قصائد حسينية مكتوبه

2024-03-21 20:44:28 لشهادة الأمام علي عليه السلام

دنية اولاد الحــرام
ما تريدك و السلام
يا علي شــد اللثام
و عنها ابعد
ــــــــــــــــــــــــــــــــــــ
انته يالمحد يعرفك غيـــــــــــر ربك و النبي
ما تساوي الدنية ظفــرك لا يابو الحملة علي
بالثلاثة طلگتها من رِضَت غــــــــيرك وصي
الدنية تعرف زيــن اهلها و انته عنها اجنبي

للمو عــــــدل دنيــــاك تفـــــتح أديها
و العـــــــدل راحة بال ما يلــگه بيها

يالعفتها مــــن زمـان
بالفعل مـــو باللسان
منها لا ترجه الامان
و عنها ابعد
ــــــــــــــــــــــــــــــــــــ
ناصية الدنيا و دَنِية و انتــه عالي و مرتفِع
الك ما ترهم و لا هي ترهم لجــدمك شسِع
المهانة بدمها تجري و الغـــدر عدها طبِع
و الوفي انته و صعوبة وي مثلها تنجمِع

گلتلها متگدرين. مـــا درتي ديري
احســلچ اتغرين. يا دنية غــــيري

دنيتك يابـــــــو تُراب
عندك تسـاوي التَراب
كافي سد اعليها باب
و عنها ابعد
ــــــــــــــــــــــــــــــــــــ
الدنية وادي و انته حيدر راسك ايــدگ بالجبال
فرق بيــــن السابقين او بين اصحـــــاب الشمال
عالتعب متعلم انته و هيـــــــه متعلمة الــــدلال
درته وجهك غـــاد عنها من الك صـــــاحت تعال

للدنية ما فــــد يوم. رَخَّصت قدرك
جبت العمر للمــوت. منطيها ظهرك

تكــــــره الديـنة الفقير
و تعشگ اليلبس حرير
يا علي ماشي المــصير
و عنها ابعد
ــــــــــــــــــــــــــــــــــــ
هواية منها شفــــــــت اذيه يالســراط المستقيم
من بعد موتت محــــــمد فتحت أبواب الجحيم
بابك اندفعت يحيدر بايد ابـــــــن اخبــث رجيم
وگع محسن من رفسته و ضلـع فاطمتك هشيم

نار الحقد بالـــدار. عالزهـــرة فارت
كلش ثگيله الباب و اعليها طاحت

لمحسن و كسر الضلوع
لشوكت تشعـــل شموع
يا علــــي كف الــدموع
و عنها ابعد
ــــــــــــــــــــــــــــــــــــ
عوف هاي الدنية و ارحــــــــــل گلي بعد شتنتظر
يا علي عگــــــــب الزچـية انـــــــــته راسك ينطبر
و الحسن مــــــن بعدك انته چبـــــده بالسم ينفطر
و يبقه جسم احسين عاري و تمشي زينب باليسر

زينب وحيــــدة هناك . ما عدها حراس
لا يَمّها اخوها حسين. لا يَمّــــها عباس

من بعد عز و دلال
تاكل أيديها الحبال
يا علي شد الرحال
و عنها ابعد
ــــــــــــــــــــــــــــــــــــ
الحمدلله
#علي_حسين_الكناني


