تربيه جيل الأمه

2021-08-08 15:46:13 .
الحلقة الثانية ( 2 )

نتعلم القرآن مع المصحف المعلم للمنشاوي


#سورة_الكافرون_والنصر_والمسد

.. الصفحة

مقطع الصوت

مقطع الفيديو

المصحف المعلم للمنشاوي باز کردن / نظر دهید

2021-08-08 15:31:08 باز کردن / نظر دهید

2021-08-08 15:30:35 .
الحلقة الاولى ( 1 )


سورة الفاتحة والناس والفلق والاخلاص. ..

.. الصفحة

مقطع الصوت باز کردن / نظر دهید

2021-08-08 14:39:35 5. بنتك في السن ده، نص طفلة، على نص كبيرة.. علشان كده، أي موضوع عايزة تتكلمي معاها فيه، لازم يبقى مغلف بالاحترام والتقدير ليها، يعني مينفعش تقللي منها.. بلاش تتريقي عليها وتستهزئي بأفكارها..

6. قوليلها خبرتك.. بس خلي بالك وانتي بتعملي ده، إنك مش ملاك، اديها التجربة على بعضها، بأخطائك.. بخطواتك اللي فشلتي فيها.. متعمليش دور المثالي علشان هتسد ودانها من أول لحظة.. اديها تجربتك وخبرتك البشرية الإنسانية..

7. خليها تحس إنك محتاجالها.. محتاجة مساعدتها أحيانا.. ومحتاجاها تتكلم معاكي وتشاركوا مشاعركم سوا.. لما تحس إن ليها قيمة وإنك محتاجالها، هتلاقيها، زي ما بتلاقيكي..

شاركيني أكتر حاجة لمستك؟؟..

ملحوظة: بعض بوستاتي ينفع تطبقي المبدأ بتاعها مع الولاد كمان، مش البنات بس، لكن مع اختلاف اللغة المستخدمة أو الأسلوب اللي توصليلهم بيه..

و متنسيش تعملي لايك و شير للبوست

#تربية_البنات
#تربية_البنات_الأيام_دي باز کردن / نظر دهید

2021-08-08 14:39:35 نحو تربية صالحة :
سبع حاجات بتعمليهم، بتطلع بنتك شخصية مستهترة
=============================
في بيوت كتير ، بنلاقي مراهقة قاعدة مبتعملش حاجة في حياتها غير إنها بتقلب في الموبايل..

في بيوت كتير، بنلاقي بنت مش شايلة مسؤولية ولا هم أي حاجة..

كتير مننا كأمهات وآباء طالعين من طريقة تربية مكانتش بتراعي المشاعر أو بتعتبرها حاجة ثانوية وحصل خلط رهيب بين الرعاية والتربية، علشان كده جيلنا قرر إنه يدي مساحة أكبر لولاده ومع المساحة دي، ولادنا أخدوا مكتسبات كتير، لدرجة إننا بقينا ندلع واحنا مش عارفين.. بندي كل حاجة وهما بياخدوا ومفيش تقدير..

طبعا مش كل المراهقات كده، ولا كل البيوت بتدلع.. بالعكس فيه بيوت فيها شدة زيادة وتدقيق رهيب..

لكن يبقى السؤال الأزلي، ازاي أربي بنتي ناجحة ومسؤولة وسعيدة وثقتها بنفسها عالية؟؟..

فيه حاجات محتاجين نوقفها و فورا، وحاجات تانية محتاجين نعملها.. والاتنين مش منفصلين عن بعض.. علشان نفهمهم كويس، لازم نربط دول ب دول..

أولا إيه اللي نوقفه؟؟

1. بلاش تشتغلي منبه.. لو انتي اللي بتصحي للمدرسة، وبتفكريها بالدروس وبمواعيد التمارين وبكل الحاجات المهمة اللي في حياتها، ولقيتيها بتفتكر مواعيد كل ال outings وأعياد ميلاد صحابها لوحدها، يبقى لازم تقللي شغلك ك منبه في بعض الحاجات.. خلي مخها يبتدي يشتغل شوية ب شوية، علشان زي ما بتفتكر الحاجات ال مش مهمة، تفتكر المهم كمان..

2. بلاش تلعبي دور المنقذ.. لما تكلمك من المدرسة وتقولك إنها نسيت ال assignment بتاعها، متجريش على المدرسة وتوديه لو هي دي عادتها كل مرة.. متعوديهاش على الاتكالية وإنها عادي تمشورك علشان هي مش في دماغها.. لكن لما تكون بطبيعتها ملتزمة ونسيت بالصدفة لأنها مثلا نزلت مستعجلة، يبقى توديه عادي.. غير كده، تتحما مسؤولية نسيانها..

3. بلاش تلعبي دور الشيف اللي بياخد الطلبات من كل فرد وينفذ لكل واحد أحلامه.. انتي بتطبخي ليهم كلهم ومتعوديهمش إن كل واحد ليه طلب والمفروض إنك كل يوم تطبخي 3 أو 4 طبخات مختلفين.. هتتعبي وتزهقي على المدى الطويل..

4. بلاش تشتغلي مدرسة ليها بعد جريد 6.. لازم تبتدي تعتمد على نفسها وتستعين بيكي فقط لما يكون فيه حاجة مفهمتهاش من المدرسة.. ولو فيه مادة كاملة هي ضعيفة فيها، هاتيلها مدرس.. بلاش انتي تلعبي الدور ده، لأنه مجهد وممكن يبوظ علاقتكم..

