قصائد حسينيه للشاعر ابو اسد البزوني

2022-05-16 13:56:15 كلشي غربه ياعلي صار ابرحيلك
كلشي غربه بويه بس ارجع دخيلك
چاشلي بحياتي ماتت امنياتي
----()()()()------

بالريه احس ضاگ النفس وفترت احوالي
حال المره يتعب تره لودعت غالي

ضگت طعم الهجر ماينجرع شفته
الابو لو مات شيضل ابگلب بنته
وابوي انه علي بيديني غمضته

بچف اديه غمضت اغلى الحبايب
بچف اديه استقبلت چف النوايب
اتمنه مماتي ....ماتت امنياتي
----()()()()------

ديره غرب صار الدرب من جثته شلناها
كلشي انكسر حتى الضهر هالحضه عشناها

اول مره احسن ينكسر ضهري
تره التابوت شالو بي احس عمري
ابوي بهالسهوله يروح وين ادري

ما حسبنه توگع الخيمه التلمنه
ما حسبنه ندفن ابلحضه وطنه
كثرن نايباتي ....ماتت امنياتي
----()()()()------

درب الگبر بدرب اليسر اتصوره اهوايه
نفس الكسر بس الشمر ماماشي سبايه

نفس الحاله جنها انعرضت اگبالي
وابن ملجم صبح مو شمر كتالي
ابوي وداعة الله اشگد احس غالي

غالي ابونه وفرهده الموت امندينه
غالي ابونه وغمضت بچفوفي عينه
طفوها ضواتي ....ماتت امنياتي
----()()()()------

الفاگد وطن عاش الزمن متخوصر اصفاحه
صف حالته المن چبدته مگطوعه سباحه

ما يعرف صباحه يگوم من ليله
اليفگد مدري ليش يروح كل حيله
راح الچان يعدل لو حچه الميله

خله بانت حتى بعروش الظلاله
خله بانت بالارض موبس عياله
يالبسمك نجاتي ....ماتت امنياتي
----()()()()------

لثگه اصبحت من اكتبت فعل المراجل
ساس الغدر جوه الصفر للوسفه نازل

مو كل الزلم لو اعدها رجاله
الزين التلگه كون امخضره افعاله
ربع النبي اشسوو بعده بعياله

بعده گامو حرگو الدار اعلى بنته
بعده گامو من علي نزعو رتبته
اتمنه وفاتي ....ماتت امنياتي
----()()()()------

ابو اسد البزوني باز کردن / نظر دهید

2022-05-16 13:55:50

باز کردن / نظر دهید

2022-05-10 17:08:07 ياابا عبدالله ياابا عبدالله

************
بالحلم چن انه ميت بس صدگ ماچن حلم
فوگ راسي بعيني اشوفن كلها ملتمه الزلم
صاح واحد غمضو عينه وجثته غطوها بهدم
او واحد اسمع للمغيسل گال خنشيله اونهم

ياابا عبدالله ياابا عبداللهگال خنشيله اونهم

المهم وصلت الجثه وطبو اهلي المغتسل
وانه اسمع صوت اخوتي ومدمع امي الشفته هل
وخلصت كل المطاف وللموادع چن
وصل
شدو التابوت غربه وماعرف شنهي الحصل

ياابا عبدالله ياابا عبداللهل خنشيله اونهم

ي
جنها لحضه اعليه مرت وفتحو لتابوتي باب
شفت زلمه النزلاني اوضل يهل فوگي الترب
ضل يلقن بيه اسمعه وگلي لاتخشى العقاب
گلي منكر من يسالك گله خادم بالجواب

ياابا عبدالله ياابا عبداللهنشيله اونهم

يااب
ضلمت الدنيه اعلى وجهي وانه خايف چني حيل
طبو اثنين اعلى گبري واحد اگصير وطويل
صاح انطق يافلان الساني صار شكد ثگيل
ططبوني لعالم احمر بي شفت بس العويل