https://telegram.me/aabas78 باز کردن / نظر دهید

2024-03-21 20:23:10 خضب الدم شيبتك والهامه ..
وودّع وياك الفقير أحلامه ..
بمحراب حيدر فاجعه .. التربه بالدم ناكعه
يا أميري ياعلي .. يا أميري ياعلي
................................
ساعة الناده المؤذن صوت حي على الفلاح ..
شد حيازيمه وتعنه حيدر لمحرابه راح ..
راكع وسيف المرادي بالغدر دمه أستباح ..
وسفه قالع باب خيبر حيدر على التربه طاح..
بهالمصيبه وما ضعف أيمانه ..
يلفظ بأسم الجلاله لسانه ..
والحسن هل مدمعه .. التربه بالدم ناكعه
ياأميري ياعلي .. ياأميري ياعلي
..................................
اليوم أركان الهدايه أنهدمت بسيف الغدر ..
وحزنت الكعبه على أبنهه بطل صفين وبدر ..
شمس غابت بس ضواها ظل يضّوي بكل كتر ..
وبقت دمعات اليتيم التنتظر جفك يمر ..
خلاف جفك ياعلي الممدوده ..
ياهو يمسح دمعته من أخدوده ..
دموعه صارت مشرعه .. التربه بالدم ناكعه
يا أميري ياعلي .. يا أميري ياعلي
..................................
مصابك الينزف حميه مانفع بيه الضماد ..
الدنيه غركانه بدمعهه ولبست هدوم السواد ..
االسمه وكل الكواكب تعلن عليك الحداد ..
راح قرآن الهدايه وظلت تنوح العباد ..
انت رديت الشمس بجفوفك ..
الكون كله يشهد بمعروفك ..
الدنيه عكبك ضايعه.. التربه بالدم ناكعه
ياأميري ياعلي .. ياأميري ياعلي
...............................
حتى بيبان اليتامه تضوك من أيدك شهد ..
تعرف الجف اليدكهه أبد ماتنساهه أبد ..
عاليتيم أشكد حنين وبالحرب مثل الأسد ..
وأبد متفارك لسانك قل هو الله أحد ..
علي بأسمك تلهج المعموره ..
طاهه وضّح بيده هاي الصوره ..
بالغدير وبايعه .. التربه بالدم ناكعه
يا أميري ياعلي ..يا أميري ياعلي
................................
علي ماكمّل صيامه وسافر الجنة عدن ..
يساعد الله عالمصيبه قلب مولاي الحسن ..
زينب وأم البنين بدمع من دم من بجن ..
والحسين يهل دمعته رادك ليوم المحن ..
والحسين بكلبه ناصب فاتحه ..
وكل يتيم عيونه ظلت شابحه ..
حلم حيدر ودعه .. التربه بالدم ناكعه
يا أميري ياعلي .. يا أميري ياعلي
...................................
بالركوع انطه زكاته والفقير يمدله أيد ..
صايم بمحرابه تنزف هامته بدم الوريد ..
صار رمضانه محرم والمرادي جن يزيد ..
وصارت الدنيه سبيه وشاخت الجانت عبيد ..
صارت بكل بقعه شام وكوفه ..
سافر التمطر حنان أجفوفه ..
الحجر بفراكه نعه .. التربه بالدم ناكعه
يا أميري ياعلي .. ياأميري ياعلي
.................................
حيدر مطر العبادي


https://telegram.me/aabas78
قصائد لكل ايام محرم اشترك بالقناة باز کردن / نظر دهید

2024-02-13 08:52:04 https://vm.tiktok.com/ZM6TwcA1H/

مواليد افراح شعبان باز کردن / نظر دهید

2024-02-06 08:36:01 شلون يالكاظم گضيت اسنينهه
بالسجون وروحك الله يعينهه
••••••••••••••••••••••••••••••••••••••••
شلون هاشم ما لفت يم الغريب
بالسجن وتشوف بس دمعه ونحيب
وين عدنان اتحضر أبن النجيب

ليش ما تفزع عجب چا وينهه
***
كون باچر تفزع وتبدي اهتمام
لسجن تتعنه من گبل الختام
انشوف جيتهم گبل ليل الظلام

كون فزعتهم تجي بتوطينهه
***
وين هاشم اتحضر ابليل السهر
محلى لمتهم تجي احزام الظهر
ليش مخنوك الوفه وخان الدهر

عدهم اجروح اشكثر ناسينهه
***
دمعتك چانت وقف طول السنين
فوك سجنك والهضم طال الونين
اتعيش لوعة ونتك بس ياحسين

اشلون خانت دنيتك بحسينهه
***
طال سجنك بالهجر وانت بغرب
اتموت وحدك بالظلام المنحجب
ليش نايم سيدي فوك الترب
ضاعت الدنيا وخذت بس زينهه
***
ليش حاير سيدي بقعر السجن
ماتشوف الناس عايش بس حزن
لوعة امصابك ذبل حتى الجفن

عاشت الحسره ابعذاب اونينهه
***
اگضيت عمرك بالسجون المظلمه
طايح وساگك يسيل من الدمه
وياك ناحت بالمصايب فاطمه

بالمصايب تجري دمعة عينهه
***
چان يوسف ماگدر يحمل صبر
ولا سجن مثلك تواكب بالهجر
اسنين سبعه اتوالمن ويه العمر

