ادوية طبية عامة 💊💉💕❤

2021-08-06 14:58:59 Glasgow coma scale ( GCS ) (For adult)

الـ GCS يستخدموا علمود يقيسون مدى وعي الانسان سواء بعد التخدير العام GA او بالمرضى الي يعانون من traumatic brain injury وغيرها من الحالات
الـ GCS نحسبه من خلال جمع 3 مراحل وهي :-
فتح العين eye opening وعليها 4
الاستجابة اللفظية verbal response وعليها 5
الاستجابة الحركية motor response وعليها 6
فيصير المجموع 15
طبعاً اعلى درجة ممكن نحصلها هي 15 من 15 واقل درجة ممكن نحصلها هي 3 من 15 لان في حال ماكو اي استجابة بمرحلة معينة ننطي درجة وحدة فقط وليس صفر وهسه راح توضح اكثر بالشرح ادناه :-

فتح العين Eye opening :-
اذا المريض فاتح عينه بشكل تلقائي Spontaneously هذا ننطي 4 من 4
اما اذا كان المريض مغمض ويفتح عينه بعد ما طلبنه منه بالايعاز الصوتي وليس بشكل تلقائي منه يعني الا احنه نصيحله وليس مبادرة منه وطبعاً من نسكت راح يسد عيونه فهذا ننطي 3 من 4
اما اذا المريض ما يفتح عينه الا تسويله pain معين يعني مثلاً تكرصه او تضغط على اصبعه يعني هيج شي فهذا تنطي 2 من 4
اذا سويتله كل ذني وما فتح عينه يعني ماكو استجابة فهذا تنطي 1 من 4

الاستجابة اللفظية Verbal response :-
اذا المريض واعي ومن تحجي ويا يجاوبك بشكل طبيعي وبشكل واقعي واجابات صحيحة فهنا تنطي 5 من 5
اذا المريض مو كلش واعي ومجاي يعرف يوصل للجواب الصحيح يعني يسمعك ويحس بيك بس من تسأله ياخذله صفنه يعني مو كلش واعي فهنا ننطي 4 من 5
اما اذا المريض يجاوب بشي بعيد عن السؤال يعني تسأله انت شسمك يجاوبك ويكلك بيتي بالبصرة يعني جوابه مو يم السؤال فهنا ننطي 3 من 5
اما اذا المريض يطلع فقط اصوات غير مفهومة يعني ما تكدر تفهم منه كلمة فهنا تنطي 2 من 5
اذا سويتله كل ذني وماكو استجابة فهنا ننطي 1 من 5

الاستجابة الحركية Motor response :-
نطلب من المريض انو يحرك ايده او رجله او يشيل راسه فاذا يطيع الامر Obeys وينفذ بشكل جيد فهذا ننطي 6 من 6
اذا ما استجاب نحاول نسويله pain مثلاً نكرصه فهنا اذا مد ايده على مكان القرص ننطي 5 من 6
اما اذا كرصته بأيده مثلاً وسحب ايده يعني ما يمد ايده على مكان القرصه مجرد فقط جر ايده فهنا ننطي 4 من 6
اذا سويتله pain وسوه Flexion بشكل غير طبيعي فهذا ننطي 3 من 6
اما اذا سويتله pain وسوه Extension فراح ننطي 2 من 6
اذا سويتله كل ذني وماكو استجابة حركية فهنا ننطي 1 من 6

#Hussein_Taher باز کردن / نظر دهید

2021-08-06 14:53:09 ملف كامل اللأدوية المستخدمة في ردهات الطوارئ باز کردن / نظر دهید

2021-08-03 09:52:04 - حاول وحاول ، إياك والتوقف - قِف لِـ وحدك ،
وكُن قوياً .... باز کردن / نظر دهید

2021-08-02 09:53:13 Drugs to be used with extreme caution in renal failure :-

β-Blockers
ACE inhibitors
Potassium-sparing diuretics
NSAIDs
Angiotensin antagonists
Antimicrobials (aminoglycosides, ciclosporin) باز کردن / نظر دهید

2021-08-01 08:12:52 ما خُلقنا لنفشل ، ما خُلقنا لنسقط ، خُلقنا لنكون عظماء ، لنكون أسياد أحلامنا ، لنراها واقعاً يفرحنا باز کردن / نظر دهید

2021-07-28 19:55:54 اذا منطقة معينه بالجسم بيها infection اكدر انطي Local anesthetic لو لا ؟

قبل منجاوب على السؤال ناخذ نظرة سريعة على الـ Local anesthetic

الـ Local anesthetic تمنع الاحساس بالألم عند منطقة معينة بالجسم عن طريق تثبيط قنوات الصوديوم وخروج البوتاسيوم لذلك راح يتم منع التوصيل الكهربائي بالأعصاب الحسية فراح تلغي الاحساس بالألم .

