قصيده ل الامام علي عليه السلام ليلة الجمعه =========== اه ياليلة الجمعه من تجي أذكر احبابي المشو لرض الغري سكنو ابوادي السلام حرمو عيوني المنام نگعد على العتبه نصرخ ياعلي اذكر احبابي المشو لرض الغري =========== اه ياليلة الجمعه من تجين تذكريني ابهلي وبذيچ السنين شلون چنه وعلمحنه عايشين عدلال بجالهم متعلمين وينكم يهلي صحت رحتو عني من وكت من بعد عين المشو وشضل الي أذكر احبابي المشو لرض الغري اگعد لوحدي واسرح بلخيال وذكر شكد چنت مرتاحة البال من مشيتو ياهلي ضاع الدلال خلافكم اضحك بعد هاذا محال ثوب احزان البست من حياتي شحصلت شلون اعيشن والنزل منكم خلي اذكر احبابي المشو لرض الغري نذكر احباب المشو عني بعيد بحزن عافوني وعلى مجبل العيد گلي يادهري بعد مني شتريد خذت من عندي الابو وراح العميد راحو البيهم رحم لغيره گلبي مارهم بلمگابر سكنو احبابي وهلي اذكر احبابي المشو لرض الغري اه ياليل الجمع شكد صعب من يجيني يعلن گليبي الحرب ماتهنه ابزاد لاماي العذب يهلي من رحتو على ضاع الدرب روحي شبعانه قهر عيوني ذبلها السهر بويه ياگعداتكم عنت على أذكر احبابي المشو لرض الغري =========== خادمة ال البيت الحجيه ام علي البصره نسألكم الدعاء الحجيه ام علي البصره بخدمة خدام الحسين عليه السلام لانجيز حذف اسم الحجيه ام علي من قصائدها او ينسب الكلمات لنفسه غير مبرء للذمه امام الله والزهراء ع رابط قناة اليوتيوب اضغط على رابط القناة ليأتيكم كل جديد https://youtube.com/channel/UCyZjN67zSy_dOdrSH6y84Iw *** رابط قناة التلجرام اضغط على رابط القناة يأتيك كل جديد https://t.me/ahzan2018 980 views13:42
