مسك الموبايل بأيد وشعري بأيده الثانيه
مجد : لك احكي مين انت يا قليل الادب ...لو انك زلمه رد علي
بوقتها خفت انه بيعرف انه مهند الي على الخط وبسرعه بسحبه من ايده وبغلقه
ولحظتها مجد فقد عقله ...بلش بيسحب فيا من شعري لحتى وصلني لنص البيت وانا ببكي وبترجا في يتركني ... التمو اهلي كلهم على صراخي
ابو مجد : خير يأبني ليش عامل باختك هيك لك اتركها
مجد بيصرخ وبينط من كثر الغضب وانا شعري بلش بيطلع بايده: لك بنتك معها موبايل بالسر وعم تحكي مع شباب لك يأبي بنتك وطت راسنا بالارض ...
ابو مجد :فرح لا يمكن ...
مجد: تفضل شوف بعيونك
ابو مجد : تفووو عليكي
..اربطها وزتها بالسقيفه
ام مجد : لا لا بترجاكم سامحوها والله بنتي مربيه ما بتعمل هيك
ابو مجد: محمد جيب الموبايل ولحقني انت ومجد على غرفتي ..وانتي يا مره اذا بعرف انك مقربه لناحيتها اعتبري حالك طالق
#يتبع باز کردن / نظر دهید

2022-05-03 21:43:10 الجزء الرابع
مرقت سنه وانا بحبهم الاثنين لكن ما حد بيعرف عن الثاني ....
وفي يوم كنت بالجامعه قدمت آخر امتحان ...جلست مع صحباتي في الكفتيريا قضيناها ضحك ومسخره ...وبعدها استأذنت وطلعت على الشارع الرئيسي بستنى تكسي واذا سند وقف سيارته وفتخ الباب
سند: اطلعي
نظرت يمين وشمال تأكدت انه ما في حدا بعرفه شافني أركبت ونطلق بسياره
فرح : سند لوين بدك توخذني
سند بينزل نظارته وبينظر الي: ممم بدي اخطفك
فرح : هههههه خطف مره وحده والله اخواني ليقتلوك وبعدا بيحرقوني وانا عايشه
سند : اف .. الله يعينك عليهم
بيرن موبايل سند
سند : نعم
مساعده: عرفت كل شي عن الست سحر وعنوانها وكل المعلومات بعثتهم على الواتس
سكر الخط ...ووقف السياره على جنب ...وبلش بيقلب بلموبايل وكل دقيقه وجهه بيقلب للأحمر ... وانا براقبه وخايفه اسأله
سكر الموبايل وبلش بيصرخ وبيضرب ايده على سواقة السياره ...قربت منه وبلشت اهدي فيه ..حظني وبلش يبكي مثل الطفل ..بلحظتها ما عرفت شو بعمل طبطبت عليه وحظنته
....وبعد ما هدي نزل من السياره وبلش يستنشق هواء..انزلت ووقفت جنبه
سند: حاسس جبل طابق على صدري
مسكت أيده.. اطلع علي وابتسم وبادلته الابتسامه
سند: من وقت الي صحيت على الدنيا انا واخي كنان بنعرف انه اختي الكبيره سحر توفت بحادث ...ما بعرف كنت احس انها لسه موجوده على الدنيا
فرح: كم كان عمرك وقت الي توفت
سند: خمس سنوات بينا عشر سنين...تخيلي قبل سنه اكتشفت بالصدفه انه لسه عايشه
فرح : عنجد بتحكي ..وأهلك عرفو
سند : هون المشكله انه ابي وامي بيعرفو وفوق هيك هما الي ناشرين خبر وفاتها ...تخيلي
فرح : اسفه على السؤال ليه هيك عملو
سند : من وقت الي عرفت وانا بدور عليها وهلا عرفت كل شي عنها
بلحظه هاي بيمرق مهند وبيلمحني وانا واقفه مع سند
وماوعيت الا على صوته بيعبي المكان
مهند بيمشي لجهتي: فرررررح
التفتت على مصدر الصوت ووقت الي شفته تركت أيد سند وبلشت أرجف من الخوف
مهند بيقرب وبيمسك ايدي : مين الاخ الي واقفه معه بنص الشارع وماسكه ايده بالمره نامي بحظنه