ونكدر نحجيها بصيغة اخرى :-

الـ Local anesthetic راح تسوي block لقنوات الصوديوم وهذا راح يؤدي الى منع الزيادة العابرة في نفاذية الغشاء العصبي إلى الصوديوم المطلوب لحدوث جهد فعل .

شوكت نلجأ الى الـ Local anesthetic ؟

تكون العملية بسيطة وسريعة يعني تخدير منطقة معينة بالجسم ومتحتاج تخدير عام GA .
تكون العملية متحتاج استرخاء للعضلات او فقدان للوعي .

شلون نكدر ننطي الـ Local anesthetic ؟

Topical administration
ننطي بشكل موضعي , يعني نخلي بشكل جل Gel حتى نخدر اي منطقة من الجلد ، أمام مقلة العين ، داخل الأنف والأذن والحنجرة والأعضاء التناسلية .

Infiltration
ننطي الـ Local anesthetic على شكل injection للمنطقة الي بيها الألم او الراح نشتغل عليها العملية .

Spinal
ننطي الـ Local anesthetic على شكل injection بالـ subarachnoid space .

Epidural
ننطي الـ Local anesthetic على شكل injection بالـ epidural space .

Caudal blocks
ننطي الـ Local anesthetic على شكل injection بالـ sacral canal .

ملاحظة :- جميع ادوية الـ Local anesthetic عدها سلسلة كاربونية بحيث يكون احد اطرافها lipophilic group محب للدهون بينما الطرف الاخر يكون محب للماء hydrophilic group .

تتقسم ادوية الـ Local anesthetic الى مجموعتين اساسيتين :-

Esters :- Cocaine, Procaine, Tetracaine, chloroprocaine and Benzocaine.

هذه المجموعة تتأيض بسرعة بالبلازما عن طريق pseudocholinesterases

Amides :- Lidocaine (Xylocaine), Mepivacaine, Bupivacaine, levobupivacaine, prilocaine, Articaine and Ropivacaine.

هذه المجموعة تتأيض ببطء بالكبد

طبعاُ اكثر ادوية الـ Local anesthetic شيوعاً همه :-
Lidocaine (Xylocaine) .
Bupivacaine (Marcaine) .

ملاحظة :- لازم نعرف بالـ ph الطبيعي , الـ anesthetics راح تكون مشحونة لذلك راح يتفاعل الـ ionized form مع مستقبلات قنوات الصوديوم وبالتالي راح يثبط عملها ونوصل لمرحلة الـ Local anesthetic .

زين واذا منطقة بيها infection ونطيت Local anesthetic شراح يصير ؟

الـ ph راح ينخفض ( راح يصير acid حامضي ) وراح يأثر على الـ onset of anesthetic لذلك التخدير راح يتأخر ومرات مينطي تخدير .
لهذا لازم نعالج الـ infection يله اكدر انطي Local anesthetic .

المصدر :- Lippincott’s_Illustrated_Reviews_O

************
https://t.me/Anesthesia_medicine
************
#Hussein_Taher باز کردن / نظر دهید

2021-07-12 09:28:50 تأثير ادوية التخدير #الوريدية على فسيولوجية الدماغ :-

اول شي ناخذ ملاحظات عامة :-

ملاحظة رقم 1 :- الـ Thiopental و Propofol و Etomidate يقللون من معدل استهلاك الاوكسجين من قبل الدماغ وايضاً يقللون من تدفق الدم في الدماغ .

ملاحظة رقم 2 :- مجموعة الـ Barbiturates تسبب Vasoconstriction تضيق بالأوعية مما يقلل من تدفق الدم في الدماغ ويقلل من معدل استهلاك الاوكسجين من قبل الدماغ في أنسجة الدماغ الطبيعية .

ملاحظة رقم 3 :- يتم إعادة توزيع تدفق الدم إلى مناطق نقص تروية الدم ، والي راح تظل متوسعة (ظاهرة السرقة العكسية reverse steal phenomenon ).

ملاحظة رقم 4 :- الحد الاقصى للنقصان في تدفق الدم في الدماغ ومعدل استهلاك الاوكسجين من قبل الدماغ هو 50–60 % , وبعد ذلك يصبح الـ EEG تخطيط الدماغ الكهربائي متساوي كهربائياً isoelectric .

ملاحظة رقم 5 :- كل هذه التغييرات تؤدي إلى انخفاض في ضغط الدماغ ICP .

