2023-02-17 22:04:18
نقلاً عن الأستاذ #أيمن_الفيومي
كل مرة عم اكتب فيها عم حس بإحساس كتير غريب وكتير حلو بنفس الوقت
احساس عم يعطيني القوة يلي بآخدها منكون طلابي واخواتي ورفقاتي يلي عم كون معكون اكتر من عيلتي
التعب بروح مجرد نلاقي الضحكة الحلوة على وجوهكون بس تطلعوا وتخبرونا انو عملناها وأخيراً
تأكدوا منيح انو الملائكة يلي حمت هل البلد ووقفت مع اهلها وقت الأزمة وكل المصايب هي معكون لتحقيق حلمكون
حتى دعوة كل أم وأب بنص الليل مالح تروح عالفاضي الكل واقف معكون وعم يسندكون لحتى تفوتوا على الامتحان وتطلعوا مرفوعين الراس وتكسروا كلشي صعب مريتوا فيه
كم يوم ورح تبلشوا الشي يلي بديتوا في رح تكملوا لآخر نفس
قوتنا مناخدها منكون لا تضعفوا ابدا وضلوا متل جبل قاسيون ما بتهزو الريح ، كونوا متل مية الشام عم تعطي بقوة من دون ما تتعب رغم كل شي
الله وملائكتو يكونوا معكون يا أملنا ، قلبنا وروحنا معكون
ولا تنسوا انو انا كمان أخوكون أيمن الفيومي ولح كون لآخر الدرب معكون
وهي الخطوة الاولى من مشواري الجديد معكون يا عيلتي التانية
ربي يوفقكن يا اخواتي
رابط قناتي على التيلجرام لتبسيط وشرح العلوم
https://t.me/mahmodyss
1.1K viewsMohammad Al Aali, 19:04