مسكو سند من قبة قميصه : هي مين بتفكر حالك احترم نفسك احسن ما خربطلك معالم وجهك
سحب سند أيدي من مهند
مهند بيرفع اصبعه وبوجه سند وبهدد: مين انت لحتى تمسك ايدها وتهددني يا قذر
سند بيمسك اصبع مهند وبينزله: انا حبيبها وعن قريب بدي اخطبها
مهند وقف مكانو واطلع علي نظره تمنيت لو متت ...بلشت ابكي على الساكت
مهند ودموعه بتنزل وبيزقف: برافو برافو انتي اشطر ممثله شفتها على وجه الارض...(قرب مني وحط ايدي على جهة قلبه ) لك قتلتي ..والله حبيتك من كل قلبي.. يبنت كنت شاريكي لكن انتي خنتي العشره الي دامت سبع سنوات ..بعتيني لأبن العز والجاه والمصاري ... (التفت لسند وكمل حكيه) اخذت روحي مني ..بتمنى تحافظ عليها
ترك ايدي ومشي بخطوات ثقيله
بلشت اصرخ بصوت مبحوح وبيرجف : مهند مهند لا تتركني
بيسحبني سند من ايدي وبيدخلني السياره وبينطلق بسرعه جنونيه خفت كثير وبلشت معدتي بتقلب
فرح وانا بصرخ: لك وقف السياره بدي استفرغ
وقفها ونزلت بسرعه وستفرغت كنت بدي روحي تطلع مني لحتى ارتاح ...وعيت على ايد سند وهي على كتفي
سند: انتي منيحه
رفعت وجهي ..
سند: خذي المنديل وامسحي شفايفك
اخذتو ...اطلعت بسند وبلشو دموعي بينزلو
سند : هههه والله مانك قليله بتحبي اثنين بنفس الوقت
..طيب على الاقليه خبريني يا ست فرح
بلحظه هاي بلشت افقد اعصابي
هجمت عليه وبلشت اضرب فيه على صدره
فرح: اسكت ولا كلمه انت الي طلبت مني اعطيك فرصه لحتى نتعرف على بعض ...كنت بدي احكيلك لكن سكتتني وحكيت بدك تحبني هيك بدون مابتعرف شي عن الماضي تبعي ...مو هيك انت بدك اااه جاوب
سند بيمسك ايدي الثنتين: مين مهند بدي اعرف كل شي عنه احكي
فرح بنظرة تحدي: مهند حب الطفوله والبراءه لك حبينا بعض من كنت بصف الثامن وعمل المستحيل لحتى يسعدني
سند بيشد بغضب على ايدي :
لا تجيبي اسمه قدامي وانتي حبي وعشقي ما بدي من الدنيا الا انتي ...واعتبري انه الي حصل اليوم كانه ما حصل وبدي اتقدملك ونخلص من القصه مفهوم
فرح : لك اترك ايدي عم توجعني
ترك ايدي
فرح: انت روح بدي اروح
سند: لا بدي اوصلك اول حارتكم
فرح: يا رب تصبرني ...
مشيت وتركته واقف ...وقفت تكسي وطلعت فيه ..واول ما وصلت على البيت دخلت لغرفتي وطلت الموبايل واتصلت بمهند مره ومرتين وثلاث لكن ما بيرد ...ارجعت اتصل كمان مره فتح الخط
مهند: .......
فرح بتبكي: مهند بترجالك تسمعني منيح والله ما كان قصدي اني اخونك بدي احكيلك كل القصه ومتأكده انك راح تسامحني
بلشت احكي واحكي لحظات كنت ببكي بهستيريا ولحظات بحكي وصوتي بيرجف ..كان كل همي انه بيسامحني باز کردن / نظر دهید

2022-05-03 21:43:09 فرح كنت بسمع وبحس بنفس الاحساس الي بحسه مع مهند: بس انت دكتور..
لسه ما كملت وضع ايده على شفايفي : اص لاتحكي شي بدي ياكي تتركيني احبك ..ما بدي اعرف اذا كنتي مرتبطه او لا بدي تعطيني فرصه اعبرلك فيها عن مشاعري لانه هاي اول مره بفتح فيها قلبي للحب .. بدي اياكي تسيبي نفسك بين ايدي وبعدا انتي قرري انكمل او نترك بس لا تحرميني انو عيش معك لحظات حب لحتى تبقى محفره بقلبي طول العمر
......
