علی جباری(علی معللیم)

2021-09-08 02:19:43 پیدایش زمین از صفر تا صد شگفت انگیز ترین ویدیو در حال حاظر
این ویدیو شما را میخکوب میکند
@blackeholes باز کردن / نظر دهید

2021-08-25 14:00:53 باز کردن / نظر دهید

2021-08-13 14:43:42 بوتون شعرلر بوردا دیر
دیلیمیزده درس دئییلیر
بو کانالدا
@alijabbarii باز کردن / نظر دهید

2021-07-25 00:44:08 آغلا آی خوزستان سنی قانیرام
منده ایللردیر سن تک آغلاییرام
بیلیرم گوز یاشین ندن اله نیر
چون یارامی گؤز یاشلا باغلاییرام

گؤرنده سوسوز چؤللرین فیلیمده
اورمو گؤلو سؤزه گلیر دیلیمده
سن تک چوخ دردلیدیر منیم ائلیمده
من های وئریب هاینی حاخلاییرام

گؤر سنین سویونو هایان آپاریر
منیمده میسیمی کرمان آپاریر
قیزیلیمی روس فیلان آپاریر
چالا یاراسینی من ساخلاییرام

سن نفتین اوستونده آجسان گؤرورم
بوگونه قالیبسان ندن بیلیرم
منده مین معدنله آجام اؤلورم
گئدن ثروتیمه یاس ساخلاییرام

منده سن تک او تهرانا ایشلیرم
اؤلمه دیریل بیر پول وئریر خشلیرم
گلیشمک یئرینه گئری باشلیرام
گور زامانی ترسینه چاغلاییرام

بئله نقشه چکیب او دشمن دنی
هدف بوشالتماقدیر سنی ایله منی
اؤز خالقیلا دولدورا بو بؤلگه نی
چوخداندیر بودردن من دیغلاییرام

قوجاقلا بالانی یانان خوزستان
منده چوخ بالامی ساخلیرام بوآن
سنینله دردلشدیم من آذربایجان
چارانین یوللارین دؤز یوخلاییرام


دردلشدیردی بیزی بو علی بالام
بئله بالام چوخدور اونا خوشحالام
بالالاریم قویماز بوحالدا قالام
دوشونن بالامی سوراخلاییرام

علی جباری ( علی معللیم )

@alijabbarii باز کردن / نظر دهید

2021-07-13 00:03:44 آی گئجه گوندوز
وطن ، دیلیم ، آذربایجان دیینلر

وطنین ، سئویملی اؤغلونون بیرینین واجیب پولا احتیاجی وار
بو تئزلیکده وئریلمسه زندانا گئتمه لیدیر

دئمه ین
وطنه جانیمی قوربان ائدرم
وطن جان ایستمیر
شعاردا ایستمیر
ایندی وطنه ، جیبیندن مایا قویماق ایستیر وطن پول ایستیر

گلین وطن بوروجونوزو وئرین
وطنین ، بیر سئویملی . وطن بیندیگی ، شاعیر بالاسینی
قویمایین پولدان اوترو زندانا گئتسین

هرکیم واقعا آذربایجانی سئویرسه
آز ، چوخ کمکلیک فیکری وارسا

بو آی دیلا
@AlijabbariAlimallim

منیم پی ویمه گلسین

بو ایشده قاباغا دوشنی تانیتدیریم


@alijabbarii

بونو ، تانیش دوستلاریزدا خبر وئرین باز کردن / نظر دهید

2021-06-15 16:10:16 سئچکی شعری باز کردن / نظر دهید

2021-06-10 09:48:08 بو سئچگی بازاری آچیلیب گئنه
گؤره سن بو میللت نه فیکیرلشیر
میللت کی آللانسین باشلانیب حیله
گؤره سن بو میللت نه فیکیرلشیر؟

کاندیدالارین سایی گلمیر اله
چیخا بیلمییجک ، او بیله - بیله
اولار بو میللتی چکیرلر چؤله
گؤره سن بو میللت نه فیکیرلشیر؟

گئنه دوشور عم اوغلویوق داواسی
یا شرکت ائدیب دیر، خالا نوه سی
های بیدیریقلا چالیشیر هره سی
گؤره سن بو میللت نه فیکیرلشیر؟

نه قدر کاندیدا دوشوب ایشلییه
رقابتی بیر - بیریله باشلییا
گؤر نه قدر پول گتیریب خشلییه
گؤره سن بو میللت نه فیکیرلشیر؟

