2022-04-30 20:45:12
#آخر_ليلة_من_رمضان
عن عائشةَ رضِيَ اللهُ عنها قالتْ: كان رسولُ الله صلَّى الله عليه وسلَّمَ يُجاوِر في العَشْر الأواخِر من رمضانَ، ويقول:
((تَحرُّوا ليلةَ القَدْر في العَشْر الأواخِر من رمضانَ))
رواه البخاريُّ ومسلم
يعني ممكن يكون ال 28 ليلة دول حاجة والليلة دي حاجة تانية
في صبيحة ليلة القدر الشمس بتطلع بيضاء شبه القمر لا شعاع لها
يا شباب الموضوع مفيهوش هزار ليلة القدر مفيهاش نشان
قال رسول الله صل الله عليه وسلم :
((إنَّما الأعمالُ بالخواتيمِ ))
صحيح البخاري
يعني رمضان بآخره معنى كده
إنها ليلة الجوائز
إنها ليلة الفرحة
إنها ليلة العتق
ربنا سبحانه وتعالى قال لسيدنا النبي :
{فَاسْتَقِمْ كَمَا أُمِرْتَ}
استقم يعني كمل للنهاية
{إِنَّ الَّذِينَ قَالُوا رَبُّنَا اللَّهُ ثُمَّ اسْتَقَامُوا تَتَنَزَّلُ عَلَيْهِمُ الْمَلَائِكَةُ أَلَّا تَخَافُوا وَلَا تَحْزَنُوا وَأَبْشِرُوا بِالْجَنَّةِ الَّتِي كُنتُمْ تُوعَدُونَ}
اللي بيكملوا للآخر هما اللي بتتنزل عليهم الملائكة
يبقى ده امتحان مين اللي هيواصل للنهاية
روى مسلم في (صحيحه) عن أبي هريرة قال: قال رسول الله صلى الله عليه وسلم :
((إن الرجل ليعمل الزمن الطويل بعمل أهل الجنة، ثم يختم له عمله بعمل أهل النار، وإن الرجل ليعمل الزمن الطويل بعمل أهل النار، ثم يختم له بعمل أهل الجنة))
كمل صح للنهاية اوعى تيجي في الآخر وتحود
﴿ وَٱعۡبُدۡ رَبَّكَ حَتَّىٰ یَأۡتِیَكَ ٱلۡیَقِینُ ﴾
مش حتى ينتهي رمضان
اوعوا ليلة العيد تهدوا كل اللي بنيتوه في رمضان
اوعى شوال الحسنات اللي أنت عبيته في رمضان تقوم ثقبه بشوية ذنوب ومعاصي توقع اللي أنت قاعد تعبي فيه
احذروا يا شباب و اختموا رمضان بكل خير
زي ما ربنا قال للنبي عليه الصلاة والسلام :
{فَسَبِّحْ بِحَمْدِ رَبِّكَ وَاسْتَغْفِرْهُ}
اختموا رمضان بكل خير اختموه بالاستغفار، بورد القرآن..
اختموه بأعظم مما استقبلتم به رمضان
لازم زي ما استقبلت رمضان بفرحة اختمه بفرحة، اختمه بدموع الشوق
ياريتك عُمر يا رمضان ..ياريت الوقت ميعديش
احنا عصينا كتير أوي يعني حتى شهر ميكفيش
محتاجين نجدد التوبة ومحتاجين الليلة دي بالذات تبقى أحسن ليلة في رمضان
لو أنتِ كنتِ لسه لم تعتقتي من النار ممكن الليله دي تكون ليلة العتق من النار
ممكن تبقى دي ليلة العفو ممكن تبقى ليلة المغفرة
عايزين إن شاء الله نتوب إلى الله ونجتهد في طاعة ربنا ونوقظ شباب الأمة كلها على فضل آخر ليلة في رمضان
يلا يا شباب عشان أول ما هيخلص رمضان في مهمة كبيرة أوي في رقبتكم كلكم
#ليلة_العيد
أكتر ليلة بيُذنب فيها في أمة محمد وأكتر ليلة بيعُصى الله فيها
#الفرحة_الليلة
#عجائب_آخر_ليلة_من_رمضان
#الشيخ_حازم_شومان
#فريق_بين_الناس_الدعوي
https://t.me/drhazemshouman
147 views17:45