يا خيمه بيها شگد بشر .. وما عندك خيام گلبك يشيل شگد خَدَم .. م | مهدي التقي
يا خيمه بيها شگد بشر .. وما عندك خيام
گلبك يشيل شگد خَدَم .. ما همّتـه اسـهام
حسين .. ما تطرد أحـباب
حسين .. يالما تِسِــد باب
ـــــــــــــــــــــــــ
يا منذبح يابو الهلا .. ياخيمه اسمها كربله
چبير
واليدخل بهالمملكه .. للجنه يصبح مسلكه
چبير
رغم السهام الطاحن بلگبـك
تنزف دمــاء وللخـدم حـبك
للجنه يمشي اللي مشه ابدربك
اشكبر السفينه انطاها الك ربك
وانطيت لـ الله وگال إخذ .. شتريد يحسين
يا طايح وعن شيعتـك .. لا مــا درت عين
حسين .. حاسبنه الاصحاب
حسين .. يالما تِسِــد باب
ـــــــــــــــــــــــــ
امحيّر عوالم عالمك .. سلطان عايش خادمك
وين
وين الـ يِلِم وبمصرعه .. اوصاله كلها امگطعه
وين
يابو الفياي اعله البشر كلها
بآخر الدنيا الخـَدَم تندلها
احباب الك ماعاش اليـذلها
شرّاي دمعه الدمعه تقـبلها
يا بو الچفوف الطايِحَه .. وفاتح ذراعين
يا أبو وما يحصل أبـو .. مثلك يلحسين
حسين .. ها يبن ابو تراب
حسين .. يالما تِسِــد باب
ـــــــــــــــــــــــــ
هالنعمه تحتاج الشكر .. أيام موش من العمر
شوف
وشلون نعمه امحرّمك .. ليوم اربعينك نخْدِمَك
شوف
شكراً على النعمه الحُسيّنيّه
صــارن محــرم و اربعينيّه
بيهـا الحوائج كلهـا مگضيّه
شمسوّي بالوادم يبـو إرقيه
رافــع الـوادم للسـمه .. وراسك عله اسنان
يحسين ياماي العذب .. بس انته عطشـان
حسين .. جرحك ولا طاب
حسين .. يالما تِسِــد باب
ـــــــــــــــــــــــــ
نعمة المشايه اشكُبُر .. من العام نحسب ننتظر
ليك
هذا اللي حضّرلك عَلَم .. ذاك الذي حضر جدم
ليك
و إجدام تنطر ساعة الرحله
يحسـين يابعـد العشـگ كلّه
العافك گضاها ابعيشة الذله
هوه الجنون وياك بس يحله
يابو علي وداعت علي .. المـثلك مينعــاف
تنحجب مرات السمش .. بس انته تنشاف
حسين .. نـورك ولا غــاب
حسين .. يالما تِسِــد باب
ـــــــــــــــــــــــــ
عاين خَدَم مشايِتَك .. أمْـن وأمـان ابصايتك
دوم
شوف المواكب تنصّب ..طبّت الحُر يمك تطب
دوم
الله .. يا نعمــة المشـايه
كون الله يحفظ هالنِعَم هايه
ولا ننحــرم من رفّت الرايه
من عدنه اخذ يابو علي حچايه
هاي المواكب للحشـر .. بالجنّـه ويـاك
يحسين هم نروح إلك .. ممشه إنتعنّاك
حسين .. ندخل لك أسراب
حسين .. يالما تِسِــد باب
ـــــــــــــــــــــــــ
مهدي التقي
