نوحيه ثقيله للعيد ل الامام علي عليه السلام ولسان الحال يقول ================ بعد ياعيد المن جاي شتريد وحباب النودهم راحو ابعيد شيردهم علينه راحو من ادينه حدر الگاع طميت الصناديد المن جايني مظلم نزلنه عاف اديارنه البيه المحنه ياگلبي خلص ونه على ونه گضه بلهم عمرنه خاين يادهرنه المن جاني وشتريد ياعيد الناس معيده وحبابي غياب ماريدك يعيد ابغير الاحباب ابگه مساهره وعيني على الباب ابچي على اليرحلون لحد معميها العيون على فراگ الحبايب گلبي ميهيد ضلت بس صور تذكار منهم ضلمه ينوح مترب يانزلهم مشو لبيعد چاياهو اليردهم ماضنهم يردون للبيت ويگعدون كل يوم الحزن بلگليبي ايزيد طول العمر البس سود الثياب وضل ابچي على احبابي الغياب ما انسه المشه وغطاه التراب راحو ضيعونه غفل ماودعونه مشه وخلاني افرك ايد بلأيد المن جايني ماريدك اتمر عگب احبابنه گلبي تمرمر حزينه وعل الصور ليليه انضر اگضي الليل بحزان عليهم حالي عدمان شيريد الدهر من عندي شيريد =============== خادمة ال البيت وخادمتكم الحجيه ام علي البصره نسألكم الدعاء الحجيه ام علي البصره بخدمة خدام الحسين عليه السلام لانجيز حذف اسم الحجيه ام علي من قصائدها او ينسب الكلمات لنفسه غير مبرء للذمه امام الله والزهراء ع رابط قناة اليوتيوب اضغط على رابط القناة ليأتيكم كل جديد https://youtube.com/channel/UCyZjN67zSy_dOdrSH6y84Iw *** رابط قناة التلجرام اضغط على رابط القناة يأتيك كل جديد https://t.me/ahzan2018 425 views23:19