آیلیقلا ییغاجاق خشلنن پولو؟
یقین ایری یولدان تاپاجاق یولو
چون آزاد اولاجاق ساغی هم سولو
گؤره سن بو میللت نه فیکیرلشیر؟

دئییرلر قاباقدان توتوب نییت
یازیلیب یازیلار اولونوب قسمت
بونو بیله - بیله نه دیر رقابت
گؤره سن بو میللت نه فیکیرلشیر؟

چوخو بیلیر سئچگی اولوب اویونجاق
هانسی گوجله درده چارا قیلاجاق
اودا حتمن اؤز فیکرینده اولاجاق
گؤره سن بو میللت نه فیکیرلشیر؟

سئچیلنین باش ایمک اولوب ایشی
اؤزو بیلیر یوخ قیرانجا ارزیشی
بئله گئدیر بو اؤلکه نین گئدیشی
گؤره سن بو میللت نه فیکیرلشیر؟

سئچگی گؤزلدیر آزاد اؤلکه ده
دئمک اولماز بیزه گلدی بلکه ده
بئله سئچگی ساخلانیلا سرکه ده
گؤره سن بو میللت نه فیکیرلشیر؟

گؤر بو میللت داها ، نه گونه قالیر
چوخو واردیر بیر ناهارلا رای آلیر
هله چوخو تک خودکارا رای سالیر
گؤره سن بو میللت نه فیکیرلشیر؟

مملکتی یوخسوللوق لاپ بورویوب
اینسانلاری درد الیندن چورویوب
سئچیلنلر هانسی حاققی قورویوب
گؤره سن بو میللت نه فیکیرلشیر؟

سئچیلنین واردیر اگر قدرتی
مگر گؤرمور بیر بئله مصیبتی
قاباقکیلارین یولودور نییتی
گؤره سن بو میللت نه فیکیرلشیر؟

حایف او کاغازلارا کی گورلانیر
چوخ شکیللر هاوالاردا فیرلانیر
گئت به گئتده ،سئچگی آدی بله نیر
گؤره سن بو میللت نه فیکیرلشیر؟


میللت اومودلانیر گئنه آللانیر
چوخو گلیر بیر مقامدا ساللانیر
او مدتده یاخشی ییغیر پوللانیر
گؤره سن بو میللت نه فیکیرلشیر؟

بو میللت باشینا یاغیر مصیبت
تک سئچگیده یادا دوشور بو میللت
بومیللتده ، علی ائتمه بیر، عبرت
گؤره سن بو میللت نه فیکیرلشیر؟

گؤره سن بو میللت نه فیکیرلشیر؟

علی جباری ( علی معللیم )

@alijabbarii باز کردن / نظر دهید

2021-05-29 21:56:25 دوستلار

سیزلرین ایچینده
هر کیمین ، تویِ ، یا ، باشقا مراسیملرینده، من شعر دئمیشم
یا
بیر تؤره نده ، من شعر دئینده ،

فیلم گؤتوروب ،
یا بیر جور الینه چاتیبسا
ایندی
الینده واردیرسا

حتمن ، حتمن
اونو لطف ائدیب ، منیم بو آی دیملا

@AlijabbariAlimallim

پی ویمه گوندرسین

اونو پایلاشاق هامی فایدالانسین

علی جباری ( علی معللیم ) باز کردن / نظر دهید

2021-05-21 21:37:49 ساخلایجی:
یاتان میللت اویاندی

ظولمودن سوموگه پیچاق دایاندی
شوکور آللاه یاتان مللت اویاندی

چوخلو زامان نه لر دئدی، دینمه دیک،
حاقیمیزی کالان یئدی، دینمه دیک
قورخاق باخدیق، دئدی ندی؟ دینمه دیک
دؤزدوک دئدیک شرط ادبه اینساندی
شوکور آللاه یاتان مللت اویاندی

کارخانالار گئتدی شیراز، اراکا
اصفهان ، کرماندا قاخدی افلاکا
فارسستان آباددیر تورک یئر متروکه
بیلن یاواش دئدی تبریز یوباندی
شوکور آللاه یاتان مللت اویاندی

دئدی ایران فارس، یوخ ، آیری دیل ایندی
بیلمه دی ، هرکسین دیلی شیریندی
تورکون دیلی فارسداندا چوخ دریندی
فاشیستلر تحمیل گوجه قارلاندی
شوکور آللاه یاتان مللت اویاندی