اطلعت من عنده وانا تايهه مو عارفه استسلم لأحاسيسي اتجاهو او اقفل الباب قبل لتكبر ...
لاحظت هند اني مو على بعظي
هند: خير مالك من وقت الي طلعتي من عند الدكتور سند وانتي مو على بعضك
وبعد إلحاح منها حكتلها كل شي
هند: ولك مجنونه اذا ما بتحبي والك هاد الدكتور سند ابن الملكاوي اكبر مسؤل بالبلد وصاحب اكبر شركات الاستيراد التصدير ..لك امك داعيتلك بليلة القدر
فرح: ومهند هيك بخونه..
هند: لسه تحكي مهند ولك البنك المركزي كله صار بين ايديكي وبتحكيلي مهند
فرح : مهند قلبي
هند: ادعسي عليه ...وفكري بعقلك
بلش كلام هند بيدخل عقلي ...
...وفعلاً بلشت بعلاقة حب مع سند وبنفس الوقت مع مهند الي حاولت ما اظهرلو شي
# يتبع باز کردن / نظر دهید

2022-05-03 21:43:09 الجزء الثالث
(فرح)
فترة المسا جلست قريب من امي كل مابدي احكي برجع اسكت
ام مجد: خير ياطير احكي شو بدك
فرح بقرب وبوس خدها: يسعده الي فهمان علي ...امي مو حلوه ابن جيرانا بيرجع من العسكريه وما بنروح نهني امه
ام مجد : يا عيني على الي بتعرف بالواجب
فرح : بالله كيف وانا بذكرك
ام مجد بعصبيه : لا تحلمي اذا رحت اخذك معي لانه مجد ليكسر رجليكي
قمت وانا زعلانه
دخلت غرفتي واتصلت في
مهند :يا روحي يا عمري ياقلبي حليانه كثير
فرح: مالك انفتحت مره وحده عارف انك مشتاقلي بس مو هيك
مهند: يبنت بدي شوفك هلا ..اطلعي على السطح
فرح: لا مابقدر بخاف من مجد والله ليقتلني
مهند : ولحل بدي شوفك
فرح: مممممم آسفه مابقدر
وفجأه مجد بيفتح الباب وبسرعه بسكر الموبايل وبخبي تحت المخده
مجد: شو بتعملي هون وامي بتجهز العشا لوحدها اااه
فرح برجع خصله من شعري ورا اذني : كنت طالعه
مجد: ممم امشي قدامي اشوف
مشيت قدامه ودخلت المطبخ جهزت العشا وتعشينا ونظفت المطبخ ..وسمعت مجد بيحكي لأمي انه طالع بيسهر مع صحابه
وبس طلع رجعت ترجيت امي لحتى نروح زياره لعند ام مهند ووافقت اخر شي بس بشرط بنرجع قبل رجعت مجد...وبسرعه لبست واخذت معي طبق حلو عملته بايدي ...وصلنا لبيتهم ورنت امي الجرس وفتح مهند الباب وبس شافنا انصدم وسكر الباب بوجهنا ...امي نظرت الي
ام مجد : شكلو انجن الولد مع العسكريه
رجع فتح الباب وهو مرتبك
مهند : اهلا وسهلا خالتي ام مجد
ام مجد : والمهلي ..والحمدالله على سلامتك وينها أمك
مهند بيفسح مجال : اتفضلي
كنت ماشيه خلف امي وقت الي بقيت جنبه غمزلي ..لا اراديا عضيت على شفتي
مهند بصوت عالي : اااخ يمااا
ام مجد بتلتفت عليه : خير يابني مالك
مجد : اه.. لا ما في شي بس اصبع رجلي الصغير دقر بالباب
فرح بتضحك بصوت واطي...
