#كعدة_للانصار ع انصاري مثلهم ماكو هيهات بسماء الطف مثل نجم | الشاعر عمار العيساوي الكربلائي

#كعدة_للانصار ع


انصاري مثلهم ماكو هيهات
بسماء الطف مثل نجم السماوات
يرجمون التدنه .. على عتبة خيمنه .. انصاري
. . . . . . . . . . . . . . . . . .

كتب تاريخ الملاحم صفحة الانصار بالدم
ومن عجاج الخيل أصبح صُبح عاشوراء أظلم
ولمعت اركاب الانصار وثغر سيف الموت بسّم
اباب الخيام اتجمعوا
الكل للجهاد اتطوعوا
النصرتنه بالانفس سعوا .. ولا فرد يدرون يسلم

كلهم فرد جلمه بصوت واحد
غيرك يابو الاكبر ماكو قائد
نطوا أرواح النه .. على عتبة خيمنه .. انصاري
. . . . . . . . . . . . . . . . . .

اتيممت بالطف مصاحف منهم ابنهج العقيده
ورفّت عيون الشهاده الهم وكتبت قصيده
وبشعار الله اكبر كلمن ايهز رايه بيده
اتروّت مناحرهم دمه
واكلوبهم تشرب ضمه
بذيج الجروح الباسمه .. ذلوا ايزيد وعبيده

رغم قلتهم ايساوون عسكر
تربات الصميده ابساعة الكر
خذوا صولات منه .. على عتبة خيمنه .. انصاري
. . . . . . . . . . . . . . . . . .

اتراصفت كطرات دمهم جل كواكب بالمجره
و وزعت شمس الله ضيها ونوّرتهم كطره كطره
وكل فرد منهم مطرز يا حسين ابطوك نحره
اهل الورع اهل التقى
بعزم النوايا الصادقه
اويه الهادي رادوا ملتقى .. والوفه الفاطمه الزهره

مواقفهم مراجل حيدريه
غدوا لوحه بنواحي الغاضريه
الخصم فنّه ايتعنه .. على عتبة خيمنه .. انصاري
. . . . . . . . . . . . . . . . . .

الكل فرد منهم مزار وبسمه تتسجل ازياره
وبجوار القبه تُرفع بالضريح الهم مناره
وكلمن ابنيّه كصدهم يرد وبجفه البشاره
انصاري قدوه بكل زمن
مضرب مثل وكت المحن
وفوا عهد لام الحسن .. وشاهد الطف ابجداره

بثبات اتقدموا صوب المنيه
و تهاووا مثل نجمات الثريه
نجم بالدم تحنه .. على عتبة خيمنه .. انصاري
. . . . . . . . . . . . . . . . . .


خادم اهل البيت عليهم السلام
عمار العيساوي الكربلائي





#لك_الفداء_سيدي_اباعبدالله
#خدر_الفواطم_لنشر_القصائد_الحسينيه

____
لمن يجد صعوبة بالحن اطلبه من


@moatmed2