ملاحظة رقم 6 :- عندما يتم فتح الجمجمة أثناء عملية جراحية داخل الجمجمة ، فإن تقليل تدفق الدم في الدماغ الناتج عن هذه العوامل يحسن الـ surgical exposure , بالإضافة إلى تقليل ضغط الدماغ , حيث ان الـ barbiturates الها خصائص anticonvulsant مضادة للتشنج .

هسه ندخل بالتفاصيل :-

بالنسبة للـ Methohexital :-
المعروف عن الـ methohexital انو يستخدم لتحفيز المرضى على العلاج بالصدمات الكهربائية (ECT) , هذا الـ methohexital راح يسبب تنشيط مركز النوبات seizure لما نستخدمه بجرعات اصغر واما اذا استخدمنه الـ methohexital بجرعات اكبر فراح يمتلك خصائص anticonvulsant مضادة للتشنج مثل الـ Thiopental .

بالنسبة للـ Propofol :-
الـ Propofol عده صفات تشبهه الـ Thiopental من ضمنها يقلل من ضغط الدماغ وعده خصائص anticonvulsant مضادة للتشنج , ولازم ما ننسى انو الـ Propofol يكون short duration of action ومع ذلك يسبب هبوط بضغط الدم اكثر من الـ Thiopental ، والذي يمكن أن يقلل بشكل كبير من ضغط التروية الدماغي ، خاصة في المرضى الذين يعانون من أمراض القلب .

بالنسبة للـ Etomidate :-
الـ Etomidate ايضاً يشبهه الـ Propofol و الـ Thiopental يقلل من تدفق الدم في الدماغ ويقلل من ضغط الدماغ ومع ذلك راح يسبب اخماد للغدة الكظرية ويرتبط ويه الـ myoclonic movements on administration .

بالنسبة للـ ketamine :-
تختلف تأثيرات الكيتامين عن ادوية التخدير الوريدية الاخرى , حيث يزيد الكيتامين من تدفق الدم في الدماغ ويسبب بتوسع الاوعية الدماغية مما يؤدي الى زيادة في ضغط الدماغ , اضافة الى ذلك , يزيد الكيتامين من نشاط الـ limbic system ويقلل النشاط في مناطق اخرى من الدماغ لذلك يسمى بـ dissociative anesthesia .

بالنسبة للـ Opioids :-
الـ Opioids المواد الافيونية الها تأثير خفيف على تدفق الدم في الدماغ ومعدل استهلاك الـ O2 من قبل الدماغ , وعادة ما يُفضل الفنتانيل Fentanyl على المورفين morphine في التخدير العصبي neuroanesthesia ، لان الـ Fentanyl يكون Rapid Onset و short duration of action بينما الـ morphine يكون عكسه , وايضاً الفنتانيل Fentanyl يكون مفضل بعمليات القلب بسبب آثاره الضئيلة على انقباض عضلة القلب .
ومع ذلك ، قد يؤدي الإفراط في تناول المواد الأفيونية إلى :-
تثبيط في الجهاز التنفسي respiratory depression مما قد يؤدي إلى زيادة الـ PaCO2 وضغط الدماغ .
يصغر حجم بؤبؤ العين .
من الممكن حدوث سكتة قلبية heart attack .

بالنسبة للـ Benzodiazepines :-
مجموعة الـ Benzodiazepines تقلل من تدفق الدم في الدماغ ومعدل استهلاك الـ O2 من قبل الدماغ ولكن بشكل اقل من الـ Barbiturates وعادة ما تكون الـ Benzodiazepines هي عوامل الاختيار الأول لعلاج النوبات seizures , واضافة الى ذلك الـ duration of action يعني مدة العمل للـ Benzodiazepines تكون اطول مقارنة بعوامل الـ IV induction الاخرى .

بالنسبة للـ Muscle relaxants :-
المرخيات العضلية مراح تأثر بشكل مباشر على فسيولوجية الدماغ , ومع ذلك ، فإن بعض المرخيات العضلات تسبب تحرير او اطلاق الهستامين release of histamine مما يسبب توسع الأوعية الدماغية وزيادة في تدفق الدم في الدماغ وزيادة ضغط الدماغ .

ملاحظة :- السكولين يزيد من نشاط الـ muscle spindle مما يؤدي الى زيادة عابرة في ضغط الدماغ , وعادة ما يتم تخفيف هذا التأثير عن طريق إعطاء IV induction agent بشكل مسبق أو جرعة صغيرة من مادة مرخية للعضلات غير مستقطبة nondepolarizing muscle relaxant .