دخلنا لعند ام مهند كانت جالسه واول ما شافتنا وقفت واستقبلتنا
وجلسنا جنبها
ام مجد : يه لساتك حامله طبق الحلو فوتي دخليه على المطبخ وعملي فنجانين قهوه
ام مهند بتوقف: لا خليها انا بعمله
ام مجد بتسحبها من ايدها : اقعدي مو مطوله كلها نص ساعه ومروحه ..يالله قومي يمه
قمت ودخلت المطبخ وبلشت اعمل قهوه ...دخل مهند لعندي
مهند: بساعدك بشي
فرح بتسكب القهوه بلفناجين : لا خلصت ..ولا بقلك عبي كاسة مي لحتي بروح أقدمها
مهند: والله مانك قليله كيف اجت الفكره على بالك
فرح: ههههه المشتاقه وبعمل المستحيل لحتى اشوفك
مهند بيمسك جهة قلبه: اااه قلبي الصغير لا يتحمل
من الصاله صوت ام مجد: يافرح لتكوني نمتي
فرح : بعدلي هيك بدي ضيف القهوه قبل لتبرد
ضيفت القهوه وطلبت ام مهند مني اقدم من الحلو الي عملته
وانا داخله على المطرخ ما وعيت الا بحد ساحبني ودخلني للغرفه وسكر الباب
مهند وحاط ايده على شفايفي : هاد انا لا تخافي
فرح مسكت ايده وبعدتها: انت مجنون حسيت قلبي وقف من الخوف...صحيح كيف بتعمل هيك بعد بدي اطلع قبل لينتبه حد علينا
مهند حاوطني بايديه: هئه بدي اشبع منك وبعدا بتروحي
فرح بلش بجسمي بيرتعش وبحس بأحساس حلووو كثير من قربه : مهند لا تتهور وتعمل اشي
مهند بيقرب انفه لعند انفي وبيستنشق نفسي
بلحظه هاي ذبت بين ايديه مثل قطعة ثلج ... باسني على خدي وهاي اول مره بيكون قريب مني ويبوسني.. بلشت استنشق عطره
فرح: ااه بحب ريحت عطرك كثير
مهند: يبنت اطلعي برا الغرفه قبل ما اعمل شي ما كنت حاسب حسابه
بلحظه هاي وعيت على حالي ..بعدته وطلعت لبرا
..انتهت زيارتنا ورجعت على البيت والليل مانمته وانا بتذكر انفاسه وريحة عطره
.......
ثاني يوم رحت على الجامعه ... وانا جالسه مع صحباتي بعثلي الدكتور سند لحتى بيشوفني
...وصلت وطرقت الباب واذنلي بالدخول
فرح: مرحبا دكتور .. باعث وراي
سند بابتسامه : تفضلي اجلسي ليش خايفه
جلست
سند: بدي منك تجمعي التقارير الي طلبتها منكم تعملوها وبتجيبيلي اياها بكرا على مكتبي
فرح : حاضر تأمرني بشي ثاني
سند : اه صحيح اعطيني رقم موبايلك يمكن احتاجه ..بصراحه طلبته من زملائك والكل بيحكي مابيعرفو
فرح : احم .. اسفه دكتور ما معي موبايل
سند بيركي ضهره على الكرسي : غريبه صبيه جامعيه وما معها موبايل
فرح بإحراج: اه انا ..
سند بيوقف وبيوضع ايديه بجيابه: السبب
فرح : هيك بدهم أهلي فيك تحكي انهم شديدين كثير
سند : طيب اذا بدي اتواصل معك كيف
فرح بترفع حاجبها: نعم ليه بدك تتواصل معي
سند بيمشي وبيقعد قبالي على الطاوله وبيركي أيديه على رجليه: بدي كون صريح معك وبتمنى تستوعبي حكي منيح
فرح: تفضل
سند : انا من وقت الي شفتك فيها لفتي انتباهي بتمردك وعفويتك وطيبة قلبك بتعرفي مع المشاحنات الي كانت بتحدث بينا كنت بنجذب وبنشد الك لحتى استملكتي عقلي وقلبي ..فرح باللحظة الي بشوفك فيها عم حس بنار بتجري بعروقي وعم تتفجر خليه ورا خليه بجسمي وقلبي بيخفق مثل الطبل وعيني ما عاد تشوف غيرك هههه تخيلي بنسى اسمي ومين بكون انا باز کردن / نظر دهید

2022-05-03 21:42:32 ........
