جمرات الطفوف

2022-08-17 00:18:55 شور للسيده زينب ع

يازينب. . يازينب
يازينب. . يازينب

يالغريبه شلونج
ذابلات عيونج
ومنخطف يالونج
والكلب متصوب

شوفي وين عيالج
لاتطيح اطفالج
والوكت هد حالج
والدمع دم يصب

شوفي راس حسينج
ينظر ويبچيلج
عليهم الله يعينج
وابجمر يتلضب

شلون من طبيتي
السوك من دخليتي
والطبل سمعيتي
والدمع منج صب

شلون ويضربونج
وبالحجر يرمونج
ماجن يعرفونج
والرمش شيب

جم طفله دفنيتي
وبغربه تركيتي
وياضيم حمليتي
كلبج اتعذب


https://t.me/almosoy2 باز کردن / نظر دهید

2022-08-16 17:38:17 نعي للسبي


وينه اخوي الي كفلنه
عباس اريده يفزعلنه
اريد اليوم يردلنه ضعنه

عباس ماشاهد احوالي
والضيم من بعده صفالي
امشي يسيره ترضه تالي

اكعد يبو الغيره ونوماس
شوف شجره بحالي يعباس
تتفرج علينه الزلم والناس

مهظومات ضلينه بلياك
يالغالي مشتاكه لحجاياك
وترد عليه واكعد وياك

مشتاكه روحي كون الاحباب
يلفون ليه بساع الاطياب
كلبي بهظمته تفطر وذاب

افزعلي يالمهيوب اريدك
انكطعت ياوسف يالوالي ايدك
عباس كوم انظر عضيدك

مرفوع راسه فوك السنان
وبجسمه كل الطعن والزان
واحنه مشينه وي عدوان


ام زينب السعداوي /ناصريه
https://t.me/almosoy2 باز کردن / نظر دهید

2022-08-14 13:47:29 سبي زينب





شمالك جرجرت زينب بالاحبال

بنت المرتضى يجتفوها الانذال



شمالك ياشمر وي العقيله
عيون المرتضى هيه ودليله
اليتجره عليها الف ويله
من راح الولي خابت الآمال


ليش تعمدت تاذي الحره
مهظومه اصبحت تسجب العبره
تشوف عزازها سكنو الغبره
تنادي راح كل عزي والدلال


لاتاذي الحره لا تجرها
تباري عيال اخوها ياصبرها
وسياطك تره ورم ضهرها
وتنادي انغرو يهلي والدمع سال


شمالك جرجرتها لاتأذيها
من كثر المصايب حيل مابيها
عين على الحرم عين على واليها
مالوم الكلب. والدمع همال



اه وويل لمصابج يحره
شفتي الضيم يابضعه الزهره
خلصتي اه وي حسره
الله يساعدج يجبر الدلال



ام زينب السعداوي ناصريه



https://t.me/almosoy2 باز کردن / نظر دهید

2022-08-12 14:23:06 هوسه جنوبيه للدفنه

السجاد لمن رد لعمته
محني الظهر حاني ركبته
يكلها ابوي توني دفنته
والكيت متوذره جثته
لني بحصيره انه جمعته
وابجيت وبحركه ندهته
ماتدري بالصار وخبرته
اعله السبي وشصار بخته

زينب ايست من دفنو حسين
صاحت مايرد بعد النه الحنين
لطمت عالوجه والدمعه بالعين
تكله شلون دفنه بدون تجفين
وشلون الغريب يغمض العين
وبلا راس جا دفنيت الحسين

مايرجع النايم جوه الترابه

ام زينب السعداوي /ناصريه
https://t.me/almosoy2 باز کردن / نظر دهید

2022-08-10 16:10:50 زينب تعاتب الزمن في درب السبي





مالت الدنيه وتهدم حيلي
وانه من ضيمي صحت ياويلي،






مالت الدنيه وخذتها احبابي
خذت مني اهلي واعز اطيابي
بس حزن ضل اليدك ابابي
يادهر عن المشو احجيلي







احجيلي يادهري الاحباب شلونهم
وين راحت عني ذيج اعيونهم
وانه ضليت بمهظمه دونهم
اه يادمعتي من دم سيلي







الفاكد احبابه بعد شنهو الحياة
يضل ينعه اعزاز كلبه للمماة
وانه ضلت عندي احلى الذكريات
بعد يادنياي اكثر ميلي







