🎓كيمياء🎓تالتة ثانوي⚡zakir⚡

2021-07-30 01:14:58 نتمني لما طلاب علمي يخلصوا ع خير بإذن الله
ما يحصل منهم زي اللي حصل من بنات وولاد بعض النماذج من اخواتنا ف أدبي، ربنا يتوب عليهم يارب
من حقك تفرح وتعمل اللي انت عاوزة، بس ملهاش لازمة تبقي خارج من امتحان وبتدعي ربنا يوفقك ولسة نتيجتك بين ايده وتعصي ربنا بعدها، مش منطق يعني، اعرف ربنا ف السراء والضراء مش وقت بس ما تكون عاوز تنجح ويكرمك ويوفقك، اه مش عيب انك تروحله وقت ما تكون مذلول ومحتاج، لكن يعني من باب الحياء امام الله انك تعرفه وقت شدتك ومحنتك ووقت ما تنتهي منها لازم برده تفضل قريب منه والشيطان ما يضحك عليك

ف اللي حصل من بعض النماذج انهاردة سواء ولاد او بنات ورقص وقلة حياء وكلام فارغ بجد
نتمني ما يحصل من باقي اخواتنا ف علمي، افرحوا وانبسطوا بس كل جروب لوحده، يعني اخرجوا من آخر امتحان خلاص كفاية الفرحة ف قلبكم لحد ما ترجعوا البيت صلوا ركعتين لله تشكروه فيها
وبعد كدة الشباب مع بعضها اللي مخططين يعملوا أي شيء مع بعض، وكذا البنات برده بدون معصية لربنا

بعتذر اني طولت بس الموضوع مهم
وملاحظة بسيطة أنا مش بقلل من طلاب أدبي نهائي والدنيا كلها فيها نماذج طيبة ونماذج تانية ربنا يتوب عليها يارب ويهديها
لكن بحاول اوجه النصيحة للعلمي لأنهم اللي ف الصورة دلوقتي يعني

نورت
بالتوفيق باز کردن / نظر دهید

2021-07-28 00:56:56 في حالة انك متدايق انك مغشتش وغيرك غش..
او انك مثلا شايف انهم هيجيبوا مجموع عالي وهيعلوا التنسيق
ربنا مش هيكرمهم والله ليشوفوا أثر الغش ده في الدنيا قبل الآخرة
وعند الله تجتمع الخصوم باز کردن / نظر دهید

2021-07-20 01:18:14 كل عام وانتم بألف خير وصحة وسلامة يارب وان شاء الله السنة الجاية تكون افضل واحلى على الجميع يا رب اللهم آمين ويكون كل واحد في الكلية اللي نفسه فيها يا رب يا رب ربنا يسعدكم وييسر لكم كل عسير ويرزقكم الفرحة وراحة البال يا رب يجُمال
افرحوا بالعيد وانزلوا صلوا العيد مع الكل لو قرايبكم جم سلموا عليهم اقعدوا معاهم شوية واستأذنوا .. خدوا عدياتكم هاااا اوعوا تسيبوا حقكو
واقعدوا ذاكروا بعد كده
بالتوفيق يا لُطاف باز کردن / نظر دهید

2021-07-19 03:40:55 كل عام وانتم بألف خير وصحة وسعادة دايما
أنا عايزة منكم دعوة ف يوم عرفات ياريت تدعو كتير ليكو وليا طماعة سيكا معلش
و بما أنكو مستجعلين على الخروج من القنوات فياريت نكون مع بعض علي الفيس علي طول وتكونوا أول دفعة و أصعب دفعة اشتغلت معاها وكنت مسئولة عنكوا قبل ما أكون مبسوطة معاكوا ومرت أوقات كتيرة صعبة مع بعض سواء كلية أو سفر أو شيتات(واجب) أو إمتحانات أو عزا حاولت بقدر الإمكان أنه مش يأثر عليكوا وفي حاجات مش في أيدي زي الكتب الخارجية أو مذاكرات المدرسين كلنا عارفين أنها بتنزل علي معظم القنوات وهي بتكون معايا من قبل ما تنزل علي التليجرام بس أصحاب الكتب مش موافقين ( حرام) وعلي الجانب الآخر مدرسين ساعدت كتير زي مستر ممدوح و إسراء و الاء وعبد الرحمن و محمد و أبو بكر ومس سمر .
لله فقط كل الادمن بلا إستثناء ليهم كل الشكر والتقدير والاحترام و عايزة أشكركم على الثقة و الإحترام طلاب و معلمين وأولياء أمور
بس علشان لو حد مستجعل علي خروج نصيحة لو طالب/ة جاب نتيجة كويسة أو دخل كلية معظم الطلاب كانوا عايزين يدخلوها ياريت ياريت تطلعوا صدقة يوم النتيجة

https://www.facebook.com/zakir3sec/ باز کردن / نظر دهید

2021-07-18 17:21:42 https://www.sarhne.com/messages.html
شباب بتسمعوا مين شرحه كويس في الفيزياء بس يكون سريع يعني مش ساعتين و تلاتة
"شرح مش مراجعة عشان في دروس واقعه خالص" باز کردن / نظر دهید

2021-07-18 05:51:47 هو بعيدا عن المحتوى بس مهم جدا جدا النهاردة وبكرة
رجاءا يشباب تدعوا كتير اوي
ورجاءا لا تنسوني من صالح دعائكم لعل أحدكم من أقسم على الله لأبره
ربنا معاكم يا رب ومعانا ونخلص منها على خير باز کردن / نظر دهید

2021-07-18 05:51:46 بسم الله، والحمد لله، وبعد..

