2023-04-27 23:16:02
ماما حبيبتي ليه لازم أعمل كل حاجة باليمين
مش كل حاجة ولا حاجة.. في حاجات بنعملها بالشمال عادي.. زي دخول الحمام..
وزي تنظيف نفسنا بعد الحمام وقضاء الحاجة بردوا ..
يبقى مش كل حاجة باليمين..
إنما اليمين لكل ما فيه تكريم..
والشمال لما فيه إزالة أذى ..
وبنعمل كده حبيبتي عشان ده سُنّة عن رسول الله صلى الله عليه وسلم..
حبيبنا اللي بنحاول نقلده في كل شأنه..
ومن شأنه إنه كان بيعمل أي حاجة فيها تكريم باليمين
- عن عائشة رضي الله عنها، قالت:
- كَانَ رسولُ الله صلى الله عليه وسلم يُعْجِبُهُ التَّيَمُّنُ في شَأنِهِ كُلِّهِ: في طُهُورِهِ، وَتَرَجُّلِهِ، وَتَنَعُّلِهِ.
- متفق عليه
وكل ما هنتبع رسول الله صلى الله عليه وسلم أكتر.. كل ما هناخد حسنات.. وربنا يقربنا إليه أكتر وأكتر ويحبنا أكتر وأكتر..
عشان ربنا قال :
(قُلْ إِن كُنتُمْ تُحِبُّونَ اللَّهَ فَاتَّبِعُونِي يُحْبِبْكُمُ اللَّهُ وَيَغْفِرْ لَكُمْ ذُنُوبَكُمْ ۗ وَاللَّهُ غَفُورٌ رَّحِيمٌ)
يعني لو بتحبوا ربنا صحيح..
قلّدوني.. فربنا هيحبكم..
ربنا يرزقنا جميعا حبّه
#معلمةصفاء
#ركن_صافي
#أسئلةأولادنا
1.2K viewsام إسماعيل, 20:16
ت
