لـ عبدالرزاق سيد عمر

2022-06-15 16:15:25 بدي أحكي عن جمال الخط
ولا عن اللطافة بإختيار نص وكتابتو بحب كبير

كل الحب الكن

المسا يلي بينقال عنو مسا الرواق بشوفة هيك شي باز کردن / نظر دهید

2022-06-15 12:34:01 بفترة من الفترات كنت كتير أعطي أهمية لزعل كم شخص مقرب مني

خاف كتير أحكي شي كلمة غلط ممكن تدايقهن
وعلى أبسط المواقف روح أعتذر منهن

على الرغم من إني
كنت أتناسى وأعمل تخطي لكل موقف وكلمة غلط قالوها بحقي
ممكن يكونو قاصدين المزح بس هالكلمات بتحفر بروحي
وبيعز عليي روح خربها عليهن وإنزعج..

كنت خبي وطبق المواقف المزعجة بقلبي
ومع كل موقف كنت إخترع حجة لصاحبو ومبرر

حتى وصلت للحظة كان بيني وبين الإنفجار فيها كلمة

انقالت هي الكلمة
وكانت السبب بخسارتي لشخصين بحياتي

طبعاً صرت حدا إنفعالي،عقلي صغير،نكدي ومابلقى مزح "بنظرهن"

هنن مابيعرفو إني صار مخترعلهن فوق الألف مبرر
ومتخطي كتير مواقف كان ممكن تكون ردة فعلي من بعدها قاسية كتير

مابيعرفو إني خسرت كتير كرمال ما أخسرهن
راكمت كتير مشاعر مؤذية بقلبي كرمال علاقتي الطويلة معهن

وبالنهاية
طلعت أنا المذنب والمو منيح ..

بس وصلت لقاعدة مهمة بالسلام الداخلي بتقول:
لاتعطي مبررات لحدا مهما كانت غلاوتو عندك كبيرة
لأنو لو بيبادلك نفس هالغلاوة ماكان تصرف غلط معك

لا تأجل كلمة اليوم ل بكرا
وماتخاف من خسارة أشخاص وجودهن صار مؤذي لروحك

اتخلى عن كل الشغلات المؤذية
وعلى رأس القائمة هي
الأشخاص المؤذية
مهما كانت علاقتك فيهن قوية..

لـ عبدالرزاق سيد عمر باز کردن / نظر دهید

2022-06-15 03:01:27 الثالثة فجراً بتوقيت الرحيم

اللهم
نسألك فرجاً لما ضاقت به صدورنا
وإستجابة لكل ما تفيض منه قلوبنا

يامن قلت وقولك الحق
"ادعوني أستجب لكم"

لـ عبدالرزاق سيد عمر باز کردن / نظر دهید

2022-06-15 01:25:05 عانقيني

لم يعد هناكَ مخرج طوارئ لكل ما أمر به من تعبٍ وإرهاق
سوى اللجوء إلى حضن يتسع إليّ ولكلِّ ما أحمله في قلبي

عانقيني
حتى لو إزداد حنيني
وقمتُ بالطعن في قراري
وعدت إليكِ
ناسياً كلَّ ماحصل في الماضي
وكأنني لم أتجاوز أو أتناسى على الأقل

عانقيني
فأنتِ دائي الذي مهما حاولت الشفاء منه
يبقى متغلغلاً بقوة في أعماقي

عانقيني
وصيري دوائي
دعيني أُفرغ حقيبة خيباتي
بين يداكِ

عانقيني
فلم يعد للحياة طعم آخر
سوى العودة إليكِ
يا ملاذي..

لـ عبدالرزاق سيد عمر باز کردن / نظر دهید

2022-06-14 11:21:41 الصبح
أول ماتفيق من نومك
وباللحظة يلي مابتكون فيها واعي على شي

ياترى أديش بالك بيكون فاضي
لاتفكير ولا هم ولا تعتير
وكأنو مخك عامل إعادة تشغيل
ولسا عم يحمّل الواقع يلي أنت عايش فيه!

جرب قد مافيك
تخلي هاللحظة تأثر فيك
واقتنع بفكرة أنو مع كل صبح جديد
في أمل جديد

في صفحة من الماضي انطوت
وصار لازم ترجع تكتب وترسم أهداف ليوم جديد
مستقل تماماً عن مبارح
بالطاقة والإيجابية بالتفكير..!