**مهم اتمنى تقرأوه للآخر..

بأمر الله يوم الإثنين هيبقى يوم عرفة، وطبعًا كلكم عارفين فضل اليوم دا فمش هتكلم فيه كتير..
بس قبل ما أتكلم ف الموضوع المهم ال عوزاكم تاخدوا بالكم منه هنبه على أمرين

- يوم عرفة دا مش للتنظيف، ولا للأكل.. دا يوم للعبادة؛ لأنه الملك سبحانه وتعالى بيتجلى ف اليوم دا في النهار إلى السماء الدنيا

- أرجوكم أرجوكم.. بلاش نمسك الفون ف اليوم دا لأي سبب مهما كان
دا أكتر يوم يُرجى فيه العتق من النار
هو يوم واحد هات/ي آخرك لعلك تُعتق من النار
وهتاخد أي أكتر من إنك تُعتق!!

أنا جايه أكلمكم بقا مش عن فضل يوم عرفة ال صيامه بيكفر سنة قبله، وسنة بعده
ولا علشان هو يوم العتق، ويوم إجابة الدعاء إن شاء الله

هكلمكم عن الدعاء ف اليوم دا.
النبي ﷺ قال خير الدعاء دعاء يوم عرفة :)

مبدأيًا.. هتقسم الدعاء لأربع أقسام (مع التركيز على أكتر كام دعوة محتاجهم في حياتك.. سواء دين أو دنيا)

الدعاء هيتقسم كالآتي:
1- لنفسك : ودا بيشمل إنك هتدعي لنفسك دعوات ف دينك وآخرتك، ودعوات ف دنيتك
زي أي الدين والآخرة؟
(الهداية / العتق / صلاح حالك وقلبك/ الجنة/ حفظ القرآن/ حسن الخاتمة/ المغفرة... إلخ)

طيب والدنيا؟؟
"نخلي بالنا إنه دعوات الدنيا برضو نبتغي بها رضا الله"
(الزوج/ـة الصالح/ـة،، الذرية الصالحة، الصحبة، عليك دين.. مريض.. مكروب.. إلخ)

2- تاني قسم ف دعائك هيكون للأهل
وبيشمل :
- الوالدين (ودا من تمام البر بيهم.. ادعيلهم بالهداية،والعتق، والرضا وو..)

-اخواتك (بالأزواج الصالحين، الذرية، الرضا، المغفرة... إلخ)

-باقي عيلتك (أنا عارفه إنه ممكن يكون في خلاف بينك وبين عيلتك بس ادعيلهم لعل الله يتقبل دعائك ويصلح حالهم، واعتبره من صلة الرحم)

3- تالت قسم هتدعي لصاحبك
سواء صحاب سوشيال أو ع أرض الواقع
ادعيلهم بقا بخيري الدنيا والآخرة

4- رابع قسم هتدعي للمسلمين والمسلمات جميعا
ودا بيشمل جيرانك، والمكروبين، والمسحورين، والمُستضعفين ف كل مكان، والمعتقلين مش ننساهم طبعًا، والأموات.. إلخ
وادعي بصلاح حال الأمة الإسلامية.

هنبه على كام نقطة
- وأنت بتدعي ادعي دعاء المُضطر.. دعاء حد بيغرق بجد ومحتاج ربنا ينجيه

-مهما كان طلبك مستحيل ادعي ومتخليش الشيطان يضحك عليك

- تباكى في الدعاء لحد ما تبكي وتعيط بجد
أرِ الله ذلك وانكسارك وضعفك

- وأنت بتدعي لغيرك.. كأنك بتدعي لنفسك
ألح بالدعاء

- ادعي بقلب حاضر، ادعي وكلك يقين إنه ربنا هيستجيب لدعائك.

-افضل ادعي وألح وعيط وتذلل لله
انطرح على بابه، اطرق الباب لعله يُفتح لك من كثرة القرع

-لو هتطلب من حد بدعيلك ف لا تتواكل وتظن إنه الشخص دا ولي من أولياء الله دعاؤه بس ال هيجاب
رب أشعث أغبر لو أقسم على الله لأبره

- وأنت بتطلب من حد الدعاء.. خد نية إنه ينتفع بدعائه لك

- لما بتدعي لغيرك في ملك بيقول ولك بالمثل

cpd باز کردن / نظر دهید

2021-07-17 09:36:54 ادعوا كتير النص ساعة دي وادعوا لي معاكم باز کردن / نظر دهید

2021-07-17 09:36:10 متنسوش يحلوين ها باز کردن / نظر دهید