قصائد حسينية مكتوبة عامة

2021-10-06 17:14:19 يا علي ابن موسى الرضا
.................................................
حكي لو بيك هايم
عمك كمر هاشم
يا عشكي وسلطاني
.
كلشي فارك بالي
بس جرحك ضل غالي
معاشر ضل وجداني
.
بس بخدمتك / عمري كظيته
الساني اعلى غيرك /ما علميته
ساجني حبك / وكلبي اسيرك
اشما ضيعيته / يمك لكيته
.
بس وياك العشرة
تحلى يبن الزهره
يا هنيال اجروحه
الضاكت منك نظرة
..........................
ضامن دمعي دخيله
كل حيلي من حيله
كل محرم بيده
.
انت التدليني
وترسم خيمه بعيني
وحب الغيرة اتزيده
.
اليسعي للحب . انت التعينه
واني نخيتك . بروحي الحزينه
اطيني دمعة . لكافل خواته
اليم الشريعة . مصيوبه عينه
.
الشال اخته بعيونه
تنزف دم امتونه
وضل حاير دلاله
ياهو اليحمي اضعونه
................................
اكعد ابجي ابابك
واشتم ريح اعتابك
البيها جرح الوالي
.
عالضامي واخيامه
الما رحموها ايتامه
جرحك بعده يلالي
.
عمرك كظيته . تبجي لمصابه
الباكو حلاته . وثوب المهابه
ذاك جماله . وذيج الشهامه
ضلت حسافه . فوك الترابه
.
خليني بس انعي
وجفني مرافك دمعي
ولو مر طاري الضامي
ايدي اتشابك ضلعي
.................................................
خليني بس انحب
لغربة عمتك زينب
الفاركها ابو فاضل
.
مولاتي المهيوبه
خيمتها مسلوبه
عكب اجفوف الكافل
.
الدنيه شكبرها. ضاكت عليهه
من وصلت التل . وشافت وليهه
وين الكفاله. وين الهواشم
علويه عدكم . جتفو اديها
.
الما طلعت من خيمه
تركظ تالي بهيمه
ويلجم صوت الغربه
امن اتسمعه اهل الشيمه
.....................................
اليغفى فوك الهزله
وحاديه كتال اهله
تشبع ضيم اعيونه
.
الماله فزعة خوه
يمشي بهزله وكوه
الحسرة اتغير لونه
.
انت المهيج / حزن المصايب
هاك آخذ كلبي / عيشة بخرايب
دخيلك يضامن / كلفة وهضيمه
الجانت أميرة/ تغفى بترايب
.
تنوح وتبجي بهيده
جف الخوة تريده
غربة تحدي الخدر
عكب الكافل وايده
.
#عبدالله_الفريجي
.

الـقنــاة الـثـانيـة @Hassoun_10
قنـاة قصائـد حسينية @Alialoussawi
الركب الحسيني @aLRukab_313 باز کردن / نظر دهید

2021-10-06 17:14:03 يثامن آيه يعطر الرايه
يشيخ الگبه الامضوايه

ياخذني هواك بدروب الهيام
حبيتك امام والحب موكلام
اتسودني الذنوب واعليه تحن
تغسلني بضواك وارجعلك كطن

ياعلي ابن موسى امامي غرامي وهيامي
ــــــــــــــــــــــــــــــــــــــ
عشگتك دمعه تطيح ابسرعه
عله اللي انزوره بليالي الجمعه

شباچك مثل شباچ الحسين
بي اسمع ونين والگه اشگد حنين
ذكرك بي أُنس يعني انته الانيس
هم گلبك يحن لو صار الخميس

ياعلي ابن موسى امامي غرامي وهيامي
ــــــــــــــــــــــــــــــــــــــ
عذاب اجروحك يصاحب روحك
تهل ادموعك على مذبوحك

واتوصي البعيد واتوصي القريب
هايبن شبيب ابكي عالغريب
يالذاكر حسين كل صح ومسه
احزانك تهيج بس ابمجلسه

ياعلي ابن موسى امامي غرامي وهيامي
ــــــــــــــــــــــــــــــــــــــ
علي بن موسه هواك انبوسه
حضرتك جنه بشر متروسه

من ياباب اجيك كل بوبك أمان
ماآن الاوان يارب الحنان
وتختملي الجواز في هذه السنه
والطوسك اروح يايوم الـمـُنه

ياعلي ابن موسى امامي غرامي وهيامي
ــــــــــــــــــــــــــــــــــــــ
اريد اقرالك واعيش ابجالك
مثل اي خادم تحطني ابالك

ها يبو الجواد دليني اعله طوس
يم شمس الشموس ترتاح النفوس
كل نسمة هوه نعمه امن السماء
مشهد ياعلي تشبه كربلاء