ميلي اكثر بعد شخسر بالعمر
الراح مني حسين وانه شأنتضر
هو واخوانه مثل نسمه التمر
وضاك بيه النفس وسط دليلي






ضاك بيه الكون واشتد الالم
من تجيني الذكرى وي راعي الشيم
ابقه بالونات والحيل انهدم
اه ياديادهري اليزيد عويلي





ام زينب السعداوي ناصريه




https://t.me/almosoy2 باز کردن / نظر دهید

2022-08-10 11:24:20 وفاة الكاظم ع
طور
((حضر عيونك للسهم))

حديث الكاظم مع عمته زينب ع




من شدو بأيدي الحبل. ياعمة
تذكرتج انتي عالهزل
يا عمه
لمن مشو يضعوني
جن انتم تماشوني
وعليكم دموعي تهل
ياعمه
-----------------
من طلع ضعني من الوطن
يا زينب
بدموع واهات ومحن
يا زينب
والضيم غير لوني
وانه العده يأذوني
عيني تصد على الاهل. يازينب
جن كلبج بهايه. ذبل
يا زينب
مثلج ادير عيوني
لأهلي من يودعوني
وعليكم دموعي تهل
يا عمه
-------------------
من امشي وناتي علت بالهضمه
وعيوني هلت وبجت بالهضمه
لن بالسجن خلوني والتعب غير لوني
مثل الخرابه انه اكعدت
بالهضمه
على الترايب واسجدت
بالهضمه
شدو أدي عدواني
بالسلسله واذوني
وعليكم دموعي تهل
يا عمه
------------------
بطاموره عمه مظلمه. ياويلي
وبالسلسله مجتوف انه. ياويلي
حتى الخرابه ابالي. ويلي وتغير حالي
شتحمليتي من اليسر. ياويلي
وشلون بسياط الزجر ياويلي
واطفالج تلميها. والسوط اثر بيها
وعليكم دموعي تهل ياعمه
-----------------------

من نمت عمه عالترب. بدموعي
اتذكرت حالج صعب. بدموعي
جاكلبج شيتحمل. ودلالي ينزف دم ضل
رغم السجن اكضي الوكت بدموعي
بحسراتي ودموعي التكت بدموعي
حرمه منو يباريها. بس العده توليها
وعليكم دموعي تهل ياعمه
----------------------
من سممو جبدي العده يالحره
تذكرتج اخوج ومنحره يالحره
من صوبو دلاله. والسهم غير حاله
من السم الوج تحيرت يالحره
وبس العده بيه شمت يالحره
عمه بحقد شالوني. وعلى الجسر خلوني
وعليكم دموعي تهل ياعمه
----------------------

وين العشيره تنادبو هالوادم
جاليش ميت مادرو هالوادم
صاحو عليه العالم. هذا الغريب الكاظم
والغربه شيعولي النعش هالوادم
عالجسر يانعشي انفرش هالوادم
ردت الاهل واحبابي. تحضر الليله مصابي
وعليكم دموعي تهل
-----------------
ام زينب السعداوي. ناصريه

https://t.me/almosoy باز کردن / نظر دهید

2022-08-08 12:22:00 هوسه للعاشر




خايب لاتدير حسين خله على الارض مطروح

بي كثره تراهو هواي ولك يا شمر كله جروح

تذبحه ليش هذا حسين لجده الهادي روح الروح

خايب يا شمر عوفه دمه على الترب مسفوح

نزل راس ابو السجاد بناته عليه تون وتنوح

افجعتهن ياجسر من الله لا ينطيك

ما ضلت حميه ولاكو رحمه البيك

غضبت الله ورسوله وربك يجازيك

من لحيته لا تجره لا يفز عباس ليك

مو نحرك يكطعك وبس يوذرك من راسك لرجليك


خلي ابو اليمه ولينه هالحراير تنتخيك

نزل الراس افجعتنه من نعلت الله عليك

:؛-------+++++------++++++++


((من شلت راسه ياشمر والله انمرد دلالي)))



ام زينب السعداوي


https://t.me/almosoy2


هذا الحنين حسين اخونه الغالي

هذا ابو الاكبر لا تخيب امالي

للدار نرجع كلت راسي عالي

نزل الراس من الرمح مو شيبه ضل يلالي

حتى بذبحته ومنحره بعيونه ضل يبرالي

وانه على مصابه تره عيوني عمت الغالي



ام زينب السعداوي



https://t.me/almosoy2 باز کردن / نظر دهید

2022-08-08 01:20:26 لطميه فزاعيه للعاشر


سمعيت. خويه ونتك
(( منها تهدم حيلي))