وانت وجه الله وعظم كونينهه
***
اجروح دلالك اتشوف الي جره
اتشوف طف حسين گطعو منحره
ليش عمتك زينب اتظل حايره

بيها زينب گالوا اميسرينهه
***
تمت بعون الله تعالى
#خادمكم••••• يوسف الفتلاوي


https://telegram.me/aabas78
قصائد لكل ايام محرم اشترك بالقناة باز کردن / نظر دهید

2024-02-04 14:20:05 عكيلي للكاظم (ع)




ننحب عالكاظم ومصابــه

ننحب و ادموع الهم جـمــره
عالمظلـوم وخلص عـمـــره
ياهو اليگدر يوصل صبـــره
وياهو اليحمل نار اغـيــابـه


ما بيــن السجان وغــربــه
مـتـلـوع والهـم أيـعــذبــــه
الله ايساعــد جـمـرة گـلـبـه
مسجــون وتسعــر لهابــه


ما فارك لــوعــة احــزانـه
والكاظم عـايــش ويــانــه
مصدر للشيعه وعــنــوانه
مكـتـوب بنص گلب أحبابه


جـرحـك يالكاظم ما يــبــره
ولسه اتنوح اعليك الزهره
واحنه وياها بهم وبحسره
نبچي بدمعـتـنـا السچـابــه


يبقه اصوابك عايش بينه
يالكاظم وانته الـتــدرينـه
نتنطـر يظهـر مهــديـنـه
واحنه وياه نظهـر طلابه


لاتنسون والدي وأبني عباس من الرحمه والغفران
خادمكم رياض الرسل الجابري


https://telegram.me/aabas78
قصائد لكل ايام محرم اشترك بالقناة باز کردن / نظر دهید

2024-02-03 19:31:34 https://vm.tiktok.com/ZM6nsaQ3R/ باز کردن / نظر دهید

2024-01-31 10:32:23 يالتشيعونه يالتشيعونه   الكاظم غريب اعله الجسر يالتشيعونه
**
بالسجن يا ناس   خلصت اسنينه
للفرج يدعي   ودمعته بعينه
كافي يا دنيه    لا تجرحينه
امن السلاسل ذيج    الله اليعينه

لا تتانونه  لا تتانونه   بالسم ابن جعفر كضه لا تتانونه
***
امن الشمس محروم   وحيرته حيره
والسجن غير   كل تعابيره
راسه عالقبله   ياهو اليديره
يصرخ الناعي   راح ابو الغيره

غمض عيونه   غمض عيونه  الكاظم يشيعه بهل المسه   غمض عيونه
**
كلهم الجمعه   يم جسر بغداد
وضلت الشيعه   تنطر الميعاد
كلها تتأمل   والامل ما فاد
مات ابن جعفر   واهله كلها ابعاد

يالتشيلونه  يالتشيلونه   بهادي بله ويالنعش  يالتشيلونه
*

قصة الكاظم   ما حملها انسان
جان يتمنه   يلكه يمه اخوان
من كثر صبره   حير السجان
وتصفن الحيطان   لو قره القران

ما يشغلونه   ما يشغلونه   عن طاعة الباري ابد  ما يشغلونه
**
ايده من الكيد   ليش دمها ايسيل
امن الحديد اهواي   جسمه ضل ايميل
والله ابن حعفر   عنده ما ضل حيل
والنهار اشلون   ايعرفه من الليل

ما يخلونه   ما يخلونه   لو راد يشتم الهوه ما يخلونه
****
اربع احماميل   عالجسر خلوه
والطبيب يصيح    بيا ذنب سموه
بالدمع والنوح   شيعته اتلكوه
لطمو اعله الروس   وبالحزن شالوه

وحشه من دونه   وحشه من دونه   بغداد والدنيه اصبحت   وحشه من دونه
****
تمت
تحسين الخفاجي


https://telegram.me/aabas78
قصائد لكل ايام محرم اشترك بالقناة باز کردن / نظر دهید

2024-01-30 18:23:16 قصيده نزله للامام موسى بن جعفر عليه السلام

موسى بن جعفر. عشگ الموالين
٠٠٠٠٠٠
شيعته وأحبابه. ما نسينه مصابه
نحضر بتشييعه وجتمعنه ابّابه
نقره دوم أخباره ونهتدي بانواره
ما نفارگ موسى. كل وكت زواره
باب للحاجات باب الكاظم
تعتنيه من كل مدينه الوادم
كل موالي وكل محب بي هايم

