الطريقة عرف مريضك هتعمل ايه وليه قوله هشكك شكه رخمه شويه ب | مختبرات. طبيه عملي

الطريقة
عرف مريضك هتعمل ايه وليه
قوله هشكك شكه رخمه شويه بس مهمه
ممكن نستخدم ليدوكايين مخدر بس رأيي بلاش
حدد مكان السحب كويس
طهر بالحكول كويس مكان السحب
حس النبض بتاع الشريان كويس
حدد الشريان كووويس
الكحول جف، قشطة
ايدك الشمال حاسه الشريان
ايدك اليمين هتنزل بالسرنجة مباشرة بزاوية
45 لو radial و 60 لو brachial و 90 لو femoral على الشريان ع طول
عشان الدم مندفع في الشريان فأول ما السرنجة تدخله، هتلاقي الدم طلع في طرف السرنجة اسحب واطلع بسرعة
بايدك الحلوة اضعط لمدة خمس دقايق عشان الدم مايخرجش تحت الجلد ونعمل نزيف
على قد ماتقدر الدم مايلمحش الهوا عشان الغازات


بلاش تسوق عربية وتدخل يمين فشمال عشان لا تقرب لعصب ولا تقطع شريان
بلاش تسحب من منطقة في التهاب خلوي او ضمور شريان
بلاش تسحب من شريان انت مش حاسه
في اختبار Allen test ابوس ايدك ابقى أقرأ عنه
متنساش تسأله هل خد oxygen therapy
متنساش تسأله هل عمل ventilation

دمتم بخير محمد سليم


النقطة الرابعة
فكرة التعويض

عندنا اربع احتمالات
Respiratory acidosis
Respiratory alkalosis
Metabolic acidosis
Metabolic alkalosis


قبل ما اتكلم عنهم عايز اتكلم عن نقطة التعويض
Compensation

لازم تعرف ان
Respiratory system
وهو الرئتين و
Metabolic system
ممثلة في الكليتين
بيشتغلوا مع بعض عشان يخلوا ال pH دايما متوازن في حدوده الطبيعية


فهنلاقي Respiratory system بيستجيب ويرد ويحاول يحسن من metabolic based pH imbalance كالآتي

لو في
metabolic acidosis
هنلاقي الرئة رفعت معدل التنفس وعمقه عشان تقلل
↓PaCO2

ولو في
metabolic alkalosis
هنلاقي الرئة قللت معدل التنفس عشان يرتفع
↑PaCO2


وهنلاقي metabolic system بيستجيب ويرد ويحاول يحسن من respiratory based pH imbalance كالآتي

لو في
respiratory acidosis
هنلاقي الكلى رجعت ↑HCO3 ورفعته في الدم

ولو في
respiratory alkalosis
هنلاقي الكلى قللت من ↓HCO3 فيقل في الدم

دمتم بخير محمد سليم


النقطة الخامسة
الاحتمالات كالآتي

pH
PCO2
HCO3
دي حالة اسمها
Uncompensated respiratory acidosis
ال PCO2 عالي فعمل حمضية ولذلك ال pH قلت، بس للاسف الكلى مش واخده بالها من الموضوع بدليل ان ال HCO3 لسه متدخلتش عشان تحل الازمة ومازالت طبيعية

pH
PCO2
HCO3
دي حالة اسمها
Partial compensated respiratory acidosis
ال PCO2 عالي فعمل حمضية ولذلك ال pH قلت، والحمد لله الكلى خدت بالها من الموضوع وبدأت ترفع ال HCO3 في الدم عشان تقلل الحمضية أو تزود القلوية وتظبط الازمة فعملت تعويض جزئي

pH
PCO2
HCO3
دي حالة اسمها
Full compensated respiratory acidosis
هنا ال pH الحمد لله بقى طبيعي، بسبب مجهود الكلى ومساندتها برفع ال HCO3 اللي ظبط الامور

pH
PCO2
HCO3
دي حالة اسمها
Uncompensated respiratory alkalosis
ال PCO2 قليل فعمل قلوية ولذلك ال pH رفعت، بس للاسف الكلى مش واخده بالها من الموضوع بدليل ان ال HCO3 لسه متدخلتش عشان تحل الازمة ومازالت طبيعية

pH
PCO2
HCO3
دي حالة اسمها
Partial compensated respiratory alkalosis
ال PCO2 قليل فعمل قلوية ولذلك ال pH رفعت، والحمد لله الكلى خدت بالها من الموضوع وبدأت تقلل ال HCO3 في الدم عشان تزود الحمضية أو تقلل القلوية وتظبط الازمة فعملت تعويض جزئي

pH
PCO2
HCO3
دي حالة اسمها
Full compensated respiratory alkalosis
هنا ال pH الحمد لله بقى طبيعي، بسبب مجهود الكلى ومساندتها بخفض ال HCO3 اللي ظبط الامور

pH
PCO2
HCO3
دي حالة اسمها
Uncompensated metabolic acidosis
ال HCO3 قليل فعمل حمضية ولذلك ال pH قلت، بس للاسف الرئة مش واخده بالها من الموضوع بدليل ان ال PCO2 لسه متدخلتش عشان يحل الازمة ومازال طبيعي

pH
PCO2
HCO3
دي حالة اسمها
Partial compensated metabolic acidosis
ال HCO3 قليل فعمل حمضية ولذلك ال pH قلت، والحمد لله الرئة خدت بالها من الموضوع وبدأت تخرج وتقلل ال PCO2 في الدم عشان تقلل الحمضية أو تزود القلوية وتظبط الازمة فعملت تعويض جزئي

pH
PCO2
HCO3
دي حالة اسمها
Full compensated metabolic acidosis
هنا ال pH الحمد لل