من الخيم جيتك ركض
ولكيتك تون عالارض
كتلك يبعد اهلي انتهض
يالهدمتلي حيلي

ولكيت جسمك عالثره
وجروح كثره مسطره
والعدو ذبحك ناطره
حيل اصرخت ياويلي

يالنايم بحر. الترب
خليتنه بين الغرب
انخاك ودموعي تصب
بس اكعد واحجيلي

لمن لفه ليك الدعي
كتله اخيي عوفه لي
دفعاني ودموعي تهلي
واصرخت عوف الغالي

عميانه عيني من القهر
والنوب اجه ليك الشمر
بيده يحز ضل النحر
وادماك كلها سيلي

شالو الراس على الرمح
والجسد بي كثره الجرح
ودماك ضلت تنسفح
والحرم بس توميلي

والنوب الخيول الاجت
حيل وعلى الصدر ادبجت
كم وذره منك شلعت
وظهري انكسر ياويلي

ام زينب السعداوي

https://t.me/almosoy2 باز کردن / نظر دهید

2022-08-07 11:28:30 على طور
(((( انه رمله وكلبي ذاب
ابجي دوم على الشباب
الفاركونه ))))



زينب ع تفتقد الرباب وتخرج في ضلمة الليل تبحث عنها تجدها عند طفلها الرضيع








انه ادور والرباب. كاعده تون عالتراب
كاعده تون عالترباب
رايده ابني



طفل وبحضني انومه لو يجي الليل
وانه الوليله ودمع عيني يسيل
مثل ضي الكمر وجه ابني جميل
اه يازينب تكلها تهدم الحيل
شلون احمل هالهظام
وصورته بكلبي تنام.
صورته بكلبي تنام
رايده ابني.



يمه لا تغفه على بختك در حليبي
جيتك وضنيت ترضع ياحبيبي
انته لجروحي دوه وانت طبيبي
ردتك ليوم الكبر وايام شيبي
مارحم دهري وخذاك
طفل ويلي روعاك
كون اموت انه وراك
رايده. ابني





يبني اكعد لاتغمض عيونك
كلي يايمه يغالي شلونك
ليش اشوفنك تغير لونك
والله ردت الموت يبني دونك
يالعفتني للونين
زايد بكلبي الحنين
يضل دلالي حزين
رايده ابني



يمه اهزن والمهد ضل خالي
وانه يمه الضيم صاير حالي
الدمع بعيوني يبني يلالي
يالجنت فرحه وثمر دلالي
كوم يمه من التراب
كلبي صوبته صواب
شلون اشوفن هالخضاب
رايده ابني



ها يزينب شلون اروحن وابني عالكاع
شلون اعوفه وسهر ليلي والتعب ضاع
هدم حيلي اليوم حاله وحاني الاضلاع
كوم يبني لا تذبها امك بساع
شلون ارجع للخيام
والكلب كله هيام
والولد عني ينام
رايده ابني



ام زينب السعداوي
ناصريه

https://t.me/almosoy2 باز کردن / نظر دهید

2022-08-07 11:28:25 نعي للرضيع
عندما ذبح الرضيع اخذ الحسين ع يكلمه
بكلمات
يكووول. بويه



يبني يعبدالله دللول
نايم وكلبي عليك شيكول
خافن يبويه نومك يطول
وانه اضل بعدك اتحسر



يبني السهم من صاب نحرك
بكلبي احفرت يالولد كبرك
خاف امك وليدي تنضرك
ودلالها منها يتفطر


بويه افتح عيونك عليه
بصوابك احس جتني المنيه
لحالك صرت اصفك بديه
وانحب واكول شلون اصبر



شصبر يبويه وتنشف العين
وشلون ارد للخيم هالحين
ولو ردت ارجعك للنساوين
بيا عين امك ليك تنضر




لو شافتك والكلب مفتوت
خافن يبويه امك تموت
وتصيح بأعلى ونه وصوت
شذنبك يكطعونه المنحر






ام زينب السعداوي
ناصريه




https://t.me/almosoy2 باز کردن / نظر دهید