صباح الخير..

لـ عبدالرزاق سيد عمر باز کردن / نظر دهید

2022-06-14 04:49:21 "‏- اترك لي شيئًا يُشعرني أنّك مهتم لأمري ، إشارة أغيظ بها الأيام التي تحاول إقناعي بعكس ذلك ."

رسالة الى قلبي باز کردن / نظر دهید

2022-06-14 00:03:25 بشكل عام صرلي سنين مو متابع دوري محلي
وبشكل خاص مابتابع سلة

بس للصراحة آخر 3 مباريات خلوني عيش اللحظة وأتوتر متلي متل أيا مشجع قديم

مع كل طابة كان في يارب
ولما تدخل كانت الآمين تطلع من القلب

وحوش والله مبروك يا أهلي باز کردن / نظر دهید

2022-06-13 22:25:20 بعد ما صار الفراق حقيقة مو خيال
والبُعد قرر يأثبت وجودو بعد رحلة طويلة من الحكي والأعذار

رح يقلولك عني متجاوز
عايش حياتي
وغيابك عندي مو فارق

رح يقلولك عمرو ما حبك
لاتزعلي مابيستاهلك
عند أول مفرق تركك
وسلك طريق نسيانك..!

مابلومهن
هنن شافو النهاية
شافو الدور يلي تعبت كتير حتى أقدر مثلو
وإطلع قدام الناس
بقلب إصطناعي مليان مشاعر تمثيلية
بضحك ع حالي فيهن
حتى كفي ومابين إني ضعيف..!

ماشافو عدد المحاولات الفاشلة يلي كانت تسرق مني أهم شغلاتي
وقول فداكِ
المهم ما أخسرك واقعد حاول إنساكِ

فكرة نسيانك بعيدة عن البال
مانها حل للتعب
وبنفس الوقت هي المصدر الأساسي إلو

مابعرف حالي من بعدك
صرت غريب حتى ع حالي
وكأني أول مرة بعرفني
هالقد غيابك تارك أثر
والندبة يلي بقلبي لسا عم تندهك!

لـ عبدالرزاق سيد عمر باز کردن / نظر دهید

2022-06-13 15:24:25 في سؤال غبي ببالي

انو ليش نحن دايماً منميل للإكتئاب والزعل بأبسط تفاصيل حياتنا
بتكون قاعد فجأة بتقول لحالك
جاية عبالي إكتئب
جاية عبالي أبكي
روح عالبيت وإنعزل عن كل الناس
هيك بلا سبب!

جربنا مرة نغيّر هالروتين ونطلع من المود الكئيب
يجي على بالنا نفرح مثلاً
يجي على بالنا نطلع مشوار ونغيّر جو
يجي على بالنا نحكي مكالمة مع الشخص المفضل ونضحك وننسى همومنا

"أنت نتاج أفكارك، إلعبها منيح وفكر صح"

لـ عبدالرزاق سيد عمر باز کردن / نظر دهید

2022-06-13 13:20:36 بعجقة السفر وزحمة الحجوزات على دفتر كان بيوم من الإيام من الكماليات
لدرجة أنو مرة سمعت أبي عم يقول بعد ماراح جدد جواز سفرو
"أنو هو صح مارح يلزم ومن المستحيل أطلع برا البلد
بس بيلزم في حال طلعنا شي عمرة أو الله كرمنا بالحج..!"

رب العالمين كرمو بعمرة قبل الحرب
واجت هالحرب وصار الحج حرفياً لمن استطاع إليه سبيلاً
بعد ما انقطعت فينا كل السبل وبقينا لحالنا عم نصارع حروبنا الداخلية وضغوطاتنا النفسية قبل ما نصارع حروب البلد وأزماتها الكتيرة


هالدفتر هاد صرلو عمر منسي بدرج الخزانة
وإنتهت صلاحيتو من كم سنة

أبي لهلأ رافض فكرة السفر
وعندو ياه من المحرّمات

بس ماكان متوقع أنو هالدفتر يصرلو قدر وقيمة
ويصير حلم لكل شب سوري مقرر يبلش حياتو من جديد..!

متخيلين أنو نحن ببلد
أكبر أحلامنا فيه
جواز وفيزا يطلعونا منو؟

لـ عبدالرزاق سيد عمر باز کردن / نظر دهید