ياعلي ابن موسى امامي غرامي وهيامي
ــــــــــــــــــــــــــــــــــــــ
دخيل اعيونك يتيم ابدونك
يلون الخدمه طبعته ابلونك

بالسم ياحرام كتلو چم امام
وتاليتك تموت ياعش الحمام
المأمون ابقصر وابابه الذهب
وايموت الرضه يادنيه العجب

ياعلي ابن موسى امامي غرامي وهيامي

محمد الجماسي

الـقنــاة الـثـانيـة @Hassoun_10
قنـاة قصائـد حسينية @Alialoussawi
الركب الحسيني @aLRukab_313 باز کردن / نظر دهید

2021-10-06 17:13:55 ((شوگ الرضا))





شوگ الرضا ماينحمل نشّدوّني عن شوگه
روحي اعله شباچه بگَت ياناس مخنوگه
وعيوني ماتبچي دمع يمكن خيم هلت
دخان احس بحسرتي وعيوني محروگه

حبيبي وشتياقي أله
يغالي ياخيم كربله
عشگتك ياعذاب الهزل
عفتني دربي مااندله

عشت بروحتك وبردتك حسره
تنضرلي واحس بنضرتك جمره

حبيبي يالرضا حبيبي يالرضا

*******

بالرغم ما آنه بعدم وما استحق حالك
بس انت حاسبني طفل من جُملةّ عيالك
توكلني بيدك سيدي وآنه اصفن بروحك
رازقني شوفت گبتك ومرتب بجالك

يجرحي ابابك وانتچي
بدمعتي يحلا بيك الحچي
واباوع گبتك بالسمه
واسمعك هايم اعله البچي

المناره تصيح مــن أتصيح ياعمه
جرحك ينزف حچايات ابو اليمه

حبيبي يالرضا حبيبي يالرضا

******

مديت اديه بحضرتك رايد جمر خيمه
ورايد اعيشن غربتك مولاي وبهيمه
يالدمعتك ليل اهدعش ومذعوره ايامك
كل لحضه مجلس للسبي ياسيدي تقيمه

تناشغ والمدامع حبل
هيامك صعدن عالهزل
رقيه خدهه ازرگ غده
بخدودك تلطم وما تمل

ليلك ينگضي وماتنگضي جروحك
عشت بكربله واعله النهر روحك

حبيبي يالرضا حبيبي يالرضا

*********

نشدوني عن زيارته وعن الكرم بيها
زوار ابو محمد ترى بروحه يغطيها
يابو الجواد برحمتك وكل زاير بخيرك
حتى الحمامه البالصحن انت التداريها

لگيته چلمه مالت عشگ
وعشگته وبمحبته احترگ
گلتله يالرضا المرتضى
احبك ياهواي الصدگ

يناموس السمه ومن حيلك انطيني
محرم باچر ورايد تگويني

حبيبي يالرضا حبيبي يالرضا

********

ودعتك وچان الدمع يحچيلك اوداعي
وهاجن جروحي سيدي وغطتني اوجاعي
شميتك بگلبي الغده مـــن فرگتك هايم
وبعتبتك گمت انحني هاك انشد اضلاعي

خطوتي بيه تمشي وترد
اتاني سيدي اعله الوعد
تردني والضريحك اجي
واموتن يمك وانسعد

هذآ آخر كلامي ومنيتي اقبلها
اريدن روحي يمك سيدي تحلها

حبيبي يالرضا حبيبي يارضا




عبد زينب
محمد الابراهيمي

الـقنــاة الـثـانيـة @Hassoun_10
قنـاة قصائـد حسينية @Alialoussawi
الركب الحسيني @aLRukab_313 باز کردن / نظر دهید

2021-10-06 17:13:22 الزهراء (ع) بعد فراق ابيها
_
فرقت عشرة عمر ليش يتراب الكبر
عافني الغالي ورحل

هوة الابو مثل الهوة واول هوة شميتة
لو لحضة عني يبتعد يموت الحنان ابيتة
من شفتة ناوي اعلة الهجر بنضرة فكد حاجيتة
عايفها المن فاطمة ماجاوب وبجيتة

ميت بروحي الصبر ليش يتراب الكبر
عافني الغالي ورحل

ليل الحزن اذة الكلب وصوت المدامع عالي
الفارك ابو يهوة السهر جلمة وتعيش ابالي
برمشة وحلم اه يالكبر تركض تدور الغالي
ردنة سوية نندفن وخابت جميع امالي

صعبة اتحمل هجر ليش يتراب الكبر
عافني الغالي ورحل

من والدي ذكرة بقت شبكة ومدامع هجرة
راح اغفة بس اعلة الجرح واصحة بونين وحسرة
شنسة يكبرة تحيرت وجانت طويلة العشرة
عشرتنة حلوة وللأسف فركتنة جانت مرة

