2022-06-23 14:56:24
معقول ماتت الإنسانية لدرجة أنو صار القتل موضة ومانو شي عظيم أو بيخوّف؟
معقول محدا ربى ولادو متل ما اهلنا ربونا
انو مافي فرق بين البنت والصبي
ومتل ما انت إلك حقوق
هي إلها كمان حقوق؟
معقول الشي يلي كبرنا عليه بالمدارس
نروح نطبقو بشكل عكسي بالجامعات؟
أنت شب مسمحلك كلشي
ولإنك أنتِ بنت ف لازم أنتِ دايماً تقولي حاضر وأمرك لأوامر بتجبرك تعيشي حياة ما بتشبهك أبداً
ذنبك فيها أنو الذكورية طغت على كل الإعتبارات التانية
وصارت تحاربك بكلشي عندها من حقارة وحقد
صبية تانية من بعد نيرة انقتلت بما يسمى الحرم الجامعي يلي لازم يكون مكان آمن تماماً
بعدة طلقات نارية وحدة منهن براسها
والسبب كان تحت شعار
"مافي تعيشي إذا ما حكيتي معي وكنا سوا"
إذا هالقد بدك ياها
ماخطرلك تحارب كرمالها؟
أو عفواً منك نسيت إنك حدا فاقد لأبسط مفاهيم الإنسانية
وبتفضل تلجأ لطرقك الحيوانية وتروح تقتل بدم بارد
كرمال ترضي الحقارة والوحشية يلي جواتك
الله يصبر أهلها يلي كانت آخر توقعاتهن ترجع بنتهن عالبيت مقتولة
الرحمة لإيمان
الرحمة لنيرة
ويارب نيزك ينزل عالأرض ينهي هالحياة يلي صارت مسخرة
ومليانة حقد ووحشية..!
لـ عبدالرزاق سيد عمر
314 viewsعبدالرزاق سيد عمر, 11:56