آدرس کانال:
دسته بندی ها:
وبلاگ ها ,
توصیه ها
زبان: فارسی
مشترکین:
27.57K
توضیحات از کانال
هذه الصفحة ليست رسمية عن الشيخ محمد عطية وهو ليس مشرفاً عليها، هذه الصفحة أنشئت بمحبة منا للشيخ .
Ratings & Reviews
Reviews can be left only by registered users. All reviews are moderated by admins.
5 stars
1
4 stars
0
3 stars
0
2 stars
2
1 stars
0
R
لو سمحت هو انا ينفع اشغل موسيقى او اغاني ليها رقص معين للتخسيس لان انا جربت الطريقة دي اسبوع و خسيت فعلا فرق جامد بس حسيت بالذنب الصراحة و خايفة
آخرین پیام ها 40
2021-03-15 20:30:16
س: جاوبني يا شيخ بالله عليك متقدم شاب كويس ونحسبه على خلق بس انا قلبي متعلق بآخر معرفش دنيته ايه ولا هينفع يتقدملي ولا لا اني أقبل بالشخص ده وقلبي مع آخر مش كدا بظلمه وهل هنسي اصل دايما بعمل مقارنات في الشكل والحاله الماديهج/ نضفي قلبك من العك .. وعقلك من الوهم.
غلّي نفسك .. واتقي ربنا في نفسك وفي أهلك.
.....
س: غ س زى ما الشيخ وصف بالضبط الامر ما هو إلا وهم وحتى وهم التعلق بمجرد ما تتعاملى وبإذن الله يوضع القبول والتوافق فى الافكار هتنسى وافتكرى ومن يتق الله يجعل له مخرجا ويرزقه من حيث لا يحتسب وبما إنك متعرفيش اللى بتقولى إنك متعلقة بيه ناوى ع ايه ف أظنك تقية تخشى الله وخذى بالاسباب وتوكلى ع الله واصدقيهج/ ….
.....
س: كنت زيك كده والله واتقدملي حد كويس جدا وشغلت عقلي شويه وقولت احكم بالعقل لقيت دا كويس ف حاجات ودا ف حاجات بردو بس الكفه غلبت اللي متقدملي وخدت قرار أن هو دا وليه احط حياتي مع حد مجهول ماعرفش اي دنيته وهل هو هيتقدم ولا لأ واخترت دا والحمد لله ربنا يبارك فيه والله خلاني احب واثق ف نفسي اكتر الحمد للهج/ ….
.....
س: الله يباركلكوا يااااارب ريحتوني انا كدا هتوكل على الله شكرا يا شيخ ربنا يجازيك كل خير رغم أن كلام حضرتك بيبقى قاسي في نقط معينه بس انا بعتبر حضرتك زي بابا خايف عليا ولازم يقسى عشان افوقج/
728 views17:30
2021-03-15 20:27:19
عايزة اعرف رأيك يا شيخ بالله عليك متقدملى شخص واهلي ضاغطين عليا بس دخلت صفحته لقيته عامل فولو ل رقصات ومغنيات اقنعهم ازاى ورأيك اقعد معاه اصلا ولا لاج/ اقعدي وشوفي تدينه العام شكله إيه .. وتقدري بلطف تسأليه وتفهمي.
أحيانا بتكون المتابعات بالغلط أو صفحات اتغيرت أسماءها.
696 views17:27
2021-03-15 20:26:15
س: يا أبا أنس أصارح والدي برغبتي في الخطبة أم أنتظر، أنا شاب في سن العشرين الآنج/ هي مش بالرغبة والمصارحة .. هي هل أنت مستعد نفسيا وماديا ولا لأ؟!
.....
س: ممكن نفسيا بس ماديا خايف أكون هتقل عليه جامد خصوصا أن كليتي سنينها طويلة، تنصحني أصبر لبعد التخرج منها؟ج/ تتخرج .. وتشتغل .. ويكون لك دخل ثابت تقدر تفتح منه بيت ..
انس الموضوع خالص الوقت.
706 views17:26
2021-03-15 20:23:58
مسامح ولا بتدعي عليهم؟ج/ مسامح عشان ربنا يسامحني .. حتى لو ما يستاهلوش المسامحة!
مسامح عشان فضل ربنا علي عظيم .. وأغناني عنهم وعن غيرهم!
مسامح عشان قلبي أغلى علي من شغل أي مساحة فيه بطاقة غيظ .. وعمري أغلى من عندي من تضييعه في ترقب انتقام!
مسامح عشان مهما كانوا سيئين، فلعل الله بمنّه يتوب عليهم ويهديهم .. وينزع ما في صدورنا من غل، ويجمعنا إخوانا على سرر متقابلين.