يسعر بكلبي الجمر ليش يتراب الكبر
عافني الغالي ورحل

قصة ابو وبنتة عشت وهجرة فلا بحسابي
اذكر يجي لبيتي ويضل واكف يدك ابابي
بعدة احس يبدي الالم ويبدي عذاب مصابي
تلجمي سالوفة ضلع ويجلمني ليل عتابي

جروح الفراك اشكثر ليش يتراب الكبر
عافني الغالي ورحل

بيت الحزن من ينبني تبدي المدامع تكثر
عن فاطمة وين الابو بليل اليتم مايحضر
كلبي انكسر مدري الضلع بيش الكلب يتصبر
حتة علي ابخفية يون ياذي الهجر وتحير

كلبي مايقبل عذر ليش يتراب الكبر
عافني الغالي ورحل

ارجعلي ليلة ومن ترد انسة الحزن وعيونك
احضني خل اشتم دفو وخل اغفة فوك متونك
انسة الحجي وابدي اسألك يابوية كلي شلونك
عمري فلا اسمة عمر يالمصطفى من دونك

صعبة واعرف ماتمر ليش يتراب الكبر
عافني الغالي ورحل
__
سيد يوسف الشرع

الـقنــاة الـثـانيـة @Hassoun_10
قنـاة قصائـد حسينية @Alialoussawi
الركب الحسيني @aLRukab_313 باز کردن / نظر دهید

2021-10-06 10:46:02 ‏أيها الأرض اندبي نورَ السماء
غابَ مَسموماً خِتامُ الإنبياء . باز کردن / نظر دهید

2021-10-06 09:39:53 السَّلامُ عَلَيْكَ يا خِيَرَةَ اللهِ | #رسول_الرحمة باز کردن / نظر دهید

2021-10-04 14:55:34 وَ أَجْعَل رُوحِي تَرْتَدِي السَّوَاد، ‏حَتَّىٰ تَسْرَح
إِلَيْكَ فِي مَيَادِين الْمُعَزِّين..

#السلام _عليك_يا أبا_الفضل_العباس..



الـقنــاة الـثـانيـة @Hassoun_10
قنـاة قصائـد حسينية @Alialoussawi
الركب الحسيني @aLRukab_313 باز کردن / نظر دهید

2021-10-04 01:16:03 قناة بانتظار الموعود

‏إن رآئحــة الشوق عند اللقـآاء
‏كرائحة الأرض عند المطر !
‏لأن حياةَ الثرى ببعضُ المــاءِ
‏وكذلك تحيا القلـــوبُ بعِشق المنتَـــظر
‏
https://t.me/tme1997/62329
https://t.me/tme1997/62329 باز کردن / نظر دهید

2021-10-03 21:06:06 اللهم صل على محمد وآل محمد وعجل فرج قائم آل محمد عليهم السلام

للانضمام للدعم @Yamahdee255mddbot

قناة مجربات المعصوم محور 313
https://t.me/yamahdimdd255

قنوات دينية تستحق المتابعة

مجربات المعصوم @yamahdimdd255

قصائد حسينية @Alialoussawi

مجربات قرآنية صحيحة @weyuop

الفاطميات والزينبيات @xghiiohghjklbygetf

اه يا زينب @AilAilAilAilAA

بانتظار الموعود @tme1997

فانزة باسم الكربلائي @Alshaka12

شذرات @mahdi255at

لله مافي القلب @tsisjhd

يا رسول الله @fixg99

ثمرة النبوة @hope314

فريق دعم المقاومة @TM_313vd

شائق يتمنى @Ghildren

متى ترانا ونراك @zidwnhkf

ممهدون @mumahedon2002

قبسات من نور العاشقين @K_A_H_Z_1998

واقترب الموعد @AllNoor313

أسرار وخفايا أهل البيت @a_313gg

إحسان @EhsanO2O2

روح وغصن @Spirit313

عطر الورد @fatimati50

يا بقية اللّٰه @alhashdmahdaoe

اجعل لقلبك نصيب من السعادة @selenahmad

المناسبات الولائية @fatimahilal

شهداء على نهج الحسين @shuhada313

الركب الحسيني @aLRukab_313

ركن حب الله @A24434A

الأثر @Yaamahdi_20

طال الانتظار @hamsaAAS

سنحمل السلاح والقلم @slahnaa

قناة الزهراء سلام الله عليها @Ammaralhamedawi14

عشق علي @BESHUMAR_BUL_BESHUMAR

حبيبي حسين @vz1b3

كروب البرنامج المهدوي @mahdimdd_313

بريد المنتظرين @yamahdimdd255
: باز کردن / نظر دهید

2021-10-03 17:14:03 خيرة الإمام الصادق عليه السلام

@MM_AA255bot باز کردن / نظر دهید