2022-04-23 19:13:26
اسكريبت النهاردة
طويل شوية بس هيفيدكوا اتمنى تقرأوه
ليه الارتباط حرام ؟
-أول حاجة ربنا ذاكر في القرآن الكريم وقال بسم الله الرحمن الرحيم (ليس البر بأن تأتوا البيوت من ظهورها ولكن البر من اتقى و أتوا البيوت من ابوابها واتقوا الله لعلكم تفلحون) وقال عزوجل (ولاتواعدهن سرا)
يعني معني الكلام انك مينفعش تكلم بنت من ورا اهلها تحت مسما الحب بتحبها بجد يبقى تدخل البيوت من ابوابها زي ما ربنا قال. وكمان الحب ده لو بدأ بطريقة غلط وربنا مش راضي عنه مش هيتم وانت اللي هتتعب في الاخر وقلبك هيوجعك. وكمان مينفعش تكون عارف كلام ربنا وانه نهي عن كده وتعمله. هو انت ينفع تخلي ربنا اهون الناظرين ليك. اكيد متحبش كده صح. وكمان ربنا بيحبك ينفع الانسان منا يزعل حبيبو. اكيد مينفعش. بتحب بجد يبقى لازم تحافظ على اللي بتحبها من نفسك قبل الناس. لازم تخلي بالك عليها مش تجرها معاك لعصيان ربنا لازم تحافظ على بهجة قلبك لان كتر الكلام مع البنات والارتباط بيهم بيخلي قلبك يفقد بهجته.حافظ على قلبك لبنت واحده بس وهي اللي هتكون قرة عينك ان شاءالله في المستقبل
_بس ده هيكون تعارف بس مهيكونش في اي حاجة تانية تغضب ربنا
_وانت اي عارفك انك كده مش بتغضب ربنا اي اللي عارفك انك مش هتتكلم معها وتتعدد حدودك مهو زي ما الشيطان خلاك في البداية تكلمها وتقول ده تعارف يبقى ممكن يخليك تعمل حاجة تندم عليها بعد كده صح ولا لا. طب بص هسألك سؤال لو اختك جت في يوم وقالتلك انا بحب شخص عرفته على الفيس وبنتكلم كل يوم من غير محد يعرف لحد الفجر بس هو لسه مش جاهز يتقدم دلوقتي هتعمل اي؟
_الصراحة عرق النخوه هيقوم علياوهضربها وهاخد منها التليفون لاني عارف الاشكال دي كويس وعارف انه كده بيلعب بيها
_شوفت اديك رديت على نفسك بيلعب بيها ليه انت كمان متكونش بتلعب بالبنت اللي بتحبها
_لا انا غير انا لما بوعد بوفي
_ويتري وفيت بوعودك قبل كده
_الصراحة لا بحس ان مفيش حد منهم يستهل لاني ببق بتسلى مش اكتر
_بتتسلى ؟تعرف ان البنت اللي كلمتك دي وحبتك ممكن تكون انت اول شخص يدخل حياتها عشان كده صدقتك وحبتك وانت بعد كده تقولي بتسلى وتخذلها وتعقدها يعني انت شايف ان ده مش حرام وغلط انك تعلق حد بيك كده وبعد كده تسيبه
_انا مقالتهش تتعلق بيا
_طب عشمتها بالحب ليه من البداية
_عادي كل معظم الشباب بتعمل كده
_طب يوم القيامة هم هيجوا يتحسبوا مكانك.اكيد لان كل انسان منا هيتحاسب لوحده
_بصي انا ممكن اكلمها وبعدين بق ياحبتها يا اما لا يعني الاول نحب بعض وبعد كده اروح اتقدم
_تعرف عشان كده الخطوبة احلى من الارتباط عارف ليه لان الخطوبة ليها ضوابط انت وهي بتمشوا عليها وبتحاولوا متتعدوهاش وبكده مبيكونش في تجاوزات اما الارتباط مبيكونش في اي ضوابط وبتتكلموا في كل حاجة وتهزروا وتقولوا كلام مينفعش اصلا يتقال تعرف انت لما تكتب كتابك بس هتحس انها ملكك هتحس بحاجة غربية جواك. هتحس انك ممكن تكلمها في اي وقت وتضحك معها من غير اي حاجز فكر كويس وراجع نفسك قبل فوات الاوان
39 viewsNareman, 16:13
ح