(مهند)
وقت الي نزلت من السياره اول منظرت لجهة بيت فرح ولقيتها واقفه برا وعم تنظر لجهتي يالله ادي مشتاقلها ..مو معقوله البنت هاي كل مافيها بتحلى ...اشرتلها وهزت راسا وابتسمتلي ودخلت لبيتهم .. اما امي استقبلتني بكل حفاوه
ام مهند : نور البت يحبيبي
مهند بيحظنها: منور فيكي يا ست الكل
ام مهند بتبكي : اشتقت لريحتك يمه
مهند بيمسح دموعا: وانا شتقتلك كثير
عبدالله : شو بدنا نضل واقفين على الباب ادخلو لجوا
دخلت اخذت حمام بارد ووقت الي طلعت لقيت ست الكل مجهزه الغدا وطبعاً عامله كل الاصناف الي بحبا
.........
(سند)
جالس بغرفتي عم يستنا أتصال من مساعدي ..برن الموبايل
سند : احكي
مساعدي: بحثت بكل الاوراق الرسميه مافي ولا ورقه او اي اثبات انه سحر توفت
سند : مثل ماتوقعت ..اسمعني منيح بدي ياك تجيبلي معلومات عنها وحاول انك تلقاها باي طريقه وطبعا اذا لقيتها الك مبلغ مرتب
مساعدي : اسبوع زمان وبتكون عندك كل المعلومات
سكرت الخط وفتحت باب البلكونه ووقفت بتأمل القمر
شفت صورة فرح بداخله ابتسمت : بكل مكان بشوفك .. رجعت مسكت الموبايل ورنيت على مساعدي
سند : بدي منك تعرفلي رقم طالبه عندي بلجامعه هلا ببعثلك اسمها كامل بمسج
مساعدي : اعتبره صار عندك
سكرت الخط .. مسحت وجهي وبعدا مرقت ايدي على رقبتي: اااخ شكلي وقعت بحبك يافرح وماحدااا سما علي
والصبح اتصل مساعدي وبلغني انه حاول بيعرف رقمها لكن ماقدر
#يتبع باز کردن / نظر دهید

2022-05-03 21:42:32 الجزء الثاني
أخذت نفس وسلمت عليهم وجلست
ام كنان : مالك يأمي حاسستك مو على بعضك
سند ضغطت على اصابيعي ووجهي عابس : لا مافي شي
ام كنان مسكت ايدي بحنيه: انا امك وبعرفك من وقت كنت صغير بس تنزعج بتضغط على اصابيع ايدك
سند : بعرفك راح تبقي تنقي لحتى تعرفي مالي ..ياستي اليوم في طالبه تمردت علي وازعجتني هاي كل القصه
ابو كنان: ان شاءلله سكتلها
سند : موضوعها عندي وانا بحله
ابو كنان بيسحب نفس ارجيله: اعطيني اسمها بلكامل وعتبر انها مفصوله
سند بيقوم : لا شو تنفصل
خليها ...بتعرف اني بحب اروض القطط الي بتخرمش
تركتهم وطلعت على غرفتي ... مسكت الموبايل وتصلت على مساعدي وايدي اليمين بكل شي
سند: اسمعني ...خلال يومين بدي معلومات كامله عن موت اختي سحر
سكرت الخط .. ودخلت الحمام اخذ حمام بارد ...طلعت وانا لافف المنشفه على خصري والمنشفه الثانيه بنشف بشعري..وقفت قبال المرايه ونظرت فيها
سند : اذا الي ببالي صحيح لقوم الدنيا عاليها واطيها
........
(فرح)
كنت باقي اليوم سرحانه وعم فكر بدكتور سند ...نظرت لجهة الباب واذا مجد واقف على الباب ومو منتبهاعليه
مجد: ممم الي ماخذ عقلك بيتهنا
فرح : احم تحكي معي
مجد بيجلس جنبي على السرير : لا بحكي مع الجيران ...الي ربع ساعه واقف على الباب ولا انتي منتبها(بيمسك خصله من شعري وبيشدها لجهته) ليكون بتحبي
فرح توترت وقلبي بلش بيخفق بقوه: عيب الحكي هاد انا تربايتك اخي
مجد بيشد شعري اقوى من قبل: اسمعي ولي اذا بعرف اوبسمع شي عنك مو منيح والله لقتلك واشرب من دمك وجامعه مافي ...بح
فرح: انا اهم شي عندي الدراسه والله
دفشني وطلع برا الغرفه ... مسكت السلسال الي برقبتي وضغطت عليه: مهند متى بدك تيجي وتريحني من العيشه هاي

مرق شهر وانا كل يوم بالجامعه بتخانق مع الدكتور سند... لكن بعض الاحيان كنت بشعر بأحساس حلو وقت الي بشوفه
...اما مهند كان التواصل معه قليل مكالمه وحده بالاسبوع نطمن فيها على بعض ..
