2022-12-03 12:24:55
حضر جوازه الحب بنتضاره ... سلطاني
هااا يالرؤوف ارزقني الزياره .... سلطاني
عالراية كاتب بيدي العباره...سلطاني
الماله جاره ايسويله جاره ...سلطاني
منيتي لو زاير وجيله ابابه... اعلى اعتابه
ومشي ودموعي تهل سجابه ... اعلى مصابه
ونعى معصومه اعلى ذيج الغربه
هااا يكلبي الليله يم الغالي... والوالي
يا عشك مشهد نبض دلالي... وآمالي
يمتى ازوره ويمتى اسولف كربه
الله خط احروفه ... ومعروفه... يعرفونه
بي وضع ماهيته ...وقدسيته ....من اعيونه
شمس الله وسدها... ومكصدها... يسمونه
****
باب الحوائج واغلى الغوالي ....سلطاني
عينك على الما يلكاله والي.... سلطاني
شوف الدموع وشوف شجرالي.. سلطاني
وعلى الهجر شيخلص الليالي...سلطاني
كلها زارت وانه كلبي امتاني... اعلى احزاني
هااا يبن موسى العشك سلطاني... ابوجداني
يلا خل انسد ليالي الفركَه....
عالي جفك وانه اديه ازغيره... وكصيره
ونته بابك الله ضم تفسيره..اعلى الديره
هاا يخو العلويه كلبي ابحركه
خلها رؤحي ابابك... بعتابك .... ومنيتي
كون اجيك ابرايه... ومشايه ... ومن بيتي
هايم أعلى اعلومك... ورسومك ... عافيتي
****
ضامن حيات الحب مو غزاله ... سلطاني
روحي بضرف هاي ابسط رساله.... سلطاني
هايم على اعيونه وبخصاله .... سلطاني
نور الله والله يباهي ابجماله.... سلطاني
امنيتي اعرفها الغزاله اشطلبت ... من لبدت
عين التشوفك بخيته وربحت... ماخسرت
الف هنيال الغزاله بهايه
يارسول الحب يروح الجنه ... سودنه
عشكك الماخله واحد منه .... ماجنه
دخيل كبته دخيل ذيج الرايه
مو غريب وبابك.... لحبابك ... مضمونه
بالي ماضن عافك... والشافك.. خيعونه
يارسول الجنه ... ومنهجنه... يسمونه
****
شوك المشاعر دمعه اعلى دمعة ... سلطاني
وياهو اليجيك انحضنه ونودعه ... سلطاني
عاشك اجاك وايده اعلى ضلعه .... سلطاني
ميت بديك وسالم ترجعه... سلطاني
ابعيد كبرك لاجن انت ابالي ... وتبرالي
غير حبك ما اضن يحلالي ... ويحلالي
شاهدي اعلى الشوك بيدي الصوره
غالي سلطاني وعشك سميته .. حبيته
بيده يتلكه اليجي من بيته... ولو جيته
حافي يتلكه اليجيله ايزوره
انت اول واحد.... والشاهد .... حسراتي
شما اجيبه ابطاري... اتوج ناري... بشوغاتي
يامهيج احزاني......وسلطاني....ودمعاتي
*****السيد احمد الاعرجي
1.0K views رهبة السقاء, 09:24
ا
