فزاعيه للعباس عليه السلام على طور لا ياخيل . للرادود عباس العقابي ============ وياعباس جونه الكوم هداده ========== اجونه وحادين اسيوف وصفت علخيم لصفوف وعيالي اخذها الخوف سوي وياي هلمعروف ذراعك ركبلها اجفوف زلزل بلعده لطفوف ينشمي وابن الحياده هداده يخال ابني الحك فرهدو ضعني وانه أصرخ يكافلني وتدريني الوكت ذبني خويه الشمر عذبني خذ ترجيتي من اذني الدم غرك الوساده هدو هدت الغمان ماكالو حرم نسوان مابيهم عرف عدوان وكله مجتله الخوان وياي ايتام والرضعان وعندي بس علي الوجعان عليل وكاض افاده ياعباس ياجيدوم اكعد خويه من النوم اخبرك فرهدونه الكوم لاخلو عبي لا هدوم وكعدونه بصحارى اسموم كلبي من القهر مالوم ليهم ماكو رداده خويه بلوتي بلوه ليش تخرب الخوه ونته صاحب امروه نشمي وخوتك حلوه شوف الشمر وشسوه سوطه بينه يتلوه جتافي صاير اسواده ============ خادمة ال البيت وخادمتكم الحجيه ام علي البصره نسألكم الدعاء الحجيه ام علي البصره بخدمة خدام الحسين عليه السلام لانجيز حذف اسم الحجيه ام علي من قصائدها او ينسب الكلمات لنفسه غير مبرء للذمه امام الله والزهراء ع رابط قناة اليوتيوب اضغط على رابط القناة ليأتيكم كل جديد https://youtube.com/channel/UCyZjN67zSy_dOdrSH6y84Iw *** رابط قناة التلجرام اضغط على رابط القناة يأتيك كل جديد https://t.me/ahzan2018 358 views21:17
