2022-06-04 12:51:10
شور للعباس على طور
(يمه زينب وين وداج الزمان )
---------------------------------
يبو فاضل حركو علينه الخيم
يبو فاضل كوم ياراعي الشيم
هجت العايله. يبن عقد الوله
---------------------------------
بالدمع صاحت. زينب وناحت
كوم يالمظلوم شاهد حالتي
حركو خيمنه. وزيدو همنه
سلبوني ياكفيلي ومهجتي
بالمدامع صاحت بونه والم
بالمدامع كوم ياراعي الشيم
وشكثر حامله. يبن عقد الوله
---------------------------------
ذاب دلالي. هجت عيالي
صرت ادورها يخويه ومالكيت
سحكت عليها. خيول اعاديها
يم ايوها المنذبح سكنه هوت
والمصيبه بلا محامي ولاكفيل
والمصيبه مابقه غير العليل
وايده مزنجله. . يبن عقد الوله
---------------------------------
بس حرم واطفال. ضاعت الامال
والهظيمه ياكفيلي من شفت
فوك راس سنان. روسكم تنشال
شاغت الروح وعليكم دم بجيت
بس يتامه تبجي وتنوح بهظم
بي يتامه نومه ياخويه الزلم
وانه المدلله. . يبن عقد الوله
---------------------------------
اشتكي همي. واستمع هظمي
يالجبتني بالكفاله لكربلا
حركو خيمي. كوم يبن امي
ضلت بلا خيمه هاي العايله
بلا محامي. ليله وحشه ومظلمع
بلا محامي وين حماي الحمه
واحضر العايله . يبن عقد الوله
---------------------------------
لو تناشدني. بحزني وهمي
اكضي هليل الطويل بدمعتي
وانت عالغبره. واجذب الحسره
نار ياعباس تطلع حسرتي
والاعادي ملرحم حتى الطفل
والاعادي حضرو نوك الهزل
ياهظم احمله. . يبن عقد الوله
---------------------------------
ام زينب السعداوي/ناصريه
https://t.me/almosoy2
90 views09:51