5. متكلميش المدرسين بتوعها بالنيابة عنها.. أولا بيبقى إحراج جامد ليهم لو هما فوق ال 12 سنة، إنك انتي اللي تتصلي بالمدرسين علشان هي عندها مشكلة عادية في المدرسة، لا تتطلب تدخلك.. ثانيا، هي بتتعود إن فيه بردو منقذ بيجنبها المشاكل أو بيخليها متواجهش مشاكلها وتفكر في حلها.. مطلوب جدا إنها تواجه مشاكل عادية في المدرسة وتفكروا سوا في حلها لكن هي اللي تنفذ.. لو فيه كارثة أو مشكلة كبيرة، ابقي اتدخلي.. غير كده، انتي دعم ليها وواقفة جنبها، لكن مش بتواجهي بدالها..

6. بطلي تغسليلها هدومها، لو هي رامية هدومها في الأرض في أوضتها، وراضية عن ده ومش مهتمة إنها تودي غسيلها في الغسالة، متلميهوش انتي من عندها أبدا.... الغسالات الأوتوماتيك مش محتاجة ذكاء ولا مجهودوتقدر تغسل غسيلها بنفسها..

7. بلاش تشتغلي الرادار اللي بيلاقي كل حاجة في البيت.. أسهل حاجة إنها تسألك "ماما، فين شراباتي.. فين بلوزتي.. فين البنطلون اللي خرجت بيه مع حبيبة من شهرين؟".. خليها تتعب نفسها شوية وتدور على هدومها وسط أكوام الهدوم اللي على المكتب أو على الكرسي..

ثانيا، إيه اللي نعمله؟؟

1. تواجدي دايما لدعمها وسماعها.. دورك ك أم و مربية، إنك تسمعيها من غير ما تقاطعي ولا تحكمي ولا تدي محاضرات طويلة.. دورك إنك تسانديها في قراراتها.. إنك تعلميها إزاي المشاكل بتتحل.. إنك تعلميها يعني إيه حياة، وتبقي جنبها في كل لحظة من لحظات حياتها، داعم وسند وظهر.. وده مش معناه إنك تعملي بدالها كل حاجة..

2. إنك تعلميها تخطط صح.. تساعديها في ال plans بتاعة المدرسة وتعلميها يعني إنها تخطط لحياتها من بدري علشان توصل للأهداف اللي هي عايزة توصلها.. تعلميها إيه هي الأولويات وازاي ترتبها..

3. ابدئي اشتغلي coach ليها، متاخديش قرارات بالنيابة عنها، لكن ساعديها بإنك تسأليها الأسئلة الصح اللي تساعدها إنها تاخد القرار الصح.. ده دورك دلوقت ك أم لبنت في سن المراهقة.. متفكريش بدالها..

4. ابدئي اشرحي الأمور الخاصة بطريقة منطقية وعلمية، زي الدورة الشهرية والتغيرات الهرمونية اللي بتحصلها وطبيعة انجذاب البنات للولاد وليه ده بيحصل، وازاي نحط حدود معاهم.. اتفرجي معاها على فيديوهات على اليوتيوب عن النواحي العلمية للتغيرات في السن ده بعد ما تشوفي الفيديوهات دي وتذاكريها الأول علشان تبقي عارفة إيه اللي ينفع يتقال وإيه اللي هيتأجل.. بنتك هتقتنع بكلامك لما يبقى منطقي، مش لما تخليه في صورة أوامر ملهاش سبب.. باز کردن / نظر دهید

2021-08-07 23:03:59 قال الشيخ ابن عثيمين رحمه الله تعالى :

ينبغي للإنسان أن يستعمل الرحمة في معاملة الصغار ونحوهم وينبغي له أيضا أن يقبل أبناءه وأبناء بناته وأبناء أبنائه رحمة بهم واقتداء برسول الله ﷺ .

أما ما يفعله بعض الناس من الجفاء والغلظة بالنسبة للصبيان فتجده لا يمكن صبيه من أن يحضر إلى مجلسه، وإذا رآه عند الرجال انتهره فهذا خلاف السنة وخلاف الرحمة .

( شرح رياض الصالحين ٢-٥٥١ ) باز کردن / نظر دهید

2021-08-07 23:03:38 قــال الإمام ابن عثيمين رحمه الله :

ينبغي أن يلقن الأبناء الأحكام بأدلتها: فمثلا :
إذا أردت أن تقول لابنك :

٠٠سم الله على الأكل ، واحمد الله إذا فرغت

٠٠فإنك إذا قلت ذلك ، يحصل به المقصود.

٠٠لكن إذا قلت : ( سم الله على الأكل ، واحمد الله إذا فرغت ) ؛

٠٠لأن النبي ﷺ أمر بالتسمية عند الأكل والحمد بعده ،

٠٠فقال : يا غلام سم الله ،هذا في التسمية ..

٠٠وقال : « إن الله ليرضى عن العبد يأكل الأكلة ويحمده عليها ، ويشرب الشربة ويحمده عليها » . هذا في الحمد ..

إذا فعلت ذلك استفدت فائدتين :

الأولى : أن تعود ابنك على اتباع الأدلة.

الثانية : أن تربيه على محبة الرسول عليه الصلاة والسلام ،

٠٠وأن الرسول ﷺ هو الإمام المتبع الذي يجب الأخذ بتوجيهاته ،

٠٠وهذه في الحقيقة كثيراً ما يغفل عنها ، فأكثر الناس يوجه ابنه إلى الأحكام فقط ،
لكنه لا يربط هذه التوجيهات بالمصدر الذي هو الكتاب والسنة .

القول المفيد على كتاب التوحيد ( ٤٢٣ / ٢ ) ]
.... باز کردن / نظر دهید