تورک خالقینی گؤردو دیلسیز جنازه
کی وئردی قزئته بئله ایجازه
تورکو سوسک ائدیب قویدو لوغازا
فارسدا شوونیزلیغا، قانان ایناندی
شوکور آللاه یاتان مللت اویاندی

تورکه توهینین ، آلمادی قاباغین
ندن باغلامادی ، تخته ، تاباغین
بئله داشیریتمازدی ذیللت چاناغین
ذلیل باخماز اوکی غیور جاواندی
شوکور آللاه یاتان مللت اویاندی

خردادین بیرینده تورکلر آییلدی
آذری یوخ تورک مللتی ساییلدی
دولدو گوچه لره، سس لر یاییلدی
قورخمادی بو نیرو ویژه یگاندی
شوکور آللاه یاتان مللت اویاندی

بیر میلیون اینسانین قاخدی نواسی
دای مللتین یوخ بیر کسدن هراسی
تیتره دی بوگونده ظولمون بیناسی
شهرلر تیتره دی یخان طوفاندی
شوکور آللاه یاتان مللت اویاندی

مللت دئدی کیملیگین بیلن دئییر
آی شوونیزم منیم دیلیم اؤلن دئییل
قانمالیسان باشقا دیله چونن دئییل
فاشیست فارس، ائرمنی تورکه دوشماندی
شوکور آللاه یاتان مللت اویاندی

آذربایجان ایگیدلری اویاخدی
بو چوخ شیرین اؤز دیلینه دایاخدی
بوگون مللت بیر اود الو بوراخدی
حاققی آلینجان بو اود داها یاناندی
شوکور آللاه یاتان مللت اویاندی


علی جباری ( علی معللیم )

بوشعر 85_ده خردادین بیری گونو یازیلیب


@alijabbarii باز کردن / نظر دهید

2021-04-08 00:12:03 دوستلار
اوستون ، موفق خالقلار اولاردیلار کی ،
اؤز وارلیقلاری اوچون چالیشیرلار .
اؤرنک

انگلیس دیلی ، ائله بئله سینه دونیا دیلی اولمایب ، او دیلین صاحیبلری چالیشیبلار
ایندیکی زیرویه چاتیبلار ...
یا
فارس دیلی ایراندا باشقا دیللری اسیر ائدیب قالیب دیل اولوب ، اودا فارسلارین چالیشماسی اثرینده اولوب...

ایندی بیزیم بوینوموزا دوشن یوک ، بودور
بیزده
اؤز لیاقتیمیزی گؤسترمه لییک
دیلیمیزدن وارلیغیمیزدان حمایت ائتمه لییک
اونا گؤره ،
هاردان فرصت تاپیریق ، اوردان گؤزل فایدالانمالییق
بو مکتبسیز واختیمیزدا. آسیمیلا باسقیسیندا اولان چاغیمیزدا ،
ایندیکی بو مجازی دونیا فرصت یارادیب ، فرصتدن فایدالانان ، بو یازین انجمنی بئش ایلدیر اؤزونه بیر گؤرو ، وظیفه اولاراق ، اؤز دیلیمیز ، اؤز ادبیاتیمیز اوچون چالیشیر.
الیندن گلدیگی قدرده یاخشی فایدالی ایشلرده گؤروب ، هابئله گؤروجکده
آنجاق
تعطیلات بیرآز انجمنی ضعیفله دیب
ایندیکی
تعطیلات قورتاریب داها ایش واختی دیر

گلین یازین انجمنینی یئنه اؤز میللی گؤروینده ، وظیفه سینده گوجلندیرک

او گوجلندیرمکده ، دوشونن . قانان آداملارین ، هامیسینین بوینونون بورجودور

اللری چاتان ، هر یاندان دیلیمیزی . ادبیاتیمیزی سئونلری بورا توپلایب .
یئنی یئتمه لره ، دیلیمیزین ماراقلیلارینا ، اؤز دیلیمیزی ، اؤز ادبیاتیمیزی اؤیرنیب ، اؤیرتمک اوچون یاردیم ، کمکلیک ائده لر
هرکیم
بو بالاجا بیر ایشیده گؤرمسه واقعا اؤز وارلیغیمیزا ، اؤز کیملیگینه بؤیوک خیانت ائدیر
هئچ باهانایا یئر یوخدور

علی جباری ( علی معللیم )


https://t.me/joinchat/QHeYpeNwP06oXZ0P باز کردن / نظر دهید