شدو العزم يلا يخدام نواسي الغريبة المالها اخيام ~~~ | الشاعر احمد عباس الحساني
شدو العزم يلا يخدام
نواسي الغريبة المالها اخيام
~~~
شهر الحزن مجبل علينة
كلمن يحّضّر لجلة عينة
نواسي السبية والحزينة
عدنة محرم طول الايام
نواسي الغريبة المالها اخيام
~~~
گالو بدع شيعة ومجانين
إحنة الروافض نرفض اثنين
اليكره علي واليكره احسين
خدمة احسينك اشرف اوسام
نواسي الغريبة المالها اخيام
~~~
نواسي أبو صالح بالمصاب
للباقي عاري فوگ لتراب
دموعة دمة ولهسة ماطاب
متعوب گلبة وجفنة مانام
نواسي الغريبة المالها اخيام
~~~
لحسين إنطي ماي العيون
شد حيلك ابحيل اليخدمون
وموكب وهيئة و اليلطمون
رادود آنة وانتة لطام
نواسي الغريبة المالها اخيام
~~~
الأيام تمشي والسنة اتدور
ولحسین عمري كلة منذور
وكلشي يروح و ايبقة عاشور
يلا يخوتي شدو الحزام
نواسي الغريبة المالها اخيام
~~~
أحمد عباس الحساني