ياابا عبدالله ياابا عبداللهنشيله اونهم

يااب
ياحسين امروتك افزع ساعة الطبيت اصيح
ولنها غبره اضل طريقي وصار عالي بصفي ريح
غمضت عيني ولكيت بوادي اخضر مستريح
وجن ملك حاجاني اسمعه اشكر حسين الذبيح

ياابا عبدالله ياابا عبدالله خنشيله اونهم

ياياملاك انه ارد اسالك وين الحسين اعتنيله
ارد اشكرنه اعلى فضله ولو ماينرد جميله
رايد اقراله اعلى زينب من مشت فوگ الهزيله
من عگب عباس يدري اشصار بحوال العقيله

ياابا عبدالله ياابا عبداللهاونهم

ياابا عبدا
ابو اسد البزوني باز کردن / نظر دهید

2022-05-10 17:07:43

باز کردن / نظر دهید

2022-05-04 22:52:32

باز کردن / نظر دهید

2022-04-23 00:14:44 حرم او رضعان نار او دخان
الفزع ملتم عليه ...منو اليفزع اليه
نار او دخان
---------------
حيهم يااخوتي الگوم وصلوني
انه ابخيمتي اورادو يحرگوني
زينب يالله اطلعي ضل ينادوني
سبو والدي او ردولي سبوني

يابو الاحرار حرگتنا النار
شفت جثتك رميه ..منو اليفزع اليه
نار او دخان
---------------
ياهو العنده غيره ويقزع اعليه
فوگ التل صعدت اوانه علويه
الزلم يابويه كلها اشمتت بيه
وعباس الكلف ضل جثه مرميه

طاح العباس مگطوع الراس
اكطعت نحره اميه..منو اليفزع اليه
نار او دخان
---------------
لراعي الغوث اريدن وجهي اديرنه
اكيد الوالد امننحشمه يسمعنه
نكله ياعلي احضر تبهذلنه
حرم كلنا ثكاله اوحرمله يطگنه

يا راعي الغوث هل من مبعوث
دنت مني المنيه ..منو اليفزع اليه
نار او دخان
---------------
جنت امدلله ومتحشمه ابخدري
ماجي لكربله لوهيج جنت ادري
انه ام الصبر بس شو نفذ صبري
مو هينه اشوفن ينذبح عمري

فوگ الخشبات حطو ايات
غضب رب البريه..منو اليفزع اليه
نار او دخان
---------------
وينج يمه الحگي اعليه يالزهره
هذا حسين ابنچ رضرضو صدره
مو من الوجه من القفى نحره
اخ ايصيح اسمعه لاچن بحسره

يايمه ايصيح وادموعه اطيح
فدك طلعوها بيه ..منو اليفزع اليه
نار او دخان
---------------

ابو اسد البزوني باز کردن / نظر دهید

2022-04-19 16:37:29 ريض يجناز خليني شوف اشبع بعد
ريض يجناز موهين اعلى امه الولد
ميت ابنها اتشاهده
ايساعدها الله الفاگده
ريض يجناز
-------<><>-------

خليني احضنه اخر حضن راح التراب ايضمه
يستاحش ادريبه الولد لوماغفه بحضن امه
ترتاح كل تفطم ولد وابني الرصاص يفطمه
نايم لكيته اعلى الوجه ماادري شنهي يهضمه

متغير هواي ماجنه ذاك الچن ورد
متغير هواي وجه اسمر اوليد الحشد
گلوله امه اتناشده
ايساعدها الله الفاگده
ريض يجنار
-------<><>-------

موطبعه يغفى اعلى الرمل يغفى الوليد ابحضني
جاشو حلتله اوماگعد متغير اهواي ابني
هانت علي عشرة عمر هسا الضنه يفارگني
من كون ناوي اعالسفر چا بالجذب ودعني

چا والدللول ما الها حوبه وردته
چا والدللول وچفوف اديه الشالته
ورباي والضيم السده
ايساعد الله الفاگده
ريض يجنار
-------<><>-------

امري انه لله مسلمته وبالقسمه اقبل انه
بس الصراحه اعالولد ما راضيه
او زعلانه
كادود ماعدنه ورحل ياهو السيد امچانه
اطفال وحريم اميتمه من بعده شو عافانه
شنسوي للعوز وعزبنا اله بريع العمر
شنسوي للعوز لو فارغ يفور الجدر
طاح العمود السانده
ايساعد الله الفاگده
ريض يجنار
-------<><>-------