بحب موسى خدام. صارو مجانين
موسى بن جعفر. عشگ الموالين
٠٠٠٠٠٠٠٠٠٠٠٠
وينه ذاك الظالم. چان حاكم آثم
لا أثر لا رايه. خل يشوف الكاظم
گبره يضوي وعالي. ما يطخ للتالي
صار مأوى الشيعه. هذا موسى الغالي
حضرته جنة وتلم عشاگه
ما نعوفه ومانطيق فراگه
بحضرته شيعة علي تتلاگه

وين القصر ذاك. وين السجن وين
موسى بن جعفر. عشگ الموالين
٠٠٠٠٠٠٠٠٠٠٠٠٠٠٠٠٠
نعتني مشايه. رايه تتبع رايه
للامام الكاظم. نحيي أمره الغايه
بالمواكب جينه. والعشگ يحدينه
نلطم عله مصابه. بالصحن ظلينه
نعش موسى اروحنه نهديله
عالجسر ما يبقه لحظه انشيله
حتى ذاك الگيد عنه انزيله

والي اليتامه. كهف المساكين
موسى بن جعفر. عشگ الموالين
٠٠٠٠٠٠٠٠٠٠٠٠٠٠٠٠٠٠
موسى يشبه طه. ورث علمه وجاها
سابع أهل العصمه. حگنه بي نتباها
الله عَظّم شانه. خالد بعنوانه
باقي موسى الكاظم. ونتهت عدوانه
رغم انف الظالم وأحكامه
نزور موسى ونفتخر خدامه
ونحيي بدموع ولطم أيامه

للكاظم دموم خل تنزف العين
موسى بن جعفر. عشگ الموالين
٠٠٠٠٠٠٠٠٠٠٠٠٠٠٠٠
اي وحق عيونه وغترته ومتونه
ما نعوف الكاظم خلهم يسمعونه
يمشي حبه بدمنه. والخطر ميّهمنه
من زيارة گبره. الله لا يحرمنه
لاشك الكاظم يسجل بيده
كلمن يزوره يحبه يريده
آخره ودنيا أمامه يفيده

وارث كرامات من جده لحسين
موسى بن جعفر. عشگ الموالين

#سيد #زيد #الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠

https://telegram.me/aabas78
قصائد لكل ايام محرم اشترك بالقناة باز کردن / نظر دهید

2024-01-27 19:30:05 نزله لمولاتي زينب ع…

مولاتي   وفقيـــني الخدمــــتچ
مولاتي   مسحي راسي ابرايتچ
مولاتي   عبد عشت ابخيمـــتچ ..  يازينب


نضــره يا مـــولاتي رايد منچ
اعيوني خلصت العمر يبچنچ
امقصر اشما اقره وكتب عنچ
اشويه ذني وخاف مايرضنچ
نضـريني ــ اوفقيني  ـــ اوسجليني ابكتابچ
حسراتي ــ وآهــاتي  ـــ ودمــعاتي اببثوابچ
عالمنـــبر ــ اتكــــدر  ـــ مـن اذْكَــــر مصابچ
وجروحي   ولاجرح منهن سَلَم
وجروحي    ما يفــــارگها الالم
وجروحي   وگفن ابابچ خـــدم .. يازينب


شـلِي بعمـري ابلا لطـم وقرايه
ولمصـــــــابچ ما اعــــلگ رايه
انتي مصحف انتي سوره وآيه
جـــنه وبيت النبـــي امـــربايه
مهظومه ــ ومهمومه ـــ وملچومه وحزينه
احبــابچ ــ يم بابــچ ـــ بمصـــابچ بچيــنه
أنيـــــنه ــ اونينـــيه ـــ وعالمنـــبر قريـــنه
بالمجلس    حظرو املاك السمه
بالمجلس    عـزو امــچ فاطـمه
بالمجلس     دمعة الخادم دمه .. يازينب


فطرس ابجنحه كتب لطميه
ألـــچ يابت فاطمه الحـوريه
عــم حــزنها اليله يالمســبيه
بالسـمه وكل الكـره الارضيه
يا آيــه ــ ويارايـه ـــ  كل هايه المجالس
نحييها ــ ونهديها ـــ  ليـچ وكلنه واهس
ماتبـرد ــ ماتخمد ـــ  جمـرات العــوابس
لمصابچ    حيل ادگن عالصدر
لمصابچ    ابچي دم يم الخدر
لمصابچ    منكسف نور البــدر… يازينب