ده مش كلام إنشاء متكلف .. ده كلام بكتبته وأنا بفتكر أشخاص بعينهم كم آذوني وظلموني!
شعور عظيم والله أن يوفقك الله للترفع والترفق .. والاستغناء.
727 views17:23
2021-03-15 20:23:05
ياريت تقلى عل المواعيد الى حضرتك بتفتح فيها مش عرفه اسأل حضرتك والاسئله الى بسئلها مش بتجاوب عليها ليه!ج/ مفيش مواعيد ثابتة .. وأرجو المعذرة في عدم القدرة على إجابة كل الأسئلة.
726 views17:23
2021-03-15 20:21:42
س: امي مش راضيه تديني فلوس اجبلها هدية عيد الأم!ج/ الهدية بنجيبها من تحويشنا للمصروف، ولو كانت حاجة بسيطة .. ما ينفعش نقول اعطينا فلوس نجيبلك هدية، عشان كده ما عدتش هدية!
عموما شعورك الجميل ده يكفي .. واتشطر / اتشطري وابدأ حوّش من دلوقت.
.....
س: ايه الضحك ده ج/ أنا برضه ضحكت جدا من السؤال .. بس يبدو إن السائل / السائلة سنه صغير .. فحبيت أفهمه بدل ما أقلش.
.....
س: هو ازاى حضرتك ترد الرد دا مع احترامى الشديد لحضرتك لكن كان الأولى ترد على السائل بأن عيد الأم حرام ولايجوز الاحتفال به ولاتخصيصه بيوم للأم فوالله أيام السنة كلها لاتوفيها حقها ولكن ديننا وعقيدتنا تمنعنا من مجرد قول كلمة عيد الأمج/ يا لطيف يا رب!
أنتم لسه عايشين؟!
.....
س: يا شيخ انا بخاف من الناس دي والله! أختي جت عليها فترة المفروض انها التزمت وانتقبت وحرفيا والله يا شيخ كانت محرّمة علينا كل حاجه لدرجة لما اخويا الصغير ف ابتدائي جاب لأمي هدية كانت زجاج وشكلها جميل جواها صورة لام وإبنها مسكتها كسرتها قدامه مية حتة وقالت له حرام بقى يخاف من كل اللي لابسين نقاب!ج/ مجرمين والله!
عافانا الله منهم ومن طريقتهم.
(مش بقول طبعا كل اللي لابسين نقاب .. المقصود هذا النمط الفكري الجاهل شرعيا، الفارغ إنسانيا).
764 views17:21
2021-03-15 07:59:18
حاسة ربنا حرمني نعمة الدعاء ، مبقتش بدعي كتير ولو افتكرت ادعي ادعي للناس اللي بحبها واقوم من السجود ، مبقتش بدعي بحاجة عايزاها خالص بقيت عادي لو حصلت ماشي لو محصلتش عادي بقي في زهد غريب كدة بس مضايقني ، مش عارفة ده ايهج/ أكثري من الصلاة على النبي.
1.0K views04:59
2021-03-15 07:52:40
بحس بغيرة لما بلاقي زمايلي احسن مني مثلا ف دراسة او عملوا حاجة كويسة ، انا بنبسطلهم والله واتمني لهم الخير وبجعي ربنا يباركلهم ، لكن من جوايا ببقا غيرانه وعايزة ابقا زيهم مثلا او ابقا احسن ،نفسي اتخلص من الشعور ده اعمل اية ؟ج/ الغيرة المحمودة هي التي تدفع للعمل مع تمني البركة لصاحب النعمة !
884 views04:52
2021-03-15 07:48:54
انا متجوزه من شهر 11 اللي فات ولسه محصلش حمل....في ناس كتير بتقولي انت مستعجله ليه لسه بدري وانتي لسه صغيره.... بس انا بحب زوجي جداً ونفسي اشيل جوايا حته منه ادعيلي بالله عليك كتير.. قرات ان سورث الانبياء للرزق بالذريه بس مش عارفه صحة المعلومه وان الاستغفار الكتير ايضا هل ذلك صحيحج/ عيشي يومين يا بنت الناس قبل أن ينعدم شعورك بالزمن والأيام والدنيا وما فيها
888 views04:48
2021-03-15 07:46:52
قلبي بيقيد نار لما بشوف اللي كان خطيبي بينزل كلام حلو لخطيبته نفسي ابقي بارده واتجاوز الموضوع ده وفشلت فشل ذريعج/ وهتفشلي طول منت مش عاملة بلوك وبتابعي صفحته !
874 views04:46
م
