2022-06-19 23:20:19
..بكالوريات..
بدايةً مبروك لطلاب الأدبي يلي خلصو إمتحاناتهن اليوم
ومبروك من هلأ لطلاب العلمي يلي لسا بقيان عندهن كيميا
سمعو هالكم كلمة وركزو عليهن منيح
إتفقنا ؟
* إنت عملت يلي عليك صح؟
درست وتعبت ورحت قدمت
اي حاج بكفي لهون تروك الباقي لرب العالمين
وبلا يأس وتفكير دائم بالنتائج والمواد
* لا تفترض إفتراضيات من عندك
بتخليك دوم متشائم ومكتئب
متل
"في مادة ماقدمت فيها منيح
عجب رح أنكسر؟ ولا عالحد؟
عجب بتنجح؟
ريّح راسك من هالأسئلة وقعود إدعي ربك يوفقك للشي يلي كاتبلك ياه ويقنعك فيه
كونو الخير فيما إختاره الله
* حط براسك شغلة
مو يعني إذا ماطلعلك فرعك معناها أنت فاشل
لا ابداً
خدها من زاوية تانية
انو ربنا مخترلك الخير هون بهاد المكان
هنيك صح انت حابب وعندك شغف كبير لتفوت
بس مابتعرف ترتيبات ربنا ولا بتعلم بالغيب
بجوز ما تتوفق
* لا تفكر بتكميلي ولا بتحسيني
تركها لوقتها
ومعك وقت منيح للتفكير فيها
* الإعادة مو غلط
بشرط تكون قادر على هالخيار المصيري
وعندك إستعداد تكرر الشعور بتجربة جديدة
والأهم من هاد كلو
ترجع ترسم من جديد طريقك وتصلح أخطائك حتى ماتكون إعادتك خسارة من عمرك وبس!
* آخر شغلة رغم إني طوّلت عليكن بعرف
حطوها ببالكن
فرعك الجامعي مانو مقياس لمكانتك المجتمعية ومدى فهمك وإستيعابك للأمور
يعني عادي تكون دارس إدارة أعمال ومكانتك بالمجتمع بشغلك ومسموعياتك
أفضل من المهندس والدكتور
والعكس صحيح..
الله يبرد قلوبكن بفرحة نجاحكن وتحقيق يلي ببالكن يا أشاوس
لـ عبدالرزاق سيد عمر
117 viewsعبدالرزاق سيد عمر, 20:20
ل