من عادة اليرحل يرد بس روحته بلارجعه
مكتوب اليه بهالسفر لازم كليبي يشلعه
گدامه تنزل دمعتي اوليدي مو من طبعه
جنت امن اضوج واحترگ يگلبها
هاي الوسعه

مابين العيون بوسات ضلن هسا اثر
مابين العيون شگد ذكريات شگد صور
يناديني چان الوالده
ايساعد الله الفاگده
ريض يجنار
-------<><>-------
ياموت اجينه انعاتبك ودريك تقبل عتبه
عايش يضل المن بعد الميت عزيزه وكلبه
ماتدري بالفاگد شخض يتيه يضل ابدربه
يعگوب فارگ موفگد ونعمه بروحة حبه

فاركله محبوب وعيونه من فگده انعمن
فارگله محبوب ورموشه گالو شيبن
وي اهله ماضل وحده
ايساعد الله الفاگده
ريض يجنار
-------<><>-------


ابو اسد البزوني باز کردن / نظر دهید

2022-04-10 22:41:36 لاستشهاد الامام علي ع
زينب تخاطب أباها تكله



كلشي گلي ولاتسولف عل هجر
بعد ماضل بيه حيل اعله الصبر
بويه سولف ياعلي. ياهو من بعدك الي
كلشي كلي ولاتسولف عَل هجر

اليله تبدي أحزاني بويه وينكتب اول جرح
واستعد لآهاتي رايح ونسه شي اسمه الفرح
زينب واسم الأميره حدها منا للصبح
رايح يصيحولي باجر هايه أخت المنذبح
ليش مستعجل يبويه اعله الرحيل
كول ياالله وعسن عمرك طويل
تريد زينب تنولي. ياهو من بعدك الي
كلشي كلي ولاتسولف عَل هجر

بويه لو عَل طبره هينه حطها بيه واستراح
الدين من شافك يحيدر مدري شنهو المنه طاح
انت ركن الله وصلاته وانت حي اعله الفلاح
ولو شلت كلمة يحيدر الدنيه تبقا ابلا صباح
عود هيه الدنيه هم بيها ضوه
انت فضلك جان حتى اعله الهوه
الكمره يمك تنجلي. ياهو من بعدك الي
كلشي كلي ولا تسولف عَل هجر

قبل لا ترحل يحيدر ارد اسألنك سؤال
بويه جاوبني بصراحه وخل يهده ابراسي بال
حسين صح باجر اشوفه يبقه دامي اعله الرمال
وصدك بنتك بصحاري راح تركب عل جمال
الله اكبر بويه من هل معضله
وين مضمومتلي جانت كربله
بهمي راح انه ابتلي. ياهو من بعدك الي
كلشي كلي ولا تسولف عَل هجر

والله ما مرتاحه بويه بعينك اقره اشكد كلام
لاتضم اعليه سولف مو طبرت براسي هام
انه ادري اباجر انه اشرايح اتسوي السهام
ودري مذهوله افرن من يحركون الخيام
سولفتلي الزهره بويه وباختصار
كالت الهدم العليه اتحركه نار
وراح اعاتب كافلي. ياهو من بعدك الي
كلي كلشي ولاتسولف عَل هجر

عن كفيلي أردن يحيدر تحجي كلشي الي تشوف
صدك يوكع راح باجر عَل نهر وبلا جفوف
وبعد عن حسين كلي شيحدث ابوادي الطفوف
ليش ماواحد ينصره لمن اتگطعه السيوف
بويه فدوه احضرني يوم الغاضريه
لمن انطگ وتگيد بويه اديه
بصوت اصيحن ياولي. ياهو من بعدك الي
كلشي كلي ولاتسولف عَل هجر