المصدر :- Basic Clinical Anesthesia / جابتر 29 / صفحة 402

************
https://t.me/Anesthesia_medicine
************
#Hussein_Taher باز کردن / نظر دهید

2021-07-11 21:54:26 عندما تشعر انك على وشك الاستسلام ، فكر في أولئك الذين يتمنون رؤيتك
فاشلاً ، كُن قوي .

When you feel you are about to give up .. Think of those who wish to see you fail باز کردن / نظر دهید

2021-07-10 21:06:07 الصدمة أنواعها , مسبباتها , أعراضها , كيفية التعامل معها باز کردن / نظر دهید

2021-07-06 13:16:59 شنو تأثير الـ methemoglobinemia على قراءة الـ pulse oximeter ؟

اول شي خلونا نعرف شنو الـ methemoglobinemia :-
هو اضطراب في الدم حيث توجد كمية غير طبيعية من MetHb في الدم ( أكبر من 1.5٪ )

زين شنو الـ MetHb ؟

MetHb Methemoglobin ميثيموغلوبين

الـ MetHb هو شكل من أشكال الهيموكلوبين يحتوي على الحديد (+Fe3) بدلاً من الحديد الطبيعي (+Fe2) في جزيء الهيموكلوبين .

هذا النوع غير الطبيعي من الهيموكلوبين غير قادر على ربط الأوكسجين (O2) ويسبب ضعف إطلاق الأوكسجين من مواقع ربط الـ O2 الأخرى.
وهذا راح يمنع إمداد أنسجة الجسم بالأوكسجين وينتج عنه تحول منحنى تفكك الأوكسجين - الهيموكلوبين ( O2-Hb dissociation curve) إلى اليسار .

زين شنو اسباب الـ methemoglobinemia ؟

يمكن أن تكون Methemoglobinemia موروثة أو مكتسبة , لكن السبب الاكثر شيوعاً هو التعرض للأدوية أو المواد الكيميائية مثل :-
بعض ادوية الـ local anesthetics مثل benzocaine و prilocaine و procaine و lidocaine
بعض الادوية الي تسبب توسع بالاوعية vasodilators مثل nitroglycerin و nitroprusside
بعض ادوية الـ antibiotics مثل sulfonamides و benzene compounds و aniline dyes .
ملاحظة :- الصفة المشتركة للكل هي وجود ذرات النيتروجين , حيث ان النيتروجين قادر على استخلاص الإلكترونات من الحديد ، مما يؤدي إلى تغيرات في +Fe2 إلى +Fe3 .

شلون تأثر الـ methemoglobinemia على قراءة الـ pulse oximeter ؟

مع زيادة مستويات الـ methemoglobinemia في الدم ، تنخفض قيم الـ pulse oximeter حتى يقرأ SpO2 حوالي 85٪ , عند هذه النقطة لا تنخفض قراءة SpO2 بشكل أكبر على الرغم من أن كمية MetHb قد تزداد أكثر ويكون تشبع HbO2 الحقيقي أقل بكثير.
في هذا المستوى من قراءة الـ pulse oximeter ( يعني من صارت قراءة الـ pulse oximeter حوالي 85% ) يمكن أن تكون كمية الـ MetHb حوالي 35% او اكثر .
ملاحظة :- الـ pulse oximeter العادي يستخدم طولين موجيين من الضوء ويقارن نسب الامتصاص بالبيانات التجريبية.
ملاحظة :- أنواع الهيموكلوبين المختلفة لها معاملات امتصاص مختلفة وفي MetHb تقارب نسب الامتصاص 1 عندما تكون نسبة تشبع الاوكسجين حوالي 85% .

زين واذا واحد اشتبه بوجود methemoglobinemia شنو الاختبار الي يثبت ذلك ؟

يجب إجراء قياس مباشر للأوكسي هيموغلوبين oxyhemoglobin عن طريق co-oximeter blood gas analysis , لأن الـ pulse oximeter العادي مراح يكشف الـ MetHb ولا يحدد SpO2 بدقة عند وجود MetHb .

الـ co-oximeter يستخدم أربعة أطوال موجية مختلفة للضوء ويتم قياس كمية أربعة أنواع من الهيموكلوبين والي همه :-
Oxygenated Hb
Reduced Hb
MetHb
COHb
حيث يكون تشبع أوكسي هيموغلوبين oxyhemoglobin saturation هو النسبة المئوية لـ HbO2 لجميع الأنواع التي تم تحديد وجودها.

المصدر :- DUKE’S ANESTHESIA / جابتر 21 / صفحة 145

********
https://t.me/Anesthesia_medicine
********
#Hussein_Taher باز کردن / نظر دهید