الچ كل عمــري وقف سويته
وحبــچ ابگلبي فرض صليته
خادم وهـــــذا العمل حبــيته
مواليوم امن الصبه اختاريته
بيه انسر ــ بيه افخر ـــ هيبه اكثر نطاني
هـــذبني ــ وادبـــني ـــ ومعليـــلي شاني
شگد نعمه ــ ابهالخدمه ـــ رابـح بيها آني
هنيالي    ابهل عمل وبهل شرف
هنيالي    گلبــي بالنعمه اعتـرف
هنيالي    ابهل نعيـــم وهل ترف… يازينب


اكتب وناعــي الحزن يقرالچ
وذكـر الطف المعـــذب حالچ
شيبيتي وماكو اخو اليبارلچ
ولحد موتـچ كـــــربلاء ابالچ
علــــويه ــ ومســـــبيه ــ ومحنيه ابصلاتچ
اتعـذبتي ــ اتمرمـــرتي ــ لحد لحظه مماتچ
مفجوعه ــ وبس لوعه ــ شاهدتي ابحياتچ
يازينب    حزنچ امفطر الصخر
يازينب    مارحـــــم بيچ الدهر
يازينب     خلصت اسنينچ قهر… يازينب


         الخادم
كامل السعيدي

https://telegram.me/aabas78
قصائد لكل ايام محرم اشترك بالقناة باز کردن / نظر دهید

2024-01-26 21:14:00 ليلة استشهاد زينب (ع)

اليلة موليلة فجيعة ومؤلمة
ماتت من الهظم بنتج فاطمة
ياشيعة صيحو بصوت   زينب لفاهة الموت
ماتت من الهظم بنتج فاطمة
* * * * * * * * * * * * * * *
عرش الله ابعظمته اليلة ضل مجروح
على الخلص عمرها بالهظم والنوح
شافت جم مصاب اوجم شهم مذبوح
اليلة أم الخدر ودعت بكاية الروح
طاح الجبل ياناس    ماتت أخت عباس
الأرض تنحب على زينب والسمة
* * * * * * * * * * * * * * *
يملك الموت هونك يمهة من تكرب
كلبهة من المصايب والهجر يلهب
عليهة الموت هين لا تظن يصعب
يومية تموت من الهظم زينب
ماتت وكت عاشور    من ودعت البدور
أو ماتت بسبي العصابة الظالمة
* * * * * * * * * * * * * * *
عمرها ابغربة وبلوعة هجر من ضاع
هظمة أم الخدر ماتت بلاية اوداع
خبر موتتهة عاجل بالعوالم شاع
بت حيدر غريبة اندفنت بيا كاع
من شيعوها اشلون    اعليهة هم يبجون
لو مثل فاطمة بليلة مظلمة
* * * * * * * * * * * * * * *
لا عباس يمهة أولا حضرها حسين
من ماتت وحيدة من يغمض العين
منو الغسلهة زينب من لفاهة البين
أبو فاضل تمنت حاضر ابهالحين
ريت الكمر موجود     ايرش الكبر بالجود
هية عالكافل الروح امعلمة
* * * * * * * * * * * * * * *
اليموت ابدار غربة للأهل يعتاز
تضل وحشة الجنازة الما وراهة أعزاز
زينب يا بوفاضل رادتك جناز
العقيلة اوهية ميته ابشوفتك تمتاز
ميته وتصد أعليك    بلكت يمر طاريك
روحهة أعلة الخوة ضلت هايمة
* * * * * * * * * * * * * * *
زينب يا خو زينب ما نستك يوم
خلصت كل عمرها يالكفيل أهموم
الروح ابكربلة أو يم الضريح اتحوم
ساعة اطوف يمك ساعة للمظلوم
يمك تجي وتنوح    ويم الحسين تروح
لحد ما صارت اليلة الخاتمة
* * * * * * * * * * * * * * *
كلمات الشاعر والرادود عدي البصراوي

https://telegram.me/aabas78
قصائد لكل ايام محرم اشترك بالقناة باز کردن / نظر دهید