ل الشاعر ابو اسد البزوني باز کردن / نظر دهید

2022-04-02 23:48:13 سكنه تسأل فاضل وين صار الكافل
اتاخر وشو مارجع
گلب زينب منفجع
وين صار الكافل
~~~~~~~
بقت محتار وتناطر ويلي زينب بت علي
والجفن يذرف مناير من رحل عنها الولي
اصيح وبحرگه يخوتي ياهو منكم ضل الي
ليش عفتوني غريبه فوگ طيحة محملي يذرف مناير منادموعها ضلت تهل مدري ميت لوعدل
وين صار الكافل

صاحت اسكينه يازينب عمه شو تعبانه
والوجه مخطوف احسه ليش هيج الوانه
تكلها عمج راح عمه لهسه شو ماجانه
والحرم وطفالي تثغب كثر ما عطشانهلي
ليش عفتوني غركلبي يندسنى امن امس ليش مايرجع احس
وين صار الكافل

اهنانه لن حسين اجاها وصاح ياخت الكافل
عضم الله اجرج يزينب والضهر چن مايل
كلها راح اعضيدي يختي والدمع بس هامل
اوصفگ جفينه بحسافه اوصاح يابو فاضل ليش عفتوني غريبهگلها ومحنب الضهر راح ياخويه الكمر
وين صار الكافل

تعنت العباس زينب بس ولايوصفها حال
اتگوم وطيح الاميره من عگب ذاك الدلال
كعدت اتعاتب اخيها وسألت الكافل سؤال
هيج جا هيه الاخوه تعوفني ابنص الضلاللي
ليش عفتوني غريبگام كافلها اووگع حشمت لمن سمع
وين صار الكافل

شافته وصاحت ييمه طاح شيال العلم
امگطعه ايساره ويمينه ونابت بعينه السهم
انه بس شفته يزهره وگلبي نصين انجسم
حتى جود الماي شفته من نبلهم ماسلم توني غريبه فوگ طيذوله عار اعلى البشر امگطعين ابنچ وذر
وين صار الكافل


ل الشاعر ابو اسد البزوني باز کردن / نظر دهید

2022-04-02 23:47:55 لمن صاحت سكنه اجتنه الغاره
گبله ابن ضاهر فزع بتاره

حي الله شيخ الانصار


لا تغرك هل بشر بااشكالها
الصحبه تنعد بالمواقف مالها
من تقيس الزلم قيس افعالها
المهره مو ياهو الصعد خيالها

الزلم خلاها اوعلي محتاره
گبله ابن ضاهر فزع بتاره
حي الله شيخ الانصار
----------------------

خلها تاخذ عبره هاي الوادم
صاحب حسين افضل من العالم
تاج عدنا انلبسه راح الخادم
وباجر اليبغضنه يصبح نادم

ياطريق اتريده بالله اختاره
گبله ابن ضاهر فزع بتاره
حي الله شيخ الانصار
----------------------

من ابن ضاهر ادروس اخذوها
اوللاجيال القادمه درسوها
الصحبه مو بشكالها اشوفوها
امس صحبان النبي العصروها

وهمه جانو ياكلون ابداره
گبله ابن ضاهر فزع بتاره
حي الله شيخ الانصار
----------------------

الحلوه بالطف من چلف ذرعانه
قبل الحسين افزعو صحبانه
گالو احنه وهوه كلهم انه
كلها عالموت الزلم عطشانه

بالحرب من الله عدهم شاره
گبله ابن ضاهر فزع بتاره
حي الله شيخ الانصار
----------------------

من ثگل طكهن وشاف ارحيها
مثل طبة صگر طب اعليها
هوه ابن ضاهر وزامط بيها
يوم الاكشر كربله ايراويها

شويه عن القيم صعدت ناره
گبله ابن ضاهر فزع بتاره
حي الله شيخ الانصار
----------------------
شاهد القصه وسبب مغزاها
باليخون الصحبه واليرعاها
بنحره ابن ضاهر ودگ الواها
وغيره عار اعلى الصداقه اسماها

انه انصحك عشرة الغداره
گبله ابن ضاهر فزع بتاره
حي الله شيخ الانصار
----------------------
خادمكم ابو اسد البزوني باز کردن / نظر دهید