نعي للاخ ؟ ونعم الاخ ابا الفضل العباس عليه السلام ١١١١١١١١١١١١١١١١١١١ راح الأخو والجان هيبه والراح مني منين اجيبه بختي جليل وما حويته .................. لفركه الأخو لعميها العيون صعبه تره عني تبعدون الفركه لو طالت اشلون .................. راح الاخو ومشبعت منه اكضي العمر وياه اتمنه عزيز ومكدر اودعنه ................. ياخوي يلخوتك حلوه بينه الدهر خويه شسوه خلافك تره انكطعت الخوه ................. راح الاخو وفلت العشره وخلافهم عيشتنه مره قاسي الدهر بينه شسوه .................. دفان لتشيل الجنازه كلبي يون راحو اعزازه ردتك يخويه بيوم عازه ................... راح الاخو والجان غالي مرفوع راسي بجاله عالي بيوم المشه ونشده بالي .................... يفراك الاخو هدالي الحيل اذكر رفجته ودمعتي اتسيل ويكثر ونيني بتالي الليل ................. طيفك بعيني وين ماروح يلشوفتك بلسم للجروح يوم العفتني راحت الروح ................... صبن على الراحو الدمعات من كالو اليوم الأخو مات وحدر الظلع ضلت الجويات .................. خلاف الاخو بلظيم حالي بس القهر والهم صفالي وين الكاك ياخويه يغالي .................. راحو زلم محله حجيهم عيوني عمت والله عليهم حلوين يودونه ونودهم =========== خادمة ال البيت الحجيه ام علي البصره نسألكم الدعاء الحجيه ام علي البصره بخدمة خدام الحسين عليه السلام لانجيز حذف اسم الحجيه ام علي من قصائدها او ينسب الكلمات لنفسه غير مبرء للذمه امام الله والزهراء ع رابط قناة اليوتيوب اضغط على رابط القناة ليأتيكم كل جديد https://youtube.com/channel/UCyZjN67zSy_dOdrSH6y84Iw *** رابط قناة التلجرام اضغط على رابط القناة يأتيك كل جديد https://t.me/ahzan2018 375 views21:18