قبل موعد قدوم مهند باسبوع
فقت بكير وجهزت اموري
..دخلت على المطبخ وكان الجميع متواجد
فرح : صباح الخير
سحبت كرسي وجلست
ابو مجد: صباح الورد لدلوعتي.. كيف جامعتك
فرح بشرب شاي : منيحه وان شاءالله راح كون الاولى على دفعتي
ابو مجد: الله يرضى عليكي
فرح: بابا مو انا دلوعتك بدي موبايل مثلي مثل باقي البنات تخيل انا الوحيده الي مامعي
مجد بيصرخ: موبايل لا لا والف لا ..
فرح : طيب ليه اعطيني سبب مقنع
مجد بلش وجهه بيقلب احمر من الغضب: راح بلهيكي عن دراستك وانا بحس انه البنت الي معها موبايل مو ولا بد وكلامي مابعيده وسكري على الموضووووووع
ابو مجد : بنتي اخوكي معه حق ونحنا ماعنا بنات بيحملو موبايل
وانا بكسرة خاطر : بس انا
قبل ماكمل مجد بيضرب أيده على الطاوله: خلص سكري على الموضوع.. بابا انا سابقك على السوبر ماركت
طلعت من البيت وانا كرهانه عيشتي لانه كل شي ممنوع ..
وصلت الجامعه ودخلت القاعه لقيت الدكتور سند قاعد على المكتب وعم بيضغط على اصابعه وعاض على شفافه
فرح: تسمحلي ادخل دكتور
سند بيسحب الكرسي للخلف وبيقوم وبيمشي لأتجاهي: ليش متأخره
فرح : لسا باقي وقت على المحاضره
سند بيرفع كم بدلته : شوفي الساعه ..متأخره دقيقه
فرح : تعرف دكتور بدي اريحك سجلني غياب يالله سلام ..
سحبت حالي وطلعت لساحة الجامعه ومن كثر ماكنت معصبه حسيت انه نفسي ماعم يدخل لجوا رئتي بلشت اخذ نفس لكن غط على قلبى ووقعت على الارض
وما وعيت الا وانا مدده على كنبه بمكتب .. وضعت ايدي على راسي واتذكرت الموقف الي حدث معي انا والدكتور سند
..اخذت نفس وقمت .. لقيت شنتتي وكتبي على المكتب
...اخذتهم ومشيت لحتى أطلع واذا بلباب بينفتح.. دخل الدكتور سند وبأيده كوب
سند : واخيراً وعيتي
فرح : عفواً انا شو بعمل بمكتبك
سند بيسحبني من ايدي وجلسني حده على الكنبه ووضع الكوب بأيدي
سند: اشربي كوب الزهورات
وانا بحكيلك كيف وصلتي لهون
فرح : اوكي احكي
سند : وقت الي طلعتي انا لحقتك لحتى رجعك ووقت الي وصلت لعندك كنتي فاقده الوعي حملتك وجبتك لهون ..وجبت طبيب الجامعه وشاف وضعك
..وطمني انه ضغطك نازل شوي
شربت الكوب وتشكرته ومشيت
...ومن وقتا علاقتنا تحسنت مع بعض....
وبلش سند بلاحظ انه عم يشتاق لفرح بكل الاوقات كل ماأجت
على باله زادت دقات قلبه
...وأنا نفس الشي ماكان بيفارق تفكيري ابداً الا وقت الي أتذكر مهند وأحاول ابعد مشاعري واحساسي اتجاه سند لانها بعتبر هل شي خيانه لمهند...لكن مهند ملك نص الاول من قلبي وسند النص الثاني
............
ووقت الي رجع مهند من العسكريه كنت عند باب بيتنا عم أستنى فيه ...ووقت الي نزل من السياره انصدمت من منظره كيف متغير نحفان وسمران وحالق شعره على الصفر ... شافني واشرلي بأيده ..هزيت راسي وبتسمت ودخلت البيت خوف من انه بينتبه حدا علي باز کردن / نظر دهید