قصيده للامام علي عليه السلام لسان حال السيده زينب على طور : ياعيد الفطر للرادود محمد الجنامي ========= المن جاينه ياعيد رمضان تدريني حزينه وفاگده احنان حدر الگاع نامت ذيچ الفحول بعد عيد المبارك المن انكول ======== يهلال بالك لاتهل علفاگد أهله اتمهل والعيد لو هل علخلگ عينه ابدمع تتكحل عيد المبارك لو سمع هلكلمه مايتقبل يذكر العشره الي مضت وشلون چان مدلل حيييدر ودعانه وللگبر شال وثياب الحزن فصلها تفصال راح من النزل شيال الحمول بعد عيد المبارك المن نگول فگد الابو كلش كلف ياهو اليعوض امچانه هلسنه خلانه ومشه البلعيد چان ويانه روحي على احبابي المشو من القهر خلصانه ظلمه ومحزنه ومتربه دار الولي وخلوانه وييين الچانو ويانه يعيدون مبارك عيدكم لالا تكولون حزن يسحگ بگلبي مطارد خيول بعد عيد المبارك المن انگول ياعيد لاتلفي بعد احنه الحزن غاطينه العيد راح اويه المشو مفگود ياوالينه علباب لاتوگف بعد ماكو فرح تدرينه يهدّم اجبال الراسيه ياعيد حزن البينه ذكرووو مصاب حيدر يلتعيدون ابوي الغالي حدر الگاع مدفون من يوم المشو والگلب معلول بعد عيد المبارك المن انگول خالي النزل من الاهل عميه عليهم لعيون تحت الثرى نامو رغد الچانو ويانه يعيدون خطار لو جينه الأهل من ابعيد بينه ايفرون كل الهله ومية هله بأجمل كلام يرحبون يترااب النجف رجعلي الاحباب سهم افراگهم صايبني صواب من يوم المشو ودموعي اسيول بعد عيد المبارك المن انگول وشلون اعيدك يلابو يلنايم ابوسط لحود ايست من شم الهوى شيردك اعليه اردود چنت ادعي كل صبح ومسه عمرك يبو الحمله يزود رحت من اديه للابد ماضن بعد ليه اتعود جنننت بزود ابوي الراس عالي راح وخرب الوالي دلالي على الايتام بويه منهو مسؤل بعد عيدك مبارك المن نگول ======== خادمة ال البيت الحجيه ام علي البصره الحجيه ام علي البصره بخدمة خدام الحسين عليه السلام لانجيز حذف اسم الحجيه ام علي من قصائدها او ينسب الكلمات لنفسه غير مبرء للذمه امام الله والزهراء ع رابط قناة اليوتيوب اضغط على رابط القناة ليأتيكم كل جديد https://youtube.com/channel/UCyZjN67zSy_dOdrSH6y84Iw *** رابط قناة التلجرام اضغط على رابط القناة يأتيك كل جديد https://t.me/ahzan2018 408 views23:22
