2023-02-13 00:23:03
#الدعم_النفسي_للطلاب_بعد_الزلزال
بالبداية الله يرحم كل الشهد اء ويجعل مثواهن الجنة ويشفي كل الجر حى ويصبر أهالي المناطق المنكو بة
هي السلسلة أنا قررت اعملها ورح تكون عدة بوستات ان شاء الله لحاول ساعدكن فيها لترجعوا ع دراستكن تدريجيا(لانو اذا قلتلكن فوريا بكون عم اضحك ع حالي بصراحة)
/بعتذر ع طول المقدمة/
#الجزء_الأول:
الزلزال يلي صار انت وانا وكلنا مالنا ذنب فيه وبعرف اغلبيتكن عم يحس بالذنب والعجز وانو مو قادر يعمل شي وهو عم يشوف كل هل فيديوهات المرعبة
لذلك أول خطوة لازم تبلشوا تعملوها انو تزرعوا هل فكرة براسكن انو انتو مادخلكن بشي وغير مذنبين أبدا بالشي يلي صار
وشو ماساعدت ولو بنقطة ع بوست مساعدة بالزلزال فانت مساهم وانتو طلاب بكلوريا بالأخير مانكن مؤثرين ع السوشيال ميديا لتلوموا حالكن بالتقصير
بالعكس هدوك الناس هني يلي لازم يلوموا حالن ويخجلوا
النقطة التانية: ايا توقف للدراسة لسبب نفسي مافيك ترجعلو بشكل مباشر وهدا يلي عم يزيد احباطكن أساسا
يعني بتجوا بدكن تدرسوا متل قبل فورا وهدا شي صعب
رح اعطيكن مثال بسيط:
وقت تكونوا سايقين سيارة ولقيتوا مطب قدامكن بالطريق مارح تخففوا السرعة لتعدوه؟
احتمال تكونوا ماشيين بسرعة ١٠٠ تنزلوا لل ٢٠ اجباري
نفس الشي حاليا اذا كنت عم تدرس ١٠ ساعات فعادي يادوب تدرس ساعة او ساعتين
المهم ترجع تدرسيا ولو بشكل بسيط
النقطة التالتة: الكارثة يلي صارت وقفت كل التعليم بسوريا فلا تخاف انت كطالب انو انت الوحيد المتأثر
لا لا اغلب الطلاب تأثروا ووضعن صعب متلك
انت مانك لوحدك وهدا الشي لازم يعطيك شوية شعور انو انت مانك مقصر " حاليا"
نكمل بالنقاط الجاية كرمال مايصير البوست مقالة
وهي مكان التواصل اذا حدا من الطلاب حابب يتواصل معي
https://www.instagram.com/mohammad_al_aali/
انشروا رابط القناة:
https://t.me/Tedlassosyrian
880 viewsMohammad Al Aali, 21:23
ب
