قصيده ثقيله للأمام علي عليه السلام سابع الامام ع ========= اليوم سابع خلصينه الفاتحه وروحي من الحزن بويه رايحه شلون يگضي هلعمر منين اجيبنه الصبر روحي چن من فوگ تله طايحه اليوم سابع خلصينه الفاتحه ========= اليوم سابع وجهك مضيعينه البيت موحش يلحنين اعلينه العيد اجانه شلون بويه بينه لا سفر وانه انتضر منين اجيبنه الصبر چنت يوم العيد وجه انصابحه اليوم سابع خلصينه الفاتحه چنت يوم العيد اجيك بلهفتي اقبل ايدك بيك تكمل فرحتي تگلي كل الهله بيچ ابنيتي راح اموت من القهر منين اجيبنه الصبر روحي من يوم المشيتو شابحه اليوم سابع خلصينه الفاتحه اسبوع أيام المشن چنهن عمُر سنه بفگدك بويه كل يوم اليمر گلبي داوي چنه تنور وجمر عاند وياي الدهر منين اجيبنه الصبر بس عليه الدنيه صاحت صايحه اليوم سابع خلصينه الفاتحه خلصينه الفاتحه وكلشي انتهى بس الم بلروح يابويه بگه گلبي للملگه يلحباب اشتهى عامي عيوني السهر منين اجيبلي الصبر الفرگه يحباب المشيتو جارحه اليوم سابع خلصينه الفاتحه شگد صعب لو فارگت روحي الحنين اضل ليل انهار اهات وانين عذب گليبيي تره دم الجبين عيوني چن ماي المطر منين اجيبنه الصبر افكاري ليل انهار بيكم سارحه اليوم سابع خلصينه الفاتحه ========= خادمة ال البيت الحجيه ام علي البصره الحجيه ام علي البصره بخدمة خدام الحسين عليه السلام لانجيز حذف اسم الحجيه ام علي من قصائدها او ينسب الكلمات لنفسه غير مبرء للذمه امام الله والزهراء ع رابط قناة اليوتيوب اضغط على رابط القناة ليأتيكم كل جديد https://youtube.com/channel/UCyZjN67zSy_dOdrSH6y84Iw *** رابط قناة التلجرام اضغط على رابط القناة يأتيك كل جديد https://t.me/ahzan